شهدت الإدارة العام للمرور صباح اليوم ازدحاماً شديداً على مكتب إصدار اللوحات المعدنية الجديدة، إذ بدأ توافد المواطنون قبل فتح الشركة المتخصصة في تغيير اللوحات المعدنية أبوابها.
وأكد المدير العام للإدارة العامة للمرور المقدم الشيخ عبدالرحمن بن صباح آل خليفة أنه اعتباراً من اليوم الأحد الموافق 20يونيو 2010 الجاري سيطبق القرار الخاص بتغيير اللوحات المعدنية للسيارات في البحرين.
وأضاف أن الإدارة العامة للمرور حددت ثلاثة فروع في مبنى الإدارة لاستقبال المراجعين.. وتوقع أن يشهد اليوم الأول اقبالاً كبيراً من قبل المواطنين والمقيمين الراغبين في تغير لوحات مركباتهم لافتاً إلى أن الإدارة قامت بتمديد أوقات العمل في مكتب الاستبدال من الساعة ٧ صباحاً حتى ٨ مساء بشكل متواصل من يوم الأحد إلى يوم الخميس.
محرقية f j
أنا ابي اعرف بس شنو بقى ما خذوا علية فلوس ما في شي ببلاش أنا الحمد لله مستورة والمبلغ حدة تافة لكن الفقير الله يعينة شيسوي عن نفسي أنا آخر وحدة ببدل الأرقام لأن سمعت إنها تسهل على المرور أخذ المخالفات بس العرب كلش ما عندهم ولاء للغة العربية اللي بعض الدول تعتز بلغتها العربية واحنة كأنة اجانب يبون يحطون لنا ارقام بالأنجليزي إشفيها الأرقام العربية يعني كلة بس عشان يسهلون حق الاجانب وأحنا بالطقاق والله طرطرة
مواطن
طيح الله حظكم صراحة فشلتونا لو بلاش قلنا ماعلى بعد
ما في أحد ياخرطي
لا شلخون علينا هؤلا سمعو هناك يوزعون جوازات بل هبل فجاء الزدحام الكل يبي جواز +فيفا .
اليوم بدئو بتغير لوحات السيارات وبكره يغيرو اسم ديرتنا الحلوه من البحرين إلى مملكة المجنسين
والله حــــــــــــــــــــرام
الرسوم 3 ونص
من قال 7 دينار انا قريت الموضوع على انه 3 ونص
حتى 3 ونص واجد، لا تحسبها من شخص واحد قول كم سياره بالبحرين. كفايه اللي ياخدونه من مخالفات ناس تدفع وناس ما تدفع لمتى هالتمييز
يتبع ... فضيحه المرور اليوم
يتبع ...الكل يركب على الثانى والله البعض ركب ودخل من الدريشه والبعض الاخر راح اشتكى عند الاداره وهناك ايضا مجنسين سوريين وهم من اول الحضور كأنهم فى صحراء كل صراخ فى صراخ وريحتهم الخايسه وحتى الموظف تهاوش مع الشرطى والمسئول هرب من المكان لمده ساعه وبلاوى صارت لا يكفى المساحه لذكرها بس انا انصحكم لا احد يروح يبدل اللوحات لانه لا توجد ترتيب ولا تجهيزات ناهيك عن ان المعامله تستغرق 4 الى 6 ساعات ... هل هذا يقل ياجماعه
تابع صدق او لا تصدق
طلبت ارقام قصيرة .. وبعد الانتظار من الساعة الثامنة صباحا الى السادسة والربع مساءا تم تسليمي ارقام طويلة .. ولما رفضت استلامها حملوني مسؤولية الخطأ .
هل من المعقول ان ادفع 7 دينار اخرى لاستلام اللوحة ؟!
هذي يعطونه ولا ياخذون 7 دينار؟
اخاف قاعدين يعطون المواطنين 7 دينار مو ياخذون ولا ليش جذي زحمة؟ ياناس فترة التغيير سنتين ليش العجلة؟ الا اذا كان حب التغيير وخاطركم في لوحات جديدة؟ لو تدرون اللوحات الجديدة تم تصميمها لتسهيل اخذ المخالفات المرورية وانتوا ميتين عليها؟ هي هي
زائر111
صدق منزهقين على حديدة بعد لو ببلاش ما عليه أني ما ببدلها لو الكل بدل علشان تصير سيارتي مميزةههههههه بس اذا خلوه اجباري
الرسوم على إدارة المرور
اليس من المفترض أن تتحمل الحكومة رسوم اللوحات المعدنية، أحنا مو ناقصين خسائر.
بنت الرفاع
البقيه تأتى اليوم أرقام سيارات وبدايه السته الجديده جوازات جديده وهارد لكم ياشعب كادح مسكين
الرمضاني
أمصفعين والا محسرين
راحنين من الصبح الى العصر
صدق أو لا تصدق
أبو العيال راح من الصبح الساعة الثامنة إلى الآن الساعة السادسة و الربع عصرًا لم يرجع و كلما نتصل إليه ايقول بعد للحين
مهزلة
الادارة العامة للمرور متعودة دائما على اذلال المواطن البحريني مخالفات على و حدث ولا حرج
الناس قاعدة في الحر واقفة علشان تبدل نمرت السيارة اللي بشخطة قلم راح تشخط 7 دنانير من مخابي البحرينين اللي يحسبها بالمصطرة و قلم البنسل كل يوم جم يبقى من هلمعاش اللي ما يسد الجوع
يا مرور انتون ما في عندكم ترتيب علشان تغيرون لوحات 400 الف سيارة انتون بس همكم البيزات اللي بتجي من ورا هذي النمرات و البلاوي اللي بتصير من بعدها و الفاهم يفهم
بحريني منحرق من حر الشمس و الحكومة
والله حالة
توني شاري لوحات لسيارتي الارقام القديمة الحين يبوني ابدلها في المشمش يا ادارة , لا تبديل حتى 2012 موعد الاجباري و سوف تقوم ادارة المرور بفرض المخالفات مجددا,
يا اخوام يسونه ول مواطن يقرم
يااخوان ليش المواطن ثمن التغير المفروض ادارة المرور اهي اي تدفع لانه اهي الي غيرة ولا توجد اي موافقه مسبقه من النواب ولشوره بهل خصوص يعني المفروض مب الزامي الدفع لانه غير غانوني...
ولد الجريش
متخرعين والله تفشلون, قال سنتين مب يومين, في احد عاقل يوقف في الحر عشان يغير رقم سيارته لا ويدفع فلوس بعد. بس والله حده لين مايقولي المرور غير الرقم والله سيارة ماتمشي على الشارع بعدينننننننننننننن بغير
انا مستغرب وابغي احد يجاوبني
كل مرة تطلع الحكومة بشيء جديد
تغيير هوية
جواز
رخصة قيادة
بطاقة ذكية
لوحات
حرام هذا الشيء لا يجوز الشعب فقير جدا , مو كل مرة تطلعون لهم بحاجة جديدة مهما كان تبغون تتطورون بس مو على ظهور الفقراء لو زعلانين على انكم تدفعون مال الغلاة المعيشة والاسكان
مواطن بحريني اصلي ( غير مجنس )
السعر 3.500
قالوا في الراديو و في الجريدة 3.500 شلون انتون تزيدون على كيفكم، و أحين بشوف باجر يمكن أروح مع أن حر ويش أنسوي
يستاهلووون
ههه بصراحة يستاهلون هالمذلة اللي ذلوهم فيها ليش يعني كل هالاستعجال عشان بس تغيير رقم لوحة وانتو الخسرانين يعني فوق هالوقفة والهذل بتدفعون!!! وعلى ماقالو اللي قبلي المدة سنتين اتوقع كل هالزحمة عشان الفشار وعن يزعم كشخة هههه
بيغيرون الارقام ولا فقط اللوحات؟
اهم شي ما تتغير الأرقام لان رقمي مميز و ما ابي اخسره ..
إهـــانــة مـــواطــــن
لماذا هذا الاستخفاف بالمواطن وبالرغم ليس له داعي لدفع الشخص 7 دنانير مقابل تبديل لوحة السيارة ومع هذا يقف في الحر وبدون كراسي ... أين كرامة الشخص ( بني ادم ) مع العلم بأن درجة حرارة اليوم وصلت أعلى من 50 .. الله يعينك أيها المواطن الفقير .
طابور الصباح
هذا الزمن امش وادفع ما في شي بلاش والحين هاذي الارقام توهم اليوم بادين والناس مخاريع وشان زين الجو بارد واقفين بره والله مساكين في عز الشمس والجو حار كأنهم في طابور الصباح. اشلون اللي عليهم مخالفات وما دافعوا راح يركبون ليهم او اول شي يدفعون
زائر 30
اسمع اذا بتكلكم تكلم عن روحك بس انت فاهم الدول الاخرى اللى تتكلم عنه يعونك الكهرباء مجان يعطون قرض وارض مجانه اذا احد بيتزوج وبعد ما خوفيا اعظم وثانى شى المرور اللى قرر يغير لازم اهم اللى يدفعو مو احنا انت فاهم والله كل ما بغو يغيروا شى احنا ندفع ترى فى ناس مو لاقيه تاكل يا جماعه يا ظلام خافو من الخالق.
اللوحات الجديدة
فترة السماح سنتين فلا داعي للأستعجال في التغيير . و في أول يوم طبعا تكون الزحمة كبيرة و الناس تحب الشي الجديد . بعد كم يوم تصير العملية سريعة و عادية. ملاحظة: اللي رقم سيارته حلو راح يكون أحلى مع شكل الأرقام الجديدة بس اللي رقمه زلاطه ليش مستعجل!!!!!
كل شي يبون يغيرونه
كل شي يبون يغيرونه بالامس تغيرت الاجازة الاسبوعية وقبله استبدلوا المواطن البحريني الاصلي واليوم يبوون يغيرون لوحات السيارات وغيروا عناوين كرزكان واحنا نسير على هواهم والله يعلم باجر شنو بغيرون وهذي طريقة للنصب والاحتيال على المواطن . ولو تروحون للشي العجيب انه لفلوس جم بتكوون ولانه عدد السيارات كثيرا جدا في البحرين وهالفلوس وين بتروح؟والله ال بني آدم بيندم بعدها لانه في النهاية بكوون تحت لتراب مدفون
؟
اشلون صورة اللوحات الجديده؟
الرمضاني
يا جماعة ما شفتون خير ، بس بدئوا يغيرون اللوحات سيده ركيض ، خلهم يولون الى ما يجي موعد التسجيل
الرمضاني
لا نا رايح ولا شي
الا إذا صار إجباري
88888
والله كنهم متخرعين هالاوادم
مابروح
بصراحة اني وحده مالي زاغر مابروح بخلي المرور هو بنفسه يجي البيت يغير لوحتي هههههههههههه متفرغه اروح ثيابي في المغسلة ماجبتهم لحين مو ابدل لوحة سيارة برم برم
الى كل من قال (غلاء، ليش رسوم؟، حراميه المرور ....الخ)
بس في 10 في هذي الموقع شغلهم يكتبون تعليقات عن تجنيس و الحكومة تفرض رسوم على الناس!!!!
اكو الموضوع مثل ما تقرون .. محد يشتكي من الرسوم (البسيطة) و لا في مشكلة.
بعد لا يكون تبون كل شي بلاش و تبون الحكومة توظف لكم ناس عشان يحطون اللقمة في حلوجكم؟؟
الدول الثانية كلها ضائب و رسوم و العيشة صعبة و انتوا كل شي تتذمرون. قولوا الحمدلله على النعمة الكبيرة ... غيركم حاسدينكم عليها ....
والله شباب منزهقين
وليش الشباب واجد هامين روحهم ورايحين من الصبح على شنو ؟ بيعطونهم بيت اسكان؟؟ والله صدق ذلين فاضين عقليا وعندهم شغل. الحين اشغالهم خلصت واولوياتهم ان بس يبدلون الرقم؟؟ مع انها مو بلاش, لا ويبون يتطورون وهم همهم السيارات والارقام, والله انا مابروح الا آخر ايام التبديل, وش داش في جيسي اذا بدلتها وش بستفيد غير مضيعة وقت وفلوس, ومثل البطاثة الذكية اول شي سووها غالية وبعدين يوم ماشافو اقبال رخصوها.
ما في بيزات
ليش ما تخلون الوحات السيارات مجان
00
رحت مت من الحر ماايسوى بس سياارتي L)
ماطلعت رواتب الفقراء
باقي من الراتب 10 دينار نخليها لخبزة روتية روبة ملاين تدخل من المخالفات سووا خير توزيعها مجان على المواطنين لاهوووووووووف هالمرور شفاطة
العراب
متعذب من اسبوع بسبب المرور يذلوني ذل على موضوع تافه الموظفين مهملين الوضباط مايضبطون في الدوام والمذلة بس للبحارنة الفقارة
اقول ترى يبغون يصدونكم حق المخالفات
7 دينار تقدر تغير لوحتك وطبعاً لازم اتاكد ان ماعليك مخالفات
وياسلام على الارقام الواضحه
انا مو مجبر اروح !
ادا صارت الشغلة الزامية راح ابدل اللوحة اما من احين ليما تجي سنة 2012 الله اعلم احنا لحين في الدنيا او اتيسرنا منها ،فما بدفع في خزينتهم ولا فلس ليما تحق حقايقها ..
وبصراحة مجنون اروح اوقف في ها الحر عشان ابدل لوحة ادارة المرور تشوفها ضرورة واحنا الموضوع عدنا اشبه بسرقة منظمة وفي وضح النهار .
يعطيكم العافية ...
كحيلة العين( رد على زائر 9)
الرسوم 7 دينار أخوي.. كل لوحة بثلاث دينار ونص, بس ليش هذولة ما يسون بلاش حق الواطنين, جذي حراام , يعني كل شي بفلوس في هالديرة, على اقل يعتبرون البلاش هدية شهر رمضان المبارك.
نوع من انواع جني المال الغير مشروع
بأي حق نلزم بدفع المبلغ المخصص لتغيير الأرقام ولماذا نتحمله نحن وليست الحكومة.
ثم لماذا في كل مرة يتم فيها تغيير الهويات الحكومية يكون المواطن هو الضحية ؟؟
حين تم تغيير البطاقة السكانية ببطاقة الهوية كان المواطن هو من دفع الثمن والآن ايضا مع هذه الخطوة ندفع نحن ثمن آخر .. اليس هذا نوعا من الضريبة الغير مشروعة.
هناك نظرة اخرى ايضا بشأن الجهة التي تصنع هذه اللوحات ... كيف تم اختيارها ومن الذي يملكها
الصورة تتكلم عن نفسها
بعج عناء وانتظار ساعتة ونص رحت بركب الرقم واهني الصدمة ,,, تركيب اللوحة ياخذ من الوقت ربع ساعه .. اتصوره ربع ساعه عشان يركب لوحة وحده يعني نص ساعه للسيارة جم يبي له عشان يركب لـ اكثر من 100 سيارة باليوم
للأسف مافي اي تنظيم وفوضه حدها
للاسف الشديد افتقاد التنظيم والفوضه من كل حد وصوب ... كنت رايح ااغير الارقام .. من الساعه 8.10 صباحا الى 9.32 صبــاحا !! معقوله يعني تنظر ساعه ونص على مايوصل دورك .....
بالاضافة الى تذمر بعض من الاجراءات الغير منظمه ... المهم مابطوول عليكم ... خلصت دوري ... ورحت للتركيب ... رحت .. الا فوضه حدها .. مافي اي تنظيم ... وكانه رايح سوق السمج ... كل واحد يبي يخلص شغله ... !! والسؤال يطرح نفسه ... لما متي بظل هالفوضه ..
غريب امركم
الحين قبل اسبوع تقولون ماعندكم فلوس حق الارقام والا يشوفكم جنكم متلهفين ضبة فى هالحر عشان شنو العجلة انة اخر يوم فى المهلة واذا عندى فلوس ببدلهم ولا يمكن تتطلع مكرمة ببلاش0
رسوم اللوحة
رسوم اللوحة 3 دينار ونص للوحة الواحدة المجموع 7 دنانير المفروض يفتحون مراكز في كل منطقة مثلا نروح البريد وجذي لان احنا البنات ما نقدر نوقف في الكيو في هالحرررررر لا وبعد ننرص ويا الرجال
إمبرآطور دمستـآن ..!
والله حـآلة شكلهم مهتمين عدل في النَّمرآت الجديدة :D ،، لكن السؤآل الآ يطرح نفسه: ليش وآقفين چدي قآعدين في مدرسة ؟! :D
!!!!!!!!!
كلهم منزهقين على حديده.........
.
كأني قريت 6 دينار
فوضى وعدم تنظيم ( نقطة نظام ) محمد ضاحي
العملية متعبة جدا والموظفين مرتبكين من شدة الإزدحام منذ السابعة صباحا فأختبص الحابل بالنابل تجديد التسجيل السنوي وتسجيل السيارات الجديدة بالإضافة لتغيير اللوحات ومكتب الشركة صغير وبه 4 موظفين فقط ولا يوجد أرقام إنتظار والإنتظار خارج الكبائن في لهيب الشمس لحين تطبع الارقام وتسليم اللوحات شبيه بسوق السمك إضافةعلى ذلك يقوم العامل بثقب جسم السيارة ب( دريل) ويلغي الثقوب الأصلية !أما بالنسبة ل ( براغي )فهي سهله الفتح وقد شاهد الجميع كيفية تركيبها
البعض ترك اللوحات وهرب من لهيب الشمس ليأتي لاحقا
شنو ذي مقصف مدرسة لو محل سمبوسة ؟
طبعا الموظفين في البراد والمراجعين في الحر ...خرام عليكم عيل وين الإستعدادات ؟؟ اذا هذي بدايتها الله ايعينا
هذى البحريني
مغلوب على امره مسكين
لماذا هذا التزاحم ؟
يا جماعة لا داعي لهذا التهافت على استخراج اللوحات الجديدة ؟ . . سيأتي عليكم يوم يحاول كل واحد وضع اللوحة القديمة لأنها تميزه عن غيره . . أما نظام المرور فهو فاشل
؟؟؟؟
والمفلس شيسوي؟
هذا اهم العرب
هذا اهم العرب .. بس مظاهر وجخه .. على خرطي .. ومن داخل تتن .. متى بس بنطووور
الرسوم
الرسوم هي 7 دينار
عطنى خبز ثلاث ربيات
هذا مو مكتب فى مبنى حكومى خربطة x خربطة
يا جماعة اليوم اول يوم ليش الزحمة الشركة ما فتحت واكرر واقول عطنى خبز ثلاث ربيات
كم السعر ؟
كمالرسوم المفروضة بعد على تغيير اللوحة ؟؟؟؟؟؟
الحين
الحين بروح ياشرد من الدوام وبروح
الرد على الزائر رقم 2
طبعاً في مكان داخل بس " في الداخل" إلى# VIP #
و الذين عندهم "وووووو"
وشكرا
أبو حسين
رد على زائر 3
يكفي فتنة ياخوي لوحات مالها علاقة بالتجنيس لي تسويه اسمه تدنيس
كشخة
كشخة محد عندة رقم جديد مثلي وايد حلو الرقم شي
استغفر الله
ليش واقفين في الحر وين مكاتب المرور يعني شكله ما في مكان المفروض في نظام وارقام وعلى كراسي مثل في صاله مو واقفين الناس كانهم في مقصف المدرسه انتم ياادارة المرور تتبعون النظام واخرتها ما في نظام
؟؟؟
الحين يبون يغيرون اللوحات المعدنيه وحنا ندفع ليش مدام هم يبون يبدلونهم بيش ما يتحملون التكاليف؟؟؟ !!!
الظاهر أغلبهم مجنسين
لأن المجنسين مستعجلين على تغيير اللوحة عشان تتناسب مع فترة استيطانهم البلد
مافي مكان؟
ليش مخلينهم في الحر ؟ مافي مكان داخل؟
ماشالله
ماشالله عليهم كلهم مهتمين وايد في اللوحات ..