قاطعين ارزاق الناس

انا الى الله وانا اليه راجعون
الحين حتى الواحد اذا بغى يترزق ما تخلونه في حاله يعني هذا مو حرام !!!
ترى الله موجود ..

صج تخلف

اللي يقول انه مع المرور وافهموا السالفه قبل الحكم يعني بالا عليكم شلون هالسواق بيوصلون اولادكم مني والطريج من غير ما تقولون لهم يعني صج قلة عقل خلكم واعيين شوي ولا تدافعون وتقطعون رزق غيركم حسوا في الناس يا عديمين الاحساس شقالوا تلويع محد طقاكم على يدكم وقالكم خلهم يوصلون اولادكم وبعدين تطلعون فيها يا متخلفين

sacred heart school

اقول انا وش صاير قدام مدرستنا

بلادي

اشتغلت في هذة الشغلة 12 سنة وعندي من الخبرة ما شاء اللة حصلت من المرور مخالفات ما شاءاللة ولأني عليي قضايا امنية من الأحداث ما حصلت على رخصة وكلما رحت ليهم حامل المخالفات وأريد رخصة قالو ويش انسوي لك أما المجنسين عطوهم هم وية نسوانهم وانا والحمد للة تركت الشغلة من ثلاث سنين واللة ينتقم من الظالم

المشكله مشكلة تامين

لا ياشباب الحل بسيط علا ماسمعت احد الضباط في المرور يكلم رفيجه يقول ان المشكله في التامين لان اصحاب الباصات مايمنون علا الاطفال اذا قدر الله وسو حادث ماعندهم ترخيص من المرور حق نقل طلاب اهني يكون المشكله لان اصحاب الباصات مامنين بس حق باصاتهم ضد الحوادث اهني المشكله بس

يا جماعه

الحياة صعبه وخلو الناس تشتغل في كل عمل لا تمنعون احد ويا ادارة المرور التصريح لا يخدمنا نحن عندنا تصريح بس ما فيه مزايا اذا حصلت على وضيفه ما يشغلونك لان لديك رخصة طلبه وفي نفس الوقت الرخصه غير معترف فيها من البنوك والاسكان والاجازه 3 اشهر غير محسوبه ولا دخل لدينا ونحنو لدينا عوائل مسئولين عنهم الرجاء من وزارة العمل احتساب لنا مبلغ من التعطل مثل ما حسبتم الى معلمات رياض الاطفال في بدايت السنه ولكم جزيل الشكر والتقدير

الي المرور والاوقاف

توجد من اصحاب الباصات المعتصمه تعمل في الاوقاف والباص ويجب توقيفهم

الى المرور

يا اخوان تعاملو مع المواطنين بكل احترام مو تفلتونهم في السجن وتغرمونهم شوفو الاجانب يعملون وينقلون الاطفال في سيارة خاصه وباصات يسجلونها على نقليات ......وغيرها ويسمحون الى الاجانب بالعمل والتخريب على المواطن الاصلي وين الاداره العامه للمرور وين وزارة العمل ز العامل يوصل طلاب ومن ثم يليم قواطي معدنيه من القمامه وينكم عن لفري ويزه

!!!

قطع الاعناق ولا قطع الارزاق نصف الشباب المتخرجين ثانوية عامة يسوقون باصات الحين شيسوون ؟؟

*****

حدهم ع بحارنه انزين جوف حلا مع الهنود وباكستانين الا يتكسون بي سيارتهم الخاصه
أنا اليوم في رجعت من مدرسه بعد أمتحان طفت ع سواق وشغب وانا رايح مدرسه سواقه قعدت في محطه أحارس نقل عام ما اجوف الا باكستاني يسئلني وين بي تروح قلت له منطقه ثلانيه وسئلني في أحد بي يجي ليك قلت لا وسكت وبعدين وهو طالع من محطه ومعاها هندي يقول مدينة حمد اذا تمباني أوديك بي 500 فلس
. قلت ليه ما ابي اروح
ومشى وخطر شارع وراح صوب سياره حمره تحت شجره وركب فيها ومشى مع هندي و لاسياره نظيفه شكله جديده

من البديع إلى زائر رقم (36)

أقولك على قولت المصريين (نقطنا بسكاتك) وبعدين أخطائك الأملائيه عدلها ، ما تعرف تكتب كلمتين.

ستراوي

رائر رقم واحد كلامك في محله بس ويش يسون هالفقارة هم بس لو ييسرون هلعملية والترخيص كان محد تعنه ووقف في الحر ( قطع الأعناق ولا قطع الأرزاق)

درب الزلق

ماليكم الا أتبيعون لحم أجلاب في قواطي

حسبي الله ونعمة الوكيل

طاح حظهم يبقطعون رزق الفقارة مو حرام عليهم الجلف يشتغلون اخر الليل في القوة وطايحين الحظ في النهار على الباص وين صارت
ما اقول الا الله يفجعهم انشالله

أكيد بيمنعون

حتى أنتو المشاكل فيكم الله يساعدكم ويفرج عنكم أنشاء الله قلناها مافي شي عدل في هالديرة

رد على زائر 36

كامستكا :-)

انا لله وانا اليه راجعون

الى متى يتأزم الوضع على المواطنين ادارة المرور من صوب ووزارة الاسكان من صوب والبحر من صوب والبر من صوب وين يروحون قسما لولا الايمان باالله لفاقت نسبة الانتحار جميع دول العالم

عبير الورد

الله يبصركم اخواني والله معاكم ان شاء الله ويفتحها عليكم من اوسع ابوابه

معقوله !

بقول لكم اخواني تخيلو لو وقفو المرور 200 باص من 16 راكب وكل شخص منهم يوصل مدرسه يعني عدد المقاعد في 200 باص يساوي 3200 كرسي يعني المرور و خصوصاً وقت الدروة لو بيطلع بيوقف 200 باص وبيطلعون 3200 سيارة ! تخيلو الي مايستطيع ياخذ اولاده وله مشغول في عملة شسوي؟؟ و على سالفة الترخيص لازم يكون عمرك فوق 25 سنة و لازم ماعندك تأمين في التأمين الاجتماعي لو بكره تتكسر في الشغله مستحيل يمشي لك راتب تقاعد ؟ وغير القوانين الثانيه و اذا على مسألة الاولاد ترى كل الباصات فل بيمة يعني مأمنين على جميع المقاعد

نعم نعم انا ضد الباصات

تم ايقاف رخصة توصل من الباصات لان تم اكثر من الباصات ضبطهم في سرعه .. وخالفات وما يحاسبوون في سياقتهم قررو المرور انهم يسحبون رخثة توصيلهم .. وراح يكوون بديل عنهم .. هم قطعو رزقهم بيدهم.

أبو علي...

الله يكون في عونكم ويلعن اللي تسبب في قطع رزقكم

بلوه هل الاداره

الواحد يتزق الله قالو مخالف القانووون ويش انسوي
ونقول الله كريم في كل الاحوال

سواق الحافلات

غدا يأتي الدور على سواق التكاسي والبيكبات والشاحنات .. تلاحقوا روحكم واستبدلوها بــ جواري حمير وإن كانت لا تجاري تاكسي لندن وبحرين ليمو ولكن على الأقل تضمن ولو حصة بسيطة من السوق .

؟؟

مساكين

ليش؟؟
ما نعترض على القانون
لكن من وين رزقهم؟؟؟
لكن خل الدنيا كلها تعرف الرزق مو بيدهم
لو بيدهم انجان من زمان متنا

محمد العالي

المشكلة اذا ماطلعت المرور قوانين جديدة من وين يحصلون فلوس , قبل شهر طلعو قانون للبحيرينين اللي عندهم سيارا ت بأرقام سعودية ان يحولونها الى رقم بحريني او يرجعون السيارة السعودية لان المرور ماتطلع ولا فلس من هالسيارات لانها ماتتسجل ولا تتأمن عندهم فحطو دوبهم مع البحرينين مساكين و قضو على كل السيارات السعوديىة اللي ملاكها بحرينين وهالمشكلة طلعو منها الملايين , تدرون شيصير بالمرور . هذولا يجتمعون بس علشان يطلعون قانون يدخل لهم كم مليون من على ظهر هالبحرنيين المساكين = يتبع ===>

عندي باص

اذا قطعو رزقي من وين اصرف علي اولادي من وين وانا ما اشتغل حسبي اللة ونعم الوكيل

المرور

حرام يا ادارة المرور

يا داخلية!!؟

الداخلية كل يوم تفتح ليها باب

قطع الأعناق ولاا قطع الأرزاق !

الصراحة ذي قطع ارزااق . والشباب بدل قعدتهم بدون اشغال قاموا يوصلون .. صراحة ماعندهم سالفة يسوون جذي .. ترى قطع الاعناق و لا قطع الأرزاق ..

الله حسيبكم .

و احنا الطلبة شنسوي؟

يعني اذا احتجزوهم احنا من بيوصلنا ..؟
حسبي الله و نعم الوكيل .. يقطعون رزقهم حرام عليهم

ديرة الهنود

اقول الى ادارة المرور وينكم عن الهنود روحو شوفوهم شلون مصطفين بباصاتهم فى المنامة فريق الهنود خصوصا يوم الجمعة والله ما فيكم شدة ال على البحارنه الله ياخذ الحق منكم قطع الارقاب ولا قطع الارزاق

لا لا لا

هؤلاء يقودون باصاتهم وكأنهم في حلبة الفورملا والمصيبه معهم اطفال
شلون تبوون تراخيص شلون؟؟؟

حسن سلامه

اداره المرور مالها حل....وانتون ياسوق الباصات تتبعون القانون وها البلد بتدفع بتمروء مابتدفع مابتمروء
ز خخخخخخخخخخخخخ ههههههههههع

الله يساعدكم

الله يساعدكم وانشاءالله تتحق مطالبكم . والبطالة لازم نقضي عليها . و الحين صاير الشيء بالعكس البطالة قاعده تزيد اكثر . الله يعينكم ويعاونكم يا سواق . السواق والبحارة على طول مظلومين ومهضوم حقهم

بو عمر

النظام نظام -لازم تاخلفون القوانيين روح طلع ترخيص والله سالفة

يامهدي

أدركنا ياصاحب العصر والزمان

؟؟؟

يوم جافوا الناس تترزق الله من الباصات قاموا سوو القانون وطبقوه .. لو مطبقينه من قبل ماصار اللي صار
احنا من يوصلنا؟
والناس شلون تترزق الله ياجماعة .. شلوون الواحد يعيش؟ شلووون

القضية مبهمة

نرجوا من ادارة المرور التعليق علي الموضوع للتوضيح للجمهور

المستقبل الواعد

قارن بين المواطن البحريني والمواطن القطري من حيث الحقوق والواجبات

بحراني عز وفخر

الله يساعدكم ياجماعه ويعطيكم العافيه..
الى زائر رقم(1) اي نضام واي قانون اللي تتكلم عنه هالمشكله صار لها سنين والاخوه اتبعو كل قانون يصدر من المرور ولكن كل قوانينهم تعجيزيه نتيجتها (لاتحاولون)..
الى زائر رقم (8 ) ياخوك ان سوو اعتصام ووقفو عن التوصيل هم اللي بيخسرون لان اكثرهم متفقين مع شركات والشركات عندهم بديل في اي وقت..
والله ينصركم ياشعب البحرين ( الاصليين )

الباصات الخاصة مكيفة!!!!

احسن من باصات الحكومة تكيف مافيها وكفاية ان المحطات بعيدة عن البيوت والحين صيف والحمدلله رمضان اجازة

صح لسانك زائر7

الاعتصام بخلي اولياء الامور يعتصمون وياهم وخصوصا المضطرين

هذا مو حل

جديه تزيدون نسبه البطاله خلوهم يترزقون الله وثاني شي هم مسوين تخفيف لعداد السيارات اللي راح تتواجد بالطرق شفيكم ماتفكرون وين مخكم

خل يتشطرون على الاجانب

مملكتنا صارت مملكه الاجانب والمواطن على جانب مضيقين عليه بكل شي خافوا ربكم واتقوا باجر وراكم عذاب وقبر ومحاسب

حل سريع

خلو يوم لاتوصلون فيه جهال للمدارس والروضات وشوفا شيسوون اولهم المرور بيحتجون هههههههههه

جردابي

نصيحه الي السواق سوو اضراب يوم واحد ولاتوصلون احد المدارس ولاغيره وانشاء الله اكون حل للجميع

العين الخولة

هذا بدل من قاكينكم من توظيفهم في الوزارات وخصوصا الداخلية والدفاع المشحونة اجانب اليوم بعد جايين تقطعون ارازقهم

الأرزاق بيد الله

الله معكم ويوفق ليكم في كل خطوة

حسبي الله و نعم الوكيل عليكم يا قاطعي ارزاق الناس

الله على كل ظالم في هذا البلد.. ما يكفي العاطلين الجامعيين و اعدداهم الهائلة، ما يكفي قتل الناس كل يوم.. بعد تحاربونهم في رزقهم.. شنو هالبلد.. الله يجيب على هالبلد طوفان يريحنا كلنا .. يا رب اامين امين امين

افهموا السالفة قبل الحكم

بس افهموا السالفة، يمكن القانون - وبدون شك - لوضع معايير لحماية الطلبة والاطفال كتأمين واشتراطات لحماية كل الاطراف والله ياجماعة السواق - بعضهم - عبالهم ما أحد يعرف يسوق الا بس هم ويتفنون في تجاوز القانون - بقلة أذب و عدم احترام- وبعضهم يرد لنا أولادنا عقب ما يدور البحرين كلها - ويكتب على الباص للتوصيل بدل للتلويع - وبعضهم يفتق لكل شروط السلامة ذاخل المركبة ولا تقولون أرزاق تقطع وقولوا حقوق تحفظ

راح زمن الامان للبحرنيين وتسهيلات للمجنسين

كل مشكلة ولها حل وعدم التسرع في اي شي ميسوى عليكم ياجماعه وقوفكم في الشمس الحارة او الي يشمت عليكم يا اخواني

الله يكون في العون

المشتكى الى الله يبون يقطعون ارزاق الناس , بس الرزق في يد الله مو بيد احد , ويقولون البحرين ما فيها فقر قول فقد وضلم وقطع ارزاق

مع المرور

يا جماعة أني مع احترامي لرايكم لكني في هالموضوع مع المرور للمحافظة على أرواح ولادنا وبناتنا لأن أغلب سواق هالباصات متهورين وسياقتهم سريعة. والشغلة صايرة سايبة كل من خذ له باص وقام يوصل الطلبة لازم يحطون ليهم اشتراطات وقوانين.

ديراوي على البحر

أكيد بيمنعون لأن الأشخاص إلي يشتغلون هذي الشغلة من فئة معينة من الشعب ، ولأن ( الحكومة) شافت أن هالشغلة تطلع مدخول جيد قالت لا مانخليهم يستانسون لازم ننغص عليهم عيشتهم

محسود الفقير على موتت الجمعة

الله يكون في عونكم .. وفرج عنكم .. وان شاء الله يكون في تعاون من قبل الادارة العامة للمرور ..

صدق ادارة المرور تعبانة ومعندها سالفة

عجل فقارة يترزقون الله تقطعون ارزقهم قطع.....

يزيدون البطاله

هذي القرارات راح تزيد عدد البطالة بدل التشجيع يقومون بقطع الارزاق و التضييق على المواطن

الان

توي انا مار من صوبهم كانو الشغب توهم واصلين يمكن يفرقونهم باستخدام المسيلات المنتهية و المطاط

الله يكون في عونكم

حسبي الله على إللي قطع أرازقكم ومرده بجيه حوبتكم

النظام

من امن العقوبة اساء الادب .. هذا نظام وتطبيق النظام حضاري ياجماعة .. والعمل بدون تصريح مخالفة .. وجزاكم الله خير اتبعو القانون لتنعمو بالامن والامان ادام الله علينا وعليكم نعمت الامن وحفظك الله يابحرين من كل سوء ومن كيل سيئ قادر غير موالي