اعزائنا زوار ومستمعي الوسط أون لاين اهلا وسهلا بكم بحلقة جديدة من برنامجكم الاسبوعي "الناصية"، يسعدنا واياكم بهذا الاسبوع نلتقي الاستاذ صالح طارش فأهلا وسهلا بك...
- أهلاً وسهلاً.
* استاذ صالح ممكن تعطينا نبدة عن، مسعنا ان عندك هواية قديمة كلش، تعطينا نبذة عنها اشلون صارت عندك هذه الهواية؟
- كنت يعني عدة هوايات عندي بس ركزت على هواية جمع البطاقات البريدية من الستينات يوم كنت أنا في الابتدائي لين رحت إعدادي الثانوي الدراسة الجامعية وحتى وانا في الشغل وزوجت وجابو لي أولاد وانا كنت امارس الهواية هذه يعني حتى زوجتي مضايقة من كثر الطوابع والبطاقات والرسائل التي تجيني والمادة التي ادفعها عليها مكلفة ساعات تشتري بطاقات حق تبادل ابهم، بعد عندي هواية تجمعة البطاقات ما الهواتف التي تجي عليها الصور وعندي تقريبا بطاقات مال هواتف من جمع انحاء العالم يعني من الصين إلى اميركا كلها احتفض بها وعندي البحريني الاولية التي تجي عليها الورود والمناظر المحلية في البحرين هذي تراث ما تقدر تستغنى عنه فأحتفض ابهم بعد.
* استاذ صالح اشلون جتلك هذه الهواية مثلا شفت الكوابع يوم كنت في الاعدادي وسيدة حبيتها أو شنو بضبط؟
- لا انا بعد كنت أحب تعرف المراسلة يعني مراسلة الاصدقاء اجيك رسالة طوابع جميلة تلفت نظرك فأنت شيء جميل تخسرة أو ترمي فحبيت الهواية هذي مع الوقت شفت ان الطوابع البريدية هواية حلوة فواصلت عليها يعني.
* وهل كانو وياك من اصدقائك كانو بعد اجمعون الطوابع مثلا اصير ما بنكم كل واحد أكثر اجمع أو شنو بظبط؟
- يوم كنا في الابتدائي في واحد من الدراز للحين موجود شوف يعني كنا في تنافس يعني الرسائل الي اجي أكثر أو انا أكثر وكنا اراوي وبعضنا بعض فهذي المرحلة التي مريت بها بالتنافس.
* ما صار عنك هواية مثلا غير عن تجميع الطوابع أو خلنا مثلا في الطوابع ما صارت عنك فكرة مثلا ان جمعهم وترتبهم بشكل معين مثلا طوابع البحرين اتخليهم في البوم معين كوابع الولايات المتحدة في البوم معين هذه السنة في البوم معين هذه المناسبة في البوم معين يعني الطابع عادتا يقولون تاريخ يعني هذه المناسبة العيد الوطني اصدرو هذا الطابع هذا؟
- بديت في الهواية هذه وكذا البوم سويته بس بعدين يشتغل الواحد بأشياء كثيرة مثلا في الشغل في البيت العمل الاجتماعي فما يعطيك مجال ان تركز على الشيء معين بس انا بديت في هذه وعدي عدة البومات مقسمة إلى جميع البلدان حتى البطاقة.
* اغلا طابع اشتريته بكم؟
- هو طوابع البحرين مو غالية.
* اقصد دولية الي اجي بعضهم في المناسبات معينة اجي سعرهم مرتفع اشوي؟
- اغلا شي انا كنت اشتري من مجلة ماجد مالت الاطفال كانو ابيعون الطوابع هذه وكنت اشتري من عندهم مجموعات كثيرة يعني ف‘ذا انت تحب شي ما يغلى ما يصير غالي عندك تعتبر رخيص، لو تدفع اي ما تدفع هو يعتبر يعني هو غالي برة بس انت عنك تستمتع به فما يعتبر غالي عليك.
* وهل صار عنك مثلا هواية تبادل الطوابع في الظاهر هذه قديمة السالفة؟
- طبعا انا في المقابل كنت انا اطرش الاصدقاء الي برة يشترطون ان يكون الطابع برة البطاقة مو داخل البطاقة داخل في، فأي اصدار يصدر من البحرين أول بأول مثلا اخدة واحطة على طابع على بطاقة أو رسالة اطرشه حق الاصدقاء الي برة وهم نفس الشيء اطرشون لي اخر الاصدارات التي عندهم.
* وهل ما زالو اصداقائك موجودين؟
- الحمدالله عندي يمكن اراويك الرسائل التي احتفظ بها في بعض الماء صادها بس من قديم عندي اصدقاء من جميع انحاء العالم يعني بس اسرائيل طبعا ما عندي اصدقاء لان ممنوع، عندي مثلا في بلادين ما سمع بها الا هو (ماني مور) سمعت ماني مور هذي.
* بس ما زالوا؟
- مازلنا لنكتب في بعضهم لما حكيت لهم عن البحرين وجي من البحرين ازورونا اشوفونا فألتقي وياهم.
* فهل اولادك صار عندهم هذه الهواية؟
- لا والله مع الاسف يعني أولادي مهتمين بالكمبيوتر والرياضة ريال مدريد وبرنشلونة المحرق والأهلي هذه كل مهتمين ابها.
* لو قلنا لك صالح كلمة أخيرة علشان نختم ابها اللقاء بخصو الهوايات للشباب حاليا؟
- الهوايات الواحدة ياخدها على اساس يستمتع ابها بغض النظر عن انشغالك بأي شيء إذا عنك هواية تحب حاول تنميها بأشياء واجد بالدراسة بالقراءة اتشوف لك ناس مثلا هوايتهم نفس الهواية تتعامل وياهم والبحرين الحمد الله الحين في جمعية البحرين للطوابع هذه بعد هم يساعدون اي ناس يبغون ينمون هوايتهم اساعدونهم.
* شكرا على العموم استاذ.
* حياك الله.
