سووها فيي

حسبي الله ونعم الوكيل سوها فيي الظالم وباعه وتزوج لكن الله موغافل خسر كل شي حتى وظيفته والله بيعوضني خير يارب

امحق والله

رجال اخر زمن قتيعه تقتعه

هذا ما حدث لي فعلا

اقول ه الزمن زمن الازواج اللي ياخذون ذهب زوجاتهم وووو

هذا واحد حقير

هذا حقير كانت متزوجنها بالسر وطلق مرته عشانها لكن الدنيا دواره
يستاهلون الي صادهم

صدق فضوليين

الرجال اتزوج على مرته انتوا ويش دخلكم في السلفه
الله ايهنيه و يرزقه الذريه الصالحه
و انشاء الله كل وحدة اتحش لرجال في التعليقات يتزوج عليها رجلها بنفس الطريقه
و بدل الحش اخدوها درس و اتحملوا برجالكم و لا تتفلسفون و لا تنفخون ريشكم و صيروا مظبوطين احسن لا ايجيكم الدور

عقبالك تنزج بالسجن شكلك ملتعرف شي عن الدين اتقي الله حطها ببنتك او اختك زوجها يسرق مصاريها ويتزوج عليها يعني شو هاد ماتقتص لأختك انا برفسو رفس

يحتاج الدعم

اقترح ان الرجال الا شاركوا في التعليقات كل واحد يدفع اشوي و انطلع الرجال كفالة
لان دافع عن كل الرجال و كان كبش الفداء و ما نتركه لكيد النساء
و نطالب كل الرجال الشجعان لتقدم لمثل هذه الخطوات لكي يفرجوا عن كثير الرجال المكبوتين و يحرروهم من الاطهاد

ويش هالعالم

عش رجبا ترا عجبا ..حرامي بس مو كل الرجال نفسه في رجال ما ياخذ من زوجته فلس حتى لو هي عطيته مايرضى ياخذ لكن النسوان كل ما تحط في بطنهم من فلوس ما يشبعون ....وبالاخص المهووسون بالتسوق

ولا سالفة التعالي

والخشم في السقف والايد معلقة كأنها أريل وهي تمشي. تروح المجمع تشوف البحرينييات كله مبرطمين ويمشون وكله يعزم مو عاجبنهم خطة يا زعم على هالوجوه. ويمشون بالستي سنتر مو عاجبنهم كأن بيتهم/حجرتهم أكبر خخخخخ والله حالة. وتشوف الأجنبيات مستانسين وماشيين طبيعي

انا اشوف ان بعض النسوان يستاهلون

اذا واحد يعرف رقم هالرجال نحتاج رقمه و نستفيد من خبرته
لآن عدنا وحده دائما مكشره عن انيابها في البيت و نحتاج افكار مثل هذي الافكار الحلوه لكي تصبح اليفه

لا تتسرعون في الحكم على الرجال

ممكن كان الرجال نيته زينه كان بيجيب وحده تساعدها في البيت و كان يريد ايفاجئها

نيتة زينه

الله عالم بالسببب… نيته زينه يقوم يجرح البنت ويتزوج عليها… وفوق هذا يبع ذهبها اهو مشترنه لها .هذا اكبر غلط يرتكبه الرجل
لان تفكيره فقط في اللذه والغريزه.. وهمه تنوع بين النساء… مثل ماخان زوجته الاولى وطعنها بيخون الثانيه والثالثه والرابعه
لان تعود على التنوع قليل الادب اني ما اقول له الله يستر علينا وعلى رجالنا ويبعدنا عن هالمشاكل وصح لما يقولون اصابع اليد نو مو سوا
بي مثل هالرجال ماجفت

مجرد راي فايستي

انا ما اقول الا الله يسلط عليه باق ذهب هالمسكينة وتزوج عليها

ضحى بنفسه

لقد ضحى بنفسه من اجل انقاذ رجل آخر

بس اقرأ الردود

ردود تضحك وردود تجيب الهم وردود الله يستر منها
عموما كل واحد عقله براسه يعرف خلاصه وجهنم لكل واحد يطبق الدين
بما تشتهي نفسه كان رجل او مراة ومن اراد الجنه سعا اليها وليس
سعيا وراء شهوات ،اين انتم من قوله من لم يجد نكاحا فليصم ،،منتف معدد وراهي بس وحدة

يا رجاال

مبروك عليك زواجك بالثانية بس عاد المهر يا خوك مو بالحرام

ولا الضالين

ويش السالفه 750 دينار يزوج في الامارات والله زين احسن من البحرين القرض لابد منه

..

الله يغربلك ..

فكرة موفقه

أنصح جميع الرجال بحذو هذا الرجل. تغدو فالنسوان قبل لا يتعشون فيكم...

ماعليه خوك كلها ست شهور

صراحه عجبني تفكيرك انا اقول اصبر كلها ست شهور وتطلع وتطير الامارات واستانس هناك خوك يعني لو حسبناها الحين شهر اربعه عقب ست شهور يعني شهر 10 انت مفتل عمي ولا عليك من هالنسوان

الله على العقول الضحله

هههههههه 6 شهور سجن يعني خسر وظيفته، من وين بيطير للسنيوريتا ههههههههه إلا اذا ناوي يبوق شخص ثاني

الرجل البحريني

الرجل البحريني يبي زوجة كالبهيمة ما تتكلم ما تنطق بس سمعا وطاعة مالت عليكم بروحكم منتفين فلس ما عندكم ومحد يبيكم فطحتون بجبدنه نتحمل فقركم وفوق كل هذا تتحلطموون

التفتي

الله عليش حسستيني اد شتغلتين بتصيرين غنيه؟؟ بلد معاشاتها ع 250 يخره فلوس مثلاً؟

زائر 147

بأستثناء كلمتك ... بما انكم عارفين انكم ح..... على التعدد ليش، لما يصير معاشاتكم 2500 بعدين تكلموا، مصخره رجال هالزمن

...

النسوان انتون اتجيبون لروحكم المصايب، يوم كان وياكم قلتون انوريهم العين الحمرة عشان ما يتزوجون علينا، ويوم طفشوا منكم وراحوا يبحثون عن السعادة قلتوا بعد كل التضحية وووووو ... تضحية انشالله تحش ركبكم السودة قولوا آمين.

...

تبون تدورون عن سعادتكم دوروها بس بفلوسكم مب بالبوق، رجال آخر زمن

انكشف على حقيقته ويستاهل

زين كشفته على حقيقته ،بدل ما يتحملون بالمرأة يهينونها
بدل ما يدللونها يذلونها بدل ما يساعدونها يتساعدون عليها
لين يزعمون انهم حققوا الانتصار بدل الزواج الثاني تحمل بزوجتك
وساعدها على التربية مو تفلت الأولاد عليها عقب تقول ما تتحمل بك وخاطرك تتزوج الثانية
انت اول دلعها وساعدها وشيلها على رأسك وعقب هي تكون لك كل نساء الكون
واستثني من القاعدة اللي ما تنطبق عليهم هالأشياء ،للعقول الراقية الواعية
اقروؤها بتمعن .

اااه

خليها على الله ياختش

على الجرح اختي

كلامج جه على الجرح، الله يكون بعون الزوجه البحرينيه هي ام وزوجه وخادمة وبنك مركزي ومو عاجبهم بعد

شكله غبي

شكله من أفعاله إنه غبي
إنت ألحين جربت البحرينية وعرفت أنهم تخصص واحتراف نكد وقرقره
وتعرف هذي الصفات تقريباً مشتركة بين الخليجيات
تقوم يا طايح الحظ تبوق الذهب وتجيب ليك نكدية جديدة
لو أخذت ليك وحدة ما تتكلم ((عربي)) يالغجري
ولين واحد ما تزوج للحين يروح بره أحسن ليه من ((أم ركبة)) وتعامل زوجها كأنها الاميرة ديانا

ابحثوا عن الاسباب

يمكن نيته يفاجأها بزوجه اخري تساعدها بشغل البيت لاتظنون ظن السؤ احملوا اخاكم علي سبعين محمل ههههه

غريب سوو اجراء

المصيبة في محاكمنا اللي ماتسوي شي الرجال مو يبوق ذهب يبوق ارض كامله ويبوق قرض البناء ويروح يسود وجه بفلوس القرض وفوق هذا المحكمة ماتااااخذ أي اجراء وعندهم ان الارض اشترتها المره بس لان قرض مشترك تتحول نصها بأسم الحرامي والفلوس اربعين الف لعب وطرب فيها على الروسيات بسأل في ارجال في الديره أشوف معظمهم ياكلون جزر على ضروس مرتهم بس اقول لو خليت لخربت مااااالت على أشباااه الرجااال

y

هه

رد لزائر 20 و 25 وبنت عليوي

انا عن نفسي اتمنى ان استقبل هالزوج البطل في المطار ابرجعته من الامارات واقدم له ورد امحمدي واحمله على اكتافي من المطار الى بيته وزغاريد اخلي اللي ما يسمع يسمع زين.. وكل التبريكات له بالعمل الرائع اللي سواه وزواج مبارك ان شاء الله.. وعقبالكم.

بنت عليوي

الطيور على اشكالها تقع

والله حرام

الرجال طبعاً غلطان
بس لا يروح تفكيركم الرجال مثل بعض !
في رجال زوجاتهم ما تنجب وهو متمسك بها !!!

عزرائيل

ليش تزوجينه وانتين اكبر منه ؟!!!
مانختلف سرقه الذهب حرام

ماله شغل العمر

عادي وفرق سنه، النبي عليه الصلاة والسلام تزوج من السيده خديجه وهي اكبر منه

الحرامي

ويش استفادت راحت افلوسها وورقتها بتوصلها هذا انسان ......لو اني منها .....خيره وابيع اغراض البيت وغصباً عنه بيشتري غيرهم ههههه

والله فكرة

أم حسن عطيني ذهبك احفظه لك ورجعتي من الإمارات نتفاهم

فوق شينه قواة عينه

شهالمرجله ! الحمد الله والشكر
هالإمعه يبي له شناق أو مؤبد مو 6 شهور

....
والله لو يقطونه علي قرضته بمقص أظافر لين يموت ... مو يت شهور

بالمارط

الله يبارك ليه

من المتناقض الرجال او النساء؟

في الاصل مثنى وثلاث ورباع مو وحدة
بس حريم هالزمن مو عارفين ان الزوج بحاجة الى اكثر من زوجة صحيا ونفسيا وعقليا
لازم وحدة كاتمة على نفسه وتحن وتزن على راسه وكأنها هي محور كل شي
الشرع يقول اربع وهم يقولون وحدة، والاغرب الزوجة الثانية او الثالثة او الرابعة شلون تقبل تتزوج من رجال متزوج .
الحين من المتناقض الرجال او النساء؟

شهوانييين

اذا معيش الأولى ببيت وما عليها قصور بعدين تكلم عن الثانية والثالثه والرابعه، انتوا اغلبكم ماعندكم تكملون الشهر، مالت اقول

نساؤكم قواريركم فاحذروا ان تكسروا القارورة

من 1400 سنة الرسوم كرم المرأة المسلمة وحذر من إهانة المرأة لأن قلبها مثل الزجاج يتحطم الله حلل التعدد بس ما حلل إهانة المرأة وسرقة أموالها
شنو استفاد يوم دمر عايلته ؟!
قد تكون المرأة ناقصة عقل من حيث النسيان لكن الرجل أحياناً يتخلى عن العقل والمنطق في سبيل اللذة والغريزة

عجيبه الفكره

خوش فكره والله ..... جاري التنفيذ...

حسبي الله ونعم الوكيل

اني ااول نصيحة لكل رجال في باله يتزوج الثانية على زوجته
ماعليه طلق الاولى وعيشها في مكان مستقل وعززها وكرمها وتالي روح تزوج 4 بعد محد بقوليك شي بس انك تتزوج عليها وتكسر قلبها وتهدم مملكتك السعيدة لاتفكر فيه اي مره تقبل ان تكون عندها شريكة واني شخصيا افضل اكون مطلقة وحرة على اني اكون في ذمة رجال باعني برخيص

أؤيد وبشدة

تبي تتزوج صارح الأولى عندها استعداد تعيش معاك ووحدة ثانية كان بها ما عندها سرحها بإحسان واستانس بالجديدة اللي تحلم بها مثل ماتبي كل ليلة بعد مو ليلة وترك، بس الأولى ادا يا ناس يا عالم نفسيا ما تستحمل مو مجبورة تقبل تقبل وتجيها جلطة ويتيمون عيالها أحسن مثل ما انت منت مجبور تتم عليها بروحها هي مو مجبورة تستحملك ووزوجتك الثانية لا تكلف نفسا إلا وسعها، بتدورون وبتقولون حلال، بس ما تقدر عليه، الصيام والصلاة وكل عبادة ادا فيها خطر على حياة المسلم لا يصح الاتيان بها

كلام سليم

عين العقل اايدك

بنت عليوي

المفروض ينزلون قانون جديد ان الزوجه الأولى لازم يكون عندها علم قبل العقد ولها حرية الأستمرار او الطلاق

من حقه الزواج

الشرع حلل اربع ومبروك عليه الزواج ومن القضيه انه اهيه مقصرة معاة والذهب ذهبه وكل ماتملكه المراة للرجل وكما اتعرفون انه المراة عقلها ناقص الله يعين الرجل

تفكير همجي

يبين من ردك فهمك واستيعابك البطيء وعقلك المتخلف هذا اذا عندك عقل
قال مقصره معاه
عسى ربي يقصر بعمرك انت وامثالك طايح الحظ سود الله وجهك
عبالك الحريم عبيد تملوكهم
روح اشتغل مع داعش لان نفس تفكيرك الهمجي

غباء

لو آلمرأة عقلهآ نآقص جآن أمك قتلتك قبل لآ تجيبك ي بو عقل كامل.

راي

الرجال اذا يبغي يتزوج بيتزوج بمال الحرام او مال الحلال ما في شي يمنعه والرجال ما لهم امان في هالزمن الحب والاخلاص صار كلام فاضي ما في شي يمل عيونهم والله يهدي الجميع

اشباه الرجال

زين افتكت منه هالحقير

.

الحين قضيه العنوسه من عاطنك اياها تحلها يجون لك عوانس تحل ازمتهم يعني و بعدين لو بحلها جان تبرع بالمبلغ لشخص مو مقتدر مثلا يعني هي من احد الحلول
وبعدين من وين جايب فتوى ان ما تملك الزوجه لزوجها
شسالفه قضيه النفقات عجل والله ليش المهر للزوجه ملزم دام فالنهايه ليه ..الزوج ماله حق ابدا يمس اموال الزوجه ولا حتى النفقه الي يعطيها اياها كل شهر
وعلى سالفه ماخالف الشرع و على سنه الله ورسوله خل يدرس شرع الله اول عشان يكرمونه :)

مايصير

يااخي تزوجت بدون ماتبوق ذهبها محد بمنعك يسوه عليك اسجنتك وتوك متزوج ثانيه الحين اقعد اكل دال

ما حكم الزواج

سؤال : هل الزواج باطل أم سليم على إعتبار أن المهر من مال حرام أي مسروق أو مغصوب .

شكلها نشبه

لو صابر لين مايجمع المبلغ جان ماصادته هل المشاكل

صاقعه تصكعه

صاااااقصه تصگعه من رجال

هههههه

بصراحة انا يكسرون خاطري النسوان مساكين على حالهم بسرعة ينقص عليهم ويقتلوني من الضحك ا1ذا اشوف ردودهم في مواضيع نفس هذا يعني كل يوم تتكلم عن الشرع شنو وصى على الزوجة ومن توصل الى الشرع حلل اربع تكفر البنت وتتحول شي ثاني

ههههههههههه

والله مصخره، ترى اللي يضايقنا احنا النساء انكم ما تفهمون في الشرع شيء إلا الشرع حلل 4 ونص الأيه بعد وفي الواقع زوجه وحده مو قادرين عليها وتطر المسكينه تشتغل عشان تساعدكم بالمصاريف وعقب تقولون لها الشرع حلل 4 مهو الشرع يجبرك توفر سكن واكل وشرب ولبس وغيره من الأالتزامات الزوجيه اللي اغلبكم مو كفوا يوفرها، ولا اللي شايف نفسه فعلاً رجل رغم اني اشك ان في رجل يقدر يعدل فليتزوج ويراوينا قدراته

هذا زوج ....

..........
حسبي الله ونعم الله الوكيل

بنت عليوي

كفوا عليها انها ما سكتت عنه بس من بيرجع ذهبها نصيحتي ليها تدور له اي شيء ذا قيمه تلفونه او فتقي سيارته وبيعها سيمان مستعمل والبدي بيعيه بالكجره ورجعي فلوسش بما ان المحكمه عاجزه ترجع فلوسش، اي شيء عندش ليه بيعيه حتى ثيابه خلي يرجع ما يلاقي شيء

ترد على الغلط بغلط يعني؟

ياللي تقول خلا تفتق سيارته وأغراضه وتبيعها ! بعدين هو بعد بيرفع عليها قضية ومابخلصون بيع وببيع

طاح حظه

بظبببببط هادا احسن شي عجبني التعليق

فكرة للي بيغي يتخلص من زوجته

يمكن بهاالخبر في رجال لقوا وسيلة كلها 6 أشهر ويعيش ويا الجديدة بس وين بروح من عقاب الله ساااااااارق .. هذا شرعا تقطع يده

زائر 73

رجعت فلوسها، الحين البنك اذا يطالبك بفلوس مب يحجز على املاكك، يعتبرونها حجزت على املاك زوجها عشان تعيش وعذرها باق فلوسها وما يصرف عليها وهي على ذمته عشان جذي اطرت تبيع عشان تاكل وخلصنا

بنت عليوي لزائر 73

هذا لو اني ابيع سيارته قطع واخلي بس السكان اغلفه واطرشه له هديه بالسجن ومعها صحن كنافه من كنفاوي

مالت عليه

واشلون بتعوضون الزوجه عن ذهبها اللي راح، شفتون يا رجال ليش النسوان ما ترضى بالتعدد، لأن أغلبكم شهواني وتفكيركم محدود بالشرع حلل 4 فقط، ولكن العدل غائب والظلم هو الحاضر

الحمد لله على كل حال

الله يعوض عليها إن شاء الله

الحين الكل بسبه

الريال من حقه يتزوج و لا اشوف فيها شي
بس الحين صار زمن اللي يسوي شي يخالف التطور يطلع غلطان

حارب الله الجهل

اي تطور واي خرابيط؟؟!! انت قريت الخبر عدل؟!؟!؟ الناس مو معترضه على زواجه بل على سرقته ذهب زوجته اللي امنته عليه عشان يعرس عليها، ماعنده يعرس بس عنده يبوق عشان يعرس؟!؟ مصخره والله

شر البلية

من حقه يتزوج اذا كان مكفي وموفي مو مقصر ويبوق ويتزوج طاح حظه وحظ اشكاله الرجال بعضهم ناسيين كل الشرع وما عرفوا الا اربع

رسالة لكل زوجه من اختكم تقبلوها

وان كانت الضغوط المنزلية كبيره عليك خصصي فترة تتفقين مع زوجك عليها تقومين بواجبك وتحققين له رغباته لكي لايفكر في غيرك ابدا وسوف تجدينه يساعدك لانهاء الواجبات المنزلية لكي يأتي هذا الموعد وعليك الاستحمام قبل ذلك وتعطري فاجئيه في اوقات غيرها وسلامتكم ياحريم من الزوجة الثانية

هع

يا اخي بتتزوج الثانية و الثالثة و الرابعة بكيفك حلالك محد بيكلمك بس تاخد ذهب زوجتك و تتزوج ابه قوية دي،ت...

باختصار !!

نذالة ، بل نذاااااااااااااااااااااااااااااااااااااااااااااااااااااااااااااااالة !!!!!!!!!!!!!

حسبنا الله و نعم الوكيل

حسبي الله عليه حساب ربي وانتون الا تصفقون وراه من احب عمل قوم حشر معهم و من قال كل ما تملكه الزوجة من حق زوجها اصلا راتبها ماليه حق ياخد منه ربية مو املاكها يتصرف فيها لكن الله ياخد بالحق و ينتقم من كل ظالم

قليل حيا

المفروض بدل ماتقولون زين سوه ومدري ايش . الله بيبلي خواتكم .واللي يقول الشرع حلل اربع نعم الشرع حلل اربع بس مو كل من صارت عنده كم ربيه يروح يتزوج...انا الحين عمري 45 سنة وصار لي 15 سنة متزوج والله منعم علي والحمد لله زوجتي مومقصره في حقي من جميع النواحي .وعلى فكره زواجي زواج تقليدي وجدا كان بسيط .ولا عندي استعداد اتنازل عن زوجتي او آخذ عليها وحده ثانية لاني ولله الحمد طول هالسنين عايش معاها بسعاده .انا ما اقول حياتي مثالية وخالية من المشاكل لا ابد .في مشاكل

ظلم

ان لم تستح فافعل ما شئت

النذالة لا عنوان لها

لا وازع ديني ولا أخلاقي يجعل البعض يتصرف بأساليب رخيصة مع أقرب الناس له. كان الله في عونه على نفسه و كان الله في عونها على العيش مع تجربتها الفاشلة في الزواج.

كريم

اشوه الجريدة حطت الاستفتاء امس ماحطته اليوم
جان السالفه بتطول

لا ادافع عن الزوج ولا الزوجه

بكل اختصار إذا كانت حياتهم الزوجية تفاهم يعيشو افضل حياة أما إذا كانت نكد في نكد من الزوج او الزوجه فيكون الأمر هذه المشكلة ولاكن في الأخير ياحريم لاتشدوا على ازواجكم وانتوا يارجال لاتواعدون زوجاتكم في اي حاجه تكفي فقط إن شاء الله الرجال حليم
والمرأه تكتم الحب اربعين سنه عن زوجها ولا تكتم الحقد مخلوقين من ضلعاً اعوج

لا رجولة ..لا انسانية

عساها لو تكون ويش مسوية فيه ،، ماله عذر ياخذ شي مو من حقه ويتصرف فيه،،

الشرع حلل اربع

بس ما قال بوق الأولى وتزوج الثانية بفلوسها قال اعدلوا ما قال اسرقوا!!!

زين سوى فيها شكلها مغربلتنه مسكين

شكلها راعية مشاكل زين سوى فيها رجلها والدليل انها دخلته السجن علشان 2500 دينار

لا والله

لا والله عيل اخليه يستانس

لو مرتاح ما في مزاح

لو هي مريحتنه ما بيتزوج غيرها
نساءنا الله يحفضهم ما يبغون الزوج يتزوج عليهم مع ان الشرع محلل اربع
ما يفكرون كلش
الحل بسيط
ريحي زوجش وهو ما بيتزوج عليش
كل ما يجيش تقولين اني تعبانه و اني بنام واني ما اقدر واني....
وين يروح هالفقير
واذا تزوج مغربيه قالوا ساحرتنه ما يقولون مريحتنه و مدلعتنه
الحياة تغيرت يا عالم افهموا عاد

اي والله !!!

لا تخلط
يبي يتزوج بستين بس مو يبوق المرأه وبفلوسها
تخيل لو زوجتك خذت شي اليك وباعته وتصرفت بالبيزات لشي خاص ليها !!
بيحرق قلبك صح ؟؟؟
تبررون لروحكم بس

قلة العقل مصيبة

محد تكلم عن زواجه الثاني، بس يبوق زوجته الأولى عشان ياخذ عليها مره، هذي اعلى رتبات الوقاحه ...

صدق خبل

ما دور الا يتزوج عليها شوف بعد يمكن ناصب علي الثانية بعد وقايل لها برج العرب مالي .

الله لا يربحهم

ارجال آخر زمن يفكرون بيلعبون على النسوان وبيسكتون عنهم احين مو مثل قبل كلهم هلرجال نفس الشي لو عندهم ملكه جمال العالم يشفون على غيرها

عديم إحساس

بصراحه البنت هي الأم والأخت والزوجه والعمه والخاله وكل شي في الحياة والدنيا بدون الحرمة احنا مانسوى شي معظم الرجال وبصراحة بنات البحرين من أفضل البنات في الخليج تعمل بجانب الزوج وتقترض عشان بناء البيت مع الزوج وتدرس مع الزوج وكل شي تشارك فيه ويجي واحد تافه يتزوج على الإنسانه اللي تضحي عشان كلام فاضي انا بصراحه أقف مع الزوجه المغلوب على أمرها والزوجه هي الروح في البيت وهي الحياة بدونها احنا ما جينا الدنيا واللي يرضى على بنات الناس يرضى على اخته وبنته

كلام لطيف

صح لسانك

لو اني حرقته وياها

يبيع ذهبي ويتزوج ماخليه يتهنى هذا الي ناقص بعد

كفو

وبيع ذهب الثانيه وخذ الثالثه
وحششش

رجال أخر زمن

سود الله وجهك و كلمة رجال ماتستحقها أشلون تتزوج بفلوس مو فلوسك

بنت عليوي

زواج الرجل من أمرأه اخرى يقتل المرأه ويدمر احاسيسها اتجاهه فما بالكم بسرقت مالها ليتزوج به، هذا قتلها مرتين الله لا يوفقه

خوش عقاب

الحين كل واحد يشوف هالخبر بيسوي نفسه .. بالله عليكم باق ذهبها وسافر تزوج انزين الزوجه ويش استفادت من حبس رجلها ؟؟ وين الذهب ليش ما اشترطو عليه يسترجع المبلغ ويسلمه حقها ؟؟ يعني ست اشهر وتالي يطلع مره ثانيه لا ذهب ولا زوج هذا بس يطلع بيطلقها يعني خربو بيتها ولا رجعو ليها حقها هههههه

صح

اوافقك الرأي ، يعني معضم الردود ما فكرو بمستقبلهم وضياعهم،فكرو شلون سرق وتزوج

بربقت

اي مستقبل بعد ما سرقها وتزوج عليها ههههههههههههه عجبي هي بعد بتفكر تقعد على ذمته.؟!؟!؟ بكره يسرق حتى هدومها هالحرامي أكل مال الحرام وعن فلوسها تدور اي شيء حقه تبيعه وترجع فلوسها والخسران اهو خسر بيته وانشاء اله وظيفته ويخسر زواجه الثاني عشان يبرد قلب الأولى قولي آمين

مبروك

قال تعالي(فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا ) النساء

هذا اللي تعرفونه تاخذون بس قشور الدين الشي اللي يعجبكم

الايه تقول انكحوا مو تسرقوا

الله

خليت القرآن كله ماعرف الا هذي الاية هذا الذهب ملكها ومو من حق الزوج ياخذه ويمكن الذهب مو من عنده وعلى اي اساس يتزوج عليها وش ناقصنها يعني اهو اخذ الذهب وباعه عشان يتزوج لو عنده فلوس ما تسطا على زوجته يعني ماقدر يفتح بيت واحد بيقدر على الثاني يا ويله من الله والي يتخذ ايات رب العالمين عشان يبرر موقفه وخطأه فينتظر عذاب من الله ترا انت الي كتبت الاية محاسب اذا خاف انه مايعدل واحدة الحين وين العدل يبوق زوجته هذا عدل

لا تلومونهم

عقولهم صغيرة لا تتجاوز هذه الآبه لو سألتونهم عن شيء ثاني ما بيعرفون، والمصيبة ان حتى هالأية يعرفون بس القسم اللي حلل 4 ويتناسون القسم اللي يتكلم عن صعوبة العدل بين الزوجات ولو حرصتم، يعني المتعدد يفتح على روحه مصاعب الدنيا وعذاب القبر

انزين

ماعندك بعد كم آيه عن سرقة الأمانه او عن حقوق الزوجه او ماعندك حديثين ثلاث عن حقوق الزوجه وعن حرية تصرفها بمالها الخاص

هذا اشوى

قصة هذيك المسكينة اللي عطت عينها لزوجها المصاب بالعمى ولما فتح وشاف الدنيا وشافها قال ليها انتي عورة وتزوج عليها .. عورني قلبي

ما يستحي !!!

زواج ب 730 دينار ؟؟ غريبه السالفة وفي الامارات بعد ؟؟
على العموم زين يسوون فيه هالحرامي

شهر العسل في الإمارات

هذا الظاهر أتزوجها وراح معاها هناك بس لأن مستحيل إماراتية ترضى بواحد منتف

وين المشكلة

اول شي ان هي الي عطتة الذهب وحتى لو ما عطته هذا من حقة لان هو زوجها وكل ما تملكه يصير ملكه من يتزوجها وثاتي شي هو تزوج على سنة الله ورسولة وهدا الشي المفروض يكرمونه لان يفكر في حل قضية العنوسة الي مغربلة العالم

زمن اغبر

ابدا مو من حقه. الرجال اللي يطالع اي شي تملكه زوجته يكون انسان خسيس و ما عنده ريحة الرجولة

الحمد لله على نعمة الاسلام

الحمد اله الاسلام كفل حق المرأة في التملك والخصوصية والحمد لله اننا مسلمين تشارك المرأة الرجل في الحياة الزوجية وليس املاكها الخاصة فديننا واضح والاسلام كرم المرأة ووضح حقوقها.

رد

ردك غريب فعلا شلون حلال زوجته حلاله من اي شرع ماخذ هكلام!؟ طبعا ماتملك الزوجه ليس ملكا لزوج وخير دليل علي ذلك هو الزام الزوج بالنفقه علي زوجته وان كانت تعمل فلو ااتمنت زوحتك علي سيارتك واخذتها وباعتها من اجل ان تسافر بها فهل سوف تعتبر حلالك حلالها؟!

بنت عليوي

انت شنو دينك ولا شنو مذهبك؟؟؟
يعني شنو املاك الزوجه حلال للزوج بكيفك اهو، عطته ذهبها امانه لأنها امنت له عبالها رجال واخرتها يبيعهم ويجيب على ضهرها مره من فلوسها بعد، اشباه الرحال زايدين والدليل بعض التعليقات اللي تأيد هالحقارة

.

الحين قضيه العنوسه من عاطنك اياها تحلها يجون لك عوانس تحل ازمتهم يعني و بعدين لو بحلها جان تبرع بالمبلغ لشخص مو مقتدر مثلا يعني هي من احد الحلول
وبعدين من وين جايب فتوى ان ما تملك الزوجه لزوجها
شسالفه قضيه النفقات عجل والله ليش المهر للزوجه ملزم دام فالنهايه ليه ..الزوج ماله حق ابدا يمس اموال الزوجه ولا حتى النفقه الي يعطيها اياها كل شهر
وعلى سالفه ماخالف الشرع و على سنه الله ورسوله خل يدرس شرع الله اول عشان يكرمونه :)

مسكين ما يستاهل

ما سوه جدي الا دايسه في بطنه المره .. الله ايفرج عنه ان شاء الله.

واحد مايستحي

عساهم يدوسون عليك ثيران هايجه وينطحونك بلا رده ياعديم الإحساس
عساك حرمه تشربك الهم والغم وتدوس في بطنك
عساك نار تشعل في جوفك وجوف كل ظالم ويسلط عليك من لايرحم عشان تعرف الم المظلوم وحرقة قلبه ياجليل الحيا

قوي عيون

سليمة تجبه طايح الحظ

داسك عزرائيل

لو هي دايسه في بطنه ماقدر يسوي هالسوايا

هذا كيد الرجال مع احترامي للقلة الحقيقيه ما خفي كان أعظم

هذا شيء من لا شيء سى فيني طليقي اللي اعظم من كل هذا شكلي بكره بروح افضحه في الجرايد عشان يكون عبره لامثاله وهشان المحكمه تاخذ حقي منه مثل ما خذ حق هالزوجه المسكينه ((بكره بن9ليه يصير حديث الساعه على مستوى عالمي)) ...

مسكين

الصراحة في بنات يستاهلون أزيد من كذا

كلمة رجل لا تنطبق الا لقليل من الذكور ا

لا نعلم بملابسات القضيه لكن مافعله يدل ع عدم رجولته وحتى السنانير فيها شنب ....

شوي شوي

السالفه ماتستاهل هالدعاوي اصلا اريح ليها من مقابلة وجهه الخاين والله بعوضها احسن من الذهب

محرقي

واحد من الشباب بعد ما بنا البيت مع زوجتة وجهزو البيت تزوج واحدة ثانية
لانه البيت جديد لازم زوجة جديدة

والله صدق

واحد عقب ماصبرت زوجته على الخرابة اللي ساكنين فيهه مرته وعياله الستة جه الفرج وطلع ليهم بيت إسكان شسوى النذل راح و تزوج عليهه , صدق الله حلل اربع بس ما اظن رب العالمين يرضى بهالظلم

يا هوو

اللي قال دايسة في بطنه
بس مو يعضها جذي

زين خبرتني عشان ما نكمل البيت

هذا إلا قاصر بعد .. أدفع في البيت وبعدين يعرس عليي

زائر 32

كتبي نصف البيت بأسمش اني كان شرطي على زوجي يا ينكتب البيت بأسمي يا نقعد بهالشقه لأن مستحيل اسمح لمرأه ثانيه تاخذ اللي تعبت فيه سنين معاه، يبي يعرس يذلف معاها بس البيت حقي وهو بره وراح اعرس على واحد اصغر منه بعد

لعنه ع اشكاله

الودر..مو ويه عشرة

لاحول الله

كل هالمصايب وتقولون المرأه ترفض التعدد، مهو من فعايلكم السوده

بل

شكلي بكتب البيت باسم ولادي !

قرض الاسكان

زوجي قال لي ندمج رواتبنا عشان نحصل قرض الاسكان ومن هالبلاوي الي اسمعها قلت له يشرط بس البيت ينكتب بأسمي اجوفه نجف من الموضوع!! خلني قاعدة في الشقة وله ادفع في بيت مو ملكي وتسكن فيه وحده غيري

واو

من له حيله فاليحتال

طاح حظه

الحين هذا المأمنتنه على نفسها وحلها وحلالها .. عيني عينك يبوق ذهبها و يعرس به بعد .. مالت عليه من رجال حتى كلمة رجال مايستاهلها طايح الحظ

بل اشباه الرجال

هو ومن ......

عساه ما يتهنى

الحرامي باق دهبها عشان يتزوج عليها
صدق عديم إحساس هذا مو بشر
أهم شي ما تتنازل عن القضية ويظل مفلوت في السجن

زين سوه

زواج مبارك إن شاء الله

بنت عليوي الى زائر 12

اي مبارك والمال حرام عليه لأن مو برضى الزوجه وهو ذهب ملك لها، فكروا قبل لا تكتبون بس تذابحون على مواضيع التعدد وأنتو مب كفوا تعدلون بوحده، هذا هو سرق ذهب المرأه المسكينه وتزوج والبركه حلت عليه بسجنه 6 شهور وفضيحه وهدم بيته وحياته واكيد ةظيفته بسبب شهوته اللي ما قدر يسيطر عليها

رخيص

رخيص هذا الزواج خصوصا في الامارات..... شي عجيب

جرءة

عجبتني الفكرة
اهم شي تكون من رضاها

!!

رضاها ويش يا حظي اما انت بعد :/

هذي أخرتها

رجال ما يملي عينهم شى هههه

المشكله

ان ما يملي عينهم شيء، وبس تفكيرهم بالتعدد هذا اللي يفهمونه فقط

يفكر بالتعدد

بس مايعرف..يعدل..ولا عنده يأكلهم

هذا من المامن

للرجال
بوق عيني عينك ويتزوج بذهبها
الحين بيطلع صوت بيقول هو مشترنهم
طل بعينه مشتريهم

التعاليق كلها تفكر بالسرقة

أنا أفكر شلون قصوا عليه قيمته ألفين وخمس مئة. باعه بسبعمية شكله مو بياع

زائر 115

احتمال هي قالت السعر اللي اشترتهم فيه ولا تنسى ان الصاغه لما يبيعون الذهب يوزنونه هو بالحجارة والؤلؤ وغيره من الفصوص اللي تزيد الوزن ولما تبيع يشيلون الفصوص والخرز ويحسبون بس الذهب فيأثر واجد على سعر الذهب

مصري

واضح ان الأثنين ليس لهما عائلات يحترمون بعضهم البعض وواضح انه يوجد شقاق كبير بين الزوجين وواضح ان الزوج عنده عجز في المروءة والامانة

زائرة

حسبي الله عليه