(أ) محمد آل مبارك ونص متورِّط في الشفافية والرقة والعذوبة.

الضيق يا خوي ما هو ضيقْ في صدري

الضيق ضيق المكان بغيبـة اصحابـه

كم عاشقٍ مات سبـة حبـة العـذري

وكم عاشقٍ عاش يرجي شوفة احبابه

يا خوي مشتاق وانت بحالتي تـدري

ايام عدَّت وانـا واقـف علـى بابـه

ساعات احسه يجيني بلهفتـه يجـري

وساعات احسه يعوِّدني علـى غيابـه

هاك اسأل الليل كيف بوحدتي يسـري

اسهرْه كلـه الـم واحـزان منسابـه

يا خوي صبري احسه ضاق من صبري

وآمال عمري احسها اليوم مرتابـه

والعمر يا خوي ما حسه على خبـري

قرَّب زمانـي بصـدره يطعـن انيابـه

بدَّيت احس ابكبر سني رغـم صغـري

عمرٍٍ قضيته تعب والغيـر يهنـا بـه

ويا حبيِّبي في وسط قلبـك ابـي قبـري

وابي احاسيس نبضك تصبـح اطيابـه

وابيك تسمع معاناتـي ولـك عـذري

من دونك الكـون كلـه يشبـه الغابـه

شبيت فيني غيابـك واشتعـل جمـري

ما تقول قلبي متى تبرد بك اعصابـه؟

كتبت قلبي عشانك منـزلٍ حصـري

مو أي شخصٍ يود القلب يزهـى بـه

ما عاد بدري؟ تمنيـت الزمـن بـدري

ودي اضمك لصدري عيـش باهدابـه

ويا حبيَِّبي ليه ما تلفي على صـدري؟

بيتك اذا ما لفيته محـدٍ اولـى بـه

(ب) افتقدناك طويلا أيها الرائع. نص يشبهك. يشبه صدقك وبساطتك وعفويتك.