أين هب الرواتب؟؟؟؟

أين هي الرواتب؟؟؟؟ أليس ظلم بأن نعمل شهر 9 كاملا ولا ترضى صاحبة الروضة اعطائنا رواتبنا؟؟؟ أين العدل ؟؟ أين الوزارة عنها؟؟؟
أنا موظفة أعمل بمدرسة الروابي وصاحبة العمل لا تريد اعطائنا حقنا بالرغم اننا عملنا شهرا كاملا ولم تعطنا شيئا؟؟
والرواتب الضعيفة 100 دينار أليس ظلما؟؟ والله نستحي أخذ هذا الراتب لولا الحاجة الحمد لله كأننا شغالات واقل من ذلك !!! المشتكى لله .. حسبي الله ونعم الوكيل .. الله ياخذ الحق من كل ظالم ....

حسد

بسم الله الرحمن الرحيم
قل اعوذبرب الفلق من شر ما حسد ......
اعمل في الروضةو الحمدلله راتبي 150
و ما اشوف مدخول الروضة ب3000 الاف

مسؤلية الحكومة

ياعالم الروضات مسؤلية الحكومة لأن واجبها تدريس الشعب صغارا وكبارا وإذا كلا ولابد عليها دعم الروضات مو بس شغلتها اتراقبهم في كل شيء

بحرينى قنوع

والله على ايامنا مافى روضات ونهب فلوس ودخلنه الحمدالله المدارس وعقلنه متفتح والحمدالله تخرجنه بسلام الحين الروضه صارت اجبارى ومصاريفها تهد الحيل على امثالنا وصلت ل 50 دينار غير المصروف ليش يعنى حتى غلاء المعيشه ماتهنينه فيها كأن غرض

ولي أمر

والله دفعنا رسوم شهر 9 من شهر 6 ومعظم الروضات اندفع ليها الرسوم مقدما

الفلوس تعمي لقلوب وشوفو الظلم لوين

اذا بطالعون الرواتب طالعو اول البوق اللي يحصل داخل الروضات من قبل الادارة للاطفال مساكين من رسوم قرطاسية ورحلات بدينارين ونصف ويعطى الطفل للعب دينار واحد بدون وجبه ودينار ونصف في مخبى الروضة والقرطاسية 20 او 25 على قلم طول صبعة الطفل الصغيرة يكتب به الواجب وغيرها من البوق وين حق الطفل او المدرسة تعمل مدرسة وعاملة في وقت واحد اني شفت بعيوني مدرسة ولدي تكنس صفها وتقطع الفاكهه وتدرس . مدرسة وعاملة في آن واحد ( شامبو وبلسم 2 في واحد

كل من يغني على شقى ليله

اللهم صل على محمد وال محمد
بغض النظر عن الظلم , اللي نعرفه الدوله ملزومه بتصحيح الاوضاع والمساعده , لتحلطم وايد والهدره بدون داعي ما تفيد اللي يفيد الفعل , صدق المثل اكثر الشعوب ثرثره هم العرب ,

رياض الاطفال مضلومين من زمان....

مدرسات رياض الاطفال مضلومين من زمان محد افتك فيهم لاوزاره العمل ولا مديرات الروضه....في رياض ملك لاصحابها وفي رياض اجار.....انا اتمنى من صحيفه الوسط تكتب موضوع يخص حقوق مدرسات الرياض ويكون هناك مراقبه من قبل وزاره العمل .وان يعرف الجميع ان مدرسه الروضه لا يقتصر دورها عن مدرسه الحكومه.....وان اليها حقوق مثل باقي المدرسات الحومي.مدرسات الحومه تحصل راتب 3 شهور وهي قاعده ..والله حرام واحنا ولاشي لا تامين لافتره رضاعه,لاراتب زين,لاراتب في الاجازات والله حرام

اذا المديرات تتطلب فنحن احق( مدرسة)

احنا المتظررين يا مديرات قاعدين في البيت بدون راتب اما انتم عندكم . كفاية رسوم التسجيل والقرطاسية اللي تخشون بها الناس ورسوم الشهر 30 او اكثر وبيع زي الروضة بعد ولي الامر ما بيسجل ببلاش ولا بياخذ القماس ببلاش اقلها ولي الامر بيدفع اول شهر 70 دينار . والحين اجازه ورواتب مدرسات مو عليكم واستهلاك كهرباء جدا قليل . استحوا وخجلو

اي مصاريف يتحدثون عنها المديرات

اتقوا الله يا مديرات وبدون طمع . الحين اللي اتسجلو عندكم عطوكم مال شهر 10 اي عندكم مبلغ الاجار ولا بتعطون منها رواتب للمدرسات ولا شىء حتى الكهرباء ما في اطفال علشان تعمل الكهرباء واجد علشان تقولون مصاريف

ردا على زائر 18

نعرف ان الروضة وراها مستلزمات اخرى غير . واقول ليش مثل ما انتين تريدين ربح من الروضة المدرسة بعد تريد زيادة في راتبه بدال مجهوده وخدمتها طوال هالاسنين

أصحاب الجيوب المملؤة

لا لدعم الروضات وإذ فيه دعم فليعطى لمدرسات الروضة ومن متى طلع قانون عدم دفع مقدم أطفالي ف روضتين مختلفتين دفعنا مقدم شهر 9 و6 وهذا شرط التسجيل وإذا تأخرنا في الدفع يطرشونا لنا رسالة ويتصلون يطالبونا بالرسوم وبخصوص مدخول الروضات فحدث ولا حرج وياليت اللي تقول الروضات رسومها 20 ممكن تخبرنا وين صايرة هالروضات ؟؟؟ أدفع رسوم شهرية لطفلي 33 دينار بدون مواصلات وابنتي الثانية 32 دينار مافي روضة أقل من 30 دينار .. الروضات اللي أعرفها كلها ملك لأصحابها إلا مانذر فشلون تراكمت الديون؟؟؟

بلا حسد

الحين صار ليكم زمن طويل وانتون تدخلون من هي الفلوس وبايقين الناس واليوم وقفو الدراسة شهر سويتون كل هي المصايب
بس انتون غيرانين من معلمات الروضة لنهم بحصلون الكثر من الى تعطونهم ايها
شنو مدرسة معاشها 66 دينار
هدي خدامة

رد لزائر 18

ما لة داعي نذكر أسماء روضات إدا تبي تعرف انا رايح بنفسي وزارة العمل وجايف الاستمارات اللي يملونها المدرسات في قسم التأمين ضد التعطل وشفت يا طيب متخرجات بدبلوم غير الشهادات الي عدهم وراتبهم 60 دينار مع العلم أن العقد الي جايبتنة يذكر أن الراتب أدنى حد هو 100 وأزيدك من الشعر بيت معاهم صاحبة الروضة وتقول ليهم كتبو الراتب أكثر بس المدرسة ما وافقت وتقول المدرسة والله لوما الظروف والحاجة ما أشتغلت مدرسة في الروضة

رد للزائر رقم 18

من الزائر رقم 12
ألحين جزاة الخير أقول لهم حتى علبة كلينكس ماتبون تدفعون يعني أقصد الأهالي مو أصحاب الروضات.

لماذا كل هذا الحقد كله لزائر 3+4

لماذا التعميم للروضات بأكملها يمكن في مدرسات مظلومين في بعض الرياض ولكن ليس الكل فالمشكله هنا التعميم احنا بعد انشوف ان في بعض المدرسات يبون بس معاشات ولا يهتمون بالطفل وتدريسه واول سؤال في المقابلة كم الراتب ما تسأل عن المسئولية والوظيفة التي على عاتقها تبه بس معاش من غير مراعاة للضمير في العمل

مصلحة

ويش هذه الروضات يدورون مصلحتهم ويبون يفتحون الروضات قبل مايوصل اللقاح كله عشان الفلوس الكل يدور مصلحة نفسه وينسى مصلحة الاطفال

حرااااااام

صار لي 9 سنوات اشتغل فى الروضه ومعاشي كل سنتين أوثلاث يزيدونه 5 دينار كان50فى البدايه وبعد 9 سنوات وصل الى 90 ياناس وبدون تأمين والروضه رسومها مو قليله واللي تحصله كل شهر مو قليل بس ما اقول الا حسبي الله على كل ظالم يمهل ولا يهمل جاء اليوم اللي فيه أصحاب الروضات يحسون باالمعانة اللي نعانيه واحنا ننتظر زياده راتب يستاهلون

ليش مالحكومة

ليش مالحكومة تبني المباني للروضات نفس المدارس ورواتب المدرسات والعاملات عليها وجذي يروح الطفل الروضة ببلاش ويكون نفس مدارس الحكومة واذا الحكومة مو راضية ليش اتخلونهم يفتحون روضات وتخلون الناس اتخسر مع ان الروضة اساس التعليم والمفروض تكون تحت اشراف الوزارة من رواتب ومبنى ودراسة ياريت تتحقق الأمنية.

اتقوا الله

اتقوا الله تبغون بثلاثين دينار الحضانة توفر كلينكس حق جهالكم؟ماتبغون بعد توفر لهم حليب و حفاضات.ثلاثين دينار يتحملون في الجهال لمدة شهر؟مادروا شلون انتوا تفكرون؟
انا ولدي في حضانة مساكين مايسوى عليهم هالثلاثين دينار.
بس يلله شعب البحرين المتحلطم مالهم حل

رد على الزائر 2،3، 8، 12

ليكون عبالكم الروضات ما وراها ملمدرسات صاريف، ياريت هيك لعاشوا بنعيم. إذا فتحتون روضات بتحسون.
يمكن في زمن اجدادنا الـ 25 تبني لها بيت.وأي روضة اللي تعطي معاش 80 دينار ، إذا كلامكم صدق ذكروا اسم الروضة، أقل من 100 دينار ما في. ما كنت اتصور المدرسات مليانين حقد.
اتمنى النظر في ظروف الروضات وتتقدم لهم المساعدة العاجلة

مسكين اطفالنا

اهم شي بصراحه تفتح الروضه لان اتمللنا وحتى اطفالنا اتمللوا
خلوهم اروحون الروضه

مدرسة

انا اقول الروضة اللي تقدر مدرساتها هي الوحيدة اللي تستحق النظر في أمرها ..
مو لأربع وخمس سنين خدمة (على اقل تقدير )في روضة والراتب هذا هو ما يتغير احنا مو في عصر العبودية ..
وزائر رقم 4 .. ليش انت جم تدفع رسوم شهريه علشان تبي الكلينكس والهدية من ضمن خدمات الروضة .. ابيك تقضي يوم واحد معانا في الروضة علشان تشوف بعيونك الاقلام والالعاب والالوان اللي تتكسر والممحاة اللي تنأكل ونسيت الكراسي و غيره وغيره ...
انا ما اقول اني مو مظلومة كمدرسة ولكن اقول ما يحدث في داخل الروضة..

مديرة روضة

الزوار الكرام خلو نفسكم بمكان اصحاب الروضات أعني روضات الطبقة الفقيرة والمتوسطة الي رسومهم 20 الى 30 متوقعين المدخول بلألاف هذا زين اذا كان المخول بعد المصاريف 1000دينار بس شهل كلام الفاضي الي تتكلمون عنه المفروض الحكومة هي تعمل مباني وتصرف عليهي وتدفع رواتب احنى متحملين كل هذه الأعباء وبعدكم موراضين علىفكرة المدخول يذهب جزء الى الصيانة والصباغة وايجار العطلةوشراء العاب بدل الي يكسرونها اولادكم حطوا الله بين عيونكم من تكلمون بالاضافة الى متطلبات ادارة رياض الاطفال الي ما تنتهي

الله يعطي كل واحد على نيته

انتو يا مدرسات الروضة أدرى وش اللي تستاهلونه لان هذيل اللي تظلمونهم أطفال أقل من سبع سنين يعني ملائكة والله غير القلة القليلة منكم الله بس هو ياخذ حق ها الاطفال منكم

صدق ظالمينا بس الله يعينهم

من ظلم الروضات او بالاحرى بعض من الروضات ما تزيد راتب المدرسة الا بالمطالبة . لا واذا بغت تزيد الراتب 5 دينار فقط حق تشتري لها علوج . ونعال عند ما تطلب هالمسكينة الزيادة يذلونها ذل علشان يزيدونها. والحين جار الزمن عليهم يطلبون المعونة

رد للزائر رقم 3

ألحين تودونهم مدارس خاصة وتدفعون مئات الدنانير حلو وبارد، وعلبة كلينكس ب200فلس تقومون القيامة.

لست ضدد دفع رسوم الروضة...؟!

لست ضدد دفع رسوم الروضة...؟!
ولكن اين الحل في أن ادفع من غير مقابل ...أوليس من العدل ان يكون وجود الطفل في الروضة لندفع المقابل .. لذي اقتراح الرواتب من الحكومة في حالة الكوارث والاوبئة التي تستدعي أو تفرض على الموظفين وتكون الرواتب مما استقطع من رواتب الموظفين"راتب التعطل"...!!!!؟؟؟

رد على زائر 2-3 الحلوين

زائر 2-3 الله يعطيكم على قد نيتكم السوداء لأنكم تعمموا على الكل القهر الا فيكم

80 ديناار!!!!

صدق مدرسات الروضات يتعبون ويا الاطفال ويا ادارة الروضة وفي الاخير رواتبهم على 80 دينار والله ظلم

رد على زائر 2-3

ولية أمر الصراحة الله يساعدهم على المصاريف والالتزامات الا عليهم لأن الرسوم قليلة الا يأخدونها مقابل الخدمات التي تقدم الى الاطفال من يتحمل الحين في الزمن يدرس و يجود و يعتني و يهتم بطفل واح لو بس ننظر اليهم من جانب المادي فقط و تعبهم كل يروح هم مو فاتحين روضاتهم صدقة جارية هم يترزقون الله حالهم حال غيرهم في ناس فيهم ماعدهم بيوت الى الحين يسكنون في أجار الله يوفق الجميع مانتمنى الى احد المضرة

رد الى زائر 3+4

هل تريدون الروضة بالصرف على أولادكم ؟ وهذه الأشياء خاصة لاطفالكم مساكين أصحاب الروضات يتحملون أعباء كثيرة منها الايجار والكهرباء الخ واذا على علبة الكلينس والمتطلبات حتى المدارس لهم نفس الطلبات وأكثر

لاحياة لمن تنادي

اثير الموضوع من قرابة الشهر والى الان ماوضعوا اى حل اصحاب الرياض يكتنزون لكن العاملات على قولتهم ولسن المدرسات اللتى يخرجن من بيوتهن قبل مدرسات الوزارة لاستقبال ابنائهن ويخرجن بعدما تاتين من مدارسهن لاستلام اطفالهم مشردات الظلم ليس واقع الان الظلم لهذه الفئة من قديم الازل ورغم التطور الواضح في جميع المجالات لكن مازلن هن محلك سر على العلم ان المدارس تشدد على الاهل ذهاب طفلهم للروضة والمعلم والمعلمة يحبون الاطفال اللي دارسين في الروضة لانة متعلم وجاهز اليس هذا ظلما ؟؟؟؟؟؟؟؟؟0

الله يعينكم

السلام عليكم ورحنة الله
الله يعين الروضات على الحال

وين الرقابة عليهم

اصحاب رياض الاطفال لا يستحقون المساعدة اساساً من الحكومة لأنهم مصاصو دماء اولياء الامور وارباحهم فوق ما تتصورون من جشعهم وطلباتهم التي لا تنتهي واللي يضحكني عليهم حتى علبة الكلينكس يطلبونها من اولياء الامور , وحتى هدية الطفل اذا نجح من فلوس ولي الامر , واخر الشهر اصحاب الروضة ارباحهم اقل شي 3000 دينار بعد المصروفات ومعاشات المدرسات على 80دينار.
مهزلة وين وزراة العمل عنهم ؟!!!

طمع وجشع رياض الاطفال

لسنين مضت ومازالت كانت سياسة الاطفال كالمنشار ........أيضا في متطلباتهم ناهيك عن الظلم المديد الواقع على مدرسات رياض الاطفال والتي لم يرق لها جفن ملاك الرياض برغم المطالب في ابسط حوافزها والتي تلاقى بالرفض والطرد .
الان جاءوا يستغيثون لستة أشهر ، أين ما كنزوا ولم يتذمروا على ظلم الكادر التعليمي 80 دينار راتب الموظفة و 40 دينار راتب المنظفة ؟؟؟؟

اطفالنا اهم!!!!!!!!!!

لن نعرض حياة اطفالنا للخطر ونرسلهم للموت بايدينا عليكم باقناعنا بان روضاتكم تتوافر بها وسائل الصحة والسلامة

بسم الله الرحمن الرحيم

ارجو ان تتفهم القيادة في هذا البلد المعطاء ان الدراسة في الروضة لها نفس حقوق المدارس ومنها رواتب الموظفين واجارات المكان.. لاحظوا تجارب الدول الاوربية في هذا المجال.