وجهت وزارة التربية والتعليم مدراء ومديرات المدارس المطبقة مشروع تحسين الزمن المدرسي (الإعدادية والثانوية)، لإعلام المعلمين بالشروط الجديدة ومعايير استحقاق مكافأة تحسين الزمن المدرسي (علاوة التمديد)، إذ تبين من الشروط وفق ما ذكره مدراء مدارس لـ «الوسط» أمس الثلثاء (9 فبراير/ شباط 2016)، بأن إجازات المعلمين المرضية لن تقبل وستخصم أيامها من قيمة المكافأة، بعد أن كان الغياب في السابق لأقل من 4 أيام لا يحرم المعلمين من المكافأة.
وأضافوا بأن المعايير الجديدة من المزمع أن تطبق اعتبارا من الشهر الجاري. وقد جاء ذلك، بعد أن سبق أن أكدت وزارة التربية والتعليم، بأنها تعكف على مراجعة معايير وآلية صرف علاوة تمديد الدوام وتقنينها، بما يحقق جودة الأداء والأهداف التي من أجلها طبقت الوزارة برنامج تحسين الزمن المدرسي، بعد أن كانت معاييرها بمراحل المشروع الأولى تركز على الحضور عند الساعة السابعة صباحاً وعدم الانصراف قبل الساعة 2:15 ظهراً، وتسجيل ذلك من خلال ماسحة بصمة الإبهام في نظام التزام، وفي حالة وجود أي خلل في الجهاز أو في قبول البصمة يتم التسجيل يدوياً في الاستمارة المتوافرة. كما يجب تسجيل الدخول والخروج باستخدام ماسحة بصمة الإبهام عند التأخر الصباحي أو الخروج المبكر، ثم الدخول إلى نظام التزام لتسجيل الأسباب في حال كان التأخر الصباحي أو الخروج المبكر مع وجود عذر مقبول، إلى جانب أن يكون الحد الأقصى للغياب والإجازات بعذر 10 أيام خلال الفصل الدراسي بالنسبة للإجازات المرضية والطبية ومصاحبة المرضى، وأن يكون الحد الأقصى للإجازات والغياب بعذر أقل من 4 أيام في الشهر الواحد. وبينت أن الإجازات الخاصة بالأمومة والرضاعة والحج والامتحانات والوفيات ستخضع للأنظمة المعتمدة بديوان الخدمة المدنية، وأن يكون الحد الأقصى للتأخر الصباحي مرتين في الشهر، على ألا تزيد مدة التأخير في المرة الواحدة عن 30 دقيقة، فضلاً عن ضمان تسليم مسجل نظام التزام المستندات المتعلقة بالإجازات المخططة قبل بداية الإجازة، وإحضار المستندات اللازمة عند العودة إلى المدرسة في حال الإجازات غير المخطط لها.
وقد علق المعلمون على ذلك، بأن وزارة التربية والتعليم تعتزم إلغاء المكافأة بشكل تدريجي من خلال زيادة الشروط تارة، وجعلها أكثر صعوبة تارة أخرى، ما يؤدي إلى استثناء كثير من المعلمين في كل مرة على حد قولهم.وقالوا: «قالت وزارة التربية والتعليم إنه لم يتم تمرير عدد من الساعات الإضافية لبعض الموظفين؛ بسبب استنفاد الميزانية المقررة لشهر يناير/ كانون الثاني 2016 الخاصة بالوزارة، وأنه يتم حالياً تسوية الموضوع بالتنسيق مع ديوان الخدمة المدنية، في الوقت الذي لم يستلم فيه بعض المعلمين العلاوة عن 3 شهور متفرقة، وقد رفعوا تظلمات في كل مرة دون جدوى». وأضافوا بأنهم في كل مرة يقومون بتحديث بياناتهم والالتزام بالحضور وتطبيق المعايير والشروط دون جدوى.
العدد 4904 - الثلثاء 09 فبراير 2016م الموافق 30 ربيع الثاني 1437هـ
فعلاً يعاملون المعلمين كآلات وليس بشر! حتى لو داوم المعلم في الإجازة الصيفية، والربيع والجمعة والسبت، فهو ما زال مقصر في عمله بالنسبة للوزارة وأولياء الأمور، ولا يستحق مكافأة ولا علاوة، وراتبه في نظرهم كثير جداً!!! أكثر الناس حسداً وظلماً في الدنيا هم العرب، مع الأسف الشديد!
فعلاً يعاملون المعلمين كآلات وليس بشر! حتى لو داوم المعلم في الإجازة الصيفية، والربيع والجمعة والسبت، فهو ما زال مقصر في عمله بالنسبة للوزارة وأولياء الأمور، ولا يستحق مكافأة ولا علاوة، وراتبه في نظرهم كثير جداً!!! أكثر الناس حسداً وظلماً في الدنيا هم العرب، مع الأسف الشديد!
زين يسوون فيهم لان المعلمات مصخوها غير اجازة الصيف والربيع كل سنة حمل وولادة تهد تهد في الولاد وخذ عاد يوم وزن يوم فحص سكر الحمل واجازة ولادة وساعات امومة والحساسبة تحسب
تمنى لأخيك كما تتمنى لنفسك . عليهم بالعافيه على الاجازات
الكلام مو بالأجازات الكلام بالهرير الى الوزاره قاعده تقوله . اليوم وزارة التربيه وبكره وزارة الصحه والي بعده شوف اي وزارة بيذبحون المواطن بس على مراحل .
اللي يقول اجازتنا 3 شهور في الصيف وشهر في الربيع الله يسمع منك ان شاء الله ويطولون اجازتنا وترجع نفس قبل ياااا رب ياكريم وموتووو بغيظكم
الصراحة امتيازات المعلم واجد يستاهلون وازيد بعد
شلون تتكلمون عن اجازة والخبر عن المرضية يعني الواحد ما يمرض مب بشر اهما والله عيب
بقى شئ واحد وهو ان تجعلون المواطنين يعملون بلاش احسن
لماذا لاتتكلم هيئات و منظمات حقوق الانسان عن هذه المهازل ؟ انسان مريض تريدون منه ان يداوم لا سمح الله لو ضغط المعلم على نفسه و داوم و هو مريض و انتكست حالته الصحية لهذا السبب هل ستتحملون المسؤولية ؟ قرارات اقل ما توصف بانها عديمة الانسانية
غربلونا بهالمكافأة ... يريدون اذلال المعلم بشنى الطرق! ارجعوا لنا دواماتنا الاوليه وكفاكم افلام .. وعليكم بالعافيه في هالمكافأة والتي هي ليست مكافأة بل استحقاق
يووو المعلم ماليه رب مو بشر ولا يمرض ؟ اني مو معلمة لكن الرحمة زينة ع الاقل مايزيد عن كذا يوم واذا ترقدوا شي او بخصوص النساء يحملون ونساة وتعب حمل ومشاكل صحية تتبعه غير ان معظم المعلمين ضغط وسكر وبلاوي التدريس لو تبون البحرينيين يتقاعدون مبكر او يفنشون وتجيبون من كل بلد شكل ولون لتدريس اولادنا والله حرام عليكم
مادري ليش معصبين المدرسين
عندكم امتيازات مايحصلونها غيركم و عندهم مثل شهادتكم
حمدو ربكم بس النعمة زوالة
الي كل من علمني حرفا الى كل من وجهني الى الطريق الصحيح ولو اختلف الاسلوب الى كل من جعلني مدرسه متميزه في عملى شكرا من اعماق قلبي والله يرحم الموتى منهن على فكرة لم تعد مهنة المعلم مهنة مقدس لقد اصبحنا مجرد الآت تحضر تدرس تنتج دروس الكترونيه مشاريع ......الخ من بهرجه اعلاميه ولم نعد ذالك المعلم الذي يغرس القيم ويربي لان بكل بساطه عندما نوجه التلميذ نتهم من قبل اولياء الامور ويهان المعلم وبكل بساطه جه اولادنا مو مربيين وابسط مثااال ردود بعض القرااء اللذين يتهجمون على المعلم فعلا لم نستطع غرس القيم
خاف الله ياللي تقول خبر ممتاز وان المعلمين اجازاتهم شهر و 3 اشهر!!!
المعلم اجازة الربيع اسبوعين عنده يعطل عقب اولادكم والصيف بس شهرين يعطل عقب اولادكم بشهر !!
وش هالحقد كله
وفوق ده المعلم يشتغل في المدرسة ويكرف وشغله يرجع وياه حتى البيت من تحضير وتصحيح احيانا خصوصا اله نصاب حصصهم كامل
ما اقول الا حسبي الله ونعم الوكيل هو اللي اعلم بالحال
والشكوى لغير الله مذلة
زايدة شكله الاجازات ????
مهزلة ونقطة على السطر.
الصراحة المعلم يكاد يكون هو الوحيد اللذي ينقل معاه الشغل الى البيت فقليلا من الانصاف بحقهم
المشكلة مو في الحكومة ولا الوزارة ، المشكلة في مجتمع ناقم على أشرف وأقدس المهن اللي في بعض الدول مثل المانيا اعلى راتب هوراتب المدرس ، اللي يقهر مقارنة مهنة التدريس مع باقي المهن والحسد على هالاجازة ترى ٤٥ يوم عمل وما تقدر تاخذها على كيفك ....
من يعترض على هذه الزيادة وهو لا يعلم بجهود المعلمين يكون حاقد وهذه ليست صدقة من الوزارة للمعلمين وإنما نتيجة لجهودهم وعطاءهم ولولاهم لكانو اطفالكم أُميين فاحمدوا ربكم ان المعلمين قاعدين يربون ويعلمون عيالكم يا .....
جايبين مستشارين يشوونكم يالبحرينيين
حاقد
روح اتعلم وكمل دراستك علشان تصير معلم ..المعلم حاصل على شهاده جامعيه .. والراتب والأجازه من حقه ..تطلعون من الابتدائي او الأعدادي وتبغون وظيفه وراتب حالكم حال اللي تعب وشقى وأهله صرفو عليه دم قلبهم ..صدق أوادم حاقده والجهل متفشي في مخوخهم ..
يعني بس المعلم هو الجامعي
نسبة كبيرة من الجامعيين و خصوصا المتخرجين حديثا رواتبهم ضعيفة و اجازتهم شهر واحد في كل سنة و دوامهم اطول
خبر ممتاز الصراحة المعلمين أكثر ناس عندها إجازات في الربيع شهر وفي الصيف 3 أشهر شنهو يبون بعد
اجازه الربيع ١٠ ايام والصيف اقل من شهرين
يحطون بالهم على هالاجازة الي كل سنة يقصرونها.. انتون ما تعرفون اي كثر المعلمين يتعبون في المدرسة و البيت عشان تقولون هالكلام .. اشغال ثانية صحيح ان اجازتهم اقل و لو شغل وايد بس قاعدين في مكتبهم و يشتغلون مو يدرسون اربع حصص فاليوم بالاضافة للمناوبات و الفعاليات و التحضير و التصحيح و الدروس الالكترونية و المهام الي ما تخلص.. و فوق هذا كل شي المعلم يدفع من راتبه لان محد يوفر لنا ميزانية!
الصوت اختفى و البلاعيم ملتهبة و الريول متكسرة و فوق هذا شغل للبيت غير المسؤليات الي عندنا
حقد و حسد البني آدم ما يحب الخير الا لنفسه و يتكلم بالظاهر و بدون علم بالثقل اللي يشيله المعلم و شلون هالاجازة طالعة من عيونه.. في شنو ضارينك المدرسين.. هالبلاوي اللي شايلنها المعلمين و كاسرة ظهره و عيونكم زايدة الطين بلة فوق همه هم.. عين الحسود
التعليم مهنة مقدسة كان دوام اقل بالنسبة للوزارات لان الجهد الذي يبذله كبير ومقدر اما الآن لوزارة تتبع منهجية الذل للمعلم حسبي الله ونعم الوكيل
صحيح
أرجو من وزارة التربية استبدال المعلمين البشر بآخرين آليين بسبب عدم قدرة البشر على حماية انفسهم من المرض؟ وللعلم الآلة قد لا تمرض ولكن من الممكن جدا أن تتعطل
السؤال هو : ماهو معيار الكفاءة والجودة والإنتاجية فى دوام المدرس وهو مريض؟ وما مدى استيعاب المتلقي وهو الطالب عندما يقف المدرس المريض ليشرح الدرس؟
زين يسون فيهم عيارة وجمبزة
غيركم يداوم الى 4 و 5
و اجازة يوم واحد في الاسبوع ويحصل نص معاشكم
اسلوب سخيف في التعبير يوضح مدى احترامك للمعلم اللي علمك تكتب وتقرأ، ثانيا الله والراتب لايكون تفكر ٣٠٠٠؟ اكثر المعلمين مايوصل راتبهم٨٠٠
الوزارة تتفنن في اذلال وتعذيب المعلم
هل رأيتم اي وزارة اخرى تهدد وتتوعد وتتفنن في تعذيب موظيفها كما تفعل التربية مع المعلمين؟؟ كل يوم تهديد وكل يوم وعيد وذالين المدرسين ذل علشان يعطونهم حقوقهم
اكثر وزارة تطلع تهديدات وقرارات ضد موظفيها هي التربية ..حسبنا الله ونعم الوكيل من هالعقليات اللي تدير الوزارة ...
ههههههه قريبا
قريبا خصخصه المدارس الحكوميه
معهد البحرين للتدريب
احنا موظفي معهد البحرين دوامنا من الساعة ٧:٣٠ الى ٣:٣٠ من دون علاوة تمديد ولا مكافئات سنوية منذ ٢٠١١
البعض لديه عقد نفسية تجاه المعلمين ولو يجرب يدخل صف بدون حتى مايدرس فقط يجلس لمدة ساعة بيعرف قدره
التدريس من اصعب المهن والتي لايعرفها الا اصحابها والبعض حتى ولده مايتحمله فكيف بمعلم يتعامل مع اكثر من 200 طالب طوال اليوم وغير الاهانات من قبل اولياء الامور وبعض الطلبة وادارات المدارس والوزارة وغيرهم وفوق كل ذلك يحسدونه على الكم فلس والي تفوق راتب اي وظيفة أخرى فيكفي المعلم انه يعلم ابنائكم ويربيهم وكلما توفرت البيئة المناسبة انعكس ذلك على تعليم ابنائكم
لا تتكلم في شي ما تعرف عنه ولاتفتهم فيه
اولا: اجازة المعلمين شهرين بالصيف واسبوعين بالربيع، يعني في الموسم وحتى السفر نار.
ثانيا: معاش كادر التعليم اقل من معاش الوزارات لانه ساعات العمل اقل، فإذا زادوا الساعات لازم يصير عمل اضافي او يخلون المعاش مثل بقية الكادر التخصصي بالةزارلت الثانية لكن الطائفية عمياء.
لا تتكلم في شي ما تعرف عنه ولاتفتهم فيه
اولا: اجازة المعلمين شهرين بالصيف واسبوعين بالربيع، يعني في الموسم وحتى السفر نار.
ثانيا: معاش كادر التعليم اقل من معاش الوزارات لانه ساعات العمل اقل، فإذا زادوا الساعات لازم يصير عمل اضافي او يخلون المعاش مثل بقية الكادر التخصصي بالةزارلت الثانية لكن الطائفية عمياء.
معلم
لا أمانع ان تنفى العلاوة على ان يتم نقلنا لكادر الوزارات الاخرى والامتيازات الاخرى واقع التعليم في البحرين هو الاسوء عايشت عدد من الحقب ولكن الحقبة الحالية هي الأقل كفاءة سابقة كان اكثر حكمة اما أفضل المراحل التى عاشها التعليم في زمان فخرو المبدع
ليش ما له داعي يا زائر ٣؟ ليش؟ بسألك انت تقدر تقعد مع اولادك ثلاث ساعات ورا بعض؟ اتحداك، هذا شلون احنا شغلتنا نأدب اولادكم ونربيهم ونعلمهم ويعيشون معانا اكثر ما يعيشون معاك!! كل هذا ولا له داعي المعلم يحصل ربيتين زيادة لان زادوا عليه الاعباء ووقت قعدته مع اولادكم؟؟ حسوا شوي اذا عندكم احساس اصلا .. هذا مجرد شيء بسيط مما يقوم به المعلم
لايا طويل العمر ...
حسب كلامك ثلاثة اشهر اجازه تعني لاتوجد حتجه لعمل الوزير في هذه الاشهر واختصاصيين الوزاره فيكتفون برواتبهم الاساسية فقط فلاداعي لدوامهم وصرف العلاوات لهم
زائر رقم 2 .. قابل الطلاب ساعتين ورا بعض وتكلم عن دوام باقي الموظفين بعدها يالحلو .. تفكر دوامنا كمعلمين يعني نفس دوام باقي الموظفين في الحكومة؟ اذا تفكيرك جدي فاسمح لي عقلك قد قوطي الصلصل
بلا تفلسف
اكثر مهنه يطمعون بالراتب انتم يامدرسين ولا ضمير عندكم ف تدريس الطلاب كفاكم جشع وطمع
إلى زائر 9 احترم نفسك ..
طالت وشمخت ... المعلمين ألحين صار ما عندهم ضمير ؟؟!! آه يا زمن .. خرجنا أجيال وأجيال وصاروا في أفضل المناصب والرتب وآخرتها يجون ناس عديمين أخلاق يتهمونا في ذمتنا .. حسبي الله ونعم الوكيل ...
إلى زائر 9
علمته الرماية فلما اشتد ساعده رماني .. وكم علمته نظم القوافي فلما قال قافية هجاني ..
بدل الشكر والعرفان يكون نصيبنا الشتم والذم والتشكيك في ذمتنا ... الله يجازيكم بأعمالكم ولا حول ولا قوة إلا بالله ..
ياجماعه الدوام في جميع الوزارات الى مابعد الثانية فما ليه داعي البلبة وهالعلاوة تعتبر تبذير وزياده في الأسراف مو كفاية 3 شهور أجازة في الصيف وشهر في الربيع
شلي قاهرنك
ما ادري ليش في ناس قاهرينهم رواتب المدرسين مع ان في وظائف بمؤهلات اقل ورواتب اكثر
موتوا بغيظكم
ياجماعه الدوام في جميع الوزارات الى مابعد الثانية فما ليه داعي البلبة وهالعلاوة تعتبر تبذير وزياده في الأسراف مو كفاية 3 شهور أجازة في الصيف وشهر في الربيع
شهرين اجازة الصيف
انتبه لمغالطاتك شهرين اجازة الصيف و١٥ يوم عطلة الربيع واغلب المدرسين يداومون بعطلة الربيع لإنجاز بعض الاعمال وكفاية ظلم
٤٥ يوم عمل اجازة المعلمين
٤٥ يوم عمل اجازة المعلمين حالهم حال الوزارات الثانية.. بل ان الوزارات الاخرى تخصم الاجازات الرسمية من الاجازة السنوية لاي موظف.. بينما المعلمون تضيع اي اجازة رسمية اذا صادفت اجازاتهم السنوية،،
الشعب فاهم غلط ، لايمكن مقارنه دوام المدارس ومهنه التدريس خاصه بالمهن الثانية ولكل مهنه خصوصية مثلا بعض الاعمال تستدعي التوقف عن مزاولة العمل حفاظا على الجودة وصحه العاملين فيها ‘ ثانيا الاجازة محددة بوقت معين بمعنى انت ملزم بالعمل وعدم اخذ اجازة متى ما اردت
كلامك صحيح
الضمير ميت عند الأغلبية .. اذا مافيكم شدة هالوظيفة قعدو في بيوتكم
الافضل نترك التعليق و المناقشات للمعلمين و المعلمات و تقلبون ويهكم انتو الحقودين اللي حاشرينها لانه حقدكم لايودي وله ايب و اي اجازتنه ٣ شهور كيفنه ربي يزيدها موتوا عساكم ماتحصلون زياده
تبذير ؟؟!!
إذا صارت من فلوسك تعال تحچى .. لو هالعلاوة في مخباك چان إستانست وطرت من الفرحة لكن في مخبا غيرك يشتغل الحسد والغيرة !! وإذا تبغى تتقشف روح تقشف بروحك !! ناس فاضية !!
مرضية مومعترفين فيها
الكليات. العسكرية تعترف فيها وتحترمها بحكم انها موقعة. او صادرة. من دكتور وأنتو لا سوْال الوزير. عسكري. سابق. ويعرف النظام هل عندة علم بالموضوع. او اجتهادات شخصية من بعض المسؤلين بدون علم. الوزير ثرة كلشي ممكن. في البحرين. وعيدي يابلادي