بيت جميل

هذا يحتاج خريدة وهذا يحتاج خريدة وثنينهم صعبين

مساكين احنا والله يالبحرينين .. من التعليقات كلها ما اقول غير الله يفرجها علينا ويعطي كل واحد الي يبيه ويحلم فيه سواء بناء او شراء بيت او بيت اسكان ...

ادا هوه حلم ... شلون تسألوني اخذه جاهز لو ابنيه
معناته تعرفون البير وغطاه ...صح

هذا السؤال يجب ان يطرح على غير البحرين
لاهذا ولاهذا

لا شراء بيت ولا بطيخ قبل شراء بيت كان زين لاكن تسوي انت أفضل تسوي على مزاج اله تبيه وبعدين ترتاح طول العمر مو تروح تاخد ليي بيت طابوقة على طابوقة مثل هزمن ماتدري متى يتبطط ويتهدرق عليك وعلى جهالك بنيان هل الأيام كله مال تلويص يابويي خله يشيبني البنيان ولا يتخرب عليي البيت عقبها أعدل صوب ويتخرب صوب ومثل مايقولون أسأل مجرب ولا تسأل طبيب, الا ادى مثلا عند مقاول كفو تعرفه وعلاقتك وياه قوية وبنيانة زين خد من عنده (نصيحه للكل تره).

شراء بيت

يا ريت لو تسوي وزارة اﻻسكان خدمة تعطينا اﻻرض وقرض نبيها. جان افتكينا من اﻻنتظار!

خل الوحد يقدر يأكل عشان يصاير عنده بيت

والله تضحكون أي أفضل حطو شي واقعي نكتب فيه مو شي غير ممكن لا شراء ولا بناء غير بيت الاسكان ماكو خيتر

لو يوقفون مشروع السكن الاجتماعي جان تنزل أسعار البيوت البارزه للحضيض لانه محد يقدر يشتري في النهايه

كل واحد ساكن في بيت ابوه خله مكانه احسن له. لان لا نقدر نبني ولا نقدر نشتري وبيت الاسكان ندفع فيه ربع الراتب 25سنه على شنو. اللي راتبه ضعيف زين له بيت اسكان. حسبوها صح قعدوا في بيت الوالد احسن. يعني المره تتحلطم على شنو كانت ساكنه في بيكينجهام باليس. اهبه وخواتها في حجره واخوانها في حجره وحجره للام والاب وحمام وصاله ومجلس هذا اذا في مجلس ومحد محتل المجلس من الاخوان.

السكن الإجتماعي للأسف مبالغة في الأسعار لو يسوون المشروع أن يعطون فلوس وانت تبني يعني يحددون نسبة للأرض ونسبة للبناء ، ٥٠ - ٣١ واجد زين

الله كريم

الي نبيه شي والواقع شي آخر """مافي أحلى من انش تبنين الي اتشوفينه مناسب للأسرة بس الحالة المتردية للأكثر تعيق حتى عن شراء بيت """

امكانيت الشعب البحريني انتظار للوحده الاسكانيه وهذا واقع

بيت الأحلام الورديه هههه

لي يقدر شراء ارض مع البناء افضل بكثير من شراء بيت جاهز من ناحية اقتصادية و تشتري افضل انواع البناء والتصميم البيت على ذوقك بس الله يساعد المواطن

ليش هو في حل ثاني غير بيت الاسكان لا وموحقنا حق اعيالنا يقسمونه شقق وكل واحد شقة احنا ضاع العمر واحنا من شقة اجار لشقة ثانية وبهدلت الحوال الي ما تخلص صاروا اعيالنا في طولنا واحنا مو قادرين نجمع حق دراستهم مو بعد حق بيت اذا جامعيين ومو محصلين شغل لا والقهر ان في اجانب بالبلد وظايف وشقق تمليك وفلل غير العقارات الي في بلدهم الاصلي اجيك يحصل الجواز وسكن ببلاش ووظيفة رواتبهم ما تقل عن ١٠٠٠ دينار واحنا محرومين من الوظيفة

صار لي 20 سنة اشتغل، اكرف كرف ، اهانات ومذله ومو قادرة اجمع مقدم ارض، وبيت اسكان اذا مو متزوجه ما يعطوني، صكيت الاربعين ويوم تغمض عيون الابو محد بيرحمني، وتقول لي ابني او جاهز، حتى القبر صار مو مضمون.

يفترض تغير السؤال هل تفضل بناء شقة بتصميمك أو جاهزة أو تتنظر متى تطلع من شقة الأيجار لشراء شقة ملك ...
وأما بيت الأسكان للورثة من الأبناء حفظهم الله

ههههههههههههههههههههههه عالجرح يالوسط

32 سنة انتظار بيت الاسكان

الله يعينك ويفرجها أخوي..

بناء قبر أسهل شي .. لأن حتى ممنوع علينا نشتريه ويمكن ما نقدر نسدد قرض بنيه والمشكله ايجار عقب عشرين سنه بيخلون ميت غير فوق القبر

اذا نقدر نشتري ارض ونبنيها واجد زين لكن الموضوع يمكن يطول وضيق المكان مو كل من يتحمله ف اتوقع ان الحل شراء بيت جاهز اما بيت الاسكان ف اني كلش مو حاطتنه في بالي ما نبي قرقور نعيش فيه لين شيبنا وصرنا اجداد

أفضل اموت في قرقور بيت الإسكان

الله يعطيكم يرزقكم ويوفقكم ويعطيكم بيوت وفلل بعد ...تحياتي عزوبي

وأنا بعد عزوبي،وأدعو الله أن يفرجها على المتزوجين وييسر أمورهم..
وأن يسهل لي ولك لكي يتزوج كلينا بإذن الله..

صار البيت اكبر من طاقة المواطن

اي شي هههههه المهم بيت والسلام

حلاته بيت اسكان بعد انتظار 30 سنة ههه ودك

اكيد الاسكان ما عندنا خيار غيره

بنيت لي بيت اشكبره وهندسته على كيفي وحطيت فيه اخر الموضه واحدث التكنلوجيات
بس اخر شي فزيت من نومتي متخرع من الحلم حشى هذا مو بيت هذا قصر

البيوت الا يحفرونها لنا المؤمن خير مقاما وافضل سكنا

هههه أصلاً المواطن البحريني ما يقدر لا يشتري ولا يبني ،، اعطونا بيزات البيت وبعدين سألونا

الله كريم بناء بيت.

الخيار الأفضل بناء البيت
لكن اليد قصيرة
وبعده شراء بيت جاهز
لكن حتى هذا الخيار غير ممكن
ويش يسوي الواحد ننتظر بيت الاسكان

بعد انته محظوظ في هالزمن الأغبر غيرك ما عنده مكان يبنيه

4

سجل إسمي وياك القبر أسرعهم .

المهم بيت اذا عندي الامكانيه ابنيه بابنيه واذا حصلت فرصه من الاسكان يعطوني قرض بناء بعد مو مشكله واخر حل انتضار بيت اسكان الله يحينا

بلغت من العمر 39سنه وتوني من فتره مخلص بنيان شقه في بيت ابوي كلفتني مبالغ طائلة ومادري بعد كم سنه عشان أكون نفسي واتزوج من بعد هلعمر الزمن سابقني والوضع المادي سيئ والله يكون في العون اه يقللي

الله يفرجها عليك أخوي..
مثل معاناتك تقريباً،لكن الحمد لله،متفائل بأن الله ينظر حلي ولن يتركني.. (وما عند الله خيرٌ وأبقى)..

لوكان السؤال ؟؟؟؟هل تستطيع أن تشتري أرض ؟؟أو هل تستطيع بناء بيت الأحلام ؟؟وأنا على ثقة تامة بإن 80 بالمائة من الشعب البحريني أقول البحريني من شيعة وسنة لايستطيعون والسبب هو سياسة الحكومة

هو خله تجي البيزات وبعدين نتفاهم

ولد البلاد

البناء اضمن وأفضل

بناء اكيد

لا محصلين ذي ولا ذي

بناء افضل صدق عوار راس بس حق الاعنده اشوي خبرة في البناء احسن ام الا ماعنده خبرة يصير اليه نفس الشي

احنا عندنا فرصه غير الانتظار من كثر المعاشات الي نقدر نشتري صار ليي عشرين سنه ننتظر أو بعد اقولون انتظروا المشتكى لله

الحمد لله بنيت بيت العمر لكن ليس بيت العمر اللي في الاحلام، بيت من طابق ضافني و ضاف عائلتي الف الحمد لله

شراء بيت جاهز بمواصفات ممتازة اذا توفرت الامكانيات المادية هو افضل خيار لان البناء متعب و يحتاج انتظار و صبر و متابعة و قد تحدث اخطاء في البناء الى غير ذلك فالجاهز افضل لكن من يقدر على ذلك في ظل مستوى الدخل و الرواتب المتواضع في البحرين .

الاثنين صاروا حلم بالنسبة لنا بيتي ابني فيه من ثمان سنوات ولاقادرة اكمله وقادرة ابيعه في اي شرع هذا
لنا الله

شكرا جريدة الوسط بس انا شخصيا راح انتظر بيت الاسكان سنة 2030

للاسف لو الواحد عند مقدره على شراء بيت او بناء بيت العمر ما انتظر السنوات الطويله وهو يحلم ببيت من الاسكان .... راح العمر وطلنا بلح الشام ولا عنب اليمن

هههه لو عندي فلوس جان فصلته على كيف كيفي
بس الحمدلله ...
ننتظر الاسكان طلبات ٢٠٠٨ المحرق

بيت عراد 2001

ولد زويد
الله يقطع إبليسكم يا صحيفة الوسط
الصراحة السؤال يضحك يجب أن يقلد ويمنح جائزة أوسكار الموظف الي خله هذا السؤال هو البحريني لمنتف لو كان عنده بيزات بيقعد في مكان ضيق

ننتظر بيت في الجنة .. مو حاصل لنا لا نشتري ولا نبني ولا في أمل أنتظار بيت إسكان .. الحمد لله على الشقة اللي عايشين فيها .. أحسن من ناس واجد .. الله كريم

إذا ولي الأمر قدر آب معاشة أوفر مستلزمات البيت لي نهاية الشهر وايد زين مو بعد يبني بيت العمر أو اهندس فية اللة كريم

احنا خلونا نحصل شقه نسكن فيها بعدين بنشارك وياكم احنا عايشين في غرفه ولا ومشتركه بعد

ﻻحول الله..
...كانكم ﻻتعرفون البحريني المسكين..
وين نقدر نبني خلونا ننام ونحلم بس..

بناء بيت افضل م̷ـــِْن ان يكون بيت جاهز لانه تقدر تعرف شنو المواد المستخدمة وشنو نوع القاعده والحفر م̷ـــِْن ناحية الجوده والعمل ،،،

شراء بيت جاهز

الأهم أن يكون عندك فلوس بعدين اتفكر اي أفضل الجاهز وتبني بيت

طبعا بناء بيت العمر انت ابنفسك تشرف عليه . البيت الجاهز ماتدري شنو حاطين فيه المقاولين يبحثون عن الربح ومابكون مث المواصفات الي انت تطلبها .

بيت الإسكان طال عمرك لأنه المعاش 250 ويش تشتري أبه فماعندنه إلا بيت الإسكان ننتظره 20 سنه وفوق والحمدلله على كل حال

اي شي ماعندنه طلبات و اوامر و مفضلات ... بس نطلع من هالشقه و الضيق

الواقع القبر اسرع منهم ثلاثهم صاير ولكم مني كل التقدير والاحترام ياجريدة الوسط

اللة يعطينة او بفكر

بيت جاهز

بناء لانه الجاهز كل غش