العدد 3072 - الأربعاء 02 فبراير 2011م الموافق 28 صفر 1432هـ

جمعية الأطباء البحرينية تناقش مستجدات كادرها مساء اليوم

الجفير - جمعية الأطباء البحرينية 

02 فبراير 2011

تناقش جمعية الأطباء البحرينية، في اجتماع داخلي للأطباء فقط، مساء اليوم الخميس ليلة الجمعة (3 فبراير/ شباط 2011) في مقر الجمعية بالجفير، تطورات ومستجدات كادر الأطباء.

وقال رئيس جمعية الأطباء البحرينية أحمد جاسم جمال: «إن الجمعية عملت مع قيادة وزارة الصحة على تعديل الكادر منذ الدورة السابقة لمجلس الإدارة وعقدت عدة اجتماعات مع الوزارة، وقامت الجمعية بالحصول على موافقة وزير الصحة فيصل الحمر على تشكيل لجنة مشتركة بين الجمعية ووزارة الصحة وديوان الخدمة المدنية، عن هذا الموضوع برئاسة وكيل وزارة الصحة عبدالحي العوضي واجتمعت الجمعية مع وكيل الوزارة والمسئولين بالوزارة بعد طلب ديوان الخدمة المدنية بتحديد المبررات لمطالب الأطباء وعليه شكلت الجمعية آنذاك لجاناً موسعة كتبت فيها جميع التبريرات والملاحظات على المطالب، وعرضتها الجمعية على وكيل الصحة وتم نقاشها بالتفصيل والاتفاق على صيغتها».

ويأتي الاجتماع بعد أن أنهت اللجنة المشتركة مع وزارة الصحة بالاتفاق على أغلب النقاط من المطالب وعلى أن يتم تقديمها لديوان الخدمة المدنية وتقوم الوزارة بالتفاوض مع الديوان على تحقيقها.

واشتركت جمعية أطباء الفم والأسنان البحرينية في اللجنة المشتركة الشهر الماضي (يناير/ كانون الثاني 2011) لتكون المطالب تعني الأطباء وأطباء الأسنان بهدف تعديل كادر الأطباء وأطباء الأسنان.

العدد 3072 - الأربعاء 02 فبراير 2011م الموافق 28 صفر 1432هـ





التعليقات
تنويه : التعليقات لا تعبر عن رأي الصحيفة

  • أضف تعليق أنت تعلق كزائر، لتتمكن من التعليق بـ3000 حرف قم بـتسجيل عضوية
    اكتب رمز الأمان
    • زائر 8 | 4:55 م

      -

      لكل اللي يقول ان الاطباء مايستحقون .. لا تعممون .. يتعبون ويهلكون في الدراسة .. وفي الشغل .. وبعدين اللي مو مكمل يجي ويعترض؟
      كملوا دراستكم محد منعكم .. كفاية الأطباء يعانون من أول ما يدشون مجال دراسة الطب .. اذا ماتعرفون شي عن معاناتهم والظروف اللي يمرون فيها رجاءً لا تعممون .. محد قال كلهم زينين .. بس شي ماتعرفون عنه عدل بدون بيانات ولا احصاءات ولا سماع شي من طرفين .. لا تتحجون فيه
      اتكلم من وجهة نظر طالبة طب .. ومرافقة مرضى سكلر نفس الوقت .. ,

    • زائر 7 | 7:06 ص

      زائر رقم 5

      الى زائر رقم 5 انت صح..
      كلمة الحق الوحيدة اللي انقالت .
      المشكلة ان الناس اذا سووا عمليات و صاروا اوكي لا يحمدون و لايشكرون.
      بس اذا تعبوا يسبون هالدكاترة المساكين و يدعون عليهم. لا و القهر يبونهم يشتغلون ببلاش و حاسدينهم . 3 الاف دينار اي صح في الاحلام. اذا تبونهم يشتغلون ببلاش اشتغلوا انتون بعد ببلاش مو قاعدين في المكاتب الحكومية الدوام خراطة و تدعون عالدكاترة الللي كل شغلهم دم و تعب و ناس مريضة . يتحملون الام الناس المساكين و بعد يسبونهم.

    • زائر 5 | 5:00 ص

      الاخوان تحلمون لايكون عبالكم في قطر احن؟

      يا حلويين راتب الطبيب الاساسي هو 776 دينار فقط
      تحلمون 3000
      مو كفايه الفلوس اللي دفعوها اهالينا 7 سنيين واحنا ندرس, م كفايه الشغل والكراف اللي نكرفه فالسلمانيه؟
      انتو البحارنه ماينقع فعينكم الا التراب وتستاهلون المعامله السيئه اللي تحصلونها من اطباء السلمانيه لانكم ماتحترمونهم وعبالكم يشتغلون عندكم
      والزائر 1: مافي مقارنه بين النواب والدكاتره النواب بعضهم مؤلهم ابتدائي يا بابا شلون تقارنهم بالاطباء؟
      الظاهر انت وايد حسود ومحتر, اللي يتعلم ويتعب على نفسه يستاهل زياده فالمعاش

    • زائر 4 | 2:30 ص

      راتب الأطباء البحرينيين 3000 دينار

      رواتب الأطباء البحرينيين تتراوح من 2400 إلى 3000 دينار وهذولة غير إستشاريين وهذا مجمل الراتب مع العلاوات

    • زائر 3 | 1:17 ص

      راتب الاطباء قليل جدا مقارنة بالاخرين

      زائر رقم 1 من قالك ان رواتب الاطباء 10 اضعاف, انت تعرف ان راتب الطبيب الاستشاري عقب 6 سنوات في كلية الطب و سنتين تمرين و امتحانات العرب بورد و سنتين تخصص برا البحرين يساوي 1350 دينار في الشهر قبل الاستقطاعات . هذا الاستشاري مو الطبيب اللي مبتدي يعني اقل شي يكون عمره 42. حرام عليكم شوفوا النواب اللي ما تعبوا ولا يوم في حياتهم كم يحصلون حاسدين الاطباء المساكين عقب كل هذا التعب و السنيين. الحين الهيئات و البنوك معاشات الموظفيين المدراء اللي بس دارسين لهم 4 سنين فوق 2000 دينار. حراام عليكم بسكم غل

    • زائر 2 | 1:15 ص

      اغلبهم ما يستاهلون

      الصراحه اغلب الأطباء ما يستاهلون لأن همهم الأول والأخير تجاري ولا اتحس عندهم عواطف أو هم المرضى. الأهم عندهم متى يروحون عياداتهم الخاصه ويجمعون افلوس. ما ايصير يا د.حمر جديه تيّت عليهم اشوي.

    • زائر 1 | 12:01 ص

      جمعية الاطباء البحرينية

      خوش اطباء همهم الشاغل الرواتب والكادر استحوا رواتبكم 10 اضعاف رواتب البحرينين المساكين كل يوم طالعين فيها كادر وزيادات شنو خليتوا لباقي المواطنين انتوا من صوب ونوابنا الافاضل من صوب والمدراء والمهندسين والمحاسبين من صوب شنو خليتوا حق عامة الشعب (لا راتب عدل وله تقاعد عدل) نبي انصاف وعداله نطالب النواب الافاضل بالسعي للمطالبه بزيادة رواتب البحرينين ورفع سقف رواتب المتقاعدين اسوة في النواب والبلدي والدكاترة والله خوش نواب عندنا فالحين يطالبون حق انفسهم فقط تره احنا اللي رشحناكم وكشخناكم

اقرأ ايضاً