تفائلوا بالخير تجدوه

خلوا عنكم الكسل واليأس وقدموا للبرنامج والله ولي أتوفيق محد يعرف وين رزقه , أنشاء الله هذه مره أصيب الله كريم.

رد للزائر 19

كلام سليم 100% ومقنع ونظرية صحيحة،،،
جان زين يطبقونه..
الله كريم

أسأل مجرب ولا تسأل طبيب

لا تروحون ولا تعبون روحكم الوقت اللي بتضيعونه في الإمتحان دوروا ليكم في واسطه حق تتوظفون لأن اللي يشيلك في هالديرة واسطتك مو شهادتك ولا مستواك

الله كريم

انا اتصلوا فيني حق مقابلة بكرة والي بعد بكرة
واتمني يتصلون فيكم عما قريب وانا بدعي ليكم الله يوفقكم ويوفقني وياكم ولاتيئاسون من رحمة الله

هرار على الفاضي

ليش امتحانات ومقابلات نعجيزية؟ العنوان واضح يا توظيف مثل باقي الدول او خلكم طرشان ولا تعذبونة مع الروحة والجية

متفائلة

سمعت عن آلاف الطلبة ممن يمتلكون الشهادة الجامعية..وقد مضت عليهم سنوات ولم يتم توظيفهم..لكنني أؤمن بالأرزاق..ربما طالب مضى عن تخرجه العشر سنوات ولم يتم توظيفه وطالب آخر تم توظيفه بأول فصل تخرج فيه..
وأنا متفائلة بالحصول على وظيفة فالأرزاق بيد الله..
وأنا لا أملك أي نوع من الواسطات سوى الدعاء إلى الله.. :)

منذ أن مسك الوزارة وهو في تخبط أهم شيء شبع روحه من الامتيازات.
ليش ما يقترح تقليل سنوات الخدمة في مجلس الوزغاء من 35 إلى 20 سنة ويعطون الموظف 60% من الراتب أحسن من وبذلك تتاح فرصة الوظائف للخريجين بدل ما يسخر منهم ويضمهم في دورات تدريبية وكأنهم لا يفهمون شيء.
تعال شوف المتردية والنطيحة وما أكل السبع في الوزارات حتى التعامل مع الحاسوب ما يعرفون ودخلونهم دورات في الوقت الذي جميع الخريجين يجيدون التعامل مع أجهزة الحاسوب.

القليل ولا الحرمان

اتمنى يتصلون لييي واشتغل حالي حال غيري بدل قعدة البيت المملة

اسعى ياعبد وانا اسعى معاك

باتصالي بزميلاتي تبين انهم اتصلوا ببعض العاطلين حسب الترتيب الابجدي للاسماء يعني اللي قدموا اليوم كلهم اسمائهم تبدأ بالحروف الابجدية الاولى وبعدين تمكين ترى شغلوا ناس واجد وبوظائف زينه مثل ثنتين اعرفهم وحده تخصص تكنولوجيا والثانيه رياضه وظفوهم ببتلكو.. لا تيأسون ياجماعه الرزق على الله

لعبة الجامعيين الفقراء "كذب كلها الحياة كذب"

ويش صار على قائمة 1912 الى اللحين ماوظفوهم وشلون اسوون قائمة جديدة للعاطليين وللحيين ما اتخلصوا من القائمه القديمه "لو فيه خير مارماه الطير"

شيخ الزمان

لماذا يتم إدجراء اختبارات للمتقدمين من قبل وزارة العمل، أليس الاولى والاهم أن يتم عمل برنامج متكامل بالاتفاق مع الجهات الاخرى المعنية على سبيل المثال وليس الحصر (تمكين) لتمكينهم فعلياً من الالتحاق بالعمل مباشرة بتفس مجال التخصص وبروات مجزية.
أليس الهدف هو توظيف العاطلين جميعهم ؟

أم عمار

الوزارة تردي اكسات الكل بانهم يدرسون و كل ما نروح لهم ما عندهم اشغال الا كيشر او بائعة......
شخصيا تعبت نفسيا من كثرة الدورات اللي قصوا علي فيها و اخر مرة قالوا لي شغل و لما رحت طلعت السالفة دراسة ..والله لاعت كبدنا... الحين ما اعتمد على وزارةالغنم لكن ادور بنفسي في الانترنت من جريدة الى جريدة و موقع الى موقع
و سالفة هالامتحانات كلها شكليات كما قيل فاني ممن اخذوا ممتاز فيها لكن ما عبروني ابد ابد

ردا على بعض الناس

والله احنا تعبنا روحنا في الجامعة على الفاضي الحين المدارس الخاصة توظف مدرسات عندها شهادة ثانويه فقط واحنا الجامعيين الي عندنا بكالريوس وتربيه يطنزون علينا ولا ونشان زين بعد يدرسون مرحلة رياض الا يدرسون ابتدائي وانشان زين يفرقون بين الي عنده بكالريوس والثانوي ابدا يعطونهم نفس الراتب ولما تجيهم الوزارة يقولون هذول مساعد مدرس يتلاعبون ويحتالون على القوانين واحنا نعاني وتقولون لينا بعد قطاع خاص وين العدل؟

امتحان يقيس فقط اللغة الأنجليزية

لقد قدمت الأمتحان وكله باللغة الأنجليزية رياضيات وانجليزي ومهارات وكان صعب جدآ

محد اتصل

الاحصائايت كلها من صوبكم ومحد بروح يتاكد من صحتها وانا لما رحت يوم الاربعاء استفسر عن البرنامج هذا قالو للحين مصار شيئ عنه وهم في لجرائد اقولون كل يوم يتصلون الى عدد معين الله كريم

الى زائر 8

إي نعم صدقت، احنا لازم نتعلم من حنكتك وحكمتك لأن دكتور وبروفسور ولك تجربتك الطويلة في (جامعات) تايلند وأبحاثك العميقة في (مختبرات) شقق الجفير وربما آخر محاضرة القيتها على ما أعتقد في جامع شارع المعارض حيث القيت محاضرة للروسيات والاوزبكيات تشرح لهم عن الاسلام..لذلك أنت محاضر كبير وعالم محنك يجب أن نستفيد من كلامكم العميق وأن لا نتكبر على هذه الوظائف الرائعة والكبيرة خصوصا مع شهاداتنا التي لا تساوي شيئا أمام شهاداتك وانجازاتك في بانكوك ودبي والجفير والمعارض...كان الله في عونك

كلام و افشار في الجرايد بس

شبعنا حجي فاضي ، محد اتصل لينا و لا شي و امتحانات و ما ادري ويش ، بسكم شلخ علينا يعني احنا الجامعين تطلعون روحنا بالامتحانات و ما ادري ويش و الناس الي عندها يمكن بس ثانويه يحصلون الوظائف الحكوميه بدون امتحانات و لا مقابلات و احنا الجامعيين يهلكونا هلاك الله على الظالم حسابكم ان شاء الله يكون في الدنيا قبل الآخرهز

لكل عاطل..أنتبه

تري هذه آخر فرصه ليكم ولا ضيعونها مثل قبل،كل مرى تعرض عليكم العشرات من الوظائف في القطاع الخاص ولكنكم ترفضون لأسباب غريبه!والنظر للآخرين في وظائفهم-موظفين الحكومه مثلا-أو طلب وظائف تعجيزيه.ان وزارة العمل تعمل بكل جهد لتوفير لكم الوظائف المناسبه لمأهلاتكم ومع الأسف تقابل بالأستهزاء والرفض وبصراحه ما يصير كل من يتخرج لازم يشتغل بالحكومه هذا مو حجي وبالنظر لشهاداتكم فهيا متواضعه حسب متطلبات سوق العمل ومع ذلك وزارة العمل لم تيأس فأتمنى ترك العناد والقبول بالواقع وهو البديل المناسب(القطاع الخاص)

عاد حاسبوا لا اتوظفونهم في الوكالة الدولية للطاقة الذرية

الحين هالمساكين اللي تعبوا ودرسوا شوفوا وين بيوظفونهم، اللي في صالون واللي في شركة مقالولات وكلها اهنود واللي تحسب لفلوس في نظارات وكأنهم امتعبين روحهم حق يشتغلون شغلات رواتبها ما اتساوي قيمة مصروف يومي لأحد ابناء المسؤلين واتلاقيهم مساكين ما ايردون من الشغل الا الساعة 5 أو 6 الليل، واروحوا شوفوا هالخمة المجنسين امسطرين ورا مكاتب ما هم قدها بعد ما كانوا ملحوشين في الجبال والخيام صاروا موظفين حكوميين (محترمين).ها، حتى التيس تقدر اتلبسه بشت

فاااااشل؟؟؟

هالامتحانات كلها شكليات بس عشان يسكتون العاطلين وهذا برنامج فااااااااشل ومؤقت،،، الله يساعد العاطلين الجامعيين ،، دراسة وتعب عالفاضي والنتيجة لا شغلة ولا مشغلة...
حسبي الله ونعم الوكيل.

ما شاء الله

الحين احنا قدمنا امتحان قبل ما نستلم صدقات العاطلين، ليش مرة ثانية نقدم بعد، كل يوم امتحان على فشووووووش.
أنا أسأل ما الضمانات المستقبلية للاستقرار الوظيفي؟؟ ماذا بعد السنتين التي ستدفع فيها تمكين نصف المعاش 200 دينار والباقي على أرباب الأعمال 200 دينار.؟؟ ماذا بعد السنتين نرجع على 200 يعني ؟؟

بعد الأختبارات

يا وزارة العمل هذه طريقة هروب عن توظيف الجامعيين وحتى لو اختبروا ونجحوا في وين تكون وظيفتهم في القطاع الخاص ( اللهم لك الحمد والشكر على كل شئ )

جهود موفقة يا وزارة العمل

نتمنى أن تُوفق جهودكم،، وياريت انكم ماتشطّون نفسكم وايد مثل أي مشروع،،، يعني بالراحة على نفسكم وعلى العاطلين،، عشان ما يطفشون،،، خصوصا انكم تعطون الواحد أمل كبير وفي النهاية مايحصل شيء،،،

الدانة

ما نتأمل خير من هـ المشروع .. حاله حال غيره .. تعب وروحة ورجعة وإمتحانات وعفسه على خرطي .. الله ياخذ الحق من الظالم

والله عيارة ؟؟؟!!!!

انا محد اتصل لي ولا شي بس صفوا ارقام على كيفكيم وقولوا ان العاطليين سجلوا ؟؟؟

انتم السابقون ونحن اللاحقون !!

اقول للي تخرجو وصبرو وقعدو في بيوتهم اله صبر 3 سنوات يصبر بعد دبلهم واله توه متخرج يصبر اليه 6 سنوات !!
وحنه جايينكم عما قريب ان شاء الله السنه الجايه من ضمن القائمه بصير 3201 زياده انا.. اله يقول بس انا اله بتخرج خخخخ !.. ضيفو اليي مقعد من الحين !