طلق سعودي زوجته أمس الأول السبت في القطيف بسبب إجرائها عملية زائدة دودية دون علمه. وذكرت صحيفة (عكاظ) السعودية في عددها الصادر اليوم الاثنين أن الشاب عقد قرانه على الفتاة الأسبوع الماضي وفي زيارته الأولى لعروسه لاحظ عليها علامات تعب وإرهاق، ما دفعه لسؤالها عن السبب، فأخبرته بأنها خضعت لعملية استئصال زائدة دودية أخيرا.
ولا زالت تعاني من آثارها، ولم يتمالك حينها الزوج نفسه وغادر منزل أسرتها ملوحا بطلاقها. وحسب الشاب، فإنه اتخذ قرار الطلاق بحجة خداع من أهلها الذين أخفوا عنه أن ابنتهم "ناقصة" كما يعتقد، مشيرا إلى أنه لا يريد أن ينتقل استئصال الزائدة الدودية إلى أبنائه، باعتبارها مرضا وراثيا ، على حد اعتقاده. وأشارت الصحيفة أنه رغم محاولات أهل العروسين احتواء الموقف، وطمأنة الزوج بأن الزائدة ليست وراثية وتصيب كثيرا من الناس، أصر على قرار الطلاق رافضا كل المبررات التي اعتبرها "متأخرة".
يبغي يطلق بالاساس
الاخ يبغي يطلق من الاساس ويبغي حجة !!
قول مانناسب بعض وخلاص من تكشت بالبنت جذي ,,
لكن افتكت منه البنت لان اللي مو رجال الحين ماراح يصير رجال بعدين والحمدلله الله ريحها من هالاشكال المتخلفة ..
الكمال لله
اي شو هاذ زائدة دوديية ليش تقعد بيها ما تنحاش تموت يخي مسخرة الله يهدينا و يهديه
الله اكبر على التخلف
الله أكبر على التخلف الله يعينه على عقله الناقص وليس على دودة العروس الزائدة الناقبصة بنظره , فلتحمد الله هذه العروس انها لم ترتبط بهكذا شخص عقله ناقص.
زين انه طلقش
باجر يجيش اسهال وسوي لش سالفه لا صارت ولا استوت
خيره
اني اقول هذي رحمه من رب العالمين والحمدالله انها جت على جدي واحد متخلف وتعبان نفسيا شلون بتستحمل تعيش معاه زين انها افتكت منه والله يكتب لها بنصيب احسن منه .. قمه التخلف يادافع البلا
الطلاق صار لعبة
الطلاق هو أبغض الحلال عند الله عز وجل .. .. والطلاق يهتز له عرش الرحمان ويفرح به الشيطان ...إذا مو متأكدين من روحكم ما تبون لبنية من البداية لا تتخذون القرار بالزواج ... الزواج والطلاق مو تسلية أو لعبة ... ما عجبته لبنة يبي يشوف اليه حجة علشان يطلقها ... وهي حجة في حاجة ... هوه ما يباها قال لأنها مسوية عملية خلني أتخلص منها وبس ؟؟؟
من البديه احسن
شكله يبغى الحجه اكيد في شى ثاني ما عجبه وجواد على الزايدة او هي صرحته بشي وما عجبه وما بغا يتكلم عليها وسوا روحا غبى (وتسريحن باحسان)
يفشل
اصلا افتكت منه واحد مو صاحي شكله يدافع البلاء
عجل ناقصه؟
ووراثه؟
على كيفه الظاهر
الله يعينك يا قطيف المحبة
والله وبكل صراحة القطيف باتت تبكي الواحد انقلبت الى شي ما ينوصف كل يوم قتل وكل يوم مصيبة جديدة والحين دي بعد والله صارت على كل لسان القطيف بالسؤ الله يهدي الجميع ان شاء الله ويرد القطيف الى سابق زمنها
ليش حاطة إيدش فوق راسش؟
بدل ماتحمدين ربش افتكيتين منه صراحتاً ..
لاتتحسفين هو اللي بيتحسف عليش اذا شافش ويه هذاك الريل اللي وييييييش حلاوته ..وشاف ولادكم يناططون ..
وهو بتجيه حوبتش بتجيه وين بيولي !!!
هذا زين اذا وحده قبلت في عقله !!!!!
طل عقووووول طل ..
قــــــــمـــة الــــــــــتخـــــــــلــــف ...!!!!!!!
يعني وصلنه لعام 2010 و للحين في ناس بهالعقلية !!!!
ويش دخل الدودة الزايدة بالامراض الوراثية ؟!!!!!!
شكله مو متعلم ... المشكلة انه حتى الاميين يعرفون ويش الدودة الزايدة و هذا ما ادري من دفنه طالع ..!!
شكله مو عايش على الارض بالمرة !!
تعجبني زائر 44
يا جماعة الخبر مو كامل
يعني حدث العاقل بما لا يليق
سبب الطلاق ما اعتقد لانها مسوية الدودية وبس
الخبر يقوليكم انه اهلها غبوا عليه انها ناقصة . وثاني شيء سوت العهملية من غير علمه
شسبب يا ترى الي يخليها تسويها وهو ما يدري؟
يعني بالمختصر المفيد فبركة
هع
عجبتني مالت "وراثي"
؟؟؟؟؟
المفروض تستانس انها اتخلصت من انسان قمة في التخلف
يمكن لو اتزوجوا وجابو اولاد وواحد من اولادهم عطس
بيقول ليها هذي صفة متنحية من عائلتكم احنا عائلتنا ما يعطسون!!!
الحمد لله على نعمة العقل
بحرانية
الله يعينه صج فاضي وماعنده سالفة بس نفس ما يوقولون قلة العقل مصيبة
يو يدافع البلا
الدودة الزائدة مو وراثية وتنشال وليها علاج بعد !
يبغيها حجّة عشان يطلقها
غجر غجر
هالسعوديين متخلفين ...يوم واحد مطلق زوجته عشان مريضه ويوم واحد مزوج بنته الطفله شايب ويوم مطلقين عشان فيس بوك يوم مطلقين عشان اسم مولود جديد .......اش هالمصخره !! صدق غجر
الجزيري
قلة العقل مصيبة اللة كريم عس عن صلاح
جمرية
اشعندهم السعوديين ، على بالهم النسوان سيارات ابدلونهم وقت ما يبوون ؟!!
و هذا شكله متسبب ، و قال يتخلص منها مره وحدهز
و قبل جم يوم واحد من القطيف بعد هاجم على زوجته في المطبخ و قاتلنها بالسكين !!
يستاهلون
الأثنين يستاهلون عدم حرمة شهر محرم الحرام حتى في الجاهلية ما كانو يتزوجون أو يعقدون لأن له حرمة !!!!!!!!!!!!!!
ياجماعة ليش كل هالتعليقات الله أعلم بصلاحهما
مافي داعي نتهم ايا منهما
لانستطيع القول الا الله اعلم بعباده
يقول له الشيطان
يقول إبليس لأبالسته عددوا أعمالكم ، فيعددودها كل ذلك وهو يقول لهم : ما فعلتم شيء ، حتى يقول أحدهم له : ما تركته حتى طلق زوجته ، قيفرح به إبليس ويقول له : أنت أنت إبني !
يريد الفكية
يمكن شاف العروس جيكره وماعجبته وأستقل العملية علشان يطلق
هناك حالة مشابهة
لقد رأيت خبر كذلك عن احد المجنسين في البحرين حيث طلق زوجته لأنها لم تخبره بأن لديها ضرس مخلوع في فمها
الرابط العجيب بالمجنسين
الخير في ما قد وقع
اقول ان كل المعلقين لا يعلمون ماذا حدث بعد علم الزوج ان زوجته قامت بأجراء عملية بعد اسبوع من الخطبة من دون علمه فأعتقد ان قراره سليم لأن لا احد من المعلقين يقبل ان يحدث له مثل ما حدث للزوج لأن ببساطة يعتبر انه المسؤول الشرعي عن زوجته فمن حقه ان يعلم واجرى عملية لزوجته من دون علمه يعني استخفاف بمكانته كزوج واتركوا يا ناس سب او الاستخفاف بالاخرين لأن ببساطة لا احد يقبل سماع ذلك عنه
يدافع البلا
هي غلطانة لانها ماخبرته الغبية ..لكن يقوم يحط السبب ان يخاف ان المرض ينتقل لولاده ومدري ويش...غباء..ان شاء الله تصيده الدودة الزايدة عشان يحس
الى زائر رقم 19
احنا ما قلنا سني ولا شيعي وانته جاي تقول شيعي والشيعه ما يتزوجون في محرم وصفر
شكله من ربعك لا والظاهر نفس مخك ومعلومتك جدا صغيره
انجل
h3 h3 5roof a9li
ya daf3 albla2
shr alblya ma y'97k
الزوج قمة التخلف
صج متخلف زوجها
والله يمكن هي كانت في ظروف , الا اجزم انها كانت تتوقع منه العصبية وعدم الموافقة فعملتها قبل لأن يبين ان زوجها او طليقها غير عاقل.. والله راح يراويه شيء يخليه يندم طول حياته. لأن كما تدين تدان
إلى زائر19
لنا معارف من القطيف وترى القطيف فيها من السنة والشيعة ، وأنا مو جاي أقول اللي طلق سني لو شيعي لأن السالفه ما لها دخل بالمذهب إليها دخل بالعقل ...
صج
يادافع البلا
بدل البلبله ادعو اليهم بالصلح
سترك ياستار استر على اهل المسامين جميعاَ
الصراحة أحسن
حتى لو كان غلطان، المفروض ماكانت تخبي عليه، إذا كانت فعلا مسوية عملية الزائدة الدودية لازم أول واحد يعرف هو زوجها
يالغبي والمجنون
يالماتفهم ادوده الزايده تجي الناس صج والي مايفهم الهومخرف الا قمه الخرافه
لماذا؟؟
الشاب عقد قرانه على الفتاة الاسبوع الماضي لماذا الا يعرف ان اننا ما زلنا نعيش اجواء محرم الحرام؟ لذلك سلب التوفيق في هذا الزواج.
بنت العالي
الواحد يحمد ربه على النعمه بس هذا شكله واحد طاغي على الخالق وانت قول الحمد لله انك حصلت بنت والله فيه شباب مساكين زينين واحسن مايكون بس من يطلب الزواج انرفض وانت ادور احجج مثل وجهك بس احسن من الحين طلقها اهي سوت عمليه دودة الزايده بس اهو ضامن عمره وش ايصير فيه مايعلم بلغيب الا الله سبحانه وتعالى
حداده
لاحول ولا قوة إلا بالله العلي العظيم
ومن الجهل ما قتل
الحمدلله
على العروووس ان تحمد ربها انها اتخلصم من معرس بالعقلية
!!!
الظاهر ان موعا جبته البنت واخذا حجه وسبب عذر اقبح من ذنب
kharoof
this man is very crazy or in arabic ( kharoooooooooooof)
عجايب هالدنياااا
شكلهاااا ما يفهم فكر ان الدوده الزايده شيء ثاني يمكن والله حاله مخه تنك
باين متحجج
مو معقولة!
المسألة فيها أن
خبرنا بأهل القطيف واعين ومثقفين وحلوين
هذا أكيد مينن
او غاصبينه ياخذها ..وحجة بحاجة طلقها
الله يساعد البنت
أم عباس
الإثنين غلطانين ومو غلطانين الغلط هو أولا لانه يبين عليه الغباء وسرعة اتخاذ القرار وهي غلطانه لانه خبت عليه شيء وممكن تخبي بعدين اشياء في نفس الوقت مو غلطانين لانه هو خاف الظاهر على نفسه وهي يمكن ما تبغي يفكر انها مريضة أو فيها عله معينة وتالي يرفضها فالله يهديهم واثنينهم افتكو من بعض ويمكن هذا صلاح لهم وترى عندنا في البحرين هالحالات وحدة مسوية عملية دودية رفضها وقال هذي شكلها مريضة وبتمرض على طول يعني لا غرابة
خروف
قمة في الخرفنة ما عليك شر
جاهل
خل ياخذ كتاب طبي والا يروح لطبيب يشرح صج ناقص عقل
رب ضارة نافعة
والله محد ناقص الا هو،،، افتكت منه قبل تجيب العيال وتتورط (ستراوي أصيل)
يبي ليه
يبي رباط في نخلة وتلويع بهوز
الله يصلح بينهم آمين
والله شيء يزعل ان هناك بشر من هذا النوع
الله يهديك ويهدي الجميع
شر البلية ما يضحك
iهههههههههههههااي
صدق لين قالو اصحاب العقول في راحه
وليش ما سألها ليش خشت عليه ؟؟
على طلاق طلاق كانها لعبه هالكلمة
ام صلوح
يؤؤؤؤؤؤؤؤؤؤؤؤؤ اكيد مو متعلم ولا دارس
يادافع البلا
الحمدلله على نعمة العقل والدين
ولله في خلقه شؤون !!!!
الى الزائر(7)
على فكره هذا الشاب مو سني علشان يسأل العريفي..وأحب أعطيك معلومه صغيره إن أهل القطيف شيعه
!!!
معقوله ؟؟ !!
لحد الحين فيه ناس تفكيرها جذي
هذا مو بس عدم ثقافه عنده غرور وعنجهيه صدق اهبل بس وش نقول
بدوي
زين مايسوي فيها
تستاهل لان مثل ماخبت عليه هالشي بتخبي عليه اشياء والله يستر من الخافي نعم للرجولة
نعيش ونشوف
The man sure in which a mental defect
لو هالمسكينه مسويه عملية بواسير وش بسوي؟؟؟؟
اكيد بصب على روحه كاز وبيولع وتالي بيقول طفو الحريقه الحقوني 00شر البلية ما يضحك !!!!
خروف
هذا مو عاقل المفروض ما يزوجونه من اصل
غبي
والله الصعايده مايسونها
أنعام
((إنهم كالأنعام بل أضل سبيلا))
ستــ نور العين ــرة
هذا مريض نفسي نفس بو خالد وسوري من بني أمية الله يهديك بس بدل ما تقول ليها الحمد لله على السلامة تطلقها وهي بعد غلطانة من حقه يعرف كل شئ عنها وعلى العموم اللي تفكيرة جدي صعب يرتاح في دنيته والله يهديه ويرجعة ليش أو يعوض ليش عنة بزوج افضل منه
غبي
غبي والله
شر البلية ما يضحك ^_^
فطست من الضحك على كلمه ( ناقصه ) ^_^ , يعني الحين اذا شالت الزايده تعتبر ناقصه , بصراحه هو الا ناقص , ماعنده مخ ! ولا يفكر ,يالله افتكت من غباوته أحسن من تعيش وياه ويجيها ضغط وسكري وتموت قبل أوانها , وثانيا هي لما راحت المستشفى , ليش ما اتصلوا اهلها فيه وخبروه ترى خطيبتك مريضه , يمكن مخه شوي ينفتح ويفهم شوي, صدق ناس مخها يشتغل بديزل هع هع هع
لا العروس غلطانه!!
و لله في خلقه شؤن ... ما أقدر أعلق ,,, للحين في عقليات بهالشكل ؟؟؟!!! ... أبو مريم
عقول ناقصة مصيبة !!!!!!!!!!!!!!!!!!!!!!
ويش هالعقل المتخلف ياسعودي والله الناس قعدت وجنت الحين الزائدة الدودية مرض وراثي الله يهديك قمت التخلف في الادمي والله يساعد الي ابتلشت بهذا الادمي الغبي اكا انا تزوجت وكان زوجي سابقا عامل عملية الدودة الزائدة ولم يكن لي علم بذلك عيل اتطلق منه والحمد لله بصحة جيدة ماقول الا مالت عالمتخلفين مالت .
العريفي
اكيد ماخذ فتوى من العريفي
قاتل الله الجهل
يقول الإمام علي (ع): الجهل مطية شموس من ركبها زلَّ ومن صحبها ضلَّ
وقال (عليه السلام): الجهل مميت الأحياء ومخلد الشقاء
لا حول ولاقوة إلابالله
ذو العقل يشقى في النعيم بعقله واخو الجهالة في الشقاوة ينعم .
قاتل الله الجهل . فعلا متخلف ان ابغض الحلال عن الله الطلاق والسبب جدا غبي يالله خير وخاتمة خير
saoodi
crazed
الحمد لله على نعمة العقل والدين
معروف عن الشعب السعودي مثل هذه القضايا
السعودية تتصدر مستوى عدد حالات الطلاق على الخليج
قاتل الله الجهل
وش ذنب المرأه . اذا انت جاهل ومخك تعبان
اقول اختي احسن اليش يوم انفصلتين عنه جان بيجيب اليش الضغط من الغباوه والجهل. لا ومسوي نفسه فاهم ايقول مرض وراثي .
من الجهل ما قتل
الله يشافيه إن شاء الله...
يا جماعة لا تاخذون قرارات وأنتون غاضبين....
أعوذ بالله من الشيطان و أتباع الشيطان
العقل زينة
لو شالة ظفر بعد بطلق لئنه شكله ندمان