الوسط -محمد الجدحفصي [ التقى برنامج «الناصية» الذي يبث كل يوم سبت على «الوسط أون لاين» بالشاب علي عبدالمهدي الذي فقد مؤخراً غنمته ليتحدث عن حزنه لفقدانها وهي التي قام بتدريبها حتى تعلمت التجوال معه أينما يذهب في أزقة الدراز، وبعد فقدها أصبح حزيناً لا يأكل اللحم معتقداً بأنه قد يكون من لحمها، فكان هذا نص اللقاء: [ علي عبدالمهدي، سولف لينا عن الغنمة اللي ضاعت؟ - كنت الأول أحب الغنم؛ كانت عندي زريبة غنم وصار عندي الخير فيهم، وفي فترة صار عندي بنيان فعارضوني الأهل وقالوا لي شيلهم فشلتهم؛ هالمرة حصلت لي مكان في البيت أخذت هالغنمة الصغيرة كان عمرها شهرين، وحبيتها حب بصراحة ما تتصورونه، كنت أمشي في الدراز وهي تمشي وياي. - حتى الأكل اللي أءكلها إياه مو أكل طبيعي؛ آخذ أنا الخسة الكيلو بثمان ربيات ليها. [ تشتريه ليها؟ - ياخذون ليها برسيم (جت) أنا آخذ ليها خس يعني مدلعنها بصورة ما تتصورها. [ كم اشتريتها؟ - اشتريتها بمبلغ بسيط 25 دينار، بس عندي ألحين لو أحصلها ولا بألف دينار أبيعها، بصراحة يعني حبيتها. [ كيف ضاعت، خلنا نعرف السالفة وكم ظلت عندك؟ - كنت ذاك اليوم أنظف الزرب مالها خليتها برى لأن عدنا شوية حشيش صوب البيت خليتها تاكل هناك شوي فسهيت عنها ثلاث دقائق، الله يهديه واحد يبع سمك يمشي ويضرب هرانه ومن صوت الهرن خافت وهربت قمت ألحق وراها وكان في مطر وطبيت داخل المطر وثيابي حالتي حالة كل «مراغه» أدور عنها بعدين ما في فايدة، قمت أبحث عنها وما وقفت السيارة من الساعة تسع الصبح إلى الساعة تسع المغرب. [ بل!! - والله العظيم وما ظل واحد ما اتصلت إليه ولا في فايدة ونزلت الخبر في الإنترنت قلت يمكن لعل وعسى واحد شاف شي؛ يمكن واحد بالغلط شافها لكن ما في فايدة. [ محد اتصل ليك يوم حطيت الرقم في الإنترنت؟ - يتصلون بس يمزحون وياي حتى حطيت ورقة عند الخباز - الحاج أحمد: بعد على الغنمه هذه؟ - علي عبدالمهدي: أي على هالغنمة - الحاج أحمد: زين زين - علي عبدالمهدي: حطيت إعلان عند الخباز مال الديرة حتى حطيت صورة ليها. [ صورة للغنمة؟ - علي عبدالمهدي: إي صورة للغنمة عاد ويش أقولك أروح هناك بس يضحكون؛ عاد أنا قلت ليهم ما أبغيكم تضحكون أبغي الغنمة، يعني غنمه ضائعة، إحنا نسمع في «الغرب» إن كلاب ضائعة... لكن بحريني ضائعة من عنده غنمه ويبحث عنها شيء غريب هذا! [ ويش السر في تعلقك فيها لهذي الدرجة ووصلت لأنك قمت تدورها؟ - كانت هوايتي تربية الغنم... تعلقت بها، نفس ما الأب يتعلق في بنته أو ولده أقارن لك بهذا الشيء لأني حبيتها [ بس أنت حبيتها لو حتى أولادك؟ - أولادي بعد [ كانت تمشي وياهم يعني؟ - تمشي وياهم وتطلع وياهم ويتمشون داخل الديرة [ شلون علمتها تمشي وراكم؟ - مدام إنها الغنمة صغيرة كلشي تتعلق بها الغنمة الصغيرة وخاصة ويا الأطفال تتعلق أزيد، حتى أقعدها وياي بالصالة، وساعات أبغي ألحفها وياي باللحاف. - ألحفها جدي... حتى براويك صورة بالتلفون من زود ما دربتها خليتها تنبطح تحت أخوي، يعني بتشوف الصورة تستغرب شلون غنمه مدربة جدي [ محد عرض عليك يشتريها يوم كانت عندك؟ - إي [ كم وصل سعرها؟ - تقريبا وصلت أربعين دينار وهي صغيرة [ بس ما بعتها؟ - ما بعتها وحصلت بدل فيها بعد قلت ما أبادل... سويت الزرب مالها كأنه فرشة عروس، يعني أسوي ليها أطباق كل طبق بروحه في الأكل، مدلعنها آخر دلاعة ومرة وحدة تختفي هذه صدمة ما أقدر اتحملها بصراحة [ تتوقع وين راحت يعني؟ - أتوقع اللي أتوقعه [ في ناس تقول دورت ليها عريس وهربت، هذي طبعاً في تعليقات القراء في موقع «الوسط»... - إي نعم [ وفي واحد كتب يمكن حصلوها ومن زمان ذبحوها وأكلوا لحمها ويش رأيك في هذه التعليقات؟ - أتوقع في أحد الأجانب اللي ساكنين بالدراز، اقصد الغرباء عن الدراز، لأن عدنا كم حوطة أتوقع إن وحدة من هذه الحوط هي اللي أخذت الغنمة. [ يوم تركض وراها يعني اختفت مرة وحدة؟ - لأني طحت في نقعة ماي وطين وكلما أقوم أطيح مرة ثانية، على ما اذكر كان يطيح مطر بغزارة فما قدرت أواصل لها... [ يقولون قمت ما تأكل الحين وما لك نفسية للأكل، ويش تقول في هذا الكلام؟ - هذي نقطة ذكرتني بها؛ ألحين اللحم ما آكله وصادتني عقدة من اللحم وحتى من اللون الأسود بعد؛ إذا أشوف وأنا امشي في الدراز كيس أسود أروح بسرعة أقول هذي الغنمة صادني نوع الوسواس. [ والغنم اللي وياها؟ - بعتهم [ لأن هذي راحت؟ - لأن الغنمة راحت... [ يمكن تحصل وحدة نفسها وبمواصفاتها؟ - ما أعتقد... عليها لون حلو، وعليها حركة حلوة [ من وين اشتريتها؟ - من عند أخوي ما خذنها، أخذها هو وأنا ثاني يوم أخذتها من عنده [ يمكن يجيب وحدة غير ونفسها؟ - ما أعتقد في نفسها، براويك إياها؛ الحين براويك إياها شوف أسلوبها شلون... [ يعني يئست خلاص ما بتحصلها؟ - صار ليها أسبوعين ومحرم خلص يعني خلاص سووها...
العدد 2675 - الجمعة 01 يناير 2010م الموافق 15 محرم 1431هـ
ردي غريب
بحثت بين الردود أبغي رد يطابق أو يقارب لرأيي ما لقيت
أني مستغربة رجال في مثل عمرك يا علي عبدالمهدي
المفروض طموحك يكون أكبر من تعلق بغنمة
ما على حلوة هواية تربية الحيوانات
بس مو بالدرجة إلي أنت فيها
وسامحني على الصراحة
؟
انشاء الله تحصلها
............
انشالله صاحب الغنمه يلاقيها آمييين
.............
وانتوا؟؟!؟!؟
لو تعلقتوا بشي نشوفكم عنتر زمانهم سهل انكم تتركونه
الواحد يشوف انكم شجعان كفايه انكم تتعلقون بشي بعدين تتركونه
مهما هذا الشي و مهما شكله او لونه او حجمه او اصله فهو شي تتعلق ابه
تشوفون في اطفال يتعلقون بألعابهم
ليش ما طلعتون تعليقاتكم عليهم؟؟؟
طبعا هذا للي يعيب
فمن عاب.....استعاب!
الدراز والغنمه العجيبه
هههههههههه راح يخلونها في موسه العجايب
يقول ان مدلعنها اخر دلاعه شكله ملبسنها نقلس دهب
زائر
الا لعنة الله على ا
رائع..
ومن الحب ما هبل..
ههههههه يقول صدمه ما اقدر اتحملها!!!!!!
صراحه لااااااااااااااااااااااااااااااااااااااااااااااااااا تعليق الموضوع بدون موضوع ويقول ما اعتقد ما في نفسها ههههههههههههههه لا حول ولا قوة الا بالله لا والامر من ذلك يقول ارقدها معاي وزوجتك وينها ما اقول الا حرام الخس الي اكلته اياها راحو 800 فلس كيلو الخسسسسسسسسس
الله يساعدك
انت يعني من صدقك لو تطنز غنمة هادي هاد لو ولدك ويش بسوي الله عطاك عقل تستخدم انت قاعد تطنز عليك وتخلي الناس تتمسخر عليك خده بلا عقل يا اخوي بلا جنون
مسكيييييين ( حاسه فييك)
ان شاء الله ترجع لك :(
والله ما يحس الا الي مربي شي .. انا يوم يضيع جلبي و الله ما قعدت ينيت جنه ولدي ضايع طول الليل ادوره بالشارع.. بس اخر شي لقيته..
بس غنمه صعبه ترجع .. ههه ما في امل
منك .. !
يخوووك محد خذ الغنمة الا هالهنووود
ايدهم ساطية بيني وبينك ...
جافو غنمة مدلعة ووش حلاوتها حسب وصفك يعني يهدونها
وانت الله يسلمك جان صرت ليها بودي قارد وحرستها وهي تاكل
لكن التعب عليك انت الي ضيعتها
ههههههههههههههههههههههههههههههه
.... !!
ههاي
هههههههههههههههههههههههههههههههههههههههههههههههههههههههههههههههههههههههههههههههههه ويليييييييي .. ما لييييك حلل .. الله يساعدك , الله لا يبلانا
غنمتك في كرباباد عند قييم المسجد
ولله يااخوووي قبل قييم المسجد عنده غنمه الحيييين عنده ثنتين .. ماادري احس الثانيه اهي غنمتك الضاايعه .. اتلاااااااحق على عمرك وروح خذ غنمتك عشان ترجع لك حياااتك
السلم
خوش غنمة هذي شكله خاطبنها الحبيب الله يساعدك
الله ايرجعها ليك ساااالمه
والله حزنت عليها مسكينه الله اردها ليك ساالمه والى باقه عساه ريح في جبده
الله يعوضك في غيرها
ههههههههههههه الله يعوضك في غيرها ,, هذي من زمان سووها شلة
ضايع حبيبي :(
هههههههههههههه الناس تحاتي ولادهم ,, وهو يحاتي غنمه مخسر بترول عليها ق22
ابوي العود عنده زريبه غنم جان تبااه يجيب لك بدالها :P
****
الله يساعد قلبك يا عبدي المهدي على حبك للغنمة لهدرجةعاد.
انته واحد هبول
يعني احنا ناقصين مهابيل
شوف انته يا هبول يا خمبول
بس شكلك واحد مخبول
قابي وياك ياخوي - احمد العالي
.
االله يرجعها ليك !!
ازين الحين انت تخاف عليها اكثر من اولادك !!
و الله شي غريب !!!
انزين سو ليها رنه يمكن ترد عليك
يمكن بعد راحت الى امها اممم الله يرجعها ليك
الله يرجعها
ههههههههههههه ضحكتني الصراحه بس الله يرجعها لك
^^
خخخخخخخخخخخخخخخخخ وين قاعدين يحليك انت واغنمتك
انشاء الله
انشاء الله تشوفه وتاكل عدل
واله يساعدك مهونه
XD
ههههههههههههههههههههههههههههههههههههههههههههههههههههههههههههه ويلللييي وييلي ماقدر ههههههههه .. مسامحه خوي بس كل مرة ابي اونس روحي ابطل موضوعك واقراه هههههههههههههه والله انك فنتك XD ههههههههههه,, ماقول الا الله يساعد قلبك ترى غنمتك من زمان تحللت في بطون الاوادم الا جان بالغلط تحصلها هذا شي ثاني هههههههههه هارد لك XD
ماهي حالة
مسكين تعب وهو يدورها ما صارت غنمة خاطري اشوفها
الله يرجعها ليك بالسلامة يخيو :(
الصرااحة اني حاسة فييك لان عدنا كناكن (عصافير) فالبيت ولو يصير فيهم شي جان اموت ما نقدر نستغنى عنهم .. حبيتها هالغنمة اني صار خاطري اجوفها بس انشاء الله ترجع لييك وتزفها عروس :) وحراام على اللي يتطنز مافي قلبكم رحمة انتون.. الله يساعدك اقول
اخر زمن خاااااااال
يمكن الغنمة من النوع الي يختفي *_^
يا دافع الماي في البلابل .. الحين الغنمة صارت مدلعة ..
اي حركاتها حليوه وهي صغيره خخخخخ
الله يساعدك يالراعي
هههههههههههه على اافااااادي هالرجال فديتك انشالله تحصله
فديت الغنم
ههههههههه الله ارجعها ليه مسكين
كسر خاطري =(
ولا حرام تعيبون
ولا صاج يا اخي لو انجليزي ضاعت من عند كلب لو خنزير جان الكل صاح عليه وانتحر بس بحراني ضاعت من عنده غنمه اشرف واحسن من كلب لو نجاسة وقذارة قمتم تعيبون علية ولا االله انتوا لين ضاع من عندكم شى جان سويتوا اخس منه ......................................
ان شاءالله حصلتها
ها بشروونا إن شاءالله حصلها ؟
ويليييييييي
ههههههههههههه ماليه حل هالأدمي الله يرحم امكم حطو الينه صورت الغنمة خخخخخخخخ انا شفت غنمه مثل المواصفات اي قالها اذا احد يبي يستفسر
الغنمة
هدااانى هنييى إإإإإمئئئئئئئئئئئئئئئئااا تعال ليى صادنى واااحد من ربعك ,, عقب ماطحت جفت ادنات نخلة وقفت عندها عن المطر امئئئئئئئا وقعدت امبمع لين ماجه باقني بسرعه تعال ليى XD هاردلك بووالشباب
عنبوووو
عنبوو مو غنمه هذي علشان تحبها كل هالحب بس يبين على قلبك وايد صافي وماعندي شي اقوله غير انشالله ترجع لك وتشوف عيالها عاد اذا ماكلوها لمجنسين ههههههههههههاي
صاحب الغنمه
كنت اتمنى ان ارى عياالهاا ولكن القدر فرق مابيناا ولا استطيع ان انظر الى الحظيره لانه كل زاويه في الحظيره تذكرني بهاا واشكر جميع من ساهمه على الرد ع موضوعي وادعي عليكم دعوه عساكم الحب اخس منه يالله مع الســــــــــلامه +_+
الله يصبرك
بصراحه وايد تعاطفت معاه لانه اي شخص يربي حيوان لو شنو كان بيتعلق فيه ... فما يصير ان احنا نتمصخر عليه لانه هاي الواقع لو اي واحد منا كان عنده شي يربيه وضاع بصيده نفس الشي او اكثر..
وانشالله يلاقي الغنمه :)
الغنمه الصغيره
مسامحه الشيخ ادا حصلتها خبريني علشان اطمن لاني مشغول قلبي على الغنمممة خخخخ
مسكين
الله يرجعها لك ان شاء الله
حرام والله الناس تتمصخر عليه ...
ليش يعني علشان انه يحب غنمه ...ناس تربي خنازير و تتعلق فيها جت عليه اهو... الله يعينك وان شاء الله تحصلها قريب
وي على أفـــآآدي :[
مسكيييين والله كسرت خاطري
الله يعوضك بالي احسن منها
والي قاعد يتطنز حرآآم تتطنزون على ويه صدق مافي قلوبكم رحمة جي الغنمة مو كائن هي يعني انتون بشر من خلق الله وهي لا !! والله انتون مسخرهـ ..
لو ضآع منكم شي وفقدتوه شرآح تسوون !!!
الله يكون بعوضك يآ خوي وتلآقيهآآ بحق محمد وآل محمد
الااي
مسكين الله يعين قلبك عليها
^^
واااااااااااااااا ويلاااااااااااااااااااااااه الله يرجع غنمتك سااااااالمه مساااالمه وغاااااااااااانه ههههههههههههههههههههههههههه يا ربي ما صدق يا ريت احصل واحد يحبني كثر ماتحب هلغنمه
هيييييييييييييه
الله يردها الى بيتها انشااااااء الله
peace
!!
فجعت قلبي خخخ
الله يرجعها
كسرت خاطري والله :(
ان شاء الله ترجع :(
Um hlal
خلس الريااال ..
تشخيص المرض : خرف مبكر !
تكلفة البحث عن الغنمة
انت لاحقتها 12ساعة السيارة فل بترول؟مريت تشحن؟وكريديت كم كلفك؟ وطباعة الإعلانات؟
هيه عليها علامة؟
وش أقسى ذكرى تمر عليك وتزيد حزنك لما تذكر غنمتك ؟
مشكلة إذا يسوون في محرم غنمة هايتة ..شبه بوقة هذي..
الله يعينك بصراحة
أقدر حبك لغنمتك واقدر حزنك عليها تذكرني بحبي لحمامتنا زيتونة وكتكوتنا اللي مات بعد ما داسته اختى بالغلط قمنا نصيح!
الله يساعدك والسموحة منك لتقصيرنا في البحث بسبب بعد المنطقة
عجميه
يا حسررتي على الغنمة اهئ اهئ
بس ليش ما قعدت لها تعززية عشان نزوورك ونعزيك على الفقيده الغاليه
ان لله وان اليه راجعون
هاي الغنمة صارت هريسة احين خخخخخ
حراام
ههه .. واللة حرااام كاسرة خاطر من قلب بس شنسوي اللة يصبرك
أم حسين
من صدقه ذه !!!
كيف تجعل أبنك مهدوياً
اتمنى ان هو يهتم بتربية ولاده واجد أفضل من يدور غنمه
1111
ههههههههههههههههه واويلااااااااااااه
الله يرجعها
صراااحة عجيبة الغنمة بما انها متعلمة وفاهمة
و الفضل كله يرجع اليك حط اعلان في البردات بعد
واكتب بالهندي عشان الهنود يعرفون يحصلونها
وخل جائزة حق اليي يحصلها
غيرة ام العيال
ما تدري يمكن ام العيال غيرانه منها فحصلت فرصه وصار الي صار
مسكين
مسكين كسر خاطري الله يرجعها ليه
الله يردها ليك
والله حزنت اني عليك الله يردها لك سالمه ان شاءالله وتشووووفها
الله يساعدك
والله شكلها خوش غنمة بس اقول انشاء الله تحصلها يمكن هي بعد طبت في مراغة او شافها هندي وشالها بعد اذا هندي شاف غنمة سيدة بشيلها وبيشويها .
لاحول والا قوة الا بالله العلي العظيم
تأثرت اني بقصة هالغنمة احسها دخلت قلبي .