اعداد وتقديم : فاطمة عبدالله
مرحباً بكم زوار الوسط أون لاين في حلقة جديدة تبث اليوم عبر برنامج تقرير "تقرير أخباري" نتحدث في هذه الحلقة عن وضع سوق اللحم خلال شهر رمضان ومدى إقبال المواطنين على اللحوم، سواء المبردة أو الطازجة، ومع بدأ بعض العوائل بشراء اللحوم استعدادا لشهر رمضان ازدحمت سوق اللحم بالسوق المركز أمس بالمواطنين خصوصا انه لم يتبقى على دخول شهر لرمضان سوى يوم واحد أو يومين في الوقت الذي مدت فيه شركة البحرين للمواشي الأسواق باللحم استعدادا لشهر رمضان المبارك الكريم، لدى فإن الوسط تحدثت مع القصاب سيدسعيد البلادي.
* في إقبال على شراء اللحم خلال هذه الأيام أو لا حالياً؟
- لا في واجد موارد الغنم الفرش قليل، في مبرد استرالي جاي من استيراد طائرة في بقر، طائرة وفي غنم مبرد اثيوبي، اما الفرش قليل.
* الناس أكثر شيء تشتري الطازج أو المجمد؟
- الطازج أكثر شيء.
* الطازج بدأ كميته تقل الحين؟
- قليلة وايد يعطونه ذبيحتين إلى الدكان.
* فإن تتوقع ان في شهر رمضان أصير نقص حاليا؟
- لا لا ما يصير نقص في الباخرة إذا جت اتسد النقص، لان الحاليا الباخرة مو موجودة ما وصلت.
* متى بتوصل؟
- يمكن اليوم.
* طبعا الناس بدأت تستعد حق شهر رمضان صح؟
- اي بعد لازم اي.
* مقارنة بالعام في شهر رمضان؟
- العام أول أسبوع اشوي في كل سنة أول أسبوع بعدين كلشي موجود، يعني الشركة مو مقصرة التقصير من البواخر ما جيب الكم المحدد لرمضان، اي لو اجي هذه الأيام اسد الأشياء التي تسد بس الشركة حق الشعب موجود فريش بقر موجود بقر ثاني موجود غنم مبرد موجود.
* طبعا الأسعار مستقرة صح؟
- الأسعار نمرة واحد، دينار ومئتين البقر، استرالي... والغنم مبرد دينار وهذا دينار، كل الأسعار ما تتغير.
* في إقبال على اللحوم المجمدة أو لا؟
- في موجود.
* والاسترالي؟
- الاسترالي المذبحوح اخافون منه الناس، اي قليل ناس يأخذون وناس ما تاخذ.
* تتوقع ان تزيد كمية اللحوم خلال أيام المقبلة؟
- إي إذا جت الباخرة أي،... الحين يعطونة ذبيحتين بكرة بيعطونة 4 دكاكين ثمان...
* المطاعم تستغل هذه الفترة وتأخذ لم زيادة؟
- لا لا المطاعم ما يأخذون.
* ما تأخذ حاليا.
- المطاعم لو بغو نعطيهم من المبرد.
* والناس أكثر شيء تأخذ الطازج؟
- الطازج يبغون، حتى انا ما ابغي مبرد اي بأخذ طازج، بس انا اخدت مبرد بكستاني واثيوبي لان لحم زين، لكن مو كل واحد يأخذ، ناس على دوقهم ناس يبغون شدي ناس يبغون شدي اي....
مشكور الله يعطيك العافية.
وبعدها انتقلت الوسط القصاب جعفر القصاب
في إقبال على شراء اللحم الطازج أو المبرد؟
- لا الطازج أن كان بقر أو غنم.
* شنو السبب إقبال الناس على الطازج؟
- لان مضمون لانه حلال ذباح حلال، اما المكفن في شك.
* حاليا بعض القصابين يقولون ان الطازج بدأ ينتهي من السوق بسبب الإقبال؟
- موقضية انه ينتهي من السوق قضية الشركة تبغي مصالحها هي بنفسها بس ما تبغي المستهلك... لان يقول لك المكفن الذي يأتي من الخارج افود إليها. لان أولا الفرش الذي يجيبونه حي يبغى عمال يبغى علف يبغى نقليات، هذا المكفن اقول لك لا عمال ولا نقليات، يبغون بارز مصالح بارزة.
* فسعر المجمد كستيارده ارخص من سعر الطازج؟
- اي نفس الشيء ارخص، لان يشترونه بطن هذلين يطلع عليهم الكيلو 3 مئة فلس تقريبا، بارز يعني ما يكلفهم أي شيء يعني مصالح فوقانية بدون خسارة يعني.
* حاليا في إقبال حق شهر رمضان أو لا؟
- في إقبال.
* وأكثر الناس نشتري؟
- نشتري لان المجبور يأخذه اقول لك إذا ما ميش هذا.
* تتوقع هذا السنة اكون في نقص في اللحوم أو لا؟
- في خاصة الفرش.
* وبالنسبة إلى المجمد تتوقع ان ما يكون في نقص؟
- لا ما عليه أحد، محد يبغيه، لان مكروه لان يقولون انه حلال وقالو ان في شاهد قال ان حلال احنا نبغي اراونا في التلفزيون اشلون مذبحوح حلال اشلون يذبحون الذبح يعني اراونه في التلفزيون من استراليا لان قالو بدون علماء من البحرين إلى هناك خلى ارونه بالتلفزيون الذي هم يشرفون عليه، أو اودون جزارين من البحرين كذا نفر اودون يشرفون على الذبائح، اما شدي ما في ضمان.
وبعدها انتقلت الوسط إلى المواطن رضى أحمد العرادي
* حاليا تشتري اللحم الطازج أو المبرد؟
- اللحم الطازج.
* السبب؟
- فرش يعني علشان المجمد ما تدرين من وين جاي بضبط ما ادري من وين.
* بس حاليا الشركة وضحت ان هو مذبوح في استراليا وطريقة الذبح حلال؟
- اهني الي اجيبونه اهني اللحم البحريني لان هو الذبح البحريني اساس، لان احنا في استراليا ما ندري شنو الذبح لان احنا ما نشوف بسمع يعني احنا نعرف ان الذبح إسلامي بس اهني بكون الذبح الإسلامي البحريني.
* بالنسبة إلى استعداداتك إلى شهر رمضان اشلون؟
- استعداداتي اجي اشتري بذبيحتين اهني.
* اتخاف ان..
- أكمل اي في نصف شهر رمضان سنويا انجيب بستمرار يوميا ما نحصل، اجي كله مافي مافي.
* وهذه السنة اشتريت ذبحتين؟
- اي هل مرة جاي علشان اخذ ذبيحتين، إذا مو جاهز اليوم بجي إليه بكرة اسوي اوردر حق ذبيحتين.
* اضيف شيء ثاني بعد؟
- شكراً جزيلاً.
شكراً لكم أعزائي كانت معكم فاطمة عبدالله نلقاكم الأسبوع المقبل في حلقة جديدة.
