وش السالفة طلعت الفضايح

وكل يوم سيارات ساحبينها
قريبا بتسمعون النيسان برزو روحكم رعات الاليتما والتيدا خخخ
الى الامريكي عجل
والله اني بحارس ارخص موتر باخذه خراب صاحي مايخصني

والحل ؟؟!!

التيوتا والهوندا

عجل الناس وش تاخذ الحين ؟؟

هذلين احسن انواع السيارات واسعارهم معقولة

الله يستر من الباقي

تجربتي مع هوندا أكورد 2009

أول ماأخذت السيارة طلع فيها خلل فني يتعلق باالتصنيع , بعدين طلعت لي طقة باالباب وبعدين الرموت أخترب وصلحتهم كلهم وردت رجعت لي الطقة با الباب والله يستر من الجاي

سياسة امريكية

انا اعتقد ان امريكا تبي اتنزل مستوى الين مقابل الدولار

جامعيةوحلوة موت

اهئ اهئ اهئ كنت باخذ سيارة هوندا يعني مااخذ؟؟؟؟؟؟؟؟؟؟؟؟؟؟؟؟؟؟؟؟

فكرة جديدة

ويش رايكم سووا مثل ايران الرجل او المرة يسوقون موتر سيكل
ولا موتر سيكل مالهم مو مثل هني الي حده يشيل له واحد بس مع السايق
مواترهم المقعد مالهم طويل يقعد عليه مع زوجته وبنته ووولده يعني اربعة مثل ما شفت
راحة بال واحسن من السيايير الي كل يوم عله

انا اكورد 2007

من اشتريتها وكالة وعندي مشكلة في كراسي المكينة بدلوهم وللحين ماحلوا المشكلة .. يا الله يطلع الوسائد خراب وياخذونها ويعطونه فلوس نشتري الجديدة ..

السبب بسيط

لأن مصنعو السيارات تحولوا من مرحلة اجتذاب الزبائن بصنع سيارات ذات مميزات رائعة إلى مرحلة بيع أكبر عدد من السيارات وبالتالي ما ايلحقون يفحصون السيارات ويجرون عليها الاختبارات اللازمة، مرحلة الجشع ولم الفلوس يدفع ضريبتها الزبائن، والمشكلة وين البديل؟ السيارات اليابانية كشفت عن ضعف في الأداء والسيارات الأوروبية وبالأخص الألمانية برغم قوتها إلا أن مشكلتها السعر وقطع الغيار المرتفعة جدا، والسيارات الأمريكية تجميع مميزات اليابانية والالمانية و(عيوبهما أيضا)!!!

تلاعب التجار بحياة الناس

مشكلة ان ما في احد يدافع عن المتسهلك جمعية حماية المستهلك صارت جمعية حماية التاجر من المستهلك، فمثلا ما شفنا ليها حس ولا خبر يوم كل سيارات تويوتا انسحبت من الاسواق العالمية الا حضرة وكيلنا يقوم السيارات سليمة على الرغم من ان تبديل الدواسة التي سببها ممكن يؤدي الحادث الى الموت لا سمح الله بتكون على ظهر الشركة لانها خطئها الا ان الوكيل يقول السيارات سليمة؟؟؟ يعني مشو بوزكم

هوندا اكورد سبورت 2009

ابي اعرف هل صحيح ان كل سيارات هوندا
اكورد مو ديل الجديد . قيرهم يطلع طقة ( تك )
ولكم الشكر

سياسة امريكية

تأييد لرأي زائر 7 و 9 والموضوع يشابه موضوع انفلونزا الخنازير .... حتى يسوقون ما كسد وفسد عندهم الغرب وحتى يبتزون فلوس العرب وما نحصل عليه من ايرادات النفط ترجع ثانية لهم

صج

عجل بكر النيسان وبعدين ويش نشتري

عادي عادي

احنا هوندا cr-v موديل 2008
ويش بياخدوها؟؟؟؟

عتيق الصوف ولا جديد البريسم

مافي على السيارات القديمه بس عيبها قديمه صدق قويه بكل ماتحمل الكلمه من معنى وخاصه datsun شي رهيب بس عيبه الوكيل وانا من مكاني هنا اناشد الجابان تعطيني الوكاله والله الا اضرب السوق

ولد الفردان

استغفر الله ربي
يعني السيارات شارينهم بقروض وعلى مدى طويل علشان نشتري راحتنا يقوموا ايبهدلونا اش قال مشاكل تقنية طب انتو مب حمير ما اتعرفون اتجربون السيارة قبل البيع وين الاختبارات والخرابيط ..ولا بزيدكم من الشعر بيت بيكملو علينا الوكلاء الي بالبحرين بيقولو البحرين بعيدة عن توسنامي السيارات...المشكلة عالمية وعلى طول احنا بخير ....هذا كله تحت شعار بوق ما بعد البيع.

بالأمس تويوتا واليوم هوندا و الخافي أعظم

شكلنه خلاص ماراح نشتري سيارات راح نطلع بسيكل احسن لأنه
كل يوم مطلعين لأنه شئ في سيارات
احتمال اتكون هذه لعبة جديدة

دعاية امريكية

دعاية امريكية تريد ان تسحق السيارات اليابانية لأنها اكثر انتشاراً في السوق

جنان الزهراء

سيارتي هوندا أكورد2008 قريب بتكمل سنتين في يونيو ... البارحه بس ماجفتها في الشارع الا تقطع ولا في وسط دوار اللولو زين الا وراي ماضربني وبندت!!! سياره جديده تبند مو حرام!!!
ولما حاولت امشي بها والا هي مبنده الكيجات كامل وهي على Pتعطي ريس بروحها!!! مضايقه منها حدي واتصلت للوكاله وشالون اليوم بالرافعه والقهر مافي سياره بديله قالوحنا مانعطي بديل شفتون هالحاله!!!
صراحه سياره مافي مثلها طول هالسنتين بس البارحه دقت ابي:(

يا جماعة هذي سياسة أمريكية للإطاحة بصناعة السيارات اليابانية لإعادة الهيبة لصناعة السيارات الأمريكية

رغم أن هذي المشاكل تحدث في أغلب السيارات

راحت علينا وضاعت فلوسنا

اشمعنى امريكا يراعون ليهم واحنا اهني مابتتصلح سيارتنا نص اهلنا عندهم سيفيك واكورد يعني راحت علينا

نتائج الازمه الماليه ودليل ظهور المهدي ع

السوق يتدهور شيئا فشيئا والازمه الماليه علامه من علامات ظهور المهدي عليه السلام فستعدو يامومنين لظهور الحجه ابن الحسن عليه وعلى ابائه افضل الصلاه والسلام

صج

احس احسن شي سيارتي تو يو تا لالالالا بديل له تويوتا وبس الهو ندا سمنها غالي وايد صج

وما هو رأي وكلاء السيارات عندنا ؟

وكلاء السيارات عندنا ينفون الأخبار كالعادة وآخرها وكيل التويوتا عندما أعلن أن السيارات التي في البحرين ليست من ضمن السيارات المتضررة!!!
وهذا عجب، أليس كذلك ؟ فالشركة المصنعة تقول أن بسياراتها خلل والوكيل ينفي الخبر ويقول أن السيارات التي في البحرين سليمة. يا وكيل، الشركة المصنعة تدفع كل المصاريف بما في ذلك رواتب وأتعاب العمال، فما هي مشكلتك ؟
تحياتي

ابي سيارة جديده

خوش خبر من الصبح.. يعني ارجع سيارتي الهوندا خلاص...

ويش نشتري عجل؟؟

كنت اخطط اشتري هوندا crv ألحين شنو اشتري . اذا التويوتا سياراتهم خراب والهوندا بعد .. والله حيرونا ..
.. صايره ارواح الناس لعبه عندهم .. ليش ما يجربون التقنيات الا بالسياره قبل ما ينزلونها الاسواق ؟؟؟

ويش يعني ما نشتري سيارات يابانية؟؟

الحين جاء دور الهوندا وغداً النيسان