راحوا في رحاب الله على جسر الأئمة

وشفت شصار يوم العرس لمه

راحوا شهداء وماتوا سعداء

وعلى بعد المدى وهي تهتف باسمه

اجت زوار إلك تتراكض بهمه

باسم حسين تهتف وموسى الكاظم

وهالفعلة الشنيعة من فعل ظالم

واللي يبيع دينه اشلون يتفاهم

عليهم من الجليل يمه ألف رحمه

اجت زوار إلك تتراكض بهمه

بين شيوخ ونساء طفل حامل القرآن

كلها تجمعت تندب نسل عدنان

لكن الحقد والكفر والطغيان

فنوهم بفرد ساعة يبو اليمه

اجت زوار إلك تتراكض بهمه

بيوم العرس لكن الفرح ما صار

قلت يا باب؟ قالوا حيدر الكرار!

على درب الكرامة تنكتب أشعار

ياهو اللي سعيد الحظ فاز بالنعمة

اجت زوار إلك تتراكض بهمه

شفت قبورهم تنبع نبع ريحان

باسم حسين عالي وهو عظيم الشان

صال بكربلا وبحومة الميدان

مثل حيدر يظل والغيره بدمه

اجت زوار إلك تتراكض بهمه

لكن يا حسافه القدر المقدر

وعلى جسر الأئمة أجساد تتنثر

رشوا قبورهم بالمسك والعنبر

ومن الله عليهم تنزل الرحمه

اجت زوار إلك تتراكض بهمه

قلت اشلون أقرا الفاتحة ليهم

وهم في رحاب الله لاهنيهم

قلت مبروك يوم السعد تاليهم

اجت زوار إلك تتراكض بهمه

اجت زوار إلك تتراكض بهمه

نعيمة مطر محمد