- حدثنا عن عيدك أول
أي عيد؟
- عيد الحجاج؟
عيد الحجاج الأول إذا راحوا الحجاج الناس يستقبلونه ويسألونهم عن أهلكم وعن الديرة وأهل البلاد ويقول لهم بهذا الشكل كذا كذا البلاد كذا ؟؟؟؟ وإذا جاء من الحج يسألونه شفناكم في التلفزيون وحطوكم وتستاهلون السلامات وهذا الشكل.
- تذكر أنت الأول يوم أنت صغير كيف كانت أهني المالكية وين تروحون أنتون؟
أروح البحر ونروح الزرايع ومن ومني أيام العيد أنضيع وقت يعني أنروح أنزور الجماعة ومني ومني الأهل.
- والحية بية ما تسوونها؟
أهي لازم أنسوي الحجية هذي أنوديها البحر، الضحية يسمونها.
- الضحية وتشترونها من متى هذي؟
نسويها في البيوت.
- قبل كم من يوم من العيد؟
قبل العيد بعشرة أيام من أهل الهلال لما أيصير العيد وبعدين أنوديها البحر، الأول يسوونها في قوطي هذي مال عرانص أو مال خوخ مال ذي ألي يأكلونه، الحين يسوونها في خوص، الأول ما فيه ؟؟؟؟
- ويش أتحطون فيها شعير بعد؟
نحط فيها روث مال حياوين ونحط فيها شعير أو نحط فيها حب مال حلبة أو نحط فيها حب ماش ونوديها البحر لين طلعت نوديها البحر.
- أي يوم أتودونها؟
نوديها يوم العيد.
- وتغنون بعد؟
ايه لازم أنغني أنسوي لها حجيتي حجيتي، ونقطها في البحر ونقول مع السلام يا حجيتي مع السلام وأبري ذمتي لا تقولين أني عطشتك ولا تقولين أني جوعتك يعني يومياً أعطيك ذي... أنجيب يعني نشايد.
- فيه نشيده غير بعد؟
لا بس هذي النشايد.
- أنزين والغداء أيصير في وينا أيام العيد الغداء في بيوت الجماعة، يعني كل إنسان وجماعته يسوي له غداء حق الجماعة ماله ويجون الناس ويتعايدون وياه في بيته يعايدون أياه في بيتهم يعيدون وياه في بيتهم يعيدون وي الجماعة، وندور من بيت لبيت حق العيدية.
- وكم طالب في العيدية الأول؟
؟؟؟؟ أربعانات، يعطيك أربعانات تفرح أبها لأن ما ميش لأن أشوي فقر وتفرح أبها إذا عطاك الأربعانات أتقول أوه أجمع ليي من هذا أربعانات من هذا عشرة فلس من هذا نصف ربية بيت يعني أشوي مستامتين هذولا يعطونك خمسين فلس ناس يعطونك أربعانات وناس يعطونك عشرة فلس أنجمعها، إذا جمعت لك مقدار أيجي دينارين ثلاث تفرح أبها ما أنت عارف توديها تشتري من تشتري من تشتري لك ؟؟؟؟ تشتري....
- خلنا نسأل حجي محمد ؟؟؟؟؟
أبودياب
- سولف لنا على العيد الأول؟
لا أنا ما ؟؟؟؟
- عن السمك؟
عن السمك هذي وقفتي ؟؟؟؟
- على كم الصافي؟
على خمس، وهذاك على دينار ونصف، أبو الدويمي على دينار.
- أنزين والسمك هذا ملجاوي بعد؟
لا مو ملجاوي، هذا ملجاوي
- أنزين ويش ألي يفرق؟
يفرق هذا حي توه جاي مال أحظور أشوف طالعه حي، هذا من الصبح، هذا مال السوق تبع ؟؟؟؟ مخلوط وي الربيان ؟؟؟؟ وهذا ؟؟؟ مالنا ومال حظور هذا ألي هو فسكر وصافي وكركفان مال حظور.
- وعلى كم الفسكر؟
الفسكر دينار ونصف والكركفان دينار والصافي أثنين ونصف.
- أنزين الناس تأخذ في العيد سمك؟
العيد محجوز عندنا الحين لحد الآن المحجوز يبون هامور في العيد.
- الهامور ما فيه لو...
الحين لحد الآن ما حصلنا لازم بكرة أو عقب بكرة لازم هوامير ضروري أنحصل.
- وعلى كم الكيلو؟
أهني على أربعة ثلاثة ونصف غير سوق جدحفص أغلى على خمسة خاصة ؟؟؟ بيغلى في جدحفص بعد ؟؟؟ ويغلون السعر عليهم فوق واجد يرفعون السعر، على خمسة أربع ونصف ستة.
- أنزين حجي محمد رحت الحج لو مارحت؟
رحت أنشاء الله رحت الحج
- ويش أسوون يوم العيد أهناك، كيف تذبحون خرفان الأول؟
الأول نذبح ضحايا خرفان غنم ألي نحصله من هذا ؟؟؟ نذبحه ونجيبه الخيمة نأخذ ألي نبغها منه وبعدين نفلته، نجيبه شيء نأكله وشيء نقطه حق الجماعة أهناك.
- كم كانت الحجة الأول؟
الحجة الأول ببلاش، أيه ببلاش ثلاثين دينار أربعين دينار، الحين عشرة ألاف ما تكفيك، هذي أتحط لك ألف دينار ما بتكفيك ألف دينار، أول أنا أحجي عن نفسي ؟؟؟ 30 دينار هذيك السنين، ألحين أنا ما أروح يعني من زمان ما رحت أن أروح تبع الحملات مني ومني.
- أنزين الأول يوم العيد أهني ويش أسوون وين أتروحون؟
أنسوي أول شيء نروح المسجد أنصلي عقب ما نصلي صلاة العيد ونطلع ونروح كان زمان الأول ؟؟؟؟ الأولي كلش ونروح بيت سيد علي بن سيد جواد أهناك ونطلع من بيت سيد علي نتقهوا ونطلع ونجي بيت واحد يسمونه ملة حسن أبو حميد ونأكل ألي الله يكتبه ؟؟؟ بيت حجي أحمد بن مرهون بعد ونطلع ونطلع ونرد أنجي بيت سيد سلمان ونأكل ألي الله يكتبه ونطلع ونجي بعد المأتم العود.
- هذا يوم أنت كنت صغير يعني؟
أيه أنا صغير يعني صغير بس مو صغير إلى أهناك أنا ما صغر نفسي الحمد لله رب العالمين.
- أن أبي يوم أنت كنت صغير يعني 12 سنة؟
12 سنة ما أعرف عنه بصراحة.
- يعني ما تذكر؟
11 سنة أنا واصل عند بيتنا جأني سنور مغوى ألي أحجي عنه صراحة أكذب حق ويش.
- يعني ما تذكر الضحية ولا شيئ؟
لا الضحية أن أودي الضحية، ؟؟؟ الضحية أوديها أنقطها في البحر وأنجي وبس هذا هو وندور أنا وي الجماعة أحنا جهال على كبر كذا.
- وادورون على البيوت حق الفلوس؟
أندور على البيوت بن بيت إلى بيت وحادث الغداء نروح نتغذى من بيت هذا أشوي ساعة نأكل من هذا أشوي ونروح ؟؟؟ شوي ونقضي الحال هذا هو.
- لو رجعنا للسمك بيغلى بعد أزيد لو هذي السالفة؟
والله هذا حكمة الله سبحانه وتعالى ما نقدر نحكم، الأول أحنا من أيصير ؟؟؟؟ الشحايل يغلى أن أحجي ؟؟؟ كنت أول ما أتعلمت الشغل هذا نشتري ثلاثة ؟؟؟ عشرة دينار خمسة دينار يعني خمسة دينار عشرة دينار أحسن وحدة بخمسة دينار عشرة دينار تشتريها الحين فيه على 35 أنا كنت أسوي أحلى الحين ما أقدر أسوي أحلى إذا ؟؟؟ 30 وبخليها ويش بطلع منها ما بطلع منها شيء أبشتغل فيها على الأقل بيت الناس ساعتين ثلاث ساعات ؟؟؟؟
- شكلك مو جزاف بعد أدش البحر يعني؟
لا ما أدش البحر.
- بس أتبيع؟
أيه أبيع، أول بجي وبشقه، وعقب ما شقه بحط فيه ملح، وبملحه وبخليه يومين ثلاثة بيبسه في الشمس ومن عقب ما أيبسه في الشمس أخذه وأحطه في أكياس وأوزنه وأبيعه، الحين ما يصرف إذا بيأخذ الثلاجة بثلاثين وإذا ؟؟؟ عن كيلو ؟؟؟؟ جم بيصير 20 كيلو بيسوي 20 كيلوا إذا يبس بيسوي عشرة كيلو إذا سويت عشرة كيلو ويش أحصل تعبك راحت مجان ما يصرف.
- أنزين خلنا نسأل كم ولد عند حجي؟
الحمد لله رب العالمين عندي خير من الله سبحانه وتعالى، عندي أربعة صبيان عندي سبع بنات.
- الصبيان يشتغلون يبيعون سمك؟
لا هذا المحل ما يدلون، ما يدلون أبغيهم أيجون أبغي الصغير ما يرضى أيجي هاكوا مجود الأرقاد يأكل ويشرب ومجود الأرقاد ويش أسوي فيه بعد أنا، أن ؟؟؟ بخليه وياي يشتغل لكن ما يرضى أيجي.
- السلام عليكم ويش أخبارك حجي؟
مساك الله بالخير
- ويش أسمك؟
علي بن عبدالعزيز عبدالله علي.
- من المالكية بعد؟
أيه نعم من المالكية.
- ويش تبي أتقول عن العيد الأول؟
لا مو عند العيد ألي أزيد من العيد أولادنا هاكوا نايمين، أولادنا أهم من العيد أولادنا هاكو نايمين عدل، وعلى هذا ويأخذون عليهم شسمه طراد يركضون تمويه دولتهم دفعة دفعات.
- قصدق مال كرة؟
لا مو مال كرة مال شغل.
- مال أي شغل؟
الأشغال العامة
- أنزين خلنا نسولف معاك حجي؟
لا ما فيه أول هذي.
- أول هذي؟
الأشغال العامة وأخذوا عليه ؟؟؟؟ وياه دفعات وياه دفعة وهو من ضمن الدفعة ألي ركضوا وهم أخذوهم وظفوهم وهو إلى اليوم ما وظفوه عدل هو من ضمنهم ما وظفوه أصبي شباب عنده أربعة أولاد والخامس جاي في الشارع وبعدين أن إنسان رجال ما عندي معاش أشتغل إذا اشتغلت حصلت يومية ما اشتغلت ما حصلت شيء.
- ما اشتغلت من قبل؟
اشتغلت عندي لاري، اللاري خلاص اتكنسلوا هذي لوارينا اتكنسلت.
عندي لاري أتكنسل خلاص انتهى ما فيه شغل إلى اليوم وأن الوحيد ألي أكد على العائلة وعندي واحد أتوظف ؟؟؟ والثاني الكبير ما حصل راح إلى التدريب يا زعم حق أيدرب هو أول واحد واشتغلوا وهذا ألي قدام اشتغلوا وهو ما أشتغل لأن مو بالواسطة هذي صراحتاً ما فيه واسطة ألي ما فيه واسطة ضايع.
