العدد 2864
|
السبت 10 يوليو 2010م الموافق 27 رجب 1431هـ -
في برنامج الناصية ...الرسم والتصوير يستحوذان على هوايات الشباب
اعداد وتقديم : محمد الجدحفصي
في برنامج الناصية ...الرسم والتصوير يستحوذان على هوايات الشباب
• زهرة جواد؛ نرحب فيش أول شي في برنامج "الناصية" بالوسط اون لاين...
- أهلاً..
• ممكن تتكلمين لنا عن هوايتش وشلون اكتسبتينها؟
- عندي هوايات متعددة اكتسبتها من خلال الممارسة وتشجيع الأهل، عندي التصوير والرسم و... الخواصر، وعندي تصميم بعد.
• متى اكتشفتين هذه الموهبة، هل الأهل – خصوصاً الوالدة – شجعتش على هذا الشيء؟
- اكتشفتها في فترة الإعدادي تقريباً، وأكيد الأهل ليهم دور كبير في تشجيعي.
• ياسر أحمد؛ نرحب فيك في الوسط اون لاين في برنامج "الناصية"، وممكن تعطينا نبذة عن هوايتك وموهبتك؟
- موهبتي الرسم، أحب الرسم.
• من متى اكتشفت هذه الموهبة، متى صارت عندك؟
- من الابتدائي، يوم أنا صغير أرسم من زمان.
• شنو كنت ترسم؟
- كنت في البداية أي رسمة، بس الأهل عطوني رسمة وأنا أرسمها، وبعدين قمت أنا بروحي أرسم من عندي.
• ما حاولت أنك تنمي هذه الموهبة، يعني من فترة الإعدادي قلت إلى الحين خلصت الثانوي، يعني أكثر من 10 سنوات، ما شاركت مثلاً في معارض تبع المدارس أو ما شاركت في مسابقات؟
- نعم، شاركت في مدرسة مسابقات، وتبع الصندوق في ديرتنا الصندوق الخيري شاركت معاهم، بس أكثر شي كان في المدرسة.
• حصلت على مرتبة؟
- الأول لا، الثاني.
• زهراء؛ موهبة التصوير عندش، خلينا في موهبة التصوير، هل حصلتين صعوبات في تعلم مهنة التصوير؟
- بالنسبة للتصوير عموماً مو صعب ذاك الزود يعني، بس في الدقة أو الفكرة عموماً يكون صعب اختيارها، أساسيات التصوير شلون تعرفها، تكون مواقع تعلم، فيه دروس تعلم في الإنترنت تفيد واجد بعد.
• ؟؟؟؟؟؟
- امبلى، بس ما كان فيه مجال أنه أشترك واجد، بس مخططة اني أشترك.
• لو سألناش، الفترة المقبلة خصوصاً فترة الصيف، شلون راح تستغلين هذه الموهبة، شنو في بالش، شنو في تصورش؟
- في بالي أروح أماكن جديدة، أكثرها تكون تراث حق التصوير، وان أستغلها حق المسابقات.
• دقة التصوير عندش، خصوصاً فترة الصيف الحين مثلاً، هل بتصورين عامل يشتغل تحت الشمس وقاعد يعطي للقارئ أو للي يشاهد الصورة قصة معينة أو موضوع معين؟
- أغلب الأشياء أن تكون لها معنى وأن توصل الهدف للمشاهد.
• الشاب ياسر، فترة الصيف دخلنا فيها الحين بعدما انتهى العام الدراسي، شنو في تصورك راح تسوي، شنو خططك المستقبلية في هذا الصيف؟
- أحاول أني أستغل الرسم يعني في شغلة معينة أو في مسابقة.
• لو سألناش نهاية زهراء، أمنياتش المستقبلية، سواء بخصوص هواياتش، بخصوص أمنياتش من جانب أمش في هذا الجانب، شنو في تصورش؟
- أتمنى أن تشجيع الأهل يكون متواصل وأن يكون في الأخير لي عمل خاص، مو أن أستفيد بس، أن أتعلم شي يفيدني.
• الشاب ياسر؟
- أتمنى أن أستفيد من موهبة الرسم شي يفيدني، يفيد الناس بعد في نفس الوقت، بس أقدر أسوي أشياء من خلال الرسم.
صحيفة الوسط البحرينية - العدد 2864 - السبت 10 يوليو 2010م الموافق 27 رجب 1431هـ
خيارات:
شارك: 
التعليقات (17)تنويه : التعليقات لا تعبر عن رأي الصحيفة1 بحريني غيور على لغة القرآنأليس من الأفضل تحويل النص المكتوب إلى اللغة العربية الفصحى؟ وهل الهدف هو تعزيز الهوية المناطقية ولهجة طائفة معينة على حساب اللغة الجامعة والموحدة لفئات الشعب بل وفئات الأمة؟
عجيب أمركم يا الوسط!!!2 بالتوفيقالله يعطيكم العافية , اني بعد عندي موهبة الرسم والتصوير , بس بصراحة تشجيع الاهل الحمد لله مو مقصرين , لكن وجود الاندية اللى تحتضن هالمواهب في اماكن معينة وبعيدة عن منطقتي, و تزامن الانشطة و المسابقات في فترة صرت مشغولة فيها خلاني ما اعطي موهبتي الاهتمام الكافي , وحاليا انشغالي بتربية اطفالي الصغار ,يمكن هذي اعذارلتقصيري تجاه موهبتي بس وجود الاندية و حتى دورات تعليم مثل هالمواهب كالرسم في اماكن مختلفة مو بس في مناطق قليلة ومعينة هو اللى ممكن يخلي المواهب تطلع لحيز الوجود .3 انا معاك يالبحريني الغيورهل اندثرت اللغة العربية الفصحى ؟؟؟
هوايتش !!4 رد على الزوارأحنا نعتز بلفتنا الفصحى
وبعد لازم نتعتز بلغتنا العامية
إلي قربت تندثر بسبب آفة التجنيس
أخاف يجي يوم نتكلم بلهجة أردنية أو يمنية
ما أدري الوسط تأيدني في رايي وهل هي كانت قاصدة لهشي ( الحفاظ على لغتنا العامية من الاندثار)5 ناس فاضيهصدق ناس فاضيه تدور اقل الاخطاء التي لا تعتبر اخطاء اصلا لتعليق عليها
وبين قوسين لتحجج عليها
قال وش قال عربيه فسحه
تركو الموضوع وتركو الهدف منه وبتعدو عن جمالية الهوايات المفيده لشباب ... وقال وش قال فسحه
اتكلم في البيت فصحى بعد احسن
ووووسيده يتجهون لطائفيه
شدخل الطائفيه غصب تزرعونها يعني
تفشلون والله6 لافرق بين سني وشيعيأليس من الأفضل تحويل النص المكتوب إلى اللغة العربية الفصحى؟ وهل الهدف هو تعزيز الهوية المناطقية ولهجة طائفة معينة على حساب اللغة الجامعة والموحدة لفئات الشعب بل وفئات الأمة؟ عجيب أمركم يا الوسط!!! شكرا لاول تعليق ..
اذا فلابد قولوا بين قوسين ( المتدربه شيعيه ) بس خلوا الكلام مفهوم علي الاقل .7 .. !يالله عاد .. ليش تاخذون الأمور على محمل شخصي ؟!
يعني قلبت الدنيا على حساب اللغه العاميه ؟!
اصلاً فكره حلوه .. وشي مميز ..
لكن العقول الصغيره ترفض انها تتقبل هالشي ..
بدل ما تثنون على الشباب تحبطونهم ؟
والله خوش شي ..
بعدين صفقو الراس على الجيل اللي انتو انشأتوه8 الي الامام يا زهراء الزهورانشاء الله نشوف لج استوديو قد الدنيا9 فديييتها الموووهووبةللأماام زهووور وان شاء الله اشووفج اكبر مصووره
مبدعه طووول عمرج
بالتوفيق على طوول خيووتي
وانه اقول بدل هالنقاشات
حفزوا الموهوبين وشجعووهم احسن
واصلي ابداعك
تحياتوو10 برنامج الناصيةمن خلال مسكتها للكاميرا يبين انها ما تعرف تصور خل اتيود الكاميرا عدل أول وبعدين سو معاها مقابلة !!!
هوايتش - واكتسبتينها - اكتشفتين – شجعتش
والله طرطرة خربتو اللغة وبهلش وبالجمل الي رحل بش11 تعقيبا على الزائر رقم 10انت واحد من الاثنين ،، اما انك انسان حقود او عندك حساسية من اللهجه البحرانيه ،، بدل ما تشجع البنيه اتعلق على مسكتها للكاميرا انت شفت الصور اللي صورتهم عشان تحكم عليها؟!!12 هه ! (1)سلام من الله عليكم في البداية اقول للشباب قو اب ، ونشوفكم مشاهير قريبا وانتو يا أشباه الناس ! وش هالردود ؟!! وش هالكلام ؟!! مادريت انه حاطين هنا موضوع مقارنة بين اللهجات ولا اسلوب الكتابة .. اذا ماتشوفون كل البرامج جدي !! روحو فرو في كل مكان ،13 هه ! (2)زائر 4 و 10 .. وااو جالسين تتكلمون بلغتنا الام .. شرايكم تعطونا دروس ؟ خصوصا الاخ 10 علمنا شلون نترك الجييم ونمسحه من الوجود ونزيد استخدامنا للياء D= اتمنى تنتبهو لنوعية ردودكم! وتحددون هدف قبل تفتحون افواهكم14 هه ! 3طلب من الأخ 10 ! .. الحين انت تعيب على مسكتها .. راونا شي من احترافك بدل العياره ! .. ومحد يعيب على الثاني الا الناقص منه شي .. !!15 الا في الردود يبون اللهجة الفصحى هم جلفاكيد انتو جلف وتبون تغير لهجتنا للهجة البدااوة لا يبا احنا بحرانين ونفتخر بهاللجهة بوركت بوركت يالوسط على هالبرنامج وشى الحلو هي اللهجة الى الامام يا وسطناا ..16 موفقين إن شاء اللهإن شاء الله تتطور موهبتهم اكثر و اكثر و نتمنى نجوفهم في المستقبل رسامين و مصورين كبار
بالنسبة للزوار الي ينتقدون هذا الشيء و ذاك الشيء .. ما اظن إن فيها شي اذا تكلموا بأي لهجة .. و بخصوص طريقة مسكتها للكاميرا هالشي ما اعتقد يأثر , اذا جفت الصور بعدين تكلم17 مَجـهولـ\\ـهأولـآ إلى الأمام يـآ موهوبين ،،و ثـآنيـآ : گلم العآقل بمـآ يُعقل ،، شفيگم جآيين على اللهجه ؟ من متى صـآر إن البحرينين يقعدون يقولون هالگلآم وعلقـون ع اللهجآت ! انتون ماليگم شغل هو عـآرف شلون يأدي شغلته مو ناقص اله تجون مگآنه
وبعدين شدخل طآئفيه الحين ! مو انتون اله دخلتونها من ردودگم وله الموضوع زي الفـل مافيه شي يعني لآزم تحشرون هوشة بأقل سبب وتالي تقولون احنـآ سوينه طائفيه كبرو عقولگم شوي ياناس لاتخلون غيرگم يطالعكم بنظرة تصيرون صغـآر بعيونه بسبب ردودگم الجـآهليه ..
-
ارشيف الانتخابات النيابية والبلدية
-
ملاحق الوسط
-
اقرأ ايضاً من (الناصية) لهذا العدد
-
دخول الأعضاء