إهداء إلى الضياع العربي

(أ) عمري الرحيل ... شاعر لا يشبهه أحد فيما يجترح من كتابة لها صفة الذهاب.

شعر - عمري الرحيل

للمـخازي لـنا صـولـه . . وجابي خــراج

كـلمـا قــام ذل اضــفى علينــا الـشليـل

تـشرق الشمس يـا اهلا تـجي بانفراج

تغـــرب الشمـس تغـسـلنـا بـذلٍ ذلـيـل!

قل لهم كل ابـوهم : يا قطـيـع الـنعــاج

مابـكم ( يعـربيٍ )ثـار واشفى الغليـل ؟!

والله من الزعـل يا طعم كــاسي هماج

كلما جيت ابشـرب شفت طفـل الخليل

صحــت : ياجاريه يكفي نمـوت احتـجاج

ندفـق الـحـزن واسقينـا من السلسبيل

عند خصرك يجي لدروب الاقصى انبلاج

ومن عيــونـك اشوف الناصره .. والجليل

خلي الحــزن مثـلي يعـربي الـمـــــزاج

ضحـك ساعـه بكى ساعه وصبـر ٍجميل

وانت اذهب وربك شل لاهـلك السـراج

هات لي راس (يهـــوه) بيـن ظـلٍ ظليـل

بكـــره ( بكمب ديفد ) نهتـدي للعــلاج

السلامــه ولـو قالوا ( يـمــوت العـميـل )

يطعــنوني . . واحيـيـهـم بكـل ابـتهــاج

دام لي( دولـــــه ) يحـدها المستـحيــل

ان زعـلنــا نـسـبـب لـخويــانــا انزعـــاج

والكراسي كراسي .. والف دميـه تميل

كل درب يــورّيــك ( العــرب ) مـن زجـاج

والـكـرامــه عجــــوز .. ولا تـجيب البـديل

آه شـــف دمنا ( للفصــح )وشلـون راج

صـــاحوا : الموت شي في عربنـا قليـل

ماتناخـوا لهم ( بالبيــت الابيض )عجـاج

والــــخيانـــه مع الدم العـــروبي تسيـل!

(ب) منذ أصيب «عمري الرحيل» بداء الشعر الجميل وهو يوزع عافيته على الناس.