انتقد النائب علي العطيش ردّ الحكومة على الاقتراح برغبة بأن تكون أقساط الوحدات الاسكانية ربع الراتب الشهري على أن لا تتجاوز 150 ديناراً، مشيراً إلى أن دفع الحكومة بأن النظام الحالي يحقق العدالة والمساواة بين جميع المنتفعين بالخدمة الاسكانية من أصحاب الدخول والرواتب المتفاوتة، هو غير صحيح، وتساءل: "عن أية مساواة تتحدثون؟".
وأثناء مناقشة رسائل الحكومة بشأن الاقتراحات برغبة خلال جلسة النواب اليوم الثلثاء (21 مارس/ آذار 2017)، قال العطيش: "هناك مواطن يدفع 50 ديناراً مقابل وحدة سكنية، وآخر يدفع أضعاف هذا المبلغ لوحدة مماثلة، نحن لم نطلب منهم مساواتهم بالمطلق، ولكن طلبنا تقليص الفجوة، بأن لا تتجاوز الأقساط الإسكانية مبلغ 150 ديناراً أو ربع الراتب أيهما أقل".
لماذا لا تكون البيوت ذات المساحة الاكبر لمن يدفع اكثر حتى لا يشعر المواطن بالظلم ولكن تجد من يدفع اقل يحصل بيت مساحته اكبر
المبكي و المضحك ان اقفاص الحيوانات في محمية العرين وايد اكبر من بيوت البشر في المدينة الشمالية!!!!!
شعور كارثي ان الحيوان عايش احسن من الاف البشر
اساس الازمة الاسكانية هو الزواج!!!!
ادا صار راتبي 2000 دينار مواقق ادفع 250 قسط على الاقل نقدر نعيش يالباقي
مجرد حلم فقارة ههههههه
نسوان الحين ما يرحمون الفقير شاقين جيبنا شق
كل يوم مناسبة شكل و كل يوم جيب جيب@ و غير الخدامة و اكل المطاعم و و و
من وين صراف آلي احنا؟!!!!!!!!
بيوت الاسكان تبرع من دول الخليج الشقيقة للشعب الفئة المحتاجة و لازم تكون مجانية للناس المحتاجين
ادا احد فاهم شي غير رجاءا يوضح السالفة
يا لهوي يا هوووو
فلس واحد الحكومة مستكثرتنه عليكم في الكهرباء تبون تخفضكم في الاقساط
موضوع ممتاز و يلامس فئة كبيرة من الناس اللي تدفع اقساط كبيرة جدا
المفروض اللي حصل على بيت خلال 10 سنوات يعطونه مجانا لانه بدوخ من كثر المصاريف مال العيلة
استلام البيت بعد 22 سنة يعني:
العيال كبرت و ما يكفي
قرض اسكان مؤبد 25 سنة
قرض بناء للتعديل ادا البيت يتحمل
رسوم دراسات جامعية
مصاريف علاج بسبب الشيخوخة
سلف و طرارة عشان نكمل الشهر
متعودة دايما
تعبنا انتظار 22 سنة و اعبنا من قروض تعديل البيوت و الاضافات و تعبنا من اقساط الاسكان
سوو بيوت عدلة و خلونا نرتاح على الاقل قسظ واحد اهون
البيت العدل في الآخرة
يا رب حسن الخاتمة
لازم البيوت ببلاش فقط للمحتاج اللي فعلا ما يملك اي عقار آخر
اعطونا البيت أول مانتزوج وموافقين ندفع الربع
اما تعطونا البيت عقب ماصار عندنا جهال وزادت المسؤوليات مصاريف بيت ودراسة ومواصلات وغيره وتشفطون الربع وش بقى من معاشاتنا
حبيبي كلامك صح 100/100
انت وضحت المعاناة اللي نعيشها في البلد مع الاسكان
كان الله في العون
يا ريت يا خوك يتحقق حلمك
في ناس تتحايل باخفاء الدخل الحقيقي او تخفيض الراتب عشان دفع قسط اقل لكن هذا حرام و الله مو غافل عنكم
وايد ناس مسوتنها و تدفع اقل و عايشين في النعيم على حسابنا اللي ندفع قسط كامل
انتون حمدوا ربكم حصلتون بيوت
احنه للحين ننتظر الفرج
الحمد لله بس مو احنا الفقارة مثلك سبب مشكلتك!!!!!
المشكلة من ..........؟!
اللي فاهمنه ان المارشال الخليجي منحة لحل مشاكل البلد الاقتصادية و الاسكان و غيرها
يعني الاسكان ما تدفع من عندها فليش المواطن يدفع؟؟!!!!
عدل البيوت تبرع من دول الخليج فليش الحكومة تدفعنا قيمتها و هي مساعدة للشعب من الدول الشقيقة!!!!!!
راتبي 700 و ادفع قرض و رسوم العيال جامعية و دروس تقوية و غير ماجلة البيت و الفواتير و المواصلات و ربع الراتب للاسكان و نضل على الحديدة سلف لاخر الشهر
الله يعين الناس على الغلاء صراحة
و في ناس الله يعينهم رواتبهم ضعيفة جدا
التقساط ربع الراتب واجد صراحة لان تستلم البيت و عيالك في الجامعة و يبون مصاريف دراسة و مواصلات و غيرها من لوازم
محنا قادرين نعيش بعد ندفع و ندفع
النفروض البيت مجاني للمحتاج الخقيقي
المفروض البيت بالمجان لمحدود الدخل
في حل لموضوع المتحايلين على القانون ان ما يتسجل اي عقار لاي شخص حاصل على وحدة اسكانية الا بعد مرور 15 سنة على الاقل عشان يوقفةن عن حدهم
سمعت عن ناس محصلين بيوت و ما شاء الله مو محتاجين بس عندهم تحايل على القانون
في اشخاص عندهم بيوت و بعد حصلوا بيوت اسكان بسبب التحايل و تسجيل العقارات باسماء ناس آخرين
و لكن الحل سهل لا يتم تحويل ملكية اي عقار اضافي الا في حالة صاحب الوحدة الاسكانية كمل دفع الاقساط عشان ما يتلاعب
العتب على المسؤلين النايمين!!!!
في ناس تدفع 50 و لكن دخلهم كبير جدا من الاعمال الاضافية الغير مسجلة رسميا مثل الاعمال الحرة و ناس تملك اكثر من بيت بالحيلة و الفتيلة
فننصاد احنا لان مسجلين موظفين رسمي
السالفة انهم ياخدون الفرق من الناس الاخرين
يعني تدفع بدل غيرك يعني و ش يخصنا ياخدون الفرق من عدنا
اعطوا الناس و خلهم كلهم يدفعون 50 بالتساوي
راتبي ادا كان اكثر هذا تعبي و حلالي مو تصموني دبل
حرام ليش ادفع اكثر من غيري على نفس البيت
بصراحة لا مانع من مراعاة الاقل دخلا بالنسبة للاعلى دخلا،،، لكن ان يكون من يدفع 20 دينار يحصل على افضل المنازل والارض الأكبر ومن يدفع 6 اضعاف القسط يحصل على اصغارها فذلك ظلم واجحاف... يجب الترتيب وفق الدفع
المفروض البيوت تكون مجان للمستحقين الحقيقين
مو عدلة هالطريقة ناس تدفع 40 و ناس 250
ليش على ناس و ناس
ما يصير جديه كلنا اولاد 9
ظلم صراحة
الوضع صعب جدا
المفروض تكون الاقساط متساوية و الحكومة تدفع الفروقات بدل الاضعاف اللي تدفعها ناس و ناس
مأساة حقيقية
ناس و ناس
متى السحب على بيوت الشمالية الجاهزة؟؟!
تعبنا من الانتظار فقط 21 سنة
اصبر بعد شوي وايد مستعجل هههههه
ننتظر لاكثر من 20 سنة و بعدين يعطونا قراقير سمك
وش هالبلوة؟؟؟؟
للاسف ناس تدفع على شي ما يسوى
لا والقهر أن أرض اللي يدفع أقل أكبر من ارض اللي يدفع الأكثر.... ظلم انا ادفع ١٥٦ دينار وغيري ٥٠ دينار وعلى نفس المبنى فعن أبي عدل تتكلمون
ما في عدل لانك تدفع الفرق عن جارك ابو 50
والي راتبة 380 دينار كم تبغاه يدفع يالعطيش؟؟
95 ربع راتبك!
95 قسطك و تكمل الشهر بالسلف
بيوت المدينة الشمالية محبطة و لا تناسب العائلة البحرينية بدون حوش و بدون خصوصية
جارك يقدر ينط و يدخل بيتك في اي لحظة
شفت الفيديو على حساب انستغرام الاسكان و كلامك عدل
وايد صغار و لاصقين في بعض يعني جارك يفر ويه يشوفك على طول
و يقدر يدخل بيتك بسهولة بس نطة وحدة تشوفه في الصالة معاك تطالعون افتح يا سم سم
الحاجة مرة و تفرض على الانسان الرضوح لاشياء غير عادلة
اكيد لو نقدر نشتري كان بنيننا على كيفنا شي يناسب العائلة مو قاطي صلصل
بيوت الشمالية اللي عرضتهم الوزارة قبل يومين وصلت المواطن لاحباط شديد و خصوصا بعد انتظار اكثر من 20 سنة
كهوف او صنادق حشى
لا تهوية عدلة و لاصقين في بعض من كل صوب
لا مجال للتوسعة يوجد حوش امامي عشان نقدر نتنفس!!!!!!
كنا نتمى شي افضل خصوصا الوزارة لازم تعرف ان لما تستلم البيت بعد 22 سنة صارت العيلة كبيرة و تحتاج مكان اكبر يناسب او لازم تعطون بعد 5 سنوات عشان تمشي السالفة
معقولة صنادق حمام!!!!!
الله يعينكم على البلوى هذي
ضيق و قروض!!!!!
معقولة بيوت في منطقة حجمهم اكبر من منطقة اخرى و يدفعون نفس الاقساط لبيوت قراقير!!!!!!!
بيوت الشمالية اللي شفناهم غلى حساب الوزارة مجرد قراقير و لا تلبي حاجات الاسرة البحرينية
معقولة عمري فوق الخمسين و اسكن بيت 3 طوابق
ما عندنا صحة عشان صاعدين و نازلين درج!!!!!!!!!
و للاسف ما في مجال تركب مصعد و غير المصاعد غالية وايد
ربع الراتب اقساط اسكان و اكثر من ربع الراتب قرض توسعة و تعديلات لان وحدات الاسكان لا تلبي احتاجات المواطنين لان العيال كبرت بسبب استلام الوحدة بعد اكثر من 20 سنة و لا تكفي العائلة
ربع الراتب شي غير منصف مثلا:
راتبي 1000 ادفع 250
راتب جاري 200 يدفع 50
نفس البيت و نفس المواصفات
احنا مالنا ذنب عشان ندفع اكثر من غيرنا
يجب تقليل الفجوة بين الاقساط رحمة بالمواطن!!!!
ألي راتبه ألف دينار ليش ما يحوش ليه ويشتري بيت ليش لازم تحسدون الفقير ألي راتبه ضعيف وأنا أقترح بيوت الأسكان لذوي الدخل المحدود فقط مو ناس عندها بيوت تسجلها بأسم أمها وتجي تزاحم الفقارة
ماتقدر تحوش في هالوصع انته تصرف على عائله
واسعار العقارات نار تكلم بالمنطق
في ناس يوم يقدمون الطلب رواتبهم ضعيفة كانت و ما يقدرون يشترون و الراتب يوم وصل 1000 بعد سنوات طويلة و ارتفاع سعر العقارات و زيادة العيال و الغلاء ما يقدر الواحد يشتري!!!!
و مو شرط انه قاعد ينافس الفقارة
روح شوف البوايقة اللي يملكون بيوت و بالحيلة يحصلون و ينافسونكم!!!!!!!!
في ناس رواتبهم 400 و عيالهم كبار و يشتغلون ما عندهم التزامات وايد و ناس عيالهم اصغر و يدرسون في جامعات ختى لو رواتبهم 800 بعد ما تكفيهم
احيانا راتب اقل و مصاريف اقل و يمكن راتب اكبر و التزامات اكثر
مب شرط راتبه اكثر عيش احسن في و في
ظروف الناس مب نفس الشي
نعم يا سعادة النائب أضم صوتي لصوتك
ناس عندها وحدات كبيرة و تدفع اقساط اقل و ناس وحداتها قر اقير و تدفع ثلاث اضعاف!!!!!!!!!!
منكمى حل سريع للموضوع ترى احنا فاطسين من الاقساط