بعد....ماتيوزون ....

أخدتون سمج قطر ..بعد...سيارات قطرية ...ومادري وشو...

ماكو فايدة

400 الف سيارة ضرب 7 دنانير يكون الناتج 2800000 يعني ماكو مشكلة ان تمددوا الدوام على مدار اليوم دون توقف
انا اتعجب من هولاء الذين يصرون على تغيير لوحاتهم الان
يا اخي انتظر حتى يجي الموعد
العلة من بطنك شيفيد الدواء

ما أبدّل اللوحات ولو على قصّ رأسي...

ولو أنصكت بوجهي أروح أي دولة خليجية و أجيب سيارة منها و عليها لوحاته، و علشان المرور يموتون قهر بأجيب لي سيارة من " قطر" و عليها لوحات قطرية؟؟؟
ويش عندكم بعد ، بتطّلعون قوانين تمنع البحريني يجيب له سيارة من الخارج ؟؟؟طلعوا كل القوانين اللي بجبدكم و لو ويش سويتوا ... ما أركّب هالوحات اللي فيها الشريحة التجسسية ...ولو أشتري لي " حمار " و بكرامة السامعين، و اذا ما لقيت حمار... بأخذ سيكل، بس ما بتّمشون اللي براسكم غصب عني ..
ولا للتجسس على خصوصيتنا.

اذا عرف السبب

السبب انهم ما يمشون معاملتك في المرور الا بتبديل اللوحة يعني غصبا عليك اتبدلها و اذا كان في اليوم الواحد عشرات او مئات يراجعون المرور للتجديد السنوي او نقل الملكية او غيرها فاكيد بتصير زحمة و ليس الزحمة لان الناس متلهفة على الارقام الجديدة

الرأي الأخر

بسم الله الرحمن الرحيم
بصراحة وزارة الداخلية وإدارة المرور ما عندهم سالفة لوحات السيارات بأحسن نظام وأجمل نظام في الخليج
سبحان الله مملكة الخير يسمونها وهي خيرها من غيرها ومن شعبها كل محل تروحه برسوم
يعني المرور يطلع معاشات ورواتب موظفين وزارة الداخلية وزيادة ؟؟

استفتاء

سؤال بريء للقراء هل يعجبكم شكل اللوحات الجديدة؟ والصراحة لا نريد ثقب سيارتنا الجديدة بالدريل ! والافضل ترك استبدال الارقام حسب الرغبة والحاجة لتفادي الازدحام وتعطيل الناس لفترة زمنية قد تطول

خسارة

خسارة على السيارة لما تكون توها جديدة راح يخرقون بالمثقاب الكهربائي بسبب تغير بسيط في مكان لوحة الارقام . وباي طريقة يبون ياخذون وينهبون من عند الناس فلوس اليوم تغيير الارقام باجر تغيير الجوازات وبعد بقولون هاتوا من تغيير الجوازات والمواطن شنو ذنبه من كل هذا والله عورني قلبي وانا اعلق على هذا الموضوع وفي الاخير الكل بيتقبل الامر وبكون ملامس الواقع

اللي باط جبدي شي واحد

امس شفت الصوره والناس اشلون متجمعه تقول ببلاش العرض ذكرني بأيام عرض فيفا وحسبته نفس الشي ان لمده اسبوع ببلاش طلع بفلوس دام بفلوس متخرعين على شنو انتظرو يجي موعدكم للتسجيل وغيرو اللوحات مو حرام عليكم تهلكون العاملين بس شعب البحرين صدق اغلبهم يحبون ال الفخفخه يعني شوفوني مركب اللوحه الجديده وبعدين قالو لكم سنتين ما قالو لكم بكره آخر يوم بالتغيير بلاوي صدق

حسيني الهوى

ماراح ادفع والا مو عاجبه يشرب ماااااااااااااي البحر
ودمتم سالميييييييين

، ،

ما دام هم الي يبون يبدلون اللوحات ليش مو مجان و يخلون المواطنين يدفعون من كثر الفلوس يعني . . مو كفاية فلووس لهـ
!!

الى أدارة المرور 1

في أعتقادي الشخصي أن تغير الأرقام مفيده و راح اتقلل من عدد الجرائم المختلفه. ولكن السؤال الى أداره المرور و الترخيص. أول شي قلتم سنه و بعدين سنتين يعني بعمليه حسابيه بسيطه 360 يوم بالسنه تقربيا من غير العطل و الأرقام اعتقد وصلت في ؟؟؟؟؟ا3 يعني كل يوم 800 سياره تقربيا لازم اتبدل لها الرقم. و حتى سنتين هل من المعقول و هنالك سيارات جديده تباع غير السيارات القديمه الموجوده حاليا. اعتقد ان الأخوان في الأداره لم يدرسوا الموضوع بشكل جدي. فالأمر واضح. نرجوا من أدارة المرور اعادة دراسة الموضوع و شكرا

بعيدا عن العاطفه

أكثر التعليقات اتكلم عن السبعة دنانير. فسبعه في سنتين يعني اقل من ربيه كل يوم.
لا كن الأنزعاج الحقيقي أن أكثر الناس لا يعلمون عن تغير الأرقام و الكيفيه و حتى الوكالات ترى بعضها ماتدري اذا السيارات الجديده محتاجه ان تذهب الي المرور او المخلص هو ياخذ الرقم و يتم تركيبه في الوكاله حسب ما سمعنه ان التركيب يتم عبر الشركه خصوصا اذا مكان البراغي غير يعني السالفه ضايعه. كان على الأداره دراسة تغير اللوحات بصوره جديه و بعد ذالك التطبيق و أولا على السيارات الجديده الي ما عليها ارقام. و شكرا

عالم عجيب

صراحة يا 35 كلام في الصميم اشكرك على التعليق وعالم هذا الزمان يبو كل شي ببلاش وانا اقولهم مافيه شي ببلاش الا المرض والموت الله يجيرنا ويجيركم منه.

لو الناس ايد وحده جان وجان

دام هالشي طالع من وزارة المرور خلها تدفع عنا يكفى هالمخالفات لى طاحين فينا ولا وهالشهر مسوين حملة غريبه عجيبه تلاقيهم بكل شارع وبكل زاويه تقول مسوين قرقعون كل هاي علشان الفلوس عمر هالبلد مارح ينصلح حاله دام الحكومه بوادي والبرلمان بوادي والشعب له الله ياريت الناس توقف مره وحده ويرفضون هالقرار الا اذا كان بالمجان خلهم يغيرون صبغة السياره ماعندنا مانع

رد على زائر 34

لا حول الله .. بدينا ويا الإشاعات؟؟؟
من بيدفع هالمبلغ حق تصميم رقم؟؟ ... و كللش ما أعتقد أنه الوزارة راحت إسرائيل علشان تدور واحد يكتب ليهم رقم على حديدة ...
باجر بتقول لي اللي صمم البيج واحد ياباني مجنس في بريطانيا ويشتغل في الجيش الأمريكي و قاتل 10 بحارنة ....

شلون؟!

اللي ما عندة 7 دينار .. شلون يملك سيارة ؟؟؟
اللي يملك سيارة أكيد بيدفع أقل شي 4 دينار للبترول كل إسبوع (هذا إذا عندة سيارة 4 سلندر و ما يمشي فوق ال60)... وغير التأمين والتسجيل السنوي اللي بيوصل على الأقل 50 دينار (20 للتسجيل و 30 تأمين طرف ثالث ويا 100 سنة شهادة عدم حوادث) ...
نصيحتي لكل واحد مستخسر يدفع هالمبلغ يبيع سيارتة و يشتري سيكل .. أو ياخد له حصالة ويخلي فيها 20 فلس كل يوم و في أقل من سنة (350 يوم) بيجمع له 7 دينار.

هلا بحرين

تعرفون ياجماعة الخير الي صمم هاذي اللوحة كم استلم؟وشنو جنسيته؟
جواب: الي صمم الاوحة استلم دفعه الاولى 866666 الف دولار امريكي ودفعه الثانية ستكون 25/07/2010 وهي بقية المبلغ هي 40533 الف دولار امريكي واسمه ( روبرت نيكولاس ) مصري الاصل متجنس وعايش في اسرائيل

ايها الناس

عفوا الى 26 الرد كان الى 27
معذراً

هههههههه

على الاقل سوو عروض الصيف ركب وحده والثانيه مجانا

هوى بحرانية

اللي قاعد يتكلم ويقول مسوين سالفة على هالسبعة دينار اقول اسكت احسن لك
دام انت تقدر تدفع غيرك ما يقدر يدفع وبصراحة مااشوف انه احنا ملزومين ندفع لهم
المفروض يكون بالمجان لانه مو احنا اللي طالبين هالشي

يا 26

اسمحلي حاولت اضخك بس ما قدرت .... حاول مرة اخرى

ايها الناس

رد الى 26

ايش فيك حامل الدرج بالعرض
اعدله وخلصنا
قال ايه قال توني ماخد الجواز
استغفر الله صدق
المفروض انا واحد منك وفيك مو ترد علي بهذا الاسلوب
الموضوع مجرد رأي
اما انت صحيح هااااااوي بلاااااااااوي

ايش صاير

ياجماعة الا 7 دينار ومقومين القيامة على شو صراحة لاتعليق

رد على 23

الظاهر انك توك محصل جواز

عملية الخرق هدفها عدم نزع اللوحة الا بواسطة الشركة

عملية الخرق هدفها عدم نزع اللوحة الا بواسطة الشركة، السبب للحد من السرقات

المواطنيين الخلص

يا جماعةالخير ... اللي بدلوا اللوحات متخرعين ترى كلهم اصحاب الجوازات المجانيه اللي يوزعونها في...لانهم عندهم فلوس , ويحترمون القانون اللي يشفط البيزات وهم المواطنيين الخلص..

أيها الناس

الى 23
ياولد الناس ايش دخل خرب البلد في هالموضوع
سبب الخراب انت وامثالك ليش؟؟
أقول ليش
لان انت وامثالك جلاوزة الظلم والخراب والا الناس ميته وانت تقول عورتوا راسنا على ها السبعه اما صحيح ضميرك متقاعد
يا موااااااااااااااااطن

الى 22

محد مخرب البلد الا اللي امثالك

أيها الناس

ال يقول عورتوا راسنا على هالسبعه دينار
اقول له عيب عليك انت الا واقف مع الغاط ماحد قال ان 7 دينار فيها قيامه بس الموضوع موضع احساس ، انت عندك غيرك ماعنده خل يكون كلامك منطقي او فالتصمت
ماعندي غير هالكلام

أيها الناس

أنا واحد ماراح أبدل النمره بشوف ويش يسووووون
انا ماقلت رقم السياره غراب اة متعلل حتى ابدلها هم يبوووون هم يدفعووون
انا انسان فقير ( الفقير فقير الدين )
ولو الايادي وحده ماقدروا يتنفسووون مو يتكلمون بعد، انت طالع الاوادم ما صدقوا خبر قاموا وراحوا يبدلووووون بسرعة البرق ، قول لي كيف يثبت قرار وعندنا ها النوع من البشر

كلمه وارد غطاها ما راح أبدل
(الحق مدفون بالنجف)

عورتوا راسنا على 7 دينار!!! عيب تره

مكتوب لكم كل يوم ان الناس ما عندها مشكلة تبدل الارقام و تدفع. الجم واحد المصفع اللي يكتب عن مكرمة و تبديل لوحات على حساب الحكومة رجاءا 7 دينار ما تذبحك.
هاذي اذا انا اروح حق اي واحد في الشارع اقول له "مسامحة ممكن 7 دينار كلش محتاج حق (اي موضوع)" شوف يعطيك او لا؟

الية تثبيت الوحات

تصور السيارة من المصنع موجود فيها ثقوب للوحات والاخ التابع للشركة يعمل ثقوب اخرى وش ها التخلف 0لو ان السيارة ب20الف دينار والنمرة ب7دينار مو حرام هالتخرم وتخريب السيارة

زائر 9

واللة ان مداخلتك تثلج الصدر وكلامك عين الحقيقة الحقيقة المرة التى نعانى منها والاذان غير مستعدة للسمع وكل ما فى الموضوع سرقات وضحك على الذقون فى وضح النهار والمواطن مسكين والبعض منهم طبل لى وارقص والا فى هذا الحر والنار والعالم متزاحمة وتدفع وهى تضحك0اللة يساعدكم على سذاجتكم

توبلاني

لا اله الا الله.....يامسرع مايطبقون القوانين الي فيها فلوس للحكومه واحنا نموت اذا طلبنا أي حاجة نحصلها بعد سنين......هذا الموضوع خلال أيام وطبقوه.....

فكره جشعه من غير سابق تخطيط اليها

وكلاء السيارات تعاني من فكرة تغيير اللوحات واصبحت هناك مشاكل ما بين الشركات والزبائن وخصوصا من ناحية خرق السياره الجديده بالدريل!!!!

حقيقه شعب إفشار !!

لا يوجد شعب يحب الفشار كشعب البحرين ,, كان الأجدى أن يتلكأ الناس في مسألة تغيير اللوحات لأنها ستكلفهم مبالغ مالية جديده ,,أو على الأقل الإنتظار إلى أن يتم تبيدلها عند موعد التجديد لا أن ينهالون على المرور بالأعداد الكبيرة ,, فقط ليقولوا نحن أول من ركب اللوحة الجديده ,, ةبعد هذا يشتكون من كثرة المصاريف !!

بفلوس في البحرين كل شي يصير

بس لو كان التركيب مجان ، جان للحين ما حددوا موعد التركيبن واذا صار الموعد يخلونها ساعتين في اليوم وموظفين اثنين فقط يباشرون العمل ، ويشغلون الواسطات بعد.
والله هزلت

تعليق

تعليق على زائر 6
أخوي هاي يركب المسامير بدريل أسرع ليه
مو يخرق السيارة من جديد!
هاي اللي أتوقعه

أقتراح للمصلحة العامة (أن وجدت)

تمديد ساعات الدوام لتركيب اللوحات يتبعه مصاريف أضافية (الوقت الأضافي الخ) والتي ستقطع من مدخول الدولة لصالح الشركة. أقتراح بتبديل اللوحات عند الفحص. أدارة المرور لديها كل أرقام السيارات فلماذا لا يتم صناعة اللوحات عند الفحص حيث يعلم الجميع أن بعض السيارات لا تجتاز الفحص أذا كانت لوحاتها غير واضحة أو مكسورة.

الحساب عندك

7.000دينار في 400 رقم كم يساوي

الى ادارة المرور

المفروض استبدال اللوحات مجان

حرام عليكم
7 دينار

ماشاء الله

نناشد جلالة الملك إصدار مكرمة لتركيب الأرقام على حساب الداخلية

محرقية f j

عادي يخلونها 24 ساعة ما دام السالفة فيها فلوس لو يصير خلوها 25 ساعة في ال24 ساعة بسنا بسنا فلوس يا حسين

العبقرية أنواع

أبي اعرف شنو كان بيضرهم لو كان تبديل اللوحات مع شهر فحص السياره، يعني كل دفعه تتبدل ارقامهم بحسب شهر الفحص ... و السيارات الجديده الغير خاضعه للفحص السنوي يكون لها مكتب ... مثل اللي صاير الحين ... كأنه خباز الفريج في أول يوم من رمضان !

يعني الإشاعة صحيحه

الصوره خير دليل... أنا ابي اعرف شغله وحده بس!! هذا اللي يركب اللوحات الجديده أعمى؟ السياره تكون جاهزه من الوكيل بفتحات لتثبيت اللوحات ... ناقصين احنا ندفع لهم فلوس علشان يخربون سياراتنا !!

المشاركون .. من الذي بعدي إلى الأخير

كلما ارادوا شفط أموال لإرضاء جشعهم
خرجوا بمشروع جديد الناس في غنى عنه
لم يكفهم سرقة الأراضي وجريمة دفن البحر
والإستحواذ على عائدات النفط وكأن أبوهم الذي
صنعه، ولم يشبعوا من سرقة أموال التقاعد وتكديس مخالفات في الصغيرة والكبيرة: حزام، إشارة حمراء، موقف خاطئ، عدم تعبئة العداد
التسجيل السنوي و و و..
تباً لكم ولمن رضى عن أفعالكم القذرة
أنا لا احتاج للوحة فإن كانت قرار منكم
إجعلوها مجانية فـ .... لم يجعلوا لنا قدرة
مالية لدفع ظرائب فسادهم

حبي السرمدي

المفروض تكون اللوحات بالمجان لان مو احنا الي نبي نغير اللوحات الداخلية هي الي تبي

بس البحرين كلة لعبة في لعبة

الله كون ف العون

اللة يعطيكم العافية

لويصر تركيب الوحات الجديدة في كل شهر بتفحص فية السيارة مثلأ شهر واحد بس مال شهر واحد يفحص ويركب لوحات جديدة شهر 2 فحص وتركيب لوحات جديدة ووووو الى شهر 12

موظف

شوله...ناقصين مصاريف

ولدالوفاع الأصلي

المفروض إدارة المرور هي التي تتكفل بالمصاريف
موالمواطن المنطحن ..... حرام عليكم ...إحنا لاقين ناكل حق ندفع!!!!!!!!!!!!!!!!!!!!!!!!!!!!!!!!!!!!!!!!!!!

هم السبب

انا اليوم شفت الارقام الجدد بس الي شفته من النوع القصير و سوألي هل يوجد ارقام من النمر الطويلة ؟
بصراحة ادا ما في ما راح اغير لانه النمر الصغغيرة ما طيح على سيارتي

اي نعـــم شي في خدمه الشعب مقابل دنانير يمددونه

وليــــــــــش لا
عادى عندكم حتى لو تسونه 24 ساعه