مرحباً بكم زوار موقع الوسط أون لاين في حلقة جديدة من برنامجكم الاسبوعي الناصية، يسعدنا واياكم ان نلتقي مع المزارع البحرين حسين طاهر، أهلاً وسهلاً فيك...
* تعرفنا أول شي عن نفسك والمهنك؟
- حسين علي طاهر، مزارع بحريني اباً عن جد متخصصين في زراعة الخضار والفواكه.
* انت تعلمت الزراعة من يوم انت صغير؟
- من يوم انا صغير ابا عن جد، الزراعة صار لينا فيها 60 سنة احنا ضمان زين أول على جدي وتالي الوالد والحين أنا وخواني نشتغل فيها.
* تعطينا فكرة عن المشروع الذي الحين انت قاعد...؟
- والله احنا توجهنا إلى مشروع الزراعة في البيوت المحمية وقترضنا والزراعة هم الذين حثونا على هذه البيوت المحمية انها افضل للعوامل عن العوامل البيئية وهذا، وتجهنا داخل زراعة البيوت المحمية لكن شفنا المردود ما هو ذاك ارجع لك الفلوس التي حصيتها في المحميات وهذا، الحين المحمية الوحدة تقريبا تكلف ألف دينار والطماطة هولندي وموجود في الاسواق يباع الكيلو بدينارين وحنا انبيع الكيلو 3 مئة إلى 250 فلس في السوق اي معدل الكارتون يطلع 6 دنانير، اي المواطن البحريني ما ينقصه اي شي ينقصه الدعم لو يحصل على الدعم كان حتى يكون اكتفاء ما يحتاج يستوردون اي خضار وفواكه من الخارج، يبين المنتج البحريني شوف الطماطة بين الخارجي موجود الخارجي يباع في السوق بدينار.
* اي هل تقدر لو ترك إليك المجال لو افسحو إليك تقدر توفر لسوق، او بخصوص المزارعين بشكل عام يقدرون يوفرون لسوق طماطة؟
- أكيد أكيد، قبله كان المنتج كله بحريني في السوق الاعتماد على الواطن، بس تالي صارت شركات وجسر الملك فهد فقام كله يستورد من الخارج، المفروض إذا بين المنتج البحريني موجود يا اوقفون الخارجي أو يسوقون المنتج البحريني كالافضلية.
* قصدك ان يصير التسوق اليكم مع المحلات التجارية والمجمعات؟
- المحلات التجاري وكدول مجالس التعاون مثلاً الامارات الحكومة هي تاخدها من عند المزارع تشتري صرف نظر هل انهم يبيعونه أو يعدمونه ويعطونهم دعم، شوف يعني الامارات الحكومة هي تشتري الثمار من عند المواطن وهي تسوقه، هني في البحرين عكس مكان ما عندنا اصلا نقعد اروح نقعد في السوق حدنا إلى الساعة 7 ونصف، 8 لازم انت ما في مكان نحن نقعد مقابل رامز في العراء لا عن الشمس ولا عن المطر ولا في اليه مضلة ولاشي وعندتنا البلدية واخدو اسمائنا قالو بسوون الينا الحين تقريبا سنة ونصف قعدو جماعة مفوضين مع الوزير.
* وانت ما حاولت ان تسوق المنتجات مالك؟
- والله وسوقتها اتجهت إلى محلات تجارية، وتفقنا..... شاف المنتج وعجبه وقال بنشوف بناخدة وبنسوقة اليكم ولا نريد عليكم اي فوائد وهذا بس حرام يرمه وهذا.
* بس اقتصاركم على الطماطة لو حاولت تدخل في مجالات؟
- حاولنا ندخل في مجالات بس ما فيها مردود، زرعنا البطاطس، البطاطس ما خفي عليك من عند دائرة لزراعة هم الدين عطونا اليها، لكن ندري ان ليس له مردود بس عن لا يقولون احنا ما نعامل نتعاون وياهم قلنا ناخد من عندهم وهم اجون ما قصرون وينا المسئولين مال الزراعة بس ما في ايدهم شي، عن قضية الاستشارة أو دراسة ما يقصرون اروح اليهم اجون في نفس اليوم المهندسين الزراعيين ولكن بعد قضية الدعم قضية ثانية تخص وزارة التجارة أو جلالة الملك ينظر إلى شريحة المواطنين المزارعين لا دري، انتمنى من جلالة الملك وسمو رئيس الوزراء وولي العهد ان ينظرون إلى المزارعين - احنا ياخدون علينا رسوم 10 دنانير احنا مزارعين شنو اندخل إذا لا دعم ولا شيء وغير ... العمال كله هذا ما يدخل ولكن احنا تعودنا على هذه الشغلة.
* وهل تحس المنتجات البحرينية المحاصيل الزراعية اظاهي جودتها بالمحصولات الخارجية؟
- انا اضرب لك مثال بهذا الطماطية، هذا طماطة البدر هولندي اهني في البحرين يباع الكيلو بدينارين واحنا انوديه السوق على 250 و3 مئة فلس ليش ما ينظرون الحكومة إلى البضاعة المحلية ويشوفون المواطن البحريني هل يقدر ان يوفي لا يش اعتمادنا كله على الخارج ليش ما نحن نعتمد اعتماد على الاشياء الموجودة في البحرين المفروض ندعمها انخلي المواطن هو يشتغل انا إذا بحرك افلوسي بحرك فلوس في بلدي.
* انت القرض من وين ما خدنه؟
- ما خذ قرض من بنك التنمية.
* تدفع شهرين عليه؟
- شهريا 3 مئة دينار ادفع اليهم.
* بس المدخول ما قاعد اغطي؟
- ما قاعد اغطي، بعد احنا التزمنا اياهم وبعد هذا هم الزراعة هم حثونا قالو لنا لا تزرع برة سوي بيوت محمية سوينا اول مرة سويت 8 والسنة سويت 10 ازيادة.
* تقدر في يوم اطلع كم من المحاصيل لو سوقت اليك الحكومة وسوت تسويق وإعلان ووزير التجارة دعمك وجلالة الملك دعمك؟
- انا مو بس دعمي دعم المزارعين يعني احنا المزارعين عندنا جمعية واخواني المزارعين هم كذلك عندهم نفس الطرائق وهذا بس يعني تعبانين بنفس الطريقة هذه على التسويق.
* بس لو سوقو اليك كلشي تقدر تغطون السوق؟
- مئة بالمئة نقدر نغطي السوق ونغطس مصاريفنا بعد، لو يوقف الخارجي احنا نقدر نغطي لسوق إذا السنة مثلا ما غطينا الجاية راح انزيد البيوت المحمية ونزيد، والكل بيشتغل إذا شاف فيها مردود الكل راح يسعى إلى تطوير.
* ما حولت تدخل في محاصيل ثانية غير الطماطة غير البطاطس؟
- زرعنا في الشمام، الشمام زين مردود ماله بعد نفس الشي يستورد من الخارج السعودي ايكون موجود والبحريني.... العام زرعنا الخيار، كارتون الموز 3 دينار تصور في عشرين كيو 3 دنانير لان الخارجي موجود والله اخر شي اخته وقطيته برة حرقته... تقعد وياه بـ 3 دينار محد يبغيه.
* بس الفواكه ما جربتها؟
- لا الفواكه ما جربناها، والله جربو الجوافه البحريني موجود بس ما يعمر في البحرين الجوافة، وفي الفراولة، الفراولة احنا توجهنا نزرعة للفراولة والخضار داخل البيوت المحمية مثل الحشائش والخضراء التوابل.
* اي حسين نقدر نقول العقبات التواجهكم تحديدا شنو بالضبط التسويق؟
- التسويق والدعم.
* التسويق والدعم؟
- اي نعم، لو يكون في شركة تسويق مثلا اهني في السوق من توصل البضاعة ياخدونها من عندك اسوقونها اليك اي مثلا انت تعرف احنا ما بنقول انهم يشترونها بقول انها ما تمشي خلة يسوقونها مثلا قول لكم نسبة هقد واحنا لينا نسبة هلقد، لان احنا ما عندنا اصلا مكان نقعد، اتروح تقعد عند المساجد أو الاسواق تجيك البلدية ممنوع نقعد في الشوارع وهذا.
* شنو امنياتك اخيرا إلى المواطنين وإلى المزارعين خصوصا البحرينين؟
- والله انتمنى من جلالة الملك وولي العهد الامين وسمو رئيس الوزراء ينظرون إلى المواطنين وبالاخص المزارعين والسماكين كلهم نفس قضية سوق السمك السماكين احنا نفس القضية وهذا، قلت الدعم يفرضون علينا رسوق وحنا مثلا منتج محلي ليش ما يفرضون على الشركات الكبيرة الرسوم الشركات الكبيرة المقاولات ولكن نحن كمزارعين المفروض يدعمون المزارعين والسماكين من هذا القبيل، الصناعة البحرينية مفروض يلتفتون اليها نحن نسمع عن دعم لكن ما نشوف على الواقع مانشوف الي شيء منه قالو بيدفعون ماديا بساعدونا وهذا ولكن ما اشوف شي.
* مشكورين يا...
- نشكر جريدة الوسط ما قصرو على سرعة الاستجابة، احنا بس يوم من كلمناهم وجو إلينا الزراعة والتفتو الينا الان ما عندنا الا هذه الصحيفة نتوجه إليهم بالشكر وعساهم على القوة ان شاء الله، الله يعطيهم العافية.
- شكراً حسين.
