كيفية تأجيل المواعيد

وجهــة نــظر

عندي اقتراح بالنسبة لمركز كانو ( النويدرات ): نتيجة للضغوط التي تتعرض لها السلمانية، ليش ما يخصصون مثلا وقت المعالجة بالمراكز بدل ما نطقها مشوار للسلمانية ( الطوارئ )، يعني شوووي يتراوى لي يخف الضغط، وبالنسبة لدوام العمل ليش مو شفتات طبعا مع وضع استبيان ( في الموافقة ام الرفض ) يعني يخيرونهم، وسلامتكم
مجرد وجهة نظر

نوايدراتية أصلية أبا عن جد::: ناس ما يعجبها العجب

ولو يسوونه 24 ساعة ماراح ترضون والحين صار مركز سترة زين؟ اول ماكان زين ها؟! ولو يبدلونكم عن المركز الجديد بتقولون جان زين ظلينا على المركز الجديد وعيون الانسان ما يترسها شي وكل الخدمات ماتعجبكم شعب ما يقبل بشي ولا يحمد ربه وين الله يراوينا النعمة واحنا بهالحالة!!

يجب استغلال المركز لانه كبير وحديث ماقصر اللي بناه

يجب استغلال المركز لانه كبير وحديث ماقصر اللي بناه الله يجعله في ميزان حسناته والباقي على وزارة الصحة
ينقص المركز طاقم الاطباء والممرضات والموظفين ؟
يجب تشغيل المركز 24 ساعة مع عيادات الاسنان لكي يخدم المنطقة كلها

مستشفى احمد كانو يبي له اشياء واجد تعدل فيه

مستشفى احمد كانو فيها اشياء وايد يبي لها تصليح اولا:المواعيد تروح الساعة 7 يعطونج موعد الساعة 9 وتدخل على الدكتور الساعة 11 ليش؟ مع ان عدد المرضى قليل.ثانيا:ليش ما يخصصون غرفة خاصة اللمرضى الاطفال؟ تروح بولدك تعبان حده ودرجة الحرارة فوق وتعال انتظر لين ما يخلصون المرضى علشان ما تطلع من المستشفى الا ولدك ميت.ثالثا:ليش ما يخصصون دكاترة خاصة للطوارئ تروح المستشفى وتنتظر يجي دورك وعقب خمس ساعات تكتشف ان الدكتورة اللي في الغرفة كل دقيقتين يطلبونها الطوارئ تجي الغرفة تعاجل المرضى دقيقتين وتطلع ساعتين

ام علي

مستشفي فاشل حده جان زين ضلينا على ستره ما يسوى الروحه اهناك تاخير واجراءة معقده وكل قسم في صوب ما تدرى وين انت.ولا لين دخلت على الدكتوره لزم اول شى تشوفك الممرضه اول بعدين تدخل على الدكتورة ليش هل الاجراء المستشفيات الخاصه مو مثلهم.

الله كريم

المفروض 24 ساعه مفتوح او اقلها 12 ساعه
واجد عليهم الاربع ساعات اللي بيداومون فيها مساكين تعابه

بروددددددددددددددد

صدق اذا قالوا ما تعرف قيمة الشيء لما تفقده وبعد قالوا الحلوا ما يكمل
من قبل نتحرطم على مستشفى ستره لكن مستشفى كانو ولله الحمد طلع اخس من ستره عندهم برودددددددد ما ادري من وين جايبينه مستشفى فاضي والاستقبال مافيه احد وتنتظر لما يجي رقمك والله مو على الرقم على متى يتكرمون ويضغطون على ازرتهم انه جى دورك بندخل على الدكتور انتظر ساعه لما المساعده تناديك للكشف وبعدها ساعه ثانيه علشان الدكتور ي ناديك مسوين لهم سالفه طويله عريضه على خرطي لو جايبين لهم مخده وبرنوص احسن لهم

بو محمد & علي

مع تأخر الدخول على الدكتور هناك شيئ آخر هو وقت النوبة المسائية من الساعة الخامسة م إلى الساعة التاسعة م ليش ما يكون من الساعة الرابعة إلى الساعة الحادية عشرة قبل منتصف الليل مثل مستشفى سترة يعني إذا احد مريض قبل الساعة الخامسة او بعد التاسعة سيرجع لمستشفى سترة لان مستفى سترة يفتح من الساعة 4:00م إلى الساعة12:00ص في الفترة المسائية. والله الموفق

يجب أن ينتبه المسئولين لنا

نتمنى من جريدة الوسط أخد مقابلات مع ناس حول رأي ناس عن مستوى الخدمات التي يقدمها مستشفى أحمد كانو وعن يبحثوا عن أسباب التأخير .

نتمنى من وزارة الصحة مراقبة المستشفى

ما الفائدة يوم كنا تبع مستشفى ستره كنا نخلص العلاج في عشر دقائق أو ربع ساعة بالكثير أما الأن أأكثر من ساعة ونصف تنتظر حتى تدخل على الدكتوره رغم ان العدد قليل الماذا لا يكون هناك رقابة على المستشفى وسئلوا أي أحد تابع للمركز الكل مستغرب من تأخير والله عرفنا قيمة مستشفى ستره الحين .