صرحت مديرة إدارة العلاقات العامة والدولية المتحدث الرسمي لخدمة الدعم المالي لمحدودي الدخل، جميلة الكوهجي، بأن الجهة المعنية في وزارة المالية قد أرسلت مبالغ الدعم المالي للبنوك لمباشرة الصرف لجميع الدفعات بما فيها الدفعة الأخيرة والتي بلغ عدد الذين أكدوا أرقام حساباتهم البنكية أكثر من 3600 مستحق.
جاء ذلك بعد أن قامت وزارة التنمية الاجتماعية بإرسال قوائم المستحقين للدعم المالي إلى وزارة المالية لتقوم بدورها باتخاذ إجراءات الصرف وإيداع المبالغ في البنوك المحلية بأثر رجعي.
ونوهت الكوهجي إلى أن عملية الصرف ستأخذ وقتاً أطول للمواطنين الذين قاموا بتغيير حساباتهم البنكية على الموقع الإلكتروني بحسب الإجراءات التي تتخذها المصارف والبنوك في هذا الشأن.
المبلغ ناقص
انا امسجل من بدايت السنة المفروض ينزل لي 750 دينار نزلو 500 دينار وين 250 يا الوزارة التنمية
أبــــــــــوضـــــــرغــــــــــام
مـــــــــبـــــــــروكــــــــ نزلو لي علاوة الغلاة بعد معانات بالساعة السابعة مساء وعقبال الباقين
حرام عليــكم
والله ما تسوى علينا !!
من متى واحنا نجيك وللحين ما طلع لينا ،، والبيانات كلها صحيحة ونستحق بس للحين ما نزلوا لينا
الى متى يعني !!؟؟
سؤال؟
قدمت على الغلاء شهر 9 وهالشهر قالوا اني استحقيت
الحين ابي اعرف جم استلم؟
هل بس من شهر 9 او من بداية السنة الي طافت!!!
مسروق
الله يغربل الفقر اللي يذلنا الى سرقاتكم
الي اليوم!!!
عزيزي الموطن,تشير بياناتك المسجلة في الانظمة الحكومية الالكترونية بعدم استحقاقك للدعم المالي
و المسج ماله بيان!!!!
يعنى واحد من الاثنين جداب او ؟؟؟
انتى تقولين البيزات فى البنوك والبنوك ماتصرفه بسرعه هذا اذا صرفتها اما 31من الشهر او بدايات الشهر الابعده يعنى يدخرونهم للاستثمار كل هالمبالغ عشان يحصلون فايدتها على حساب هالفقير المسكين وليش انتو ماتابعونهم لصرفها باسرع وقت وتحاسبونهم على هالتصرف الشنيع يعنى هما يبوقونا عينى عينك وانتوا ماكو غير تصريحاتكم الرنانه الا تعمى عيون السمج عيب وعيب وحرام الا تسونه انتوا والبنوك الله لايوفجكم على اذلال الفقارة وحساب الاخرة عسير ياناس والله يمهل ولايهمل شديد العقاب
أنوثي
اللهم اسلب راحت من سلب حقي ولم يرعى لحقوقي
منكم لله شدي هل المهزله فينا لليوم ما حصلت ..
ولا كني موطن اهني ..
جوف الثور واحلب لبن
انا من الناس الي انضلمت ولا طرشولي شي لكن الله ياخذ حقي من كلمن ظلمني،وطز في العلاة
وقف الدعم المالي بدون سبب!!
أنامن الأشخاص المستحقين وقد صرف لي المبلغ
حتى شهر يناير2010 وبنهاية شهر فبراير تم إيقاف
الدعم بدون سبب ويمكن تعويض عن الخمسمائة دينار التي صرفت لنا كمتقاعدين يعني كأنك يابو زيد
ماغزيت دفعو مني وقفو مني وللحين مافي الخن إلا شعري.وسلامتكم لكن ما بنسكت!؟؟يعني بنسولف.
خلل بالنظام
بكرة راح تصرح وزارة الماليــه ... بسبب خلل بالنظام .. تتعذر تحويل الدعم المالي للموطننين .. وسيتم ارجاع المبالغ للتنميــه ... وترجع حلميــة لعادتها القديمــة .... وقاام الشوط
الضرائب قادمة
الدولة تذل المواطنين على ماذا؟؟ خمسين دينار؟!!!
بعد سنوات قليلة كحد ستفرض الضرائب وستأخذ من المواطنين أضعاف مضاعفة
ماشاء الله
هالعلاوة من سنو ونص وللحين في ناس ماعطوهم, من كبر البحريني يعني؟؟؟؟؟؟؟؟
وإلا من كثر عدد شعبها
حتي كتابة هذا الاسطر
من الساعه السادســة مساء من يوم الاحد الموافق 28-3-2010 لم يتم تحويل اي شي .... مع انه الجماعه امطرشين لي مسج .. بااني مستحق .وكل بياناتي صحيحه .... مثل ماقلت لكم شباب .. بعيد الاضحي المبارك سيتم التحويل ... وانتظر ياحمار لما يجيك الربيع ... وسلامتكم
قصــة الف ليلة وليله
بالتحديد من شهر 15-7-2009 طرشوا لي مسج بااني مستحق وسيتم تحويل الدعم المالي ... ومن ذاك اليوم ... طرشوا لي مسج بتاريخ 4-3-2010بااني مستحق ... واليوم ..... بتصريحها .. باانه تم التحويل المبالغين للمستحقين ..... السؤال يطرح نفسه ... هالسالفة صار لها ااكثر من سنة .. وااحنا على الحال ... صاااايرين مصخره ... والرزق على الله
ناس واجد مااستلمو للحين
للعلم ناس واجد من المستحقين ما أستلمو ولا مرة
ولنهاية شهر أبريل, إذا مايعطونا راح ننظم أعتصام عند المرفأ المالي وراح أحط إعلان في صحيفة الوسط, وأبغي كل واحد ماعطوه علاوة الغلاء ولا مرة يشارك ويانا في الإعتصام
ليش تسوون كل هذا في المواطن المسكين
ليش هالمواطن المطحون تطحننة أكثر؟؟؟؟؟؟؟؟؟؟؟
مو كفاية مطحونين في هالبلد؟؟؟؟
بعد تذلونا على خمسين دينار؟؟؟؟؟؟؟؟؟؟؟
حرام عليكم
حرررررررررررررررررااااااااااااااااااااااااااااااااام عليكم
مستحقين وذليتونا ذل
لمتى يعني بنصبر؟؟؟؟؟؟؟؟؟؟؟؟؟؟؟؟؟؟؟؟
عدلنا بياناتنا ورحنا للمراكز الإجتماعية من شهر سبعة
ولححين ماشفنا شيء
حرام عليكم والله
حرام عليكم والله يعني شنو الدفعة الأخيرة؟؟؟؟؟؟؟؟؟؟؟؟؟؟؟ يعني ماراح نحصل هالعلاوة حالنا من حال باقي البحرينيين؟؟؟؟؟؟؟؟؟؟؟؟؟؟؟؟؟؟؟؟؟؟؟ حرااااااااااااااااااااااااااااااااااااااام إذا ما أحصلها ما أبري ذمتكم يا وزارة التنمية ......
والله فشله
بس عااااااد افتضحنا مع ها السالفه انا مالي شي في ه الغلا ومفتشل الله يعين المستحقين مساكين انذلوا
واااااجد نفر قرقر ؟
احنا للحين ما جانا الدور رغم تسجيل بياناتنا مع بداية المشروع .المكتوب غير والفعل غير قالو نطروا المسجات نطرنا قالو صار خلل دخلو الموقع وشوفو هم دخلنا ونفس الجواب انتظر مسج بصراحه يطنزون علينا جم مرة قلت لهم طرشوا مسج بعدم الاستحقاق وفكونا معلقين ليكون احنا محسوبين من الاغنيا واحنا ما ندري
والله مافي شيء
حرااااااااااام عليكم جم مره نجرب ماكو شيء ليش هلون