كشفت الإدارة العامة للمرور أمس (الثلثاء) عن موعد بدء تطبيق تغيير اللوحات المعدنية للسيارات في البحرين، إذ حددت الإدارة العشرين من الشهر الجاري موعداً لبدء العملية وعلى مدى عامين.
وأعلن المدير العام لإدارة المرور المقدم الشيخ عبدالرحمن بن صباح آل خليفة عن المرحلة الثانية من خطة الإدارة والتي ترتكز على إحلال ملصق أمني إلكتروني محل ملصق التسجيل الحالي (البيج). وقال الشيخ عبدالرحمن خلال مؤتمر صحافي عقد في مبنى إدارة المرور بمدينة عيسى «إن الملصق الأمني الالكتروني سيثبت في أسفل الجهة اليسرى للزجاج الأمامي من الداخل يحتوي على شريحة تتضمن كل المعلومات الخاصة بالتسجيل؛ ما يمكن للمختصين التعرف على بيانات تسجيل السيارة وسيكون هذا الملصق بديلاً لملصق التسجيل الحالي كما سيساهم في تطوير نظام رصد المخالفات المرورية، إذ لا يمكن نزعه من السيارة دون تمزيقه».
مدينة عيسى - هاني الفردان
كشفت الإدارة العامة للمرور أمس خلال المؤتمر الصحافي الذي عقد في مبناها بمدينة عيسى عن موعد بدء تطبيق تغيير اللوحات المعدنية للسيارات في البحرين، إذ حددت الإدارة العشرين من الشهر الجاري موعداً لبدء العملية وعلى مدى عامين.
وجاء قرار الإدارة العامة للمرور بتغيير اللوحات المعدنية للمركبات بعد أن أصدر وزير الداخلية قراراً وزارياً رقم (51) لسنة 2010، بتعديل بعض أحكام القرار الوزاري رقم ( 28 ) لسنة 1979 باللائحة التنفيذية لقانون المرور الصادر بالمرسوم بقانون رقم (9) لسنة 1979 باستبدال اللوحات المعدنية للمركبات المعمول بها بلوحات معدنية أخرى جديدة اعتباراً من 20 يونيو/ حزيران الجاري.
كما كشف المدير العام للإدارة العامة للمرور الشيخ عبدالرحمن بن صباح آل خليفة عن المرحلة الثانية من خطة الإدارة والتي ترتكز على إحلال ملصق أمني إلكتروني محل ملصق التسجيل الحالي (البيج).
وقال الشيخ عبدالرحمن: إن الملصق الأمني سيثبت في أسفل الجهة اليسرى للزجاج الأمامي من الداخل يحتوي على شريحة بيانات ويظهر بيانات معينة تمكن أي شخص من التأكد من أن الرقم الموجود عليه يطابق رقم اللوحة.
وأضاف الشيخ عبدالرحمن أن «الملصق الإلكتروني الجديد ستكون به كل المعلومات الخاصة ببيانات التسجيل يتم تخزينها بأمان في ذاكرة الشريحة، ما يمكن للمختصين التعرف على بيانات تسجيل السيارة وسيكون هذا الملصق بديلاً لملصق التسجيل الحالي كما سيساهم في تطوير نظام رصد المخالفات المرورية إذ لا يمكن نزعه من السيارة دون تمزيقه».
وأكد أن هذا الملصق سيساهم في المستقبل في الحد من سرقات السيارات، إذ سيتم الكشف عن السيارة بسرعة متناهية عبر نظم الأقمار الصناعية، كما سيستخدم الملصق أيضاً من خلال البوابات الإلكترونية التي قد تستخدم لاحقاً عبر جسر الملك فهد، ما سيجعل الإجراءات على الجسر أكثر سهولة ويسر.
ومن جانبه، قدم مدير إدارة الثقافة المرورية المقدم موسى الدوسري خلال المؤتمر الصحافي شرحاً وافياً عن اللوحات المعدنية الجديدة، مشيراً إلى أن الإدارة العامة للمرور وضعت خطة زمنية لاستبدال اللوحات مدتها سنتان ابتداءً من تاريخ صدور القرار في 20 يونيو الجاري.
وبيّن الدوسري أن الإدارة خلال العام الأول ستسمح للجميع باستبدال اللوحات اختيارياً، فيما سيلزم الجميع خلال العام الثاني باستبدال اللوحات بحسب الشهر المحدد لتسجيل المركبة، موضحاً أن أوقات الدوام لتبديل لوحات المركبات سيكون من الساعة السابعة صباحاً حتى الثامنة مساءً من يوم الأحد حتى الخميس، فيما سيكون الدوام من الساعة السابعة صباحاً حتى الثانية ظهراً يوم السبت من كل أسبوع.
وخلال ذلك تداخل مدير إدارة المرور، ليؤكد أن هذه الأوقات قابلة للتغيير في حالة شهدت الإدارة إقبالاً كبيراً، إذ إن المرور توافق مع الشركة المختصة بتغيير لوحات المركبات بشأن إمكانية تمديد الفترة لتطال أيضاً إجازة نهاية الأسبوع.
ولم يستبعد مدير إدارة المرور أن تشهد الأيام الأولى إقبالاً كبيراً من قبل المواطنين والمقيمين لتغيير اللوحات، داعياً المواطنين إلى تفهم أوضاع الإدارة، مقدماً اعتذاره المسبق للجميع لما قد يحدث خلال الأيام الأولى من ازدحام.
وسيتم استبدال كل لوحات المركبات الحالية في مكتب استبدال اللوحات الواقع بالقرب من فرع الفحص الفني بمبنى الإدارة العامة للمرور، إذ لم يسمح بتدبيله بشكل شخصي، كما سيتم استبدال جميع اللوحات الخاصة بالمركبات الجديدة في وكالات السيارات.
وشدد مدير إدارة المرور على أن اللوحات الجديدة غير قابلة للتبديل بشكل شخصي، إذ زودت هذه اللوحات بمسامير خاصة لا يمكن تزويرها، وتكشف مباشرة عبر قلم ليزر خاص، مؤكداً أن نزع هذه اللوحات بشكل شخصي سيحمل صاحب المركبة المسئولية، ما يترتب عليها مخالفات في ذلك.
وقال: «هذه الإجراءات تأتي من أجل حماية المركبة من السرقة والتلاعب وتبديل لوحات المركبات، كما ستساهم أيضاً في الحد من استخدام اللوحات لأغراض أخرى».وأشار الشيخ عبدالرحمن إلى أنه في حال وقع حادث وسقطت اللوحة فإن شركات التأمين تتكفل بكل الأمور المالية الخاصة بها حكمها في ذلك حكم أي جزء في المركبة، داعياً الجميع إلى الرجوع للإدارة في حال حدث أي أمر للوحة المعدنية لمنع وقوع أي مسئولية قانونية جراء ذلك، مشدداً على أن اللوحات الجديدة لا يمكن تركيبها، إلا في المراكز الخاصة بذلك.
وأشار مدير إدارة الثقافة المرورية المقدم موسى الدوسري إلى آليات الاستبدال، موضحاً أن الأمر يتطلب في البداية التوجه إلى إحدى الفروع الثلاثة في مبنى الإدارة العامة للمرور وهي: فرع تسجيل المركبات، أو فرع الفحص الفني، أو إدارة العمليات والمراقبة المرورية، ومن ثم ملء الاستمارة الخاصة بطلب اللوحات المعدنية الجديدة، وختم الاستمارة بعدم وجود مخالفات مرورية، بعد ذلك مراجعة مكتب استبدال اللوحات لتركيب اللوحات الجديدة لتتم عملية الاستبدال بشكل سريع.
وأشار الدوسري إلى أن رسوم تغيير لوحات السيارات لم تتغير وروعي فيها المواطنون بحيث يتطلب تغيير اللوحة الواحدة للمركبة الخاصة ثلاثة دنانير ونصف الدينار وللحوتين الأمامية والخلفية سبعة دنانير، وكذلك بالنسبة للدراجات النارية.
أما بخصوص مركبات الأمن العام والنقل العام والنقل الخاص، فرسوم تغيير اللوحة المعدنية الواحدة خمسة دنانير، و10 دنانير للوحتين الأمامية والخلفية.
أولاً: الهوليقرام
إن جميع المستندات المهمة في العالم تتم حمايتها بواسطة أنواع مختلفة من الهوليقرام، وكذلك ستتم حماية لوحات الأرقام الجديدة في البحرين بتقنية هيلوغرافية بإضافة شريط يحتوي على الشعار الرسمي لوزارة الداخلية إضافة إلى عدة ميزات أمنية متطورة أخرى لحماية لوحات الأرقام من التزوير.
لقد تم تصميم وصنع أشرطة الهوليقرام بواسطة الشركة الرائدة في العالم في هذا المجال.
ثانياً: الشريط الأمني اللاصق «المرآة السوداء»
هي الأجزاء البارزة من اللوحة وسيكون مكتوب عليها بالهوليقرام «مملكة البحرين» بالعربية والإنجليزية، إذ تقوم هذه الميزة بحماية اللوحات من التزوير وتؤمن عدم إمكانية إنتاج لوحات أرقام بواسطة أشخاص غير مصرح لهم.
ثالثاً: نمط كتابة غير قابلة للتزوير
تم استخدام أرقام وحروف غير قابلة للتزوير من خلال نمط تم تطويره في ألمانيا خصيصاً للوحات الأرقام لتفادي تغييرها بواسطة المزورين وذلك بإضافة خطوط زرقاء.
رابعاً: التثبيت الآمن
سيتم تثبيت كل اللوحات بواسطة فتحات قياسية موحدة من خلال قفل أمني هو عبارة عن مسمار خاص مزود بختم حساس، هذا الختم أيضاً محمي من التزوير ويمكن فحصه بواسطة «قارئ ليزر» خاص سيحول دون سرقة لوحات السيارات.
- يمكن رؤية أرقام اللوحات من مسافة 150 متراً تقريباً.
- لا تقل نسبة الألمنيوم باللوحات عن 99.3 في المئة.
- تضمن الشركة المميزات التالية للوحة: سمك اللوحة، اللون، قوة الالتصاق، درجة الانعكاس، وقوة تحمل الاصطدام.
- تضمن الشركة احتفاظ هذه اللوحات بجميع مواصفاتها خلال مدة: عامين من تاريخ الصرف للوحة الأمامية، وثلاثة أعوام من تاريخ الصرف للوحة الخلفية
العدد 2833 - الثلثاء 08 يونيو 2010م الموافق 25 جمادى الآخرة 1431هـ
ST SFOON ST
المفروض هذة الارقام (اللوحات المعدنية) مصنعه الاساسي يختص بوزارة الداخلية _المرور وليس أي شركة اخرى.
اين ما تولي يأتيني خراجك
أين مات تولي يأتيني خراجك... وين تودون هالفلوس ياادارة المرور؟
أموت واعرف
اللوحات الغبية
شكل بايخ !!! لون بايخ !!! اللوحات الحاليه وايد احلى .....
coool !
be cool guys
الضرائب في مملكة الصمت
1- جواز السفر 2- البطاقة الذكية!! 3- التأمين على السيارة 4- المواد الغذائية 5 - واخيرأ لوحات السيارات !!!
جبلاوي
أكثر واحد يتحلطم فيكم شرط أكيد بيكون أول واحد يروح يغير ويقولون أول 100 شخص بيكون ببلاش
زائر 83
اللي أقترح 1% ...الوفاق.....منه و فينه......!!!!
ما ذنب المواطن الفقير 7 دينار
حرام تاخذون 7 دينار من الموطن الفقير ما ذنبه يدفع هذا المبلغ...ر 7دينارX 400000 سيارة =2800000 دينار ارباح ادارة المرور من الشعب الغلبان...حرام
وينكم يا نواب الشعب
the right word
how long will this humiliation laovernmp
لوعة
الصراحة شكل وكتابة ارقام اللوحات قبيح ولا ادري كيف حازت على موافقة ....
بكر هفتن بيغيرونه
ليش حرام على كم
hاسكافي
هي تجارب احنا ندفع ثمنها وبس
من راقب الناس مات هما
الله كريم على عبادة
الشعب على نياتة يحسبون هذا الموضوع هيّن مجرد 7 دينار
ما يدرون من وراها بلاوي تقطع الرقاب
طفشتو الشعب الطيب
...للبطالة 1% الله لايربح اللي طلع واقترح البوقة من الشعب واللي بالداخلية والمرور والهوامير ماياخذون من عندهم والحين يتنا 7 دينار بعد مع العشرين دينار شنو هالبوقات ؟؟؟ ....
اللى يخاف
اللي متخوف من الشريحه يرمي اللوحه قبل لا يروح مني لو منى عند الخباز و لين رجعتون بيوتكم ركبوها
....
يعني كل يوم لعبه, ليش بتكنسلون الارقام العربيه (الهنديه) و ليش 7 دينار و هي كلها حديدة، و ميزتها ف سنتين يعني بعد السنتين بتغيرونها لو بتصير خمام نفس الموجوده الحين يعني لا تبدلون ولا شي
و السالفه تره معروفه
تبون السبعة بس قولو تبون السبعة و لا تخسرون روحكم لوحات
كل شي ذكي
كثرت برامج الذكاء فهل نابع هذا عن تطور مراحل الغباء لدى البعض؟ و 7 دينار ليش؟ بتصيدون المواطن المسكين روح بدل لوحه لين جاكم يسجل يا زعم شطارة انتون اللي بتبدلون لو احنا والله الارقام هذي ويش حلاوتهه و لين بتصيدون حراميه السيارات انا اقص ايدي اذا قدرتون، تقدرون على مسيل الدموع ...
مواطن دايخ
والله حرام 7 دينار. والله انا الين الهندي يغسل سيارتي اقول ليه قسل السياره كامل بس اللوحه لا تغسلها لان ملك الحكوما والحين بعد ندفع بعد 7 دينار والله انا عادي ادفع 7 بس غيري الله يكون في عونه انا ابغي افهم البيزات وين بتروح بيشترون لينا لوحات جديده .ههههه لو بيزيدون معاش المجنسين ابهم والله حاله
والله بلوا
كل يوم يطلعون لينا بسالفه الله يستر من الجايات ؟
سؤال هل يمكن احد الإجابة عليه ؟
يعني اللي قدر ايبوق سيارة مايقدر ينزع الشريط ؟؟ ههه والله حالة ! لدي اقتراح للجميع وهو لا احد يبدل ولا شيء طالما سمحوا لمدة سنتين لأن اكيد بعد سنتين راح تمتحي الآرقام القديمة كذلك اقترح انكم اتجمعون من الحين كل شهر 300 فلس في 24 شهر = 7.200 (سبعة للأرقام و200 فلس حق الريوق بعد ماتبدل الرقم وتحياتي للجميع ...واحد متقاعد
سؤال
ابغي اعرف ليش رسوم تبديل اللوحات على المواطن مو على الدولة احان مالينة ذنب الحكومة هي اللي غيرت اللوحات وانا توي امبدل اللوحات لأنة مانجحت في الفحص وقالولي بدل اللوحات مو حرام .تبغون تراقبونة وبعد ندفع ليكم اجركم ما المراقبة .
اقول هذي الخطة رقم كم الاولة التجنيس والثانية سلب المواطن حقوقة وغيرها وغيرها الله يسترمن اللي جاي
مناشدة إلى إدارة المرور
نرجو من سيادتكم عدم فرض أي رسوم لأن جيوبنا قد خلت من كثرة الرسوم
ودي
ودي يوم افتح الجرايد واشوف فيها اخبار تسر :(
لاتوجد ارقام عربية اصلا..
للعلم الارقام المستعملة عندنا او الارقام المسى
الهندية هى فى الاساس ارقام من صنع الهنود سابقا...اى كلا الارقام هندية.
اما الارقام المستعملة فى الغرب فهى كذلك هندية
لكن العرب قامو بنقلها الى المغرب العربى وتطويرها...لذلك سميت الارقارم العربية وهى ليست عربية بل هندية.
مبروكين
جمعية المنبر و الأصاله يبشرون السنه بانهم بيدفعون للمرور عن كل السيارات و جمعية الوفاق بتدفع عن كل الشيعه أما جمعية الرفق بالناس بيدفعون عن الاجانب مبروكين مقدما و شكرا للجمعيات لانهم فكرو في المواطن البحريني
وين حرية الرأي وين راحت!!... لغة القرآن الكريم استبدلوها بالانج
وين حرية الرأي وين راحت بالامس اخذوو من عندنا مبلغ التأمين ضد التعطل بدون استشارتنا وقبلها غيروا الاجازة الاسبوعية الخميس والجمعة بدون استشارتنا واليوووم يبوون يغيرون نمك وشكل ارقام السيارات بدون استشارتنا اين حرية الرأي كما تدعون انها موجودة اي حرية رأي موجودة في هالبلد لو في حرية رأي وتعبير لما اغلقت صحيفة الوقت . وين مجلس النواب ؟ لم نسمع له صوت على الرغم انه ممثل للشعب سكروا هالمجلس واهما من زمان تبروا من اللغة العربية لغة القرآن الكريم في الاخير بحصلون فلوس وهالفلوس وين بتروح في مخباك!
I love Bahrain
ياناس ياناس الموضوع واجد خطير لان هدا الشي بيكون الناس جميعا مراقبة لانه بيكون السيارة مراقبة يعني إذا شخص يحب الامور السياسية بيراقب مع من يلتقي ومع من متواجد يعني الموظوع له ابعاد زينة وشينة وإذا الحكومه بس تقول عشان السرقة انا اقول الحكومة تنظر الى ابعاد بعيدة والمستقبل بيثبت وتحياتي
مافي سبب غير انهم يبون يطلعون فلوس زود من هالمواطن المطحون
طبعا هاي فيديو لنظام ساهر في السعودية هدية لكم اخواني 22 مخالفه في اربع دقايق بالكاميرا المتنقلة راحت علينا
اقتراح
أقترح على المرور يلي راتبه أقل من 500 دينار يعطونه تخفيض 50% ويتأكدون من شهادة الراتب و الحكومه ما تقصر ... تحياتي لكل مواطن يخاف على مصلحة وطنه ... رفاعيه
لا تعليق
واجد قرارات صارمة في ادارة المرور على المواطن
وحتى ما يبونك تتصرف في سيارتك الشخصية على كيفك
وكلشي ممنوع
واذا اقترحو شي بيسونة
انت ادفع عشان هم يسونة
وفي الاخير
خطوة زينة موضوع اللوحات بس اذ تبونهة تصير سووها مجانا
وشكرا
فتحوا عقولكم
يا جماعة المشكلة الاكبر من 7 دينار هي الرقاية اللي راح تكون مفروضة على كل فرد ومواطن على ارض الديرة،خلنا نفتح عقولنا على الاوضاع والقرارت اللي في ظاهرها تخدم المواطن بس في باطنها هي تخدم مصالح واهداف اشخاص واجهزة في الدولة.ارجع واقول يا حسرة على حرياتنا الي يوم ورا الثاني قاعدة تقل، ومثل ما قال احد الاخوان مب بعيد تكون في كاميرات تجسس في الحمامات العامة سواء مجمعات وغيره.شعبنا من اكثر شعوب المنطقة سلما بشهادة مختلف الجنسيات التي عاشت على تراب هذا الوطن،فلماذا كل هذه الرقابة القيود يا ترى!؟
7 دنانير
أهم شي يسوونها ببلاش، أما ال7 دنانير خل يشيلونها لو يطلع لينا هامور ولد حلال يتكفل بها(ترى المرور فقارة مساكين)
الحرامي مو غبي
الحين الى بيبوق السياره ويعرف ان في شريحه الكترونيه ونمرات جديده ما بخليهم النمرات بيشيلهم ويمكن يركب نمرات مبيوقه والشريحه بيقبعها قبع الله راس العدووو وهني بتصير بلوه اكبرر.... كانت معكم ام عباس لمتد
إلى زائر 24
تقول ليش مايكتبون الأرقام بالعربي بدل الإنجليزي ؟ لازم تعرف إن هاذي الأرقام إلي تعتقد إنها إنجليزي هي الأرقام العربية .... الله ينور الجميع ---
مع السلامة --
بوعلي
أهم شي الرقاقة المزودة بها اللوحة؟؟؟
حتى يجيبونك يجيبونك ولو في راس البر أنت؟؟؟
أقصد الحرامية مو المواطنيين اللي يبغون يصيدونهم أو يراقبونهم؟؟؟
ما يهمنا من هالكلام كله اهم شي
احنا مو مسؤلين عن رسوم التغيير 7 دينار دفعوها انتو صراحه المرور لاعبين ابحسبة المواطن عدل ولا حد قادر ايوقفهم عند حدهم يزعم كل شي بالقانون الا كل شي بالنصب
الموضوع اكبر من ظ§ دينار
ملاحظ اكثر الردود بخصوص السبعة دينار اللي بتندفع, رضينا ولا مارضينا الكل بيدفع و ريله فوق رقبته.(يعني كل هالسنين ما تعلمتوا ان اللي يبونه بيصير؟؟؟!!!)
المهم المشكلة في الشريحة الألكترونية اللي بيخلونها في السيارة يعني مستقبلا يا الشعب المكافح حط ميزانية خاصة و عووووووووووووووووودة بس حق مخالفات المرور
ليش التكلفه يتحملها الفقير يعني من عدالت اشغالنا وا رواتبنا يعني في ناس تشتغل من الصبح الى العصر ويميته 7 دينار .. اتقومون تشفطونها ؟؟؟ ( مص في دم هالفقارة المساكين )
والله حالة ,,, فنشوا المخابرات اذا جذي
"" إذ سيتم الكشف عن السيارة بسرعة متناهية عبر نظم الأقمار الصناعية""
يقولون لكم بنعرف وين انتون وحزة اللي نبي
يعني انتو مراقبين 24/24 وكل همكم السبعة دينار من اللي بيدفعها؟؟؟
اوتعوا عاد شوفوا الحكومة وين بتوصلكم ... اول راقبت التلفونات والحين السيارات وباجر وانتوا بكرامة الحمامات ...
والله قهر ياحكومه
يعني تبغون الشعب يدفع غصبا عنه ليش جبتون لمجنسين ودفعتون ليهم فلوس عشان تبوقون من عدنه بعدين تعويض ريحوا نفسكم من المجنسين وبعدين الشعب مستعد يساعد البلد بكل ماعنده
عيب
الاخ زائر (54) ما اعتقد ان في احد في هالشعب عنده ثقة في البرلمان بس شنو في رايك الطريقة اللي ممكن نتعامل فيها ونوصل صوتنا؟ اذا اعتصمت سموك معارض وهاي بروحه جريمة تودي الواحد في داهيه.المفروض على الحكومة تحس بنبض الشارع البحريني خاصة في هاي القرارت التي تشكل حياتنا.لا لوم على ادارة المرور بعد ما صارت شركة استثمارية لها مدخولاتها وارباحها السنوية.بس عيب تكون هذه الارباح من دم الناس البسطاء عيــــــــــــــــــــــــــــب عليكم!!
اترك عنك يالداخليه
اذا تبون تسوون شي للشعب وتخدمونهم وتخدمون انفسكم قدموووها لوجه الله مو كفايه المخالفات .........
وين بتروح اللوحات !
واللوحة اليي عندنا وين بتروح
بتبيعونهم اللمنيوم على السكراب !!!
اذ بلاوشي بنبدل بـ 7 روح شوف واحد ثاني
رحنة في اللومي
خلصت فلوس الداخلية قلو بدلو لوحات السيارات
نوااااب اييييه يا بابا
تضحكوني تستنجدون بالنواب خلهم غارقين في العسل شعارهم لا ارى لا اسمع لا اتكلم الفلوس كممت افواههم قال نواب قال خخخخخخ
الذكي اللي ما يصوت هالمره وخلهم يصوتون لروحهم لان الخير لهم بروحهم مو لنا
وداعا للحريات!!
كالعادة تتعامل الحكومة بمنتهى التجاهل لرأي الشعب في القضايا التي تمسهم وللاسف وحصل بنا الحال الى مرحلة لم يعد هناك مساحة من الحرية الشخصية للمواطن على تراب هذا البلد.قرار من هذا القبيل كان لابد من ان يطرح على البرلمان لطلب التصويت عليه. ليس من حق الدولة ان تتجسس على المواطنيين! اين هي حرية الرأي والحرية الشخصية التي كفلها لنا الدستور؟الخوف من ان يصدر قرار بتعيين شرطي على بيت كل مواطن خشية السرقات أيضا!!
من يتحمل
من راح يتحمل تكلفة التغيير، اكيد الموطن
المعنى يبون يعطون الشركة اللي راح تعمل اللوحات بزنز؟؟؟؟؟؟؟؟؟؟؟!!!!!!!!!!!!!
صلوا على النبي يا جماعة
7 دينار ما تسوا عشان الواحد يعور قلبة
اقوا باقوا كل شئ حبكت على 7 دينار
المهم يا إدارة المرور
ليسني نهاية الشهر بيخلّص
بتغيرون فيه شئ بعد لو نروح ونتوكل على الله ونغيرة
دايخ
بالامس كنت في سند وشفت سيارة عليها لوحة قديمة وهي البحرين خصوصي 95 بس وين القانون لو بس على الفقارة
أقترح وضع رقم هاتف صاحب المركبة
أقترح وضع رقم هاتف صاحب المركبة (اختياري و ليس اجباري) على اللوحة او على شاشة الامامية للمركبة و ذلك للاتصال به عند اللزوم مثل عند وقوف المركبة بطريقة خاطئة و تمنع المركبات الآخرى من المرور.
مطلق الدنيا وبحرق سيارتي وباخذ لي حمار اشرف لي
وكأنه المرور يتحكم بشعب البحرين بدون ماياخذ رايه لازم تسون اعتصام وتوقفون ادارة المرور عند حدهم الناس فقاره راتبه 280 دينار لين يأمن السياره ب 80 و 20 تسجيل ومصروف حقه وحق الي يصرف عليهم ! احنا مو قطرين الى عندنا فلوس سياراتنا سني وكرسيدا وكورلا والى اخره مو عندنا مزراتي و استون مارتن حق تاخذون فلوس علينا .. ترى فلوس الحرام ماتدوم وكل معاشاتكم حرام وشكرا.
زائر 14
مو كل سنتين تتبدل قصدهم عندك مجال من ألحين إلى سنتين علشان تبدل أرقام سيارتك يعني مو لازم تروح هالشهر أو اللي بعده يمع لك سبعة دينار خلال سنتين وبعدها روح غير.
اؤيدك يا زائر 44
الى متى والتدريب باستخدام الكير العادي خلاص الناس تطور وخلو الكير العادي حق الهنود سواق الشاحنات والبياكب ارجو من المسئولين في المرور النظر الى هذا الموضوع باسرع وقت ويعطونا سبب مقنع بالاسلوب القديم لتدريب السياقه هل هو تعجيز؟؟؟؟؟؟؟؟؟؟؟؟؟
يا جمـــــــــــــــــــــــــــــــــــــــاعة الخير
آنه أجوف أن الـ 7 دينار ما تسوى هذه الضجه كلها إلى أنتو عاملينهه شنو يعني 7 دينار ؟؟؟؟؟؟ ليش أحنه ضد التطور أبي أعرف إجابه منكم، تحياتي محب جدا للتطور
عقبال مايسون شركة للمدربين اللي لاعبين بالمتعلمين
اهو تتطور يعني بالنسبة للوحات السيارات بس ياجماعة يا اداااااااااارة شوفو حل للمدربين صار الواحد لين يبي يتدرب يسب روحة بالاول ما يحصل مدرب الا بطلعة الروح وفوق هذا جنه يدربك ببلاش موحالة صراخ وذل ..
وثاني شي بعد انااااشد وانادي بأعلى صوووووووتي غيرو نظام التعليم سوه فريقير محد مستفيد من القير العادي جهودكم جبارة بس ساعدو العالم الحين من ياخد ليسن ويسوق عادي الا العمال يالله راونا همتكم يا جماعة وشوفو حل للتدريب ...
سرقات بأسم القانون
تغيير اللوحات بدون أسباب واضحه تسمى سرقات ولكن باسم القانون
الأفكار الشيطانية
لماذا تتم تنمية الأفكار الشيطانية وترك الافكار الخيرة ورعاية الإبتكارات عند الناس والنظر الى إقتراحاتهم ؟
العراب
رحت اطالب بـ 50 مالت المجاعة تعبت ولا حصلتها اهمال و سستم تعبان وكل صفات الفساد بس لستنزاف المواطن في آليات معينة تشتغل وتفكر شلون تطلع فلوس من هذا الفقير يــــــارب ودي في جواز يحمل كرامتي حته لو اسرائيلي
النواب وين
خلهم يمنعون هال7 دينار
بسنا فلوس بسنا
كل يووم شغلة جديدة
ناس يالسة اتفكر بس اشلون اطلع الفلس
المشكله؟؟؟؟؟؟؟
اذا اولاد مراهقين او اطفال تعبثوا بهذه اللوحات وسببوا عطب فيها فبالتالي من يكون المسئول والله بتصير دوخه وركضه وراء الشرطه حق التقارير والتعويض من التامين وتقديم بلاغ ضد مجهول واحنا ناقصين مشاكل وعوار راس والواحد ما عنده وقت حق نفسه وعياله ويقعد يتفرق حق هاالسوالف رغم احنا مع التطوير وليس ضد ولكن هذه واحده من السلبيات !!!!!!!
خسارة على أوال بلاستيك
7 دينار اللوحات دينارين التركيب دينارين للفريم (حسب الرغبة) الخ.. الخ..
يا ترى من المستفيد الجديد من هذا التغيير؟؟ والا ففتي ففتي.. الله العالم..
صــج
كله نفر يجوف سيارة من بعيد يعرف أنابهرين نفر
جواز أهمر علم أهمر فانيلة همرةسروال
أهمر...
خخخخخخخخخخخخخخ
هذا هو البحريني دائما طايح حظة
ولش المواطن المسكين يتحمل تبعات قرارات حكومية من المفروض ان وزارة الداخلية وإدراةالمرور هي من يتحمل مصاريف هذا التغيير وليس هذا المواطن بس مقيولة ان ان البحريني محل ما يروح طايح حظة
بحريني
نبغي بيوت سكااااااااان لأهالي الجفير المبيوعة
الملصق الالكتروني
الشيخ عبدالرحمن طار من الفرح عن اعلان الملصق الالكتروني ولم يتفضل بأعلان سعر الملصق على رأس المواطن الفقير خوفا ان الناس تنتحر من القهر .ونتمنى التوفيق لكم في مشاريع شيطانية جديدة لنهب المواطن
شهناز
سؤال.. هل سيتم التطبيق؟؟
قيل فيما مضى أن البطاقة الذكية ستغنينا عن حمل رخصة القيادة، و الآن أذا اوقفك المرور و ليس معك الرخصة (راحت عليك)..
هل فعلا ستغنينا هذه اللوحة الالكترونية عن حمل باقي اوراق السيارة؟؟ اشك في ذلك..
بس لا نريد شرائح في منازلنا
انشاء الله ما ياتي اليوم و بعد تضع الداخلية شرائح في منازلنا
يعني ويش صاير في البلد
تغير على ظهر الفقير
ليش اللي يدخل على المرور شئ سهل
بالامس هناك تقرير عن خمسة شهور لضبط المخالفات
حيث التقرير يقول بان 33 مليون دينار دخل المرور؟؟؟
يعني لو المرور تبرعت بنفسه لصالح الناس
هل سيكون فيه شئ؟؟؟
لا تخافون ترى اعضاء البرلمان بيوافقون على التبرع
محرقية
ديره تعبانه وشعب مقهور
ما نقول غير حسبنا الله ونعم الوكيل
الله كريم
ياحبيبي طريقة جديدة للنهب مثل تكثيف الحملات المرورية والحين تغيير الارقام بالتعاون مع شركة غير اوال بلاستك.
منشار صاعد نازل
البحرين استنزفت رواتبنا 1% البطالة وكل من يمشي يدعي على اللي حط هالقرار و7 دينار اللوحة حرام عليهم وحسبي الله ونعم الوكيل الله يوفق اي شخص ساهم بوضع هالمبلغ وايد حرام عليهم
المحروم
ممتاز هالموضوع كان المفترض من زمان يطبقونه على الاقل الحراميه الي يسرقون السيارات بينصادون والي يستأجرون السياره ولا يرجعونها بيتورطون اما المواطن المحترم ماعليه زود والمثل يقول مش عدل يحتر عدوك فيك
معاشي 200دينار
معاشي 200 دينار عليي قرض قسطة 103 دينار والبترول20دينار وجمعية بي50 دينار وبيل الكهرباء والهاتف بي15دينار وعندي ولدين الله يحفضهم واحد عمره 3سنوات والثاني 7 ايام وكلنا نبي نلبس وناكل من وين اجيب بيزات رقم السيارة اسرق لو اتاجر في السوق السودة حتى السوق السودة يبي لها رأس مال (البحرين جريحة وتريد من يسعفها) بعد عمري يالبحرين.
وين تروح هذه الأموال؟
7 دينار ويش هذه الحالة وين تروح هذه الأموال ؟؟؟؟؟؟؟؟؟؟؟؟؟؟؟ ما تشبعون .
حتى لا ينعم المواطن بالامن ولا بالخصوصية
اذا يبون يراقبونك بسرعة البرق.. عييييييب عليكم
بما نحن عرب ليش اللوحات ما تنكتب بالعربي ؟؟؟؟؟
خلاص اتبريتون من العربيه كل شي بحياتنا صار انجليزي..خلاص كنسلوا الدراسه العربيه بالمدارس وخلوها كلها بلغة الاستعمار !!!والله مسخره
الحووووووت
يعني كل هذه الضجه للحد من سرقات السيارات فقط أو شيىء آخر؟؟؟؟
سؤال إلى أدارة المرور اللوحة الجديده لا يستطيع فكها الا في الجهات المخصصه مثل الوكاله للسيارات .السؤال يعني كل مانعمل حادث من الأمام أو الخلف نأخذ السياره أولاً الى الوكاله أو بتعطون الكراجات الشفره ؟؟!!
صاحبي
تراة انا بصراحة وبدون خجل عندي حمار وقاري بعد بغيرون نمراتي بعد؟ هههههههه
ياريت قوانين البلد تطبق على الكل
لا يستثنى منها الشيوخ والحاشية والتجار اصحاب النفوذ
والله حاله
الحكومه اذا ارادت تطلع افلوس من الشعب تعرف شنو تسوي بس خلها اهي تطلع افلوس الى الشعب يبي لها سنين ومراجعات واثبات هويه وكشف حساب وكم ولد عندك وبيت الجيران شنو يقربون لك هههههههههه خخخ
مجرد تعليق
خطوه كبيره بهذا الحجم تمس كل من يعيش على هذه الارض الطيبه, ليس مفروضا ان تقوم بها وزارة الداخليه بشكل فردي.
يجب ان يناقش على مستوي التمثيل الحكومي و الشعبي (البرلمان). انصح النواب المطالبه بأيقاف تنفيذ القرار لحين دراسته في المجلس.
ان كان خيرا, كسبت الوزاره تفهم الناس من خلال المجلس. وان كان غير ذلك فلتكن الوزاره شجاعه في الاعتراف بخطأها و التعلم منه للمشاريع المستقبليه.
نبي الصراحة يا وزارة الداخلية
الحين هالقوانين معروف بطبقونها على من
كالعادة صاحب الـ 3 أرقام والأرقام المتشابهة معفي من هذي القوانين ولا يعطى مخالفة.
أصلاً رجل المرور يخاف يعطيه مخالفة لأن ورقة الفنش جاهزة..!!!
شغل مخابراتي بحت
بدينا فيالمخططات الحلوة ،،، لا و يدفعونا ضريبة بعد
لحد الآن ما عرفنا لون اللوحة..!!
يوم لون أسود ويوم لون أزرق
في أحد يوضح لينه..!!
الصراحة أتمناها باللون الأزرق لأنها أحلى
NO MOney NO
Don't say pay money almost we are out of money ,means very poor Please stop asking for money
why we pay 7
every year we pay 20 dinars, let them take the 7 dinars from those 20's which we paid and still paying
??
يعني شنو كل سنتين تتغير ؟؟ مثل التأمين يعني ؟؟ كل سنتين ندفع 7 دينار ونغير اللوحه مووت وخراب ديار قيها روحه ورده للمرور ودفع فلوس شنو الغايه من هذا كله ؟؟
الربح مقسوم
توجد شركة واحدة في البحرين لصنع اللوحات وهي أوال بلاستك. المرور و أوال بلاستك يتقاسمون الفلوس. ثانيا وين المناقصة التي أرست الشغلة على هذه الشركة. وين مجلس المناقصات عن الملايين التي ستجنى؟ يعني مافي غير هذه الشركة؟ واللبيب بالأشارة يفهم.
اقول
الى كل متشائم لا يعجبكم العجب ولا الصيام في رجب عيشين في ضنك الله يفرج عليكم كلاه متشائمين ولا عندكم امل في الحياه
شكراً لكن
يعني هي البطاقة " الذكية " الثانية!! .. واياك اعني وافهمي يا جارة
محرقي
راحت فلوسك يا صابر .. الف مبروك لليمنيين على زيادة الراتب
حراااااااااااااااااااااام تاخذون 7 دينار...(الوسيم)
ع الأقل اخذو مبلغ رمزي في حق المواطن والأجنبي اكثر 7دينار(ضرب) X 400000سيارة=2800000 دينار ارباح ادارة المرور من الشعب الغلبان...حرام هالللي يسووونه
ما الهدف؟
اعتقد ان هناك قصر نظر في ادارة المرور.. خلال 20 سنة يتم تغيير شكل لوحات السيارة ثلاث مرات؟ ما الهدف؟ مدير المرور ومدير العلاقات العامة تكلموا كثيرا عن المميزات الأمنية في اللوحات، هل هناك مشكلة امنية في الوقت الحالي تستدعي ذلك؟ لماذا لم يصرحوا من قبل في الأعلام؟ يذكرني هذا بالعملات البحرينية عندما اصدروها وقالوا انه لا يمكن تزويرها وتم طباعتها في سويسرا، لم تمضي ستة اشهر الا وتم تزويرها في فرنسا وضالع فيها شخصية كبيرة محلية. هل ستتم الأرقام كما هي؟ ام فقط حذف الأرقام الهندية؟ الخبر غير واضح
ابو علي
اقول رحنا وطي من هالخطوة
ابن الدراز
عندي اقتراح بخصوص لوحة الشرطة يبدلون الخط الازرق بلخط الاحمر يمثل علم البحرين بالتوفيق
الهم صلي على محمد وال محمد
الرسوم 7 دنانير ....... انا ما عندي اذا ببدلونها لي ببلاش اوكى صراحة حنا في بداية الشهر وكل الي عندي 20 حق الخبر والشاي .... وتقريبا هذا حالنا كل شهر 7 دينار بالنسبة لي وااااااااايد صبعة هذا
تطور ممتاز
مواصفات اللوحات ممتازة وستحد من السرقات بس ليش المواطن يتحمل التكلفة الادارة هي تتحمل التكلفة او يتم تغير اللوحات في حال تلفها تدريجيا بدون تحديد فترة زمنية
أهم شي
أهم شي يسوونها ببلاش، أما ال7 دنانير خل يشيلونها لو يطلع لينا هامور ولد حلال يتكفل بها(ترى المرور فقارة مساكين)
الله يستر منها
مع انة المعلومات تحس انه اللوحة مفيدة
بس بدي الديرة ينخاف منها
ما تدري وش الي بجيك بعدها والله يستر الف مرة من دي اللوحات
يعني مخالفات ببيزة والفلوس بتنسحب منك على كل سكنة وكل حركة
الشكوى لغير الله مذلة
غريبة
وكأن وزارة الداخلية من خلال هذا القرار تستطيع ان تراقب اي مواطب وين هوه بالضبط بالاقمار الصناعية .. البحرين تتحول الى معتقل صغير كاميرات في الشوارع العامة وشريحة امنية وبطاقة ذكية وين بتروح ندري بك في وينه والله حالة