أعلنت شركة طيران الخليج مساء أمس (الأحد) عن إصابة 5 ركاب و3 من طاقم الضيافة بعد تعرض الطائرة التي كانت تقلهم من مطار البحرين الدولي إلى مانيلا لمطبات هوائية.
وذكرت الشركة أن رحلة شركة طيران الخليج «156 GF» المتجهة من البحرين إلى مانيلا والتي كان على متنها 263 راكباً تعرضت لمطبات هوائية، وهبطت الطائرة بشكل طبيعي في مانيلا، فيما باشرت الجهات المعنية في مطار مانيلا بتقديم العلاج اللازم للمصابين.
وأشـارت الشــركة إلى أن الطـــائرة ستخضع للفحص لمعرفة مدى تضــــررها من الحادث قبل تسييرها أية رحلات.
العدد 2866 - الأحد 11 يوليو 2010م الموافق 28 رجب 1431هـ
واحد من الناس
اولاً: المطبات الهوائية من الجو مو من الطيارة
الفلسفة المليقة الزايدة مالتكم ما اباها لانكم ما تعرفون شي عن الطيران فلا تتفلسفون ... الحمد الله على السلامة
معلومات عامة
الطيارة نوها AIRBUS 333
موديل 2008
البحرين الى الفلبين 10 ساعات
امكانية طيران الطائرة 17 ساعة متواصلة
والمطب الهوائي هو ثغرات هوائية في الجو يعني مو الطيارة ولا الطيار اذا كان في الجو جيوب فراغ راح تنزل الطائرة الى مستوى الهواء الموجود
هذا كل الامر الامر ...ومن افضل شركات الصيانة العالمية موجودة في لمطار وطيران الخليج مشتركة معاها ..
وسلامتكم
يعطيكم العافية
الله يخلي انشا الله طيرانا افضل الطيران والى الامام انشاء الله ويعطيكم العافية والقوة .... ترى على خليج البنغال المطبات قويه ... والله يساعد مظيفينا على الرحلات الطويلة ويعطيهم القوة
طيران فاشل
طيران الخليح حمامات خياس خدمه صفر اكل ماله طعم
طائرات قديمة وفاسدة
طائرات طيران الخليج تخوف وكلها قديمة وتطلع اصوات غريبة ... خسي اركبها مرة ثانية .. القطرية وطيران البحرين افضل منها مليون مرة
AIRPLANE
OF COURSE IT DEEPENS ON THE TYPE OF AIRPLANE AND THE PILOT.SUCH INCIDENT HAD BEEN HAPPED FOR OTHER AIRLINES.
هذي وحده من الطائرات الجديدة؟
شنهو نوع الطائرة؟ هي احدى الطائراة الصغيرة الي تبارك بها الرئيس التنفيذي الجديد؟ او هي احدى الطائرات الكبيرة
والله في بعض الكومنتات تضحك ههه
اذا ماتفهمون بشي في الطيران ليش تتكلمون والمطبات شي ماتقدر تتفاداه اصلا معروفه انها ساعات تصير قوية وساعات ضعيفة فأرجوكم اذا ماتفهمون لا تكتبون كومت وحمدلله على سلامة الركاب وهذا شي عادي مافيها شي
الصحاف..
زائر خمسطعش ..15 قتلتيني من الضحك انا كان خاطري اروح وياهم بس وين يا حسره لا شغل ولا مشغله والتذكره وزنها ذهب..
لاويش هالتفلسفات
ويش صاير
اشدخل الطائره في المطبات ؟؟ بعد هذا خارج عن سيطرتهم .. ليكون تفكرون نفس مطبات الشوارع اللي عندكم هني ؟ هه خرطي
أتمنى
الطيارة رايحة الفلبين إن شاء الله فيها عشيقة زوجي الفلبينية وتكون ماتت يااااااارب .
سكراب
الصراحه طيران الخليج ما اعتقد انه تعلم من كارثة طيارة مصر ووده يكررها وهذي مو اول مره يثيرون الرعب في ركاب طياراتهم وكله يازعم مطبات هوائيه طيران الخليج صار موضه قدميه وسكراب
هذي المشكلة
المطبات الجوية لا تاخذ بالحسبان قدم او حداثة الطائرات واللي صار للطائرة هبوط حاد ومفاجئ للطائرة خارج عن نطاق سيطرة القبطان ...
بس المشكلة في هذا البلد ان في ناس جهال بس فالحة انها تفتي وتحكم مادري من وين
هذي المشكلة في هذا البلد
قدر الله وماشاء فعل
المعذره اخوانى يبدو ان البعض فاهم الموضوع بالغلط اللى صار مطبات هوائيه يعنى قضاء وقدر من الله تعالى
لامن فساد ولامن طيارات مب زينه وسلامات للجميع وقدر الله وماشاء فعل
الى الزائر رقم 9
زائر رقم 9 شكرا لك على هذا الكلام اللي بذر منك وبدل ما تعلق على الموصوع اكتفيت فقط بالتعليق على كلامي. وبدل ما تعليق بكلمتين طيبين على الموضوع افضل لك والله و تحياتي لكل الاخوة
to the visitor number Seven
كلام سليم يا أخي
زوزو الشيخ
اول شي حمدلله على سلامة الجميع
ثاني شي الى متى بتظلون ياشعب البحرين بهالعقلية السلبية ؟؟؟؟؟؟؟؟
يعني لو طيران الخليج يدرون ان الطيارة موبزينة وسكراب ومنتهية بيخلونها اتطير ؟؟؟؟؟
بيخلون الطيارين يركبونها ويطيرونها ؟؟؟؟
بيخلون ناس يركبونها عشان تطيح فيهم ؟؟
ليش يعني فلم هندي ولا مصري هع
بليز فكروا قبل التفلسف ..
مستحيل طيران الخليج يبي يطيح في سمعة نفسه بالعكس كل شركة او مؤسسة تتمنى تتفوق على المؤسسات كلها عشان تحقق رأس مال كبير وتكون فووق وعالية ...الي صار مجرد قضاء وقدر
فيلسوف
فكنا من نصايحك الله يعافيك
متى بتعتدلين يا طيران الخليج
الفساد في طيران الخليج الحقوا عليها قبل ما اطيح الفاس في الراس
Something for Gulf Air to check with the pilot
With hi tech equipements fitted on A340, why the pilot did not avoid the bad weather ??
طيران الخليج من سيء إلى أسوء
صيانة دمار
طائرات مصدية
ضعف في التمويل
خدمات سيئة
أول شركة طيران في الخليج والآن اسوء وحدة
كله من الفساد الإداري
نوال عطية
الحمدلله على سلامة جميع الركاب
والله لو انه كنت من ضمن الركاب !!!! اكيد كان بتصيدني سقطه قلبيه !! من الخوف
سلامات وما عليهم شر
سلامات وماعليهم شر والله يشافيهم ويعافيهم
والمطبات الهوائية خطرة على حياة الانسان اي انها تسبب له الصدمة وربما توقف القلب المفاجىء ونصيحة مني للي يخاف لا يركب في الطائرة ولا يخاطر بعمره لاكن الواحد يضطر يركب الطائرة الى الدول الاوروبية البعيدة وياريت يكون عندنا قطارات يكون افضل واسلم
سلامات
كواوا اقو ولن بيرا الحمدلله علي السلامة
...........
من شنو هالمطبات طياراتهم هالسكراب .. سلامات للمصابين
سلامات!
"كاموستكا"! "مبوتي"؟
ماعليكم شر!
رعب
مساكين .. لو انا بالطيارة ويصيدني هالموقف ارجع بالسيارة من مانيلا للبحرين او ما ارجع ..
الصحاف..
سلامات للمصابين ...وان شاء الله يرجعو بالسلامه..ما في حل مستقبلا للمطبات؟؟؟