صحيفة الوسط البحرينية

العدد : 736 | الجمعة 10 سبتمبر 2004م الموافق 19 رمضان 1445هـ

وجه الزمان

شحب وجه الزمان اللي لبسني فالسنين البور

شحب واثر الحزن يلعب على القاصي وعلى الداني

وانا توّي دريت أن الفرح... غَثْ... وبليد شعور

بعد ما مات حبٍ ما بقى له غير قيفاني

تطلّق يالحزن واسرح مدام انك تجيد الدور

أنا بصبر... وابا اطعن بك... وهذا نهج جدّاني

وانا لي ما قفٍ بالموجبه ساسه علي دستور

نهجت الطيب مع ربعي وخلاني وصدقاني

ألا يا مرحبا بك... يا قصيدي زمَّني مشكور

عن ضْحاح العلوم اللي تحرّى كل نقصاني

مدام أن الهوى قفَّى ولا بيَّن شعاع النور

أنا وشّوله اتبع صاحبٍ له هاجسٍ ثاني

كريمه يا علومي... لا يهمك... ما لحقك قصور

مثل شم الجبال النايفة تبقين مزباني

على هذا... وعلى كثر السوالف عاذلي مثبور

ولو أن الزمن شح بيمينه عشت وحداني


المصدر: صحيفة الوسط البحرينية

تم حفظ الصفحة من الرابط: http://alwasatnews.com/news/406748.html