والله والله قهر

الزائر رقم 22 راتبه 1700 دينار يقول انه فقير عيل اشلون الي عنده عجز طبيعي ,ويستلم راتب 210دينار والى الآن ما عطوه معونة الغلاء,الله الى الجميع يا وزيرة التنمية

زخ يامطر زخ

ياجماعة بالعقل يساوي:-
1- 100 دينار لا تنطبق الا على اصحاب الرواتب الاقل من 500 دينار
او
2- الموظف الوحيد في المنزل الواحد فقط
أو
3- أحتساب راتب الزوجة
أو
4- خدم في القطاع الحكومي من2 ال 5 سنوات وأكثر
او
5-أسلوب من أساليب الاعلام لانتخاب النواب لعام2010م بالعربي (دعاية أخر المطاف )
والله العالم

عمري كل الزوار

اشكر جميع الزوار على التعليقات اللي ضحكتنا وفرحتنا وحزنتناوالاحلام وايد وايد وايد

والله اشطر منكم ما في

والله اشطر منكم ما في يا نواب اللحين عرفتو انكم على وشك نهايه المطاف يا زعم قلوبكم محروقه عالشعب مشكورين و ما قصرتو احنا يا دوب حصلنا 50 دينار حتى هاي تبون ان الحكومه تغير رايها فيها خلونا ساكتين احسن لنا ........... 

مساء الخير يا وطن - أمطار خير وبركة على الجميع

صار ضرب الكف على مقاعد مجلس النواب والمجالس البلدية والسبة الرواتب والامتيازات والتقاعد والسفرات والبوقات وغيرها وغيرها ، الظاهر ما بتيي سنة 2010 إلا والمواطنين سنة وشيعة ومجنسين مرشحين روحهم !!! ترى كل النواب الحاليين والمجلس البلدي بعد مرشحين روحهم للحين ما شبعو !!! ترى بعد ما في مجال حق علاوة غلاء المعيشة السنة الياية لأن البيزات حدها تكفي أعضاء النواب والبلدي .

مسخرة مسوين المواطن

روحوا تطمنوا على حساباتكم بالبنوك ولا يهمكم المواطن .. أقول لا تعورون حنجكم بالكلام ترانا ما نبي نسمعه ووفروا عليكم الجلسات اللي تسوونها ورقدوا في بيوتكم لان التقاعد مالكم جاهز

حلوة النكتة

كلام على ورق

انتبهي يا حكومة

انا مواطن سني واقول للحكومة ترى الوضع مأساوي والكل بدا ينفجر من ضيق الحال ،، التفتي يا حكومة للأوضاع وانظري لها بالمنظور الصحيح قبل فوات الفوت ترى احنا المواطنين السنة بدينا نتكلم بشدة بيننا وبين بعض عن الأحوال المتردية وكثر الضغط اكيد راح يكون له رد عكسي وقوي ،، والأيام الياية راح تثبت هالشي .

فى الخيال

وين عيل الكلام بدون موافقة الحكومة الحين بتناقشون اشلون يعني اللة كريم

كل عام وأنتم بخير

ياجماعه ترى علاوة الغلاء صارت 30 دينار بس تدرون ليش؟ لأن علاوة (الشفت) ما يعطونها ألحين وبجمعونها ليكم لوقت ثاني وبقولون(مكررررمه)

مانبي علاوه غلاء

العزابيه مظلومين مانحصل علاوة غلاء جي أحنا مانشتري الأغراض غاليه أي يراعونا في السعر , نبغي زيادة الرواتب و يكنسلون علاوة الغلاء نبغي يسوون رواتبنا على الأقل من 300-350 دينار
وشكرا للي ينفذ هالأمر
والكل قابل يكنسلون علاوة الغلاء أعتقد إذا يسوون 300- 350 دينار

بتبدي الحرب جريب

الحين على 50 دينار جوفوا شنو سووا عيل 100 دينار شبيصير فيهم، جان ما تبتدي الحرب العالمية الثالثة

أنا مصري وفرحان أوي

بقوللوكو ايه البلد دي احسن بلد أنا هنا بقالي 7 سنين بشتغل بشركة تابعة للحكومة ومش عاوز اقول اسمها عشان خاطر ما تعملوش علي مزاهرة .... انا باخد فيها ولله الحمد 3000 دينار بحريني انتو سامعين واللي مش سامع يسمع دينار بحريني مش جنيه مصري وأنا والحمد لله عايش بالجفير احسن عيشة ومحبش الكلام الفارغ اللي انتو بتقولو لأني مرتاح اربع وعشرين قيراط

رسالتي الى الشعب

يجب على الشعب ان تكون الكلمة بيدة في الانتخابات الجاية لاحد يصوت والكل يقعد بالبيت خلنا ايكون عندنا موقف يحسب له في التاريخ وعن الطرق الهمجية في التعبير مقاطعة التصويت يعتبر اكبر موقف راح ياخذه الشعب خصوصا اذا كان من اغلبية الشعب اتمنى التحضير لذلك لانه ولا نائب ادى اقل جهد لشعب والملفات اللي تبي تفتحها الحكومة اهي بس على الطاولة

لو ليهم

لو ليهم جان ما فيه نقااااش سيده تنزل في الراتب بس لانها حق الفقراء من جذي لازم يطلعون روووحنا ولا بتنزل والله يعينا ، زيادة النواب وعلاواتهم بالملايين لكن عادي ما تستنزف خزينه الدولة بس زيادة اشعب اهي اللي تستنزف خزينة الدولة لو يكنسلون البرلمان ويوزعون رواتبهم علي الشعب الاصلي احسن لينا لا سوو شي من ابتدى البرلمان الى الحين والى باجر بعد

الحكومة بترفض ولكن سوف تعطي مكرمة لكل مواطن بطيخة

الحكومة بترفض ولكن سوف تعطي مكرمة لكل مواطن بطيخة

لأنها الحكومة عودتنا دائما ترفض أعطاء المواطن .
ولاكن لو النواب أقترحوا أعطاء الجنسية لجمع الهنود جام الحين الجوازات جاهزة للتوزيع .

المفروض من النواب يبدأ من الصفر

أولا يجب يكون هناك إصرار بتعديل رواتب البحرينين الذين رواتبهم أقل من 300 وبلأخص من راتبه 200 دينار .
يا أما يكون فيه تعديل رواتب ولا إنسحاب من المجللس بشكل يومي .
وأعيد يا أما تعديل رواتب ولا أنسحاب من المجلس إهني يكون فيه حل مب الحكومة ترفض ينتهي كل شي .
لأنا 100% الحكومة رافضة تعديل رواتب البحريني لأنها تسعى لتعديل رواتب المجنسين .

بس تسمعكم قطر راح تعطي علاوة 200 ريال

خلنا على الخمسين أبرك بس أنتون وزعوها على المواطن الفقير وشملوا الي ماعطيتونهم ولي ما حصل ولي تأخر ولي ولي ...........................

احنا لحد الحين ما حصلنا

وكل ما نروح مركز سترة الإجتماعي كل واحد يرمي المسؤولية على الثاني ولا يعطيك أرقام تلفونات ونتصل إليهم ولا في فايده ولحد يومك هذا ما حصلنا على علاوة الغلاء مع أننا حصلنا عليها وشمل إسمنا ضمن المستفيدين ....ويش الحل برايكم؟؟؟؟؟؟

حتى المدير في الحكومة فقير

اتمنى رفع الرواتب يارب فانا مدير في الحكومة وراتبي 1700 ورواتب المدراء في الهيئات الحكومية اكثر من 3000 وفي الشركات تصل الى 4500 فالبنسبة لهم انا فقير خصوصا وانه لايحق لي التقدم بخدمة اسكانية لان راتبي اكثر من 1200 وفي نفس الوقت لا اقدر على الحصول على قرض لشراء بيت بسبب ارتفاع اسعار الاراضي والبيوت! والله حرام

الى الله المشتكى وعليه المعول في الشده والرخاء

الحين احنا بتخلص السنه ولحين وما شفنا هالعلاوه اشلون يرفعونها الى 100 دينار .. ويا زعم ميزانيه الدوله (( كله كذب )) انه ما تسمح لهم
والله ذليتونا عاد ع هالخمسين الدينار لمتى احنا ننتظر عندنا جهال وورانا بيت ومسؤليه ناس حصلوهاواستانسوا وفلوها واحنا قيد الانتظار والله اعلم بتنزل لولا..الرجاء النظر في امرنا يا حكومه .. لمتى ؟!!اذا بتنزلون نزلوا للكل وموتنزلون لناس ولناس والله ضاقت ابنا الدنبا وين نولي..الحين في دفعه جديده والله لا .. لوتكنسلت
فالى الله المشتكى

احترموا مشاعرنا

بصراحة مع تحفظي الشديد على أداء النواب و لكني أحترم بعضهم ,,, و لكني لا أحترم هذه التصريحات التي هي لعب بشماعر الشعب ليس اكثر و نصيحتي للجنة المالية قبل أن تنشروا أي كلام في الصحف تأكدوا من أمل تحقيقه لأنه رفع العلاوة إلى 100 دينار هذا حلم رأينا الخميسن دينار كيف تمت مذلة الناس عليها فكيف سيصبح بنا الحال اذا كانت 100 دينار ؟

عمك اصمخ

ناقشتون ما ناقشتون ما احد بيسمع اليكم ولا احد بيلبي ليكم طلب والحكومة عاطتنكم الأذون الصمخة هم زين وافقوا على خميسن دينار مالت الغلاء والله مساكين النواب مصدقين روحهم اذا اجتمعوا

أنا صرت كومار و كومار صار بحريني!!!

لمتى ولله الحمد علاوة غلاء خلصت السنه و ما شفناها و معاش أقل من 200 دينار و الشغلة من الزلاق للمحرق ومساكين أهلنا سنين ينتظرون الشغل بس لا البكالريوس و لا الماستر أشتغلوا قاعدين على أمل لأن رحمة الله ما توقف ولو وقفت رحمة العباد ..........اللهم أليك الشكوى خلصنا من عذاب الدنيا و عذاب الآخره.........تخياتي بحراني ما عنده واسطة!!!

اوهام

مساكين موظفين القطاع الخاص كل مرة يفرحونكم ويحبطونكم هؤلاء النواب ليس اكثر من دعاية يجعجعون ____ بس لاحد يصوت ترى مصخت السالفة كفاية من 2002 الى 2010 8 سنوات والنتيجة كلها اوهام يامواطن مسكين

الوزير عاشور

نتمنى من الله العزيز ان يوفق اخواننا في لجنة المالية لمجلس النواب ونتمنى منهم ان ينضرو في امور من لم يتسلمو اي شي من المعونه وكل يوم تخرج الوزيرة بقانون جديد حتى تسقط المستفيدين هل تعلم الجنة انه تم احتساب الوقت الاضافي من الراتب كما تم احتساب بدل نوبة وتم احتساب علاوة الاجتماعي والمواصلات ولم تحتسب المقطوعات من الراتب مثل التقاعد وقروض البنك ليش ياوزيرة الاتعلمين بضروفنا الصعبة ........

نتمنى

عاد هالمره راعونا احنا اصحاب 700دينار ترى القروض والايجار دابحنا فكروا فينا

مقهورة من القطاع الخاص

الحجي واااااااااجد وملينا منه و الرد في الأخير في يد الحكومة بالقبول أو الرفض و واحنا المعلقين في جريدة الوسط من الهم اللي فينا نكتب يمكن توصل الرسالة إلى اي مسؤل والأمل ضعيف واج لكن عند الله قوي قادر على كل شئ وعساكم على القوة جميعا واااااصلوا ما تدرون ويش يصير سبحانة مقلب القلوب اللي يغير ولا يتغير الله يحنن قلوبهم وخصوصا علينا المنسيين في القطاع الخاص

حلوة دى

يه الحين 50 دينار ذليتون الناس عليه ذل اشلون 100 دينار اخاف حتى 50 مابتنزلون

الله يسمع منكم

اللهم امين انشالله يزيدون الرواتب وعالاقل علاوة الغلاء تثبت مب سنه وبس ومانبي 100 خلوها خمسين بس يثبتونها وانا ائيد زائر 7 ياليت يزيدون الرواتب شي دائم احسن مايعودونه على شي ويقطعونه والله يهدي زائر 8 يخي الارزاق بيد الله صف نيتك والله بيرزقك بشغل بس دام تفكيرك وصخ بتم عاطل لو عندك دكتوراه مب محاسبه ا........

ضحك على الذقون

للحين ماشفناها عشان تطالبون بزيادتها!!!!!!!!!!!!!!!!
من شهر 7 وإحنا مقدمين التظلم

بنشوف

حلمو , هذا اذا حجة البقر على قرونة , او اذا وافقة الحكومة يعني من علامات الساعة .

أحلق نص شنبي

اللي يقرأ العنوان ايفكر هادلين نواب الكويت أو ربما الخبر عن قطر أو الإمارات، بس اتشوف ان الخبر في البحرين رأسا تعرف أن المسألة لا تعدو " كلام جرايد"

سنية وانتخبت وفاقي

المشكلة أن نواب الوفاق في المجلس الياي زادوا برغم معارضتهم في البداية ومشاركتهم في النهاية وسكوتهم عن بعض الأمور وبلعــهم أموال الشعب !!! إلا أن الفكرة والبلع زاد عندهم وصار حلو ونسونا إحنه إلي انتخبناهم .

دعايات للبرطمان الجاي ..

طالبتون ب100 او بمليون .. الحكومة على كيفها ..الي تريده تسويه ولا عليها منكم .. أنتم ديكور فقط .. ولا في أمل نصوت لجيوب لأحد الإنتخابات الجاية .. هذا بدل ما تركزون على قضايا التمييز والتجنيس وتوفير وظائف للعاطلين بدل المجنسين .. لو مركزين على قضية وحده وحالينها من البداية للحين أشرف لنا بدل كل يوم دعاية أخرى. - عاطل جامعي بكلريوس محاسبة-

صباح الخير يا وطن

قليل دائم للكل خير من 50 دينار منقطع للبعض ياريت أن كل المستحقين حصلوها ؛ يرجى من النواب العمل على زيادة الرواتب ( أقصد رواتبنا مو رواتبهم ) ؛ دعوة لعدم انتخاب أي نائب لم يعمل لصالح دائرته .

ماظن

احنة الخمسين وللحين ما حصلناه بعد الدور الجاي 100 عجبي أخاف الا يكنسلونهه بالمرة

هههه

اتحصلون زيادة 50 فيران بدل دينار
:)

والله مسخرة

والله مسخرة إذا ال50 دينار مايدفعونها إلا بعد مايذلون الواحد ذل ال100 دينار وش بسوون في المواطنين؟؟؟؟؟وشوفوا شلون راح ترتفع أسعار المواد الغذائية.الله كريم

حدث العاقل

كفاية ذل

في المشمش

عشم إبليس في الجنة

ياريت والله

بس ما اتوقع ابدا يرفعونه من 50 الى 100
هذي صارت غلطة ونزلوا ال 50 دينار
سكتوا احسن والى ال 50 بياخذونها بعد .......
:)