اعزائنا زوار ومستمعي "الوسط" أون لاين اهلا وسهلا بكم بحلقة جديدة من برنامجكم الاسبوعي الناصية...
يسعدنا وياكم ان نلتقي بهذا الاسبوع بعض من رجال ووجهاء قرية النويدرات لنتجادب معهم اطراف الحديث، أهلا وسهلا بكم...
..... حدود النويدرات الاول من شمال ... بيت بن سند وتلف على بيت يعقوب وجي على بيت حجي رضي حجي قاسم وتغرب إلى ان توصل مسجد الغربي هذي أول ما فميش بيوت في الشمالي ماميش الا هذي حد النويدرات من بيت ابراهيم حجي حسين إلى مسجد الشيخ خلف إلى بيت الخاتم ورد لاف مجنب إلى من اوصل بيتنا وبيتنا ماميش اصقع، وشتريتها... اشتريتها من عندهم وسويت بيت وتالي طلعت البيوت غربي النواجد، وردينا بعد ردينا بعد مشرق إلى بيت صالح ومن بيت صالح جنبوبي ماميش شي ما ميش ابيوت.
* انزين مال نويدرات لول وش يشتغلون؟
- يشتغلون نويدراس صناعات المدد ويدخلون الغوص يدخلون البحر يدلدفون احشون ابيعون حشيش،...... الشيخ خلف هذا صغير وبنو بعد على صغارته تالي ابوك حجي حسين وقامو فيه الديرة كبرو اشوي وجو بعد الحين الشباب وكبرو شوي واخذ المظلة واخذ من شمال اشوي...
* منهو كان اشهر واحد يصنع المديد في النويدرات؟
- اشهر واحد في المديد في الندويدرات.... عمك حجي مكي من الصنانيع وابراهيم... حجي علي المشعل بعد بيت حسن مكي حجي حسن مكي بعد عندنا بيت علي بن عبدالله وبعد قبل علي بن عبدالله حجي علي ابو علي من عبدالله ابو علي عبدالله المأدن في المسجد ابو هذا من الكبارية في صناعة المدد.
- في القديم شنو كيفية التعلم القران في الديرة؟
- المطوع عند واحد، مثلا انا تعلمن عند واحد اسمه أحمد بن شيخ أحمد ابو الخضر ما شفتوتنه، تعلمن عنده اشوي صار يقولون هدوله جه البارح وبخر اشوي وطلعت ورحت عند شيخ محمد بن شيخ علي، اخوه من امه، وخلص بعد من الشيخ محمد اتوفه وجيت عند حسن بن حجي عبدالله ابو عبدالله بن حسن، وتعلمت عنده وختمت من عنده... لا المطوع انا ما تعلمت عنده...
- حجي مكي
- حجي مكي علم اولادي، محمد وزيد، مصنع ناس واجد اصنعون.
* والمطوع الاول نفس الطريقة الحين ولا اتغيرت يعني اتروحون تقرون الصور من البدايتها، طريقة تعليم القران نفس اول؟
- لا أول اجيب لوح وطين (خمق) وتسوي قلم من الخوص ويكتبون ليه ألف باء تاء ثاء...اي لازم البطيان معناه (الطين) اتعلم ابجد والف باء وقل اعوذ برب الناس، قل اعود برب الفرق، الحمد.
* وانت كم اخت لما خلصت القرآن، اخت مدة واجد لو؟
- يمكن سنتين ونصف 3سنوات....... يعني مثلا بسم الله، اتعلمنا حسن بن حجي عبدالله هشكل، بسم الله باء سي ميم، بالسين كسرة، الا الف ولام مهمل، الام الثاني لام وشدة وحرف... وتالي الهاء كسرة الرحمن الف لم رء الف لام مهمل الراء شدة ونصبة الحاء الرح ساكن الرحمان الميم على قولنا احنا الف ممغوطة عليه الرحمن النون كسرة الرحمن الرحيم.
* وفي عيون الاول في النويدرات؟
- اي.
* وش اساميهم؟
- اساميهم.... النعيم العودة وعقبها اجي الحرامية.
* ليش امسمينها شدي؟
- بعد الحرامية مأخودة من ماء العين، عبد الجوجب وبعد الجوجب القصة وعقب القصة عندنا جوجبين اثنين للنسوان خاص،... الرجال يسبحون في الجوجب وعين العودة وعندنا الصودات .... بعد هذا يسقون منه النسوات،...
سيبان اثنين شمال وجنوب،
- لا هذا الي جاي الساب من بربورة من الجوجب إلى الملحة إلى ان ايوحصل على ما قلت الساب، الساب اهني قبل الساب الحين المسجد هذا من اي اذن فيه ولد بن ضيف اهني مغيسل و.... شريحة، اغسلون الميت يدخلون ابه داخل النخيل اغسلون مرة أو رجال سمعت، وتالي يمشي الساب مجلب، اهني يفتر.... قسم اروح مشرق قسم اروح مغرب، المغرب اروح لسيحة الي في الطريق الحين على اليمين الطريق من باب المقبرة والمشرق اروح سيدة جاي الا ما يوصل هذا القصة هذه مالت المغيسل التي هجروها الحين، هذا يجي وهذا بعد مجنب ايوصل مكان على ماقلت انتا حسن المعراج تطلع منه 3 اقسام، قسم مشرق قسم مجبل.
* انزين حجي مسجد الشيخ خلف امسمينه على اسم الشيخ؟ ...اي هو مسجد الشيخ ابراهيم؟
- لا الشيخ ابراهيم هذاك، الشيخ ابراهيم هذا.
* هذا بعد شيخ؟
- مو شيخ، شيخ في البحر انما هذا يقولون اجي عنده اجي مقام اليه اجي زيارة اجي يقعد فيه، ولا هذاك مسجد الشيخ ابراهيم في قبر داخل البحر شرقي عسكر، اجي اهني اصلي وله جماعة ازورهم.
* فسمو باسمه؟
- اي سمو مسجد الشيخ ابراهيم عبارة مقام الشيخ ابراهيم، ولا المسجد الاصلي شيخ ابراهيم ابراهيم بن مالك الاشتر في البحر، وصعصعة بعد في عسكر.
- المغتسل القديم
- هذا المغتسل اول داخل البحر
- ادكر بعد اول في عين تحتها الحريم بعد اغسلون...
- اسمونها الجصة
- ليش هجروهم
- لا ما هجروهم
- بعد جت اودم اقترحت ابوك وربعه قالو انسوي المغتسل اهني .... النخيل انسوي اهني... قال حجي ابرهيم هذا ملكي بعد، بس احمد المعراج قال لا مو ملكك.
- حجي علي المصلى قال ليه، حجي علي المصلى الي اصلون فيه قال ليه اي اصلون في صلاة الاموات.
- هو قال... عبدالله صالح اخذ منه عبدالله احمد صالح الحين اخذو اتقاسمو أول كلو مملوكه هذي .... لكن ماشوف احد صار فيها، هذا عاد بنى ابوك اهني المغتسل وهجرو ذلك... وجابو النعش اهني لو انعش يقطونه اهناك في النخيل عند المسجد الصغير.
* انزين تذكر حجي الاول العرس كيف شكله عندكم؟ طريقة الزواج الزفة؟
- لا ايسون عشة.
* أول ما تتقدم اليها اشلون الطريقة؟
- ارسلت بن خاتم وعبدالسبية وقالو هذا حجي علي يبغي اناسبكم وشو تقولون، قالو خلى اجي ونجي ونتعادل على المهر.
* والمهر كم كان الاول؟
- خمس وعشرين ربية، دينارين ونصف، خمسة دنانير، انا خمسة دنانير، خمسين ربية.
- لا لا ما ميش زينة.
- اما جدي صار زواجي
- انت جيلك جاء في زمن ابوك الي طلع لينا الزينة، لا لا الاول ما في زينة.... 25، 30، 40 إلى 50 هشكل.
* وتالي اسون خطوبة؟
- لا لا ما في خطوبة، من يعتدلون جيب الشيخ، اجي واحد من المعامير ولا يوسف بن حجي حسين بن عمكم اجي ياخذ اوكالة من عندي ويروح إلى المرأة وياخذ من عندها الوكالة... وإلى الشيخ وجيب لك يوم ثاني الورقة، الشهود اشهدون.
* بس ما يسوون زفة ولا شي؟
- بلا اسون.
* عشة؟
- اسون غذا ويقرأون مولد من الصبح إلى المغرب وتالي يتعشون الديرة اعزمنها غذاء وعشاء، وبعد ما يتعشون يقرأون مولد ويتلبس المعرس وطلعون وراه، ( واه صلي وسلم عليك يا رسول الله محمد) واحد ... وهم يوصلونه إلى بيت العروس.
* إذا عقد عليها مثلا وخلص اصير على طول يجلس وياها؟
- لا تشوفه ولا يشوفها، لا ما تطلع من بيتها اخاف يوسف يمر على بيتنا وشوفني، وذلك بعد الرجال اصير اخجل منها، انا اروح تلاقيني امها وهي وياها وانا استحي ويتباعدون ما يشوفها بس اشوفها بس اول ليلة الخطوبة، عن خاطرة شدي ولا يشوفها الا ليلة العرس، سنة سنتين شهر شهرين ما يشوفها الا ليلة العرس، ليلة العرس بعد معشية بطلي وجهك قالت لا الفلوس، كم الفلوس خذت 20 روبية 10 روبيات وتالي لين عطاها البيزات فكت وجها، اجي وحدة الداية اتحط ارجولها شدي وانت اتحط رجولك فوقها شدي هي تحت ارجولها وانت فوق وتغسل وتري للداية 5 ربيات 10 ربيات داخل الصحن وتاخذه الداية كأنه لداية.
* ليش اقطون افلوس؟
- ربابي.
* بركة؟
- لا مو بركة لا هذي ما غسال لرجول.
* وشلون طريقة الحنة؟
- اجي واحد من الصبر للحنيه وهي ابعد اجيها وحده احنونها من الصبح، ولظهر احنونها والعصر احنونها تعالي لين جاء اليل اودونها والرجال تالي بعد العصر يمشون به بربورة، وعدلونه وجيبونه وهي بعد.
* بس ما تسافرون نفس الحين؟
- سفر ما في ما نطلع.
* الحج أو.
- لا الحج اشوية من الخمسينات الصارت ولكن قبل الخمسينات حجي محمد بن سرحان راح الحج في الابعينات حجي علي بن عبدالله في الابعينات ناس واجد في الاربعينات راحو الحج، لكن الحج صعابة يطلع من يفطر أو قبل ما يفطر، وتالي يمضي 6 شهور ما جي الا ويا محرم.
* 6 شهور يقعد هناك؟
- اي لا بعد ياخذ رجب وشعبان ورمضان والفطر والفطر ثاني والحج وجي في ايام عاشور.
* 6 اشهر لين ما يوصل الحج.
- لان على نوق له، اوصلون الخبر وجون رعات النوق يا خدون ليه ...
* انت رحت بنوق؟
- لا انا رحت في لاري 7 أيام من الخبر إلى وصلنا المدينة 7 أيام.
* لول يقعدون الخوان وزوجاتهم في بيت واحد، البيت العود اسمونه ليه؟
- لا اما احنا بيتنا ما نخلط النسوان ويا الرجال، النسوان بروحهم، لان لو جانا رجال نقول ليه تفضل نقول لنسوان قموا، الا الحين ساعات افطر في رمضان ولدي ينعزمون اجيني واحد اقول ليه تفضل اجي يتفضل وياي يقعد لكن لو وياي نسوان...* لو حجي اتروح المنامة؟
- اروح المنامة مو يومين، في السبوع ويمكن في الشهر مرة.
* لتروحون لسترة؟
- لا تالي هذيك سترة أول كلش أول اروحون سترة يركبون في جالبوت يودنهم ام الحصم ومن أم الحصم تالي تاخذ كم حمار تمشي إلى المنامة وتسوق من المنامة وتاخذ احمار وتجيبه هناك إلى ام الحسم وتحمله في الجالبوت... وحولونه وتالي دورك لك حمار من سترة إلى النويدرات ما توصل إلى عقب العشة.
* وتذكر ستة الي هو يوم يطبع ما النبي صالح الباخرة مادري الجالبوت؟
- اي اتذكر، هذه الي في الخمسينات، مادري هي 56 أو 55، بس أول ام اخنا جايبين الشريط مالها....
* انت رحت مدرسة لو مارحت؟
- انا رحت المدرسة في سترة 3 أيام ما جازت لي، فتحو العامير ورحت اسجل قالو طاح التسجيل، رحت وضميت الشغل .... وطلعت من هذا بعد رديت فنشت ابوي رح البحر ما وياه احد هذا وياه حجي أحمد... وياه ماجد هؤلاء راحو ضمو.
* ديك الفترة كم كان عمرك؟
- 14 سنة ، 15 سنة.
* يوم اشتغلت في بابكو كم عمرك؟
- عمري ما يقارب اجي 16، 17.
* شنو وظيفتك في بابكو؟
- تالي انا فنشت من ... ونضميت إلى... وما شفت الا وقعة ودرام رايح ودرام جاي فقلت انا وش ليي فنشت بعد ... يوم واحد ولا رجعت
