هاجمت الكلاب الضالة مساء أمس الاثنين (17 أغسطس/ آب 2015) بحرينياً أثناء ممارسته الرياضة بالقرب من مجمع النخيل بمنطقة سار، فعضته في ساقه قبل أن يصرخ عليها وتفر هاربة.
وسرد لـ «الوسط» جار المواطن تفاصيل الحادثة، مفضلا عدم ذكر اسمه فقال: «بينما كنت أمارس رياضة المشي بمنطقة سار قرب مجمع النخيل لاحظت 3 كلاب على طرف الشارع، وأثناء مرور أحد جيراني وهو يمارس رياضة الجري فوجئت بسلوك عدواني من هذه الكلاب ضده».
وواصل (ع، م) حديثه «انقضت فجأة عليه وعضه كلب في ساقه، قبل أن يصرخ عليها وتفر هاربة». وأشار إلى أن جاره، وهو في العقد الرابع من عمره، تأذى كثيرا من العضة؛ ما دفعه للذهاب للمستشفى لتلقي العلاج.
وأوضح المواطن ان في هذه المنطقة «أصبح السكان يخشون الخروج لممارسة الرياضة؛ بسبب كثرة الكلاب وسلوكها العدواني. كما أصبحنا نخشى منها أثناء مرورنا بالسيارات؛ لأنها تخرج بشكل مجموعات وتقطع الشارع في أي لحظة ما قد يسبب وقوع حوادث».
وأردف «لم نعد نأمن على أفراد العائلة والأطفال في حال خروجهم بسبب كثرة الكلاب في المنطقة. وأنا شخصيا لدي كلب أربيه في المنزل وتعودت الخروج للمشي معه، لكن مؤخرا توقفت عن ذلك مرغما، لأن هذه الكلاب قد تهجم على كلبي وعلي أيضاً».
يذكر أن مشكلة الكلاب الضالة أصبحت حديث المواطنين مؤخرا، بعد أن هاجمت العديد من حظائر المواشي والدجاج بمختلف المناطق وقتل عدد منها وجرح الآخر مخلفة خسائر بآلاف الدنانير. وقد عقدت جميع المحافظات في البحرين اجتماعات بين الجهات المسئولة عن هذه الكلاب (مديريات الأمن والمجالس البلدية وشئون البلديات وإدارة الثروة الحيوانية وجمعية البحرين للرفق بالحيوان)، ووضعوا خططا للتعامل معها والحد من خطرها، لكن لم تدخل بعد أي من المحافظات في المرحلة العملية، ما جعل بعض المواطنين يهددون بأنهم سيتعاملون مع هذه الكلاب بطريقتهم الخاصة. إذ أبدوا تخوفهم الشديد من تمادي هذه الكلاب فتتعدى مرحلة الهجوم على حظائر المواشي لمرحلة الهجوم على المواطنين.
العدد 4728 - الإثنين 17 أغسطس 2015م الموافق 03 ذي القعدة 1436هـ
غارف
الامراض و دا ء الكلب اللتى
تنتشر فى الرطوبة !
شمسون الخارق
يمكن اذا عضو (شمسون) يستوي حل ويتحركون
شمسون الخارق
يمكن اذا عضو (شمسون) يستوي حل ويتحركون
خوش
هذة الكلااب منتشره بكثره فى قرى مدينه المحرق ايضا وبتكاثر فى كله سنه
سؤال مطلوب عليه الاجابه من رجل دين سيده مب عوي
اذا انا كنت متضارب جدا من هالكلاب الشريره اعزكم الله وفكرت بقتلها ، اي وضع سم في غذاء واطعمهم اياه ومن بعدها ارتاح منهم زمن بلاويهم ، هل يجوز هذا العمل ام لا؟
من يومين
انا كلمت الجمعيه عن كلب وفالوا لي جيبيه ودفعي فلوس حق اكله .....ههههه
والله تعجيت من ردهم
الحادث عرضي.
لم تحصل هجمات سابقه كهذه لكي ينزل قانون الطوارئ او اياً كان .قضية جمع الكلاب تحتاج اولاً لموازنه وتخطيط جمعية حقوق الحيوان لم تهمل هذه القضيه انما قريباً سيتم البدأ بأصطياد الكلاب ولو على نحو بطيئ حتى تنزل الموازنه للبلديه للتخلص منها كُلياً .
انا لله وانا اليه راجعون
الحين بيطلعون لينا مال هيئة الرفق بالحيوان وبيقولون ما يجوز قتل الكلاب ولابد من توفير مسكن ومكان آمن لهم , انزين والمواطن الفقير وين يروح ؟؟؟
وجمعية حقوق الانسان مابتتحرك على الموضوع يعني ؟؟
انا بدوري استنكر واشجب الي قاعد يصير
ولو كان مكان هذا الرجل ثمة طفل لكان قد قضى نحبه
واخيرا وليس اخرا
بان كي مون يعرب عن قلقه حيال تلك الكلاب الضاله
وين شسمهم ؟؟
وين الا يسمونهم جمعية الحيوان مادري شنوو .. خله يشيلونهم يسوون لهم مكان .
stsfoonst
غضو النظر شوية يا مواطنين يمكن المطاعم تأكلنا هذة الكلاب الضالة ونفتك منهم ( ناكلهم قبل ما ياكلونا ) واللحم سعره كما تعرفون أوووف
بيكون علينا حلال وليس حرام كما يريد اي معتدي
سامحوني باقول كلمة يمكن اتزعلكم
ألحين بالله عليكم جلب يؤذيني ويعضني ويمكن ايسوي لي بعد مشاكل اكبر، أنتظر أحد يجي يباعده عني؟ او يحاكمه، او انتظر الرفق بالحيوان ياخذ حقي منه؟ اسمحوا لي باقول الى بعضكم بس كلمة بس لا تزعلون: أقول راحت رجال ترقع الدروازة - ونطروا لين ما يصير مثل ما صار في أمريكا مادري في وين اللي خلو السنور رئيس شركة، واللي بعد من أيام يطالبون بحقوق الى السبلان وبعدين بتشوفون لجلاب ينافسونكم على بيوت الإسكان بس الله الله فيهم دلعوهم ولا تضربونهم.
ترا زايدين الجلاب الضاله
ياريت تسون لنا حل تقبضون على هالجلاب الضاله . مره هجم علي جلب الي يبوق الجواتي بمنطقة قلعه البحرين وكان معاي اطفال قمنا نصارخ والشباب ماقصروا ابعدوه عنا
زادت الكلاب الضالة
الكلاب الضالة في تزايد و تأذي الناس
ليش ما الجمعية تلمهم عندها ترفق بهم
اللحم هو السبب
الكلاب من زمان في ناس تتقصد يوجهونهم نحو مناطق الحظائر للمضرة واليوم انكشف امرهم الكلاب شتسوي فكرت مافي خرفان واللحم بيصير غالي يالله هجوم على المواطن شلون عيل الحكومة احسن منه
قلت الاخبار
بالله عليكم تسوون من السالفة خبر ..
اي ليش ما يسوونه خبر
الي يده في الماي غير عن الي يده في النار
بن عاقول
احسن حل عليكم تذبحون الكلاب وتبيعونها
الله يستر عليه
حاسب ياللي عضك الكلب لاتجيك الرفق بالخيوان يتهمونك بالتحرش فيه
جمعيات الهرار
اهم شي لا تضربون الحيوانات واللي انعض انسان .. اشوف في البلد الرفق بالحيوان افضل من الانسان .. اصلا الجمعيات مسخره الرفق بالحيوان و الشجره ووو غيرها .. اصلا كل هالجمعيات حق البيزات باجر بجمع لي جم شخص وبسوي جمعيه
في السابق
كانوا الشرطة بين فترة و فترة يسوون حملة ( بالشوزن على الكلاب الضالة ) هذا الحجي من سنين يوم كان الشوزن خاص للطيور والحيوانات ، الحين يبين صار غالي واستخدامه تغير ، فما عاد يستخدم للقضاء على الكلاب الضالة . نقعد من الصبح الا الزراعة اللي على باب البيت معفوسة والنباتات مكسرة ( الكلاب ) ما يصرفهم يتبردون على الزرع يحفرون حفر ويربون كل شي ، ( صارت ظاهرة في البلد الحالة التي ذكرت في المحافظة الشمالية وانا اتكلم عن الوسطى الجنوبية حاليا واعتقد كل المحافظات تعاني من الكلاب الضالة .
الحكومة ما تسوي انتون سوو حل
الكل يصرخ من هالكلاب الضالة اجل الله الجميع والؤسسات المسؤولة عن هالكلاب ما تحرك ساكن ولا حياة لمن تنادي
وإذا تحرك الأهالي لحل المشكلة الكل متيقن بتجودونهم وتحقيق ومرمطه وحالة
((لاترحمون ولا تخلون رحمة الله تنزل))
زائر 5 ..حلوة ..تقصد فيه اوادم كلاب اخطر من الكلاب
خل نتفشش من الاوادم الشلاب اول علشان ندور للحيوانات
ولد الرفاع
عطوهم أكل الجوع كافر مايرحم
البلادي
شرايك تسلفني راسك اسويه باچه ليهم
ههههههههههه
ولد الرفاع المفروض الوسط يعطونك هدية احسن متابع في كل المواضيع راز الفيس طال عمرك وشكلك وايد تحب الوسط ههههههههههه وان شاء الله كلامي مفهوم ما يحتاج ترجمه
فشل يتلو فشل
بعد لعبة الشطرنج و قذف المسؤوليه من مؤسسه لاخرى بدت لعبة توفير الميزانيه لتأمين الاقفاص ودفع رسوم التأجير ينتظرون احد يموت يمكن يوصلون لنتيجه ونرى حتى المؤسسه المعنيه بحقوق الحيوان تتحمل جزء نتيجة رفضها لفكرة التخلص منها عن طريق افراد او مؤوسسات وللمعلوميه محاولة اصطيادها راح تحتاج فترات طويله جدا بالذات مع قلت الاقفاص والميزانيه
فعلا بس هاده الي كان ناقصنه
خل نتفشش من الاوادم الشلاب اول علشان ندور للحيوانات
يالله صباح خير
حتى الكلاب امنت العقاب فساءت الأدب
نمرة واحد
عجبني التعليق
لكن ما نقول
عساها تعض واحد من الهوامير تالي بيصير حل
ماذا نقول
لا حياة لمن تنادي
الحكومه و الحكومه
و انتوا تبون الحكومه تدخل في كل شي، الي لها دخل فيه و الي مالها دخل فيه! ما تبون بعد تغني لكم قبل النوم ! انا اقول كل واحد يصير رجال و يتصرف مع هالكلاب الي يهاجمونه و يتخلص منهم!
زائر 16الرد عليك هو
هل تعلم ماهي واجبات الحكومه توفير الامن والامان .
تدري المواطنين مو ردود يقدرون يحلون المشكله ويقضون على الكلاب الضاله ولكن جمعية الرفق بالحيوان ستكون بجانب الكلاب