كلمة حق

المدرسين المصريين والاردنيين وغيرهم من المدرسين ...يعملون بجد واخلاص للوطن ولرفعه اسمه لخدمة التعليم بضمير حي ...ارضاءً لله وللوطن وللملك وللحكومة الرشيدة ولذلك استحقوا الحوافز وبجداره .... اما من يعمل في الظاهر وكأنه سلطان زمانه ويخطط لهدم التعليم في يوم من الايام كما حدث اما اعين العالم اجمع فلا يستحق الا حافر وليس حافز ... مع احترامي للبعض ممن لازالت لديهم من الروح الوطنية ....

رد الوزارة

نريد رد الوزارة و رأيها في الموضوع ونرجو من صحيفة الوسط أن تتابع هذا الموضوع ورد الوزارة عليه

تابع واقع مر

بينما هناك معلمات كفؤات بمعنى الكلمة داخل الصف وخارجه واحداهن درست ابنتي ثلاث سنوات وفعلا تستحق التكريم والتحفيز ولكنها لم تنل شئ هل تعلمون لماذا؟؟
ببساطة لأنها لم تقبل أن تكون ناقلة للاخبار بين المعلمات والادارة فأخلاقها أعلى من ذلك ولله ذرها على اخلاقها . وغيرها من الكوادر القديرة ولا يسعنا إلا القول لكم الله والأجر على الله إن شاء الله

واقع مر

توزيع الحوافز والمكافآت بالغالبية يتم على المحسوبية متدخلة فيه الزيارات الاجتماعية وعمل مشاريع أبناء المديرة.
فلدينا مشرفة ادارية ومدرسة سابقة في كل عام تنال جانب من الكعكة التي توزع أسفل الطاولة فعام لها حافظ وعام لها مكافأة وهذا هو الحال من أكثر من عشر سنوات.
وأخرى انضمت إلى المدرسة هذا العام ومن اليوم الأول الجميع توقع حصولها على حافز رتبتين لأن خالتها صديقة المديرة الروح بالروح ويا سبحان اله تحقق هذا التوقع وللعلم لم تقم بأي عمل جديد أو فيه إبداع

بعض الادارات تتعمد

بعض الادارات تتعمد أن ترسل لديوان الخدمة المدنية حوافز لأشخاص لا يستحقون الحافز (حسب قانون الخدمة) فتخسر المدرسة والمعلمين هذه الحوافز فلا المعلم يحصل عليها ولا زملائهم الآخرين يحصلون عليها

تابع رأي 2

6- ممكن نستخدم آلية جديدة كالتالي :
بعد ترشيح مجلس الإدارة للمستحقات يتم استخدام استمارة الإعلان عن الأسماء المستحقة وأعمالها وتحته تكتب المعلمة رأيها في المترشحة تستحق - لا تستحق ، لماذا ؟ بعدها تنظر الإدارة في هذا الأمر وبذلك يشترك الكل في الترشيح ، مع إضافة من ترشحين من أسماء ولماذا ؟
هناك الكثير من الأفكار هل نفكر عن الوزارة بعد في إيجاد حلول مناسبة لحل الأزمة .

رأي

1- تصدر الوزارة وثيقة للحافز وأخرى للمكافآت
2- الحوافز للأداء التعليمي المتميز ولمن تعمل مع الإدارة في إنجاز الأعمال كالمحاضر والتقارير ولمن تقدم الورش لرفع الكفاءة
3- المكافآت لمن تصبغ الجدران وتنسخ أوراق مع أن مو تخصصها وتصلح كمبيوترات وتأكل من البوفيهات .
4- تستبعد من تترك مهامها الأساسية التي وظفت من أجلها وتعمل أعمال غير أعمالها (التجارة والبيع والتسويق )
5- الرقابة على المدارس ضعيفة جدًا من قبل الوزارة وقليلة ومثل ما هم يطالبونا بالانجاز نحن كمعلمات نشوف التسيب بعيونا وما نقدر نتكلم

معايير واضحة

ما تلام المديرة تضع من تريده لأنه ما في معايير محددة للحصول على الحوافز والمكافآت هذا غير الترشيح الفاشل من مجلس الإدارة لا شوفوا من يأخذ الحافز كل الإداريات إلي طول السنة بوفيهات وحديث عن الألماس والساعات وديكورات المنازل ومنهم أخصائية مصادر التعلم ، فنية مصادر التعلم ، أخصائية التفوق العقلي ، الممرضة ، فنية حاسب آلي ، المختصة بالطباعة ، تخصصات رنانة وعملهم محدود ووقت الحوافز والمكافآت تندس أسماؤهم وكل واحدة تقدم أعمالها وملفاتها للمديرة . وين موجهينهم وين الوزارة عنهم ولا بس عيونهم على المعلم

مدينة حمد

احنا الحوافز كلها للمصريين مديرنا عندة فيروس حب المصريين مايفهمون ولا يسسون شي يدور على المصرييين كل سنةحرااام الظلم

صدقت يبو ديب

وقال أبوديب: «نحتاج إلى آلية أكثر دقة ومصداقية وعدالة ولاسيما مع وجود معلمين يحصلون على حوافز سنوية بشكل دوري في الوقت الذي لا يحصل زملاؤهم على ذلك على رغم كفاءتهم».

عندنا بالمدرسة وحده صار لها 4 سنوات تاخذ حوافز او مكافآت على مشروع متكرر سنويا بس اتغير تواريخ وتقبض افلوس وغيرها محروم من الحوافز

مش الاجانب بس والمواطنين كمان

للعلم فقط في التعليم الصناعي وفي كل انواع التعليم هناك معلمين مواطنين لا يداومون و لا يشتغلون وفي اخر العام نراهم يعطون الدورات للمدرسين وهم ما دخلوا صفوف ولو دخلوها تركوا الطلاب فيها واغلقوا عليهم الباب من أجل تلميع انفسهم امام المدير
يعني المشكلة مش في الاجنبي و لا المجنس كمان في المواطن يلمع في نفسه ويبعد كل البعد عن التعليم و التعلم وفي الاخير يحصدون الجوائز و المكافأت دون جهه حق لأنه مواطن وربنا لما يحاسب البشر مش هيسألهم عن الجنسية لكن عن العمل الصالح

ما أبغي شي

أنا ما أبغي حوافز ولا بطيخ
أبغي بس ينقلوني مدرسة قريب
تعبت
اليوم لو شوي دعموني صوب دوار ألبا
ما أوصل المدرسة ألا محترقة من القهر وما أوصل البيت إلا محترق قلبي قهر وحر

زائرة 29

صح كلامش المديرة السنية و حتى أخواتنا المعلمات السنيات أرحم من اللي من طائفتنه ياما ساعدتني المديرة و المعلمات السنيات إذا كان عندي تاخير او ظرف طاريء علشان أطلع يغطون مكاني و لما صرت في مدرسة مديرتها شيعية ياويلي ,,,,,صارمة و لا تتعاون مولية و المدرسات كله حسد في حسد بقيت أرجع مدرستي القديمة رفضوا ,,,,,,

مسخرة الحوافز

مدير مدرسة يعطي نفسه اربعة حوافز خلال ثلاث سنوات وبعض المدرسين العاملين 25 سنه بدون حافز وين الرقابة ياوزارة والمدير طرطور عليه بس التوقيع

آآآآآآآآآآآآآه يالقهر!!!

صار لي 15 سنة من تعينت 10 منهم معلمة و5 سنوات معلمة أولى وطول هالسنوات شغل وكرف وتحمل مسئوليات وأدام مهمات ما تخصنا لدرجة اذا حدثت مشكلة في المدرسة يقولون نادوا المعلمة الأولى تحلها ووووووو صرنا كل شيئ نسويه وتاليتها لا حافز ولا مكافأة ولا هم يحزنون كلها حق الربع والصفوة أما احنا فلا .. واللي يقهر هذلين اللي قاعدين يطالعون فينا ويحسدوننا والله العظيم رواتبنا ما يجي 10 في الشهر الا بح؟؟ كل صرفنا على أمراضنا الحمد لله والشكر ضغط دم ، قولون عصبي ، سكري، ...

يا ويلك اذا صارت المديرة من طائفتك

العن شى اذا صارت مديرتك شيعية من نفس طائفتك . بتطلع عيونك و تستعبدك و تتعمد انها تحتقرك . بس علشان تراوى نفسها قدام الوزارة انها منضبطة . كانت مديرتنا بالاول سنية و كانت متعاونة معانه حتى كانت تخلينا تطلع قبل الدوام فى المناسبات الدينية .

الى مقهور و زائر 13

ببببببببببببببببببل شكلكم مقهورين على المدرسين عدل تنتظرون اي موضوع فيه ريحة التدريس عشان تشاركون بارائكم الثمينة يا اخي الموضوع يخص المدرسين وش دخلكم تشاركون فيه . ترى احنا ما نطالب غير بحقوقنا و بعدين الاجازات و الراتب الكبير على قولتكم مو من شيسكم من تعبنا فليش الحسد احنا ما ناخذ حق غيرنا و اذا في مدرسات مو كفؤ فلا تعممون رجاء و ارجو انكم ما تدخلون فيما لا يعنيكم.
مدرسة

المصريين..

المصريين اليوم مرتاحين لأنهم طول السنة مداومين في مكاتب المدراء .. "أعمال صباغة وتلميع" فهنيئاً لمن ضيع آخرته بدنياه ..

زائرة 20

رجاء لا تعممين على الكل في كل مكان موجود الكريم و البخيل مو بس المدرسات و اتوقع انش عاطلة مقدمة على الوزارة و ما قبلوش لعدم توافر المؤهلات فحاقدة على المعلمات اقول ( و من شرحاسد اذا حسد ) صدق الله العلي العظيم.

مشكلة أزلية

من سنتين ألتقيت بسعادة الوزير وكلمته بصراحة عن هاذي المشكلة التي تتكرر سنوياً وقلت له بصريح العبارة أني وغيري من المعلمين لم نعرف منذ أن عملنا في هاذي المهنة من 20 سنة الى الآن من الذي يحصل على الحوافز و بأي معايير تم اختيارهم
والحل هو :
1- وضع لوحة شرف في نهاية كل عام دراسي تبين اسماء الحاصلين على الحوافز و الأسس التي من خلالها اعطائهم هذه الحوافز

4000

من اصل 15000ما حصلو الدرجة ويوم عريضة ويوم تتوقيع ويوم يضرب على صدره انا انا انا وبعدين مافي شي . واليوم يتحى عن الرتب والحوافز ؟ وين وعودكم وين انجازاتك مع اللجنه في الوزارة .3 سنوات حاكرينكم في الاجتماعات وكل خرطى في خرطي

مسخرة

لازم تصبغ جدار أو تزين زاوية أو تسوي نشاط رياضي ترفيهي أو تزرع نخلة علشان تحصل حافز - سارعوا بعمل هذه الإنجازات العظيمة لتستحقوا الحافز .... ما في فايدة من بقية الأشياء ....!!!

نظام الفصل التعبان ...

رداً على أي أساس يمنح هؤلاء حوافز ؟؟
يا أخي أنا متزوج " مدرسة " نظام فصل لا ليلنا ليل ولا نهارنا نهار ... من ترجع من المدرسة التصحيح في البيت , رصد الدرجات في البيت , عمل تقارير في البيت , مشاكل المدرسة في الهاتف في البيت ... و يستمر المسلسل على طول الاسبوع حتى أيام العطل الرسمية .. حاسدنهم على الراتب ؟؟؟ حتى صوتها صار صوت رجال , صحتها اتدهورت .. خاف من الله ... تقبل زوجتك أو اختك ليل نهار تعمل ؟؟؟ لو أنا ماخذ فراشة " عاملة " أحسن من المعلمة ...

ليش؟!!

بعض إدارات المدارس تعطي نفس المعلمين في كل مرة بحجة إنهم هم اللي يشاركون في أنشطة ويشتغلون في فترات حضور اللجان...والبقية ما يحصلون شي....

بخله حدكم تمشون ورا البيزات

تتهاوشون على هالبيزتين ايه والله احنا عاطلين وقاعدين مكانا ما قلنا شي
اني الصراحة كل المدرسات اللي اعرفهم بخيلين ابخل من ضارب البين
عمري ما شفت مدرسة كريمة وما تهمها الفلوس
اني اعرف مدرسة من اهل زوجي قعدت معاها مرة من بخلها والله العظيم كل شوي كانت تفتح البوك وتشوف هالثلاثة دينار اللي حاطتهم موجودين لو لا والله كل شوي لين ما طلعنا من العرس هذا ويش انتون يالمدرسات

مدرس في مدرسة صناعية

المدارس الصناعية مافيها حوافز حق المدرسين المخلصين بل الحوافز حق المجنسين والمدرسين الاجانب ،، آآآآآخ يا قهر نص مدرسين التعليم الصناعي مجنسين وفوق هذا يعطونهم حوافز

خيرها في غيرها

نحن المدرسون البحرينيون في المدارس الصناعية نعاني التهميش والاقصاء من قبل الادارة المتعجرفة والتي تمنح الحوافز والمكافأت للاجانب وتحرم ابناء الوطن منها

المشكلة في الوزارة أولاً وعدم مراقبتها للإدارات المدرسية !

طريقة توزيع الحوافز والمكافآت في المدارس لا تخضع لآلية معينة وواضحة بل تعتمد على التقرب من الإدارة المدرسية وكذلك القيام بأعمال لا تخص واقع التعليم والطلبة بشئ في الغالب !
تصوروا أن تكون غالبية الدرجة على ما يفعله المعلم خارج الصف وداخل الصف درجته أقل من عُشر في المئة ! وهو ما يخلق الفتنة بين المعلمين بسبب التمييز الواضح بين المعلم المجتهد وبين المعلم الغير ملتزم بأي شئ يخص التعليم !
أما مَن يتهجم على المعلمين من الزائرين فعليهم الاكتفاء بأعمالهم ولا دخل لهم بنا ومجتمعنا !

الى المقهور الله يبرد على قلبه

قل اعوذ برب الفلق من شر ما خلق و من شر غاسق اذا وقب و من شر النفاثات في العقد (( ومن شر حااااااااااااسد اذا حسد)) مساااااااااااااااكين يا المدرسين و المدرسات محسودين مادري على شنو على الكرف الي تكرفونه و على الاجازه الي كل ماليها وتقل من العيون الحاره امثال (مقهور ) وربعه.

زائر 12 وش هست

صصحح معلوماتك ولا تعم فهناك معلمين مخلصلين والراتب ما يغطي دوام اسبوع بالنسبه لأدائهم واخلاصهم وبالنسبه لشهاداتهم فهيا بكالوريوس والنجليزي يعتبر تخصص مستقل.. اذا رحت تريقت وجيت يمكن تفهم

ظالمتني المديرة

صار لي ثمان سنوات أكرف في هالمدرسة سيارتي كلها حوادث من كثر ما اروح فيها البي طلابتهم ولكن لاحمد ولاشكورا بس ما اسامح هالمديرة الى يوم الدين

معلم ما حصل حا

يا جماعة الخير اغلب المدراء ما لهم ذنب في اللي يصير ام نسيت يا استاذ مهدي ابو ديب الشروط اللي حاطها ديوان الخدمة المدنية للي يمنح هذي الحوافز اعلبيتها قدم خدمه مميزه وبعيده عن مجال عمله الاصلي أو رفع شان المملكة في المحافل أو طلع صورة المدرسة أو منضبط وما عنده تاخير او استذان او غياب ...شروط تعجيزية كان بيعطن المعلم درجه مو رتبه او رتبتين او 100 او 200دينار

وعلى أي أساس يمنح هؤلاء حوافز!!

وبعد انتهاء العام الدراسي تتضح الصوره أكثر ونرى هؤلاء المعلمين يتشاجرون ويشاغبون من أجل حافز وهو عبارة عن مبلغ من المال!
وكل يوم نشوفهم في مشكله ومسوين فوضى في مكان،يوم يبون زيادات خاليه يوم يطالبون بتقليص عدد الحصص يوم يبون حوافز وترقيات ووو واذا بتابعهم مابتخلص.
مو كفايا أكثر من شهر قاعدين بدون تدريس وبجيكم اجازه صيفيه طويله،ومو كفايه دوامكم أقل الدوامات في البلد ورواتبكم من أعلى الرواتب بالنسبه لشهاداتكم المتواضعه-وأغلبكم مايعرف كلمتين انجليزي-مشكلتكم الطمع والمطالع والبخل والعياره

عندا وعنكم خير

عندنا وعندكم خير في وزارة الصحة قسم الصيانة المناطق الحوافز والدرجات الى الموظف الحيال والمكار والعيار الي شغلة الباليس في المهندسين والمسئولين وتخليص اعمالهم الخاصة ولي يشتغل اب جد واخلاص في العمل ولنضبات في الؤقت في القدوم ولنصراف يمش بوزة مسكين يحصل على حافز او درجة

حسافة مدرس بحريني...

مو بس الظلم من المدراء حتى الوزارة على المدرسين تعطي المدرسين الاجانب 13 راتب+بدل سكن+تذاكرسفر +تسيهل السفر في المطار بنقل العفش و السفرقبل الاجازة والرجوع بعد بدئ ايام الدوام للعام الدراسي الجديد ......الله كريم...

مقهور

وانتو كله تتشكون رواتبكم عاليه واجازات على كيفكم حمدو ربكم بس

مدير تهدد مدرسة بالتسطير ( بالصفع)

مديرة إحدى المدارس تطرد مدرسة من مكتبها بقولها أطلعي بره لا أسطرك، و توزع الحوافز بغير أنصاف على المدرسات، فكيف يرتقي التعليم و هذه صفات من يعتبرون قدوة للمدرسات !!؟

شغل

اللي يسوي اشغال للمدير بره المدرسه الحافز له. لاني كنت مدرس في يوم من الايام وكنت اعمل جدول المرسين وميزانية المرسه وبيانات الطلبه على الحاسب ولكن المدير يسجل الشغل باسم آخر ويعطيه رتبتين وسنه اخرى مكافئه ماليه لآن يخدمه برى المدرسه

خل القرعة ترعة

افضل المدرسين الصباغين والمدربين تصبغ الاطوف ودورات الكورة اهية الى بترفع البلد هاى وجهة نظر الوزارة اما الى ينحت الصخر فى الصف ويعلم الطلاب هادة مايشتغل ..مانقول الااجرنا على الله

الله يغنينا عن مذلة الوزارة والمديرة !!!

كل سنة العداوة تزيد بين المدرسات والسبب الفلوس !!! الرازق هو الله وليس العباد ... أنا عن نفسي أشتري راحتي وشايله هالموضوع من راسي !!! والكل مستغرب مني ويقولون لي ما عندش طموح !!! الطموح إللي فيه ضغط ومرض وعداوة أنا في غنى عنه ... ورب العالمين ما يقصر هو إللي يغنيني ... وتعساً للإدارات الظالمة ...

كل ظالم له يوم

للأسف الحوافز والمكاقأت اصبحت ترتبط بالعلاقات القريب من القلب لو كان طول السنة نايم بيحصل على تقدير والي يكرف طول السنة ويشتغل بضمير ماله نصيب الدنيا صارت غلط ومقايسها اصبحت غلط فيه موظفات ادارايات ومدرسات يحصلون كل سنة حافز بو 3 رتب ومكافات بو 500 دينار وطبعا مايسالونهم شنو انجازكم بس لانهم متميزات لقلب المديرة والي يشتغل ويحلل راتبة الف مرة يطلب منه اشياء تعجيزية ملف يثبت عمله ويلوعون جبده بذكر الانجااازات وبالاخير يمش بوزه ماله شي بس بالاخير نقول اجرنا على رب العالمين اهم شي نحلل راتبنا

مو بس من المدارس..بس المجاري غلي مالهم نصيب البحرينيين في الحوافز والترقيات

خاطرنا يوم نشوف ترقية ليهم حوافز تفرجهم ...خصوصا محطة توبلي للمعالجة كل ظلامات ومافيه حوافز ولاترقيات

أهم شي الدرجة الاستثنائية وعريضة المعلمين اشصار عتهم؟

الاجازة قربت يا بوديب ولا حس ولا خبر

الحوافز لمن يستحقها يا ابو ديب

وقال أبوديب:«نحتاج إلى آلية أكثر دقة ومصداقية وعدالة ولاسيما مع وجود معلمين يحصلون على حوافز سنوية بشكل دوري في الوقت الذي لا يحصل زملاؤهم على ذلك على رغم كفاءتهم..اتفق معك اذا وجد ذو كفاءة ولكن اذا لم يجد الا من حصل في العام السابق يعطى من لايستحق على بحجة ان هذا حصل العام الماضي انا بصراحة لا اويد القرار مرور سنتين على من حصل رتبة اورتبتين لان هناك اشخاص يستحقون رتب وحوافز سنوية وللو بيدي لجعلتها نصف سنوية لان هناك اشخاص يمتازون بكفاءة عالية ولايوجد مثيل لهم لذا يستحقون عليها الشكر والتقدير

الي ما يعرف يلون راحت عليه

الى جميع المدرسين الجدد الأخلاص داخل الفصل ليس له معنى أهم شيء الرسم وصبغ الجدران واطاعة ولي الأمر مدير المدرسه حتى في ما لا يخص العمل وأنصحكم بالدخول في دورات في فن الرسم والصباغة على الجدران لا ووقت حصصكم بترسمون وخل الكرعة ترعى

غصة

كل عام ينتهي اقول يمكن هالسنة وهالمديرة تنصفني بس اللي مايسوي شغل الادارة ماله شيئ عندنا مدرسات سنة حافز وسنة مكافاة ليش ؟؟ لانهن طوال العام رقود ونهاية الفصل الثاني يراكضون وراء شغل المدرسة واحنا المتميزات داخل الصفوف مانسمع غير شغل الصف تأخذين عليه راتب تبين حافز سوي شغل الادارة الرزق على الله بس المديرة محاسبة وحسبي الله ونعم الوكيل والحمعية العمومية كل وحدة ترشح ربعها ونفسها هم ياخذون النص وربعهم النص الثاني