ماعندهم سالفه ...فشخره ع الفاضي انا من اول يوم اعرف حامل اجهز لنفسي لدرجه زوجي مايدفع فلس من جيبه لحزة الولادة خلصت كل اموري وبفلوسي

ما لها داعي ها الحركات والبهرجه والمظاهر الخداعه الله يرحم أيام زمان البستوك الأزرق ويسمى ناطور المستشفى

شخصيا أحب واقدر البساطة في هل أمور الا يقدر على مصاريفها هل فخفخة يسويها ومع مرور الوقت تفرض على الفقير

افشار من البنات يطالعون بعض كل وحده ويش سوت وفلانه قعدت في غرفه ب120وعلانه ولدت في مستشفى خاص وتوزيعات تكلف لفشار فوق راتبها أهمشي تفوشر مومهم كم الراتب

اذا الولد راح يطلع عالم ذرة مافي مشكلة نخسر عليه بس هذي شي محد ضامنه فالاحسن عدم التبذير والزوار اهمه الي يتكفلون بالهدايا والتوزيعات

المبذرين إخوان الشياطين

كلشي اقدر عليه ان شاء الله ما يغلى على ابنة العم دام هي عايشة ويايي بالربية الي عندي وعارفة شلون تخلي الفلوس وسيلة لتحقيق الاحتياجات اما الكماليات وقت الي عندنا ونقدر وما نتأثر في الاساسيات فمن عيوني وحاضر ولكن اذا مافيه للكماليا الصبر جميل والحمدلله على نعمه، الطفل الجديد نجهز ليه اساسياته افضل ومافي مانع لو رغبت الزوجة بتوزيعات خفيفة شرط انها تكون في محل الامكانية وعدم التأثير عالأقل تكون ادخلت بعض الفرحة الى قلبها والله يرزقنا وياكم ووسع علينا

كلامك عين العقل المغزي هني انت عندك والله منعم عليك كيفك بس البلوة اذا جا مسكين زوج حافي منتف وزوجته تجبره ياخذ الشي الفلاني والعلاني وبديك الحسبة مو حرام صراحة حرام وما يرضى الله ومو زين يسوون جذي
واحد ويانه في الشغل زوجته طلبت يمكن مبلغ الف وشوي تجهيزات الولاده قال ليها تبغين تتفشخرين دفعي من عندش انا ما عندي بعطيش بالمعقول والله وتسلفت ودفعت هادي حالة يعني ناس مخ ما عندها

بعض الامور اعتبرها ما ليها داعي. و استغرب في ترتيب الاولويات عند بعض الاشخاص الذين يبذلون اموالا طائلة على توزيعات و ما شابه و في نهاية المطاف لا يعقون (لا يذبحون عقيقة) عن المولود!

الحين مو بس الولادات لااااااا الحين حتى اعياد الميلاد توزيعات وهرار والناصفه كل واحد يسوي فناتك والروضات بعد كل يوم تشوف ولدك جاي بتوزيعه من الروضه والتقليد قااااايم وكله من جيس هالفقير

تابع لتعليقي السابق
يضطر الواحد قرضه ويتسلف عشان لا يروح ويتبهدل في السلمانية وغير المعاملة السيئة الي جنش اطرين من عندهم مو جنه شغلهم وعندنا كذا وحدة في الاهل تبهدلوا في السلمانية وجد حفص فاروح اشتري راحتي بدل البهدلة واحصل اهتمام ورعاية مو غرض الفشار اني ولدت في مستشفى خاص..

اني ولدت في السلمانيه واللي كانت وياي دكتوره اسمها ساره احب اوجه لها تحيه من هالمنبر صراحه تحملت فيني عدل وكانت وياي من اول ما رحت للولاده لما ولدت جزاها الله خير ما اقول ما في اخطاء طبيه وبهدله في السلمانيه بس لا نعمم في اطباء وممرضين ينحطون على الجرح يبرى مو بس الخاص اللي يعاملون عدل تره حتى الخاص فيه اخطاء ومعامله زفت

صحيح توزيعات الولادة شغلة مالها داعي وهرار وفسق وبدل المبالغ الي بتنصرف عليها اشيلها للجاهل الي بجي وبخليها في حسابه يستفيد منها بدل ما اوزعها على الناس بس الشغلة الثانية تجهيز الطفل مكلف جدا خصوصا الحين المحلات قاعدة تستغل هالشي وترفع في الاسعار يعني طقم كامل ب 150 ولا 300 وين قاعديين احنا .. بس الاشياء الثانية تحتاج ميزانية مثل ثياب الطفل ومراضع وحفاظات وسرير وكبت و و و .. وغير الي يقول الولادة في مستشفيات الحكومة شنو فيها هذا كان قبل الحين تروحين السلمانية يقولش مافي سرير ويقعدونش في الطوارئ

تابع تعليقي
واللي وحدة ما تسوي يقولون ولا سوت شي ويتكلمون من وراها جم يوم يحشون فيها
او في بخلها او حرصها
واذا وحدة سوت كلهم راحوا وحطوا في السناب والباقي يشوفون ويروحون بس عشان تصوير
وهني يكتبون لا وخساير وفشار
من اللي يسوي ؟
وحاطين عالزوجة بس
اللي بيدفع جان تكلم ولا لانه راضي ساكت

وانتون ويش عليكم من كلام الناس قالو بخيلين ولا حريصين جي هم الا بيدفعون هالمبالغ يمكن الرجال على قد حاله معاشه ربيتين ونص
انا معاشي 250 اروح اخلي على ضهري قروض واخسر بيزاتي عشان ما يقولون عني وعن مرتي بخيلين وحريصين؟ قولو بخيل وحريص وزنديق ومشرك وكافر بعد ويش عاد الا كلام لسان لا يودي ولا يجيب لا بتروح مني رجول ولا بتزيد

اني اختي معاشها فوق الالف وشوي لا سوت ولا شي الي بيتكلم يتكلم جيف بيدخلونها الجنةوالا بيقطعون عنها لمعاش احنه قلنا ليها ما بتسوين قالت لا اولا ولد سويت وخلاص الباقي ما يحتاج بس حلاوة وقهوة وجاي وبقلاوة والمعجنات وكان الله غفورا رحيما شنو وين قاعدين المشكلة عبالهم الي ما يسوي يعني رزيل انوين كيفه هو حر بنسفه اني اختي الثانية معاشها قوي بعد وقالت اذا تزوجت ما بسوي شي حفلة بسيطة وبس والي مو عاجبنه لا يجي ليش اخسر ناس مبدأها جذي يعني هم غلط احين كل شي حريات يجون في التوافه يعيبون ويهرون ومو حرية

مسخرة وهرار واسراف على الفاضي فالحين بس على المضائف الحسينية والمآتم يتعنترون ويقولون اسراف وتعال ليهم في حياتهم العادية تشوفهم اكثر الناس اسراف في تجهيزات الزواج والولادة وشراء الهواتف كل شهر و و و
انا بقول نقطة وخل الكل يقرأ كلامي، بدل ما تسوون توزيعات تكلف مئات الدنانير تصدقو بهالمبلغ او دفعوه لاعمار مسجد أو مأتم حسيني أو مضيف وبهذا تحل البركة عليكم وعلى الطفل الجديد
ونفس الشي في الزواج بدل خسارة الاف الدنانير على حفلات الهرار تبرعو بهالمبلغ للمواتم والمساجد والله ببارك ليكم في حياتكم.

والله لو يتبرعون بهالمبالغ للمواتم والمساجد تنزل عليهم البركة ويتوفقون في حياتهم، أما يبدون حياتهم او حياة مولودهم الصغير باسراف فلا يتوقعون يكون في زواجهم او ولادتهم بركة
المشكلة أن كل هالخساير على مفوشر وشوفوني انا الاحسن وانا الافضل وهم يتدابحون فيما بينهم
يخسرون الاف الدنانير على العرس وصالة وفستان وبوفيه ومفوشر وعقب اسبوع الضرب والمضارب وهي ما تبيه وهو ما يبيها! ونفس الشي في تجهيزات الولادة! ابدأوا حياتكم وحياة أولادكم ببركة لا بمفوشر واسراف.
صاحب رد 70

كل شي يتبرعون . مافيها شي اذا الواحد يصرف على روحه شويه

احين تصرفون على روحكم شوي ههههه من اسبوعين دبحتون الناس تبرعوا وتبرعوا وهو للامام الحسين ويوم قالوا ليكم لا تسرفون وتبرعوا وعطوا الفلوس للفقراء والمحتاجين صار تبغون تصرفون على روحكم يوم قالوا ليكم لا تسرفون على الفشخرة والهرار والحجي الفاضي قلتون تبغون تصرفون على روحكم شوي لكن الصرف على عاشوراء وعشرة محرم حرام ولازم يقننون فيه ولازم يدفعون للفقراء الفلوس لكن تخسير الفلوس على الهرار وفستان بديك الحسبة وليلة بديك الحجاية عادي الا فلوس تبغون تستانسون فيها هناك فلوسك بتتحاسب عليها هني لا ما بتتحاسب

قرضة!!! في أيامنة ماكان في حتي الحفاظات يلكوتونة بخلقة ويمهدونة ابخلقة بيضة ونصير نفس الشوارما؟!

الله يحفظنا من التبذير والسرف
الله يعين هالزوج المسكين اللي راتبة بسيط
وصلت الان اللى ضيافة الضيوف في المستشفى الى اللبوفية
والتوزيعات ياليت نوع من الحلوى الا اشكال وانواع مزينة بالورد والاقفاص وووو
غير اطقم الطفل واغراضة اللى معظمها تتكدس بالخزانة حتى لم تستخدم
ياليت نعود لضيافة الرشوفة والعصيدة
وفرش الطفل فراشين
رحمة بالزوج

اللي عنده دهن يدهن روحه
واللي ماعنده يمد رجوله على قد لحافه
وبس
لحد يصفق راسي يعورني .......

كلا من النسوان يطلعون بدع ما أنزل الله بها من سلطان ، فراشات وشنطات وشباحات كثر الدنيا وتوزيعات وحلاوة وطالعة بعد بدعة جديدة يازعم جلسة تصوير للطفل وهوه بعده ما فتح عيونه ، حسبي الله عليكم من نسوان مسرفات ، وأذا ما جاريتهم طلبوا الطلاق وراحوا المحاكم يتمسكنون

حتى للطفل مستكثر عليه سباحة؟ الصغار يلعوزون ويرجعون ويسربون ويتبللون اثناء التغيير...حتى لو غسلت ثلاث اربع مرات في اليوم بتشوف بعد عندك ثياب للتغسيل...لو بتخليه مفصخ لين ينشفون

كل التعليقات ضد البهرجة والتوزيعات والهرار عجل اللي نشوفهم يفوشرون من انتم ؟ وماذا تريدون ؟ من كوكب اخر مثلا ما يقرون جريدة الوسط مشغولين بالمظاهر وما عندهم وقت يبدون رأيهم

مرحبا

طقم الطفل هو حاجة وليس ترف
وللاسف عرفوا المحلات هالشي وبالغوا بالاسعار
والطفل يمكن يحتاج طقمين الى ثلاثة
غير احتياجاته من عدة غيارات للبس والشرب والحماية والوقاية
واغراض النوم والحفاظات والصيدلة
يعني بسهولة يوصل 500 ومصاريف المستشفى
فاللي ماعنده ما ببوق لكن بيقترض
اللهم ارزق كل طالب ذرية يارب

بهرجة لا لزوم لها ان لم تتوفر المادة، وحتى لو توفرت فبحدود دون مبالغة

ممكن لحظة.....ليش نسمي هذا هرار ليش ماكون على قدر من الثقافة .انا اقول اللي فيه القدر يعمل .اليس المال والبنون زينة الحياة الدنيا اليس الله جميل يحب الجمال ويحب ان يرا اثر نعمته على عبده...ادا كان الله سبحانه يحب يشوف نعمته على عبده فكيف للانسان.اللي اقل شي يحب انا يفرح به لكن بدون الاسراف المفرط لا نوصل الي الاسراف الحرام. اعرف واحد مايحب يسوي عيد ميلاد الي اولاده لكن لما سوى بيت حب يفوشر سوى بوفيه .شمعنى الحين .اقوليه ادا كانوا اهل اتسوون ليهم اعياد الميلا واولادكم يصير عليهم بدعة

انت قلتها المال و البنون .. الله سبحانة وتعالى قدم المال على البنون .. والمال الي بتبذره علشان خزعبلات احفظه ينفعك في الايام السودة ..او علشان الولد الي عندك ....

كل واحد وكيفه، وكل من عقله في راسه يعرف خلاصه
بالنسبة ليي مو مقتنعه من هالمصاريف ولدت في حكومه وجبت حلاوة ولا سويت توزيعات....
ليومكم هادا الكل يعلق وينتقدني!!!!

ما هي إلا بدع ما أنزل الله بها من سلطان

بدلاً من توفير هذه الامول للطفل في الامور الصحية و الألعاب يتم صرف المدخرات في امور لا فائدة منها ابداً وبعدها يصبح الزوجين في وضع مادي صعب بعد الولادة لشراء الحفاظات و حليب الاطفال و الملابس وغيرها من الامور الضرورية

انه الا اشوفه ان الزوجات عاطلات عن العمل وتوزيعات وديكورات بقدوم المولود الجديد، لان الزوج طرطور سمح بهذه المهزلة

الحين كل مستشفيات خاصة واستقبال وفزار وتوزيعات ، ما عندنا مشكلة ويا اللي عنده مقدرة المشكلة في اللي يكلف على روحة ، أما قرض الولادة ادا شخص مو مستطيع وبيستقرض ويحتاط لأي طارئ فهدا شي زين

مع قدرتي المادية على "الفلسفة والهرار" الغير مبرّر ولكن سوف أكسر هذه القاعدة التي تسمى "توزيعات" حتى لا أرى الغير مقتدر مجبور على تحمل تكاليف حياتية تافهة لا غرض منها إلّا "الفشخرة".
اللي راح يتكلم إنّ عنده وما سوّى، خله ينبط لين يهلك. كما فعلت في زواجي سأفعل في مولودي ولن أنساق لمتطلبات عصرية يفرضها المجتمع ولن أتحمل مبالغ مادية يمكن أن تصرف في مجالات أفضل. وكما أقنعت زوجتي عند الزواج بهذا الأمر، أقنعتها قبل قدوم المولد أسأل الله أن يأتيني سالماً معافاً.

(فسق) الله يرحم أيام أول

سخافة
الواحد يمد رجوله على قد لحافه

ما يمنع الواحد يفرح بمولوده ...حاله حال اذا عند الواحد ضيوف أول مرة يزورونه أو منزل جديد...و كلشي فيه تكلف يصير مو حلو

الله هم لك الحمد على نعمه ليس كل نساء وإنما بعض نساء الذين لا يراعون ضروف هزمن الحمد الله

ولد زويد
كله فشار وهرار وأشياء لا أنزل الله بها من سلطان وخسائر لا داعي لها من أنتم ولد أجلح أملح مجرد للفشار في مواقع التواصل الإجتماعي الأجانب أولادهم فروخ والبحريني أجلح أملح ويخافون عليه من الحسد

مازالت فينا النساء المتعقلات رغم كل الضياع وراء الشكليات، فالموضوع إن وُجد لم يصل كـ (ظاهرة) في المجتمع. لكن من جهة أخرى، لا أخفي أن البعض أمسى لا يثق في الطب العام وبعض الإخفاقات جراء الإهمال، فبعضهم توجه لخيار (الخاص) خوفًا من العام.

بنات هالزمن !!

اللي عنده دهن يدهن روحه
واللي ماعنده يمد رجوله على قد لحافه
وشكرا
لحد يصفق راسي يعورني ........

والله في هل زمان الزوجات يستأنسون فقط اذا يصرفون فلوس اهم شي تصرف وبس تضايق اذا تشوف زوج هي عنده فلوس اهم شي اصرف وبس كوّن ما عندك فلوس تكون عزيز عندهي تكون عندك أهي تضايق وتكون مو مرتاحة اهم شي صرف الي عندك

لا يحتاج و لا شي ليش القرض خرافات شنو هالمولود هل وهو فيل او اسد يحتاج الى دبايح كل يوم

سلام عليكم, و اتمنى الواحد لو يفكر قبل ان يسوي اي شيء حتى ينفع الباقي و ايضا لا يطيح في المشاكل, و شكرا .

أنا من النوع إلي أخطط لمصاريفي، كالتأمين والدراسة والسفر وغيرها. الولادة تسع شهور، تقدر تجمع لك مبلغ يغطيك.
أخيرا مد أرجولك قد لحافك ، وأبعدوا عن الفشار على مخبى فاضي. أنا أبرر القرض للضرورات فقط سكن و علاج الخ.

اول تهتم المراة في ادويتها وادوية الجاهل واثيابه... الحين اهم شي تولد في خاص علشانالفشار

تقليد اعمى وحب الظهور ، فرحة يومين وثلاثه تضل تبعاتها اشهر ويمكن سنين لتغطية الديون او القروض في بعض الاحيان الي في النتيجه يؤدي الى عدم القدره في توفير بعض الاحتياجات الرئيسيه مستقبلا بسبب تراكم الديون. نرجو التفكر.

حب للمظاهر... سيفوا الفلوس للجاهل ولا الجاهلة الي مستقبلهم مو معروف

جمبزه وزخم وفشار ع الفاضي وعقبها بيصيحون من لفلاس

شدعوه ليكون قطر الندي والده هل سوالف مايسونها الا بنات الروازن

السلام عليكم
والله اذا الله رزقني بمولود راح اسوي شي ما صار ولا ستوه
ولاد العز لازم يكونون شيوخ الولاده

شوف انا عندي مبدا بالحياة دام عندك سوي الي بتسويه يعني اذا معاشي 4 او 5 الالاف ليش مااسوي بس نتكلم عن معاشات ابو ربيتين ونص حرام الفشخة والتفلسف على الفاضي وكسير ظهر هالرجال على شنو ليش سوي شي بسيط وخلاص وكان الله غفورا رحيما انا من عائلة كبيرة لكن اغلب استقبالات الولادة في متناول اليد مو شي مبالف فيه واجد مع ان عندنا ندفع بس ليش يعني اخليه لاولادي احسن لهم

فلوووووس

اي
في ناس تأخذ قرض

من السخافة ان الانسان يقترض مبالغ مالية لاجل اشياء مبالغ فيها كحفلة الولادة او حفلات الاستقبال ولكن التقليد الاعمى للغرب وعدم مراعاة الظروف المعيشية للزوج هو مايتسم به المجتمع و من المفترض الاكتفاء بحاجيات الطفل

لا تحطون كل شي على الغرب !!
في اسباب و مبررات غير هالعلاكه

الغرب عندهم حفلة قبل الولادة
يتم اعطاء الحامل هدايا لمستلزمات الولادة والطفل
يا ليت نسوي هالشي المفيد ونترك هالهرار

والله الغرب ما يفلتون فلوسهم على فشار

تقليد اعمى وحب للمظاهر

الامر يعتمد على قوة الزوج في ادارة البيت و مايصرف الا اليي عنده
ويمد رجوله على قد لحافه و يترك لمفوشر

بنات هالزمن يطالعون غيرهم ويبون يسوون احسن منهم .. الي ما تبي السلمانيه والي تبي توزيعات اون لاين .. والي تبي من هالمحل .. لا ويقولون لك اذا ما عندك تسلف عادي .. من الي بيدفع غيره .. وتجديد القرض يكسر الظهر كسار عدل والارباح تكون دبل

مظاهر كذابة مالها داعي ، مافي احلى من البساطة

ترى شراء التوزيعات اونلاين ارخص بكثير من محلات الي في البحرين وحسابات الأنستغرام يعني اونلاين تحصل شي حلو ومرتب مايتعدى 3 دولار هني في البحرين الشي العدل اقل شي دينار ونص اذا مو اكثر

بالضبط اني طلبت اونلاين كان ارخص بفررررررررررق
بس كلفني الشحن لاني طلبت متاخرة لو مخلية على الشحن العادي جان صار سعره بلاش

تستاهل الام ادا عنده امكانيه ومقتدر فليش يقصر على مرته ... الام تحمل تسعة شهور ونساة وشغل وكرف في البيت .. لازم الرجال يقدر مرته بس على الميزانيه اللي عنده لو الابسط اللشياء واحلاها لكن مو ايجيب حلاوه وبقلاوه ... جيب ورده هديه بسيطه وطبعا اهمشي يحبها على الراس . ولو يقدر يفرش السرير ليها اللي بتنام عليه كله ورد احمر افضل .
ام علي .

فشار

إللى يتابع الفشار يستاهل ...شنو فيها مستشفيات الحكومه من أحسن المستشفيات من ناحيه الولاده ..إللى صاير كله فشار وحمط لانه فلأنه سوت أنا انبي أسوي أحسن منها

والله مافي على مستشفيات الحكومة وش فيها يعني المستشفيات الخاصة نولد بدون ألم مثلا والله الخاص ما وراه الخساير ويستغلون الوحدة أستغلال

الفقر فقر ما تقدر تطوره - سكتو روحكم بسلمانية و مستشفى جدحفص
حشششه
داخلة مقصب مو مستشفى ولاده

مو قلنا ناس فيها مرض نفسي اولا الفقر مو عيب ويش فيه الفقر الحمد لله وليش تعيب على الفقراء انت احسن منهم يعني وع على فكرة انا بخير وزوجي ولدني في مستشفى خاص بس اكره الي يتفلسفون على العباد ويبينون روحهم احسن من غيرهم الله يخليني كان اهلكم ما ولدوهم في البيوت في وقت الي ما في مستشفيات ولا شي عموما عادة الي مو شايف خير او جديدة عليه النعمة هو الي يقول هالكلام
الحمد لله والشكر ههههههههه

الفقر مو عيب و اهين بكلامي الناس الفقرا
بس
اقصد بكلامي فقراء التفكير الي مايستوعبون التغير للاحسن في حال وجود الماديه

الفشخرةوالتكبر مو تغيير للافضل ومو شرط اذا عندي فلوس وما واكبت الي تقوله يعني فيني غلط ولا اقدر النعمة اظن الكل يعرف شلون تقدير النعمة يكون بالحمد والشكر وعدم الاسراف حتى لو كان عندك ملايين اعرف ناس واجد تلبس لك ساعة رولكس بديك الحسبة وتلبس عباية يمكن توصل بالمئات وتسافر اروبا بالشهرين ثلاثة لكن يوم رحت استقبال بنتهم للولادة كان جدا بسيط وناعم والتوزيعات جوكليت ومعجنات وعصير فرش لازم تعرف ان كل شخص متعته في شي ناس تحب السفر وناس متعتها تتفشخر وناس متعتها الملابس كل انسان يختلف عن الثاني

وساعة رولكس بذاك الثمن ليش ما قلت فشخرة
ليش ما تلبس ساعة من الاسواق المتنقلة
اكي صرفت على شي تحبها وعلى كشختها مبلغ كبير
يعني تصرف على روحها
بس ما تبي تصرف على الناس وتحط ليهم
وهذا ويش اسمه ...
منطقك مو صحيح

اي منطق اي بطيخ كيفها صرفتها حق نفسها مو مجبرة تصرف على الناس يعني الا ادفع مبلغ وقدره عشان توزيعات تعطيها الناس والا يطلع ما عندها منطق شنو هالحجي بعد ههههههههه شلون تفكرون
بهذا المنطق عجل لا نشتري سيارات ولا بيوت ولا شي خاصة الي ما عنده حياة عائلية لان جذي يكون ما عنده منطق ويخسر فلوسه على بيوت وسيارات بس ما خسرها على الناس انت بعد حياتك وانت حر فيها حرقت فلوسك سويت ماادري شنو كيفك بس لا تجي تتفلسف على الناس وتقول ما سووا وبخلة وماادري شنو كيفه الانسان حر بنفسه لا انت تجبر احد ولا احد يجبرك

منطقها سليم
اي ما ابغي اصرف على الناس لي بيجي يبارك يبارك بسكويت جوكلت عادي
بقلاوة ولي مو عاجبه لا يجي
مو مهم

صراحه مصاريف ما ليها معنى كله شو ومظاهر امام الناس وبدع اخترعها الناس من اجل مظاهر خداعه واناظر الناس اني عندي واقدر اسوي بينما الواقع كله سلف وقروض ليش كل هذا من اجل مظاهر..... مد ارجولك على فد الحافك .
للعلم اني امراءه ولست رجل من كتب التعليق

طلق وخذ عراقيه او سوريه بلا هالخرابيط خاص وهدايا
و ولدها بالبيت بعد
بروحنا منطحنين بعد يطحنونا ؟

الله يطحنك انته و العراقية
خذ و خله تبلش فيك و بس خلها تفكر تروح الي اهلها و بتخليك تاخد بدل القرض قرضين
حتى دبيب الدهن بتودي ليهم
سوق جدفص بتشيله نصه

هههههههههههههه عجبتني

اقو للش عاد ويع ويع قدركم ولا تنسى دبيب الدهن اي والله هههههه عجيب صراحة
ناس فيها مرض نفسي كل تفكر بالفلوس تاخذ مال برة بعدين ينصدمون بالبلاوي الي تجيهم الله لا يخفف عليهم يا رب ويضيق عليهم وان شاءالله من اردى لاردى مثل بيت جيرانه ضايقين الويل حتى ماتمهم الي من سنيين مسوينه اخدته وطردتهم يستاهلون يتكبرون على بنت البلد الله لا يخفف عليهم

كله بدع، الناس عقول مقفله من غير أي تفكير تتبع كل ما لايقبله العقل مخافة النقص أمام الآخرين

ما عندك تاكل عندك تغرم خلها تحصل غرفه بالسلمانه علشان تصرف كل هذي المصارف كفايه الغرفه اجاره اجار حجره بفندق

مايسوون اﻻ عندهم بيزاا وبعدين يزعم يصيحون تفاهات اخر زمن

فشار وماليه داعي

فضاوة. و فشاااار

تستآهل شريكتي تخدمني وتالي أتخلى عنها هيهات مثل ماتضحي من أجلي والله ماأتخلى عنهاوالله ماأنعم علي إلا لحسن نيتهاوطيب قلبها فإذاأختلفت النواياوسآءت الظنون ذهبت النعمه ( اللهم ألف بين قلوب عبادك الصالحين)

مدري ليش حسيت وحده من النساء الي كاتبه هالتعليق

بل

الحين الا علقو كلهم رايحيين للولاده وشاقيين الحلق ويتحمدون ليها بالسلامه .. بسكم نفاااق