أعزائنا زوار ومستمعي الوسط أونلاين أهلاً وسهلاً بكم في حلقة جديدة من برنامجكم الأسبوعي "الناصية" يسعدنا وإياكم بهذا الأسبوع أن نلتقي أثناء تجوالنا بالسوق المركزي بعض من المواطنين والمقيمين الذين يعملون في بعض المهن فأهلاً وسهلاً بكم.
- عرفنا باسمك؟
منصور أحمد عبدعلي ناصر
- من وين؟
السنابس
- كم سنة صار ليك تشتغل في هذه الشغلة؟
والله ويش أقول لك ولدي أنا من فهمت أي أبويي إلى حد الآن يعني 50 سنة 45 سنة هذي شغلتنا
- يعني شغلتك...
حيوانات والخضرة هذي
- الخضرة هذي أنت ألي تزرعها؟
هذا أنا أزرعها
- الأول فيه فرق بين أحين والأول؟
من أي ناحية تقصد
- من جميع النواحي من الشراية مثلاً من نوعية الخضرة بعد الأول أفضل لو الحين؟
والله الأول أفضل لأن أول عندنا مثلاً دعم من دائرة الزراعة ألي هو الكيماويات هذي أو مثلاً إلى الرش مال الحشرات الحين دعم ما فيه وأن جابوا الدواء ما يصلح أنروح نضطر نشتريه من برة فنشتريه من برة بغالي وأنجيت مثلاً ؟؟؟؟ في السوق أهني أنت على موجب ما تشوف ما يحتاج أنا أقول لك إذا أنت عمال عندك أجار عندك ؟؟؟ عليك عمال كلشي من عندك أنت وتلاحظ التابل أربعة بربية خمسة بربية ستة بربية أنت ويش أتوفر، فأول عندي أنا أفضل واجد أول من الحين قل دعم الدولة إلى المزارع، المزارع مثل ما تقول أول يعني متوفرة أنجيب أنت تعطيني ضمان وغيرك يعطيني ضمان اليوم ما أقول لك ترى أحطها على الدولة حتى أحنا فينا مو أوادم أنا يمكن أعرف تقريباً يجي 10 - 12 زراعة مضمنينها ناس ويعطونها الأجانب فإحنا أبدى من الأجانب أنت لما تعطيها أنت ولد الوطن أشتغل فيها أنت ليش تعطيها أجنبي أشتغل أنت أتعب على روحك أنا هذا عندي عامل فعلاً لكن العامل ما أهده بروحه أنا وياه لأن مضرتك أنت مواطن مضرتي أنا واحد هذا عامل يأخذ معاشه رأس الشهر ويمشي عنك لكن أنت لاحظ الناس الله ؟؟؟؟ إذا أنت جيت أخذت زراعة وعطيتها بنغالية ثلاثة أربعة خمسة وزرعوها وأنت المواطن حطيت أيدك على خدك أتقول له يا فلان أنت ما تزرع عطني أنا المكان قال لا أن أجر لك القطعة بهالقد هذا صار الخراب من منهوا منا أحنا لو من الدولة منا أحنا فعلاً وبعض المزارع أقدر أحسب لك تقريباً 15 - 20 زراعة هكي موجودة وطلعوا منها أهاليها على أساس بيسوونها سكنيات، عندك البدوية عندك المقسم عند سيابوا ويش أعد لك عندك أبو فور عندك أرض بكر يعني ويش أعد لك واجد ومستعد أطلع وياك وأراويك قدام أعيونك قدحات موجودة ماي هكي مهجورة طلعوا منها ؟؟؟؟؟ هذا جعفر مال ولد ؟؟؟؟؟ أبوه خمسة وثلاثين سنة بالضبط أبوه وهوه ثلاثين 65 سنة الحين الصبي حاط أيده على خده ويش أيسوي يعني هذا زين ومراعاة ما عدنا حتى أنا بين وبينك معزم بسوي رسالة حق الشيخة سبيكة لأن هذي تقريباً عنده دعم ويانا أو وقفة ويانا وإذا تكون تشرفنا والله براويها هذه المزارع جدحات مالهم مهجورة ورعاتهم طلعوهم حق ويش يعني.
- أنزين أنت بس تزرع حضرة يعني؟
كحل موسم أليه ؟؟؟؟ مثلاً القرعة هذا الموسم أصير البوبرة هذا الموسم أصير شنهوا بعد أصير عندنا هذا الموسم البصلة هذا الموسم أصير تقلعها يعني.
- يعني أنت تزرع وتجي أتبيع بعد، أجي بشكل يومي من الضحى؟
يومياً الليل أجيب خضرتي والصبح أقعد أياها.
- أنزين وإذا ما بعته وين أيروح الخضرة تخليه إلى يوم ثاني؟
ألي يصلح ليوم ثاني أخليه وألي ما يصلح أوديه للحيوان
- بس شراية يعني ما فيه؟
لا شراية بعد بالنسبة إلى السوق أهناك فرق واجد، واجد واجد يعني ضرونا ضر مو أشويه ألي فتح المشروع هذا ضر العباد وهذا مو زين ولدي والمفروض أن الوزير يطالعنا يعني برحمة لأن أحنا أولاد وطنه - تفضل هذا السيد هاك وينه وغيره وغيره - أهناك الحركة غير أهني.
- يعني أنت تطالب أن يجمعوكم...
نفس مكان واجد محترم
- ها كنتم برة يعني ما يخلونك داخل
أيه برة تفضل هذا أنت إذا حران جدي والخضرة تمت ويش أصير ولدي تخمل لو ما تخمل عليك ولكن أهناك تمشي حالك أهناك أجيك بالكارتون يشتري بالكارتوني يشتري أهني أجيك بربية بربيتين وثلاث مت أنت أتخلص ؟؟؟ هذي.
- يعني أنت تشوف أن المفروض على الحكومة الدعم؟
المفروض على الحكومة على الدعم لينا المفروض على الحكومة أتلاحظ هذه الجماعة ألي مؤجرين زرايعهم على أجانب أو ؟؟؟ المفروض هذي الزرايع ألي بدون طلعوا رعاتها وهاكي مهجورة المفروض الحكومة تحط باله إليه أنا كمواطن ما أقدر أسوي شيء أنا محتمي بالله وبحكومتي إذا حكومتي هدتني بعد أنا وين أروح يعني باجر لو قالوا أن بقت لا تعايرني خلتني أبوق الحكومة مو أنا ألي بقت، أما أنا أجيك أنت ألحين رجال صار لك ثلاثين سنة في الزراعة وأجارها ألفين دينار أجي من وراءك وأضربك وأنت صاحب عائلة وأقول لهم ثلاثة الآلف دينار هذا زين يعني يرضي هذا الكلام، مو زين يا ولدي، أنا والله هاكوا زرايع موجودة إذا تشرفونا يعني أنت جنابك إذا تشرفنا وأيا أحد من المسئولين والله مستعد أوديك 10-12 -15 زراعة هاكوا مهجور والجدحات فيها الماي موجود أنا أكثر ما أطالب بدعم الدولة إلينا ومراعاتنا في الأجانب ألي يعطون المواطنين ربعنا الي يأخذون الزرايع بضمان ويعطون الأجانب ؟؟؟ ألي هو الزرايع الخلية ألي بيعدمونها وبيسونها وحدات سكنيات هذا المفروض الدولة ؟؟؟؟
- أنت شكلك متعلق واجد بالزراعة؟
وين أروح ولدي بتشغلني أنت
- لا يعني قصدي أتحب يعني الزراعة؟
أيه فعلاً أحب الزراعة لأن أعوذ بالله لو أصيدنا كارثة يا ولدي ما عندنا زراعة في الديرة أنت يمكن ما لحقت أنا لحقت ؟؟؟ أبويي من نطلع من المقبرة مالت النعيم إلى أن نوصل البديع يمين ويسار مزارع وين راحت ولدي كلها راحت وين الموميا وين محي الدين وين الطويقية وين دولاب العود وين......
- هذي كلها داليات يعني؟
دواليب مو دالية مزارع على مستوى كبار مو أشوية، دولاب العريض وين أيصير، وين أبوحلاوة وين المقبرة مالت السنابس من المقبرة رايح إلى أن توصل محل سيدعبدالله سبير بارك هذي كلها زراعة الجمة أيه ألا أحين فيها سيد عبدالله هذي كانت زراعة إلا على يدك اليسار وأنت رايح مغرب هاكي لازالت زراعة ومهجورة وأنا ألي رحت إلى راعيها واحد عجمي قال لا أن بيبسها ببيعها أراضين هذا زين هاكوا جدحة فيها، الفسلة هاكوا سووها نادي، ويش بقى عندنا أنا أقول إذا أساعدنا بهذا الطريق وأهم شيئ ساعدنا في السوق السوق أحنا أهني أنضرينا أنضرينا.
- أنشاء الله الوزير والشيخ سبيكة والمسئولين يسمعون كلامك مناشدتكم؟
الوزير والله على عيني وعلى رأسي بس الوزير يبغى رجال أوادم تروح له وتفهمه بالوضع أنا أخاف منك حق شنهوا أنت الله خلقك أنا الله خلقنا أنت بدا ألي في رأيك بس لا تغلط على عباد الله بدا في رأيك وخله ينظر الوزير وليش خلوه وزير لأن عقله غير عقلك تفكيره غير تفكيرك لازم هو تفكيره أكثر من تفكير ما يحكم على عشرة إلا عنده عشرين وما يحكم على عشرين إلا عنده عقل أربعين بس أحنا مو مترابطين في بعضنا بعض في نفس الوقت بس أنضرينا أنضرينا هذا أنا إلى متى بقعد ؟؟؟ أهنى أكثر من الساعة 12 بغيت.
- صحيح أنا رحت إلى الموالي سويت إليه مقابلة مسكين الحجي محمد الموالي وبعد ؟؟؟؟
؟؟؟؟ من ساعة قاعد وياي عنده تقريباً 350 تابل و250 ألي هي ريحان هذا من أمس صادتها الكرتون والسوق داخل أهني ويش صارت أنخمقت راحت، يعني تعبته وتعبت عماله راحت مجان لكن لو برة يضربك الهواء أشويه ولو بعت برخيص لكن حلالك يمشي حلالك يمشي ها تفضل هذا حاط أيده على خده هذا الزراعة مال نوخذاه ويش باع هو من الصبح إلى الحين.
- وجه كلمة أخيرة من خلال الوسط إلى ألي تبغيه؟
أنا أقول الله يخلي جريدة الوسط بالمساعدة ويخلي ملكنا أنشاء الله ورئيس الوزراء أن يكون يدورون لفت نظر إلينا ولا سيما الوزير الحالي الموجود في البلدية أيكون يراعينا ويحسبنا كأولاد أليه أو أخوان أليه أو أباء أليه ويمدون لينا بالعمر أنشاء الله.
- مشكورين
حياك الله يا ولدي
- ؟؟؟؟؟
أسمي خميس أحمد
- من أي منطقة حجي خميس
البلاد القديم
- من متى في السوق؟
من زمان
- كم سنة في السوق؟
عمري كله قضيته في السوق في الزراعة وكل السوق، هذي شغلاتنا في الزراعة ما اشتغلنا في شركات ما اشتغلنا.
- أنزين من جيت من يوم أنت صغير تبيع هذه الأشياء، تزرعه وتجيبها تبيعها؟
نزرعه ونبيعه، نزرع ؟؟؟ بابية تينة كل شيء بقل رويد تابل اسبنت قت
- والحين هذه الأيام أيام شنهوا؟
هذي أيام موسم الخضروات التابل وأسبنت ورويد وبقدونس هذا هو في السوق مشحونة يزرعونه ويبيعون الصبار الحين موسمه
- وفيه هاكوا بذور بعد أجيب بذور يعني...
أيه هذا بذور أسويه شيء أزرعه وشيء أبيعه
- البذور أشلون طريقتها أتسويها؟
أسويها من أمهم أمها تحبب لها موسم يحبب قت يحبب له موسم هذي التابل والاسمنت .....
- عندك خبرة يعني فيها أشلون أشيلها؟
عندي خبرة من زمن جدي وأبويي يزرعون وأنا ربيت وياهم سيدة في الزراعة
- تعرفها أن هذي مثلاً محببة زينة وإلا...
المحببة زينة المحببة أعرفها إذا وردت أعرف الوردة أنهي بتحبب ليها إشاريات ورد
- وأتشيلها تيبسها لو سيدي تخليها ؟؟؟
تنضج في أمها أول لين أخذت مازمها في امها أشيلها أيبسها ؟؟؟ أنظفها نفس هذا رويد وكت هذا يدقونه لين وزف يشيلونه يخلونه في الشمس يدقونه دق ؟؟؟ ؟؟؟ الحين طلعت ليه سيارات أدوسه ؟؟؟؟
- وتخليه تالي في أكياس وتبيعه؟
ايه أخليه في أكياس شوي أنبيعه كيلوات أو زمن الأول أنبيعه ربع نبيع أمنان
- وتحصل ليه شراية لو ...
أشلون مانحصل الأول الشراية الزراريع يشترون بعضنا بعض أشيوخ نبيع عليهم بامنان كت أمنان نبيع عليهم الشيوخ
- أنزين ليش ما فكرت أسوي ليك مشروع مثلاً محل كبير أو شيء لأن هذي الشغلة مو سهلة مو كل من يعر
