نايمين؟ اموات؟

ليش اللعب بحقوق الموظفين
وين الرقابة

شغله صغيره

شغله صغيره تحتاج كل هالوقت؟

يا تسكنونهم يا تتركون المعهد للي اجدر منكم بادارته

لتحري الدقه

من متى الموضوع عند الديوان؟
ممكن تتجرأ الوزارة و تتكلم بالتواريخ؟
علشان نعرف الخلل و التأخير عند من بالضبط
منقول من معهد البحرين للتدريب

من فني صيانه الى فني بيانات

ويش العلاقه
وين دور الخبره
وين النكته في عبقرية النقل
؟

جواب يا وزارة التربيه، جواب مقنع من طرفكم اذا امكن غير عن الاسطوانه المشروخه اللي تعيدون فيها من اربع سنين

و ديوان الخدمة المدنيه طبعا ما يدري فقيروه

ماكو علاقة

التعسف هو الرابط العجيب الذي تبحث عنه

حتى موظفي الامن بالمعهد

ما لكم حق تنقلونهم و تغيرون مسمياتهم

و هو بقى ليكم حقوق

منقولي المعهد = ضحايا الحرب الطائفية بوزارة التربية

المعهد ما كان تابع للديوان

كان الاجدر بان تلحقه بالديوان
و بعدها تنقل الموظفين
لكن الوزارة تعرف ان هذا راح يحد من امكانية اللعب برواتب و وظائف المنقولين
المسألة تواطؤ واضح للأعمى

نقل على الهوى

عندما يتم مطالبة وزارة التربية والتعليم بتوظيف الخريجين الجامعيين تتذرع بأن تخصصاتهم ودراستهم الجامعية لا تتناسب مع الوظائف المطلوبة.
وعندما تم نقلنا إلى وظائف لا تتناسب مع تخصصاتنا أفادت الوزارة بأن النقل تم تبعاً لاحتياجات الوزارة.
كيف يتم إدارة وزارة حكومية بهذه الطريقة. أين التخطيط الإداري!!
موظفوا في الصيانة لا يستخدمون الكمبيوتر ينقلون إلى وظيفة فني معلومات أو فني إدخال بيانات
وخريج المحاسبة يُنقل إلى وظيفة فني حاسب آلي لإصلاح الحواسيب

نقل على الهويه لا الهوى

تبغي تصدقني
شوف الاقسام اللي انلغت .... و للحين فيها موظفين

شنو نوعية هوياتهم

هذي تصفية حسابات على الهوية

دمروا المعهد دمار

للاسف وزارة التربية والتعليم من الوزارات التي تقتل المهارات والموارد لدى الموظف

شكرا لكم

شكرا لجريدة الوسط وللكاتبة زينب على طرح الموضوع. ونتمنى ان يجد المقال اذن صاغية له وليس كما اعتدنا.

الوزارة و الديوان عاجبنهم الوضع

و لا بيغيرون فيه شي
اسمع جعجعه و لا ارى طحينا

دراسته حالياً من قبل ديوان الخدمة المدنية

و ما درسوا مسألة النقل للموظفين من دون علمهم؟

تدقيق لو تحقيق

سنتين علشان تدقيق بيانات؟
معقوله ؟
ودي اصدق بس قويه

Bti

وما زال موضوع التسكين عالق. وما زالت جميع حقوقكم عالقة يا موظفي المعهد. والرد بكل برود من قبل الجهات المعنية وبعد مرور 4 سنوات: - العمل جاري على عملية تسكين الموظفين-. فإلي متى؟؟؟!!!

دليل ملموس

خل الوزارة تنشر في الاعلام دليل واحد صحيح ملموس على انها تعمل على بيانات المعهد علشان نصدقها،، أصلاً خل واحد من الاعلاميين يروح ياخذ نظرة بس علشان يعرف وين مكدسين ملفات موظفي المعهد وبيعرف صدق ان الوزارة تعمل،،وبجد،،على ادخال بيانات موظفي المعهد،،أني من اللي تواصلوا مؤخراً مع الديوان وأؤكد ليكم لا خبر جاء ولا وحي نزل

الحكومة تبارك هذا التخبط وخلط الاوراق

هذا التخبط تعمد من الحكومة في اطلاق فئة معينة يدها في الوزارة لكي تخلط الخابل بالنابل وتغرق الجميع في دوامة ايجاد الحلول وشغل الكل بالكل بالتجنيس بكل حاجة وهلق مناخ صراع لا يثمر عن اية حلول .

استقواء وفرعنة

عندما نذهب للمعهد يتم مرافقتنا من قبل رجلي أمن يمعنونا حتى من السلام على الموظفين، هل صدرت بحقنا شبه جنائية أو أننا مجرمين.
وعندما نريد أن نأخذ قرض نضطر إلى الذهاب إلى المعهد لطباعة كشف الراتب ثم نذهب للوزارة لختمه وهناك يتم التحقيق في سبب طلب القرض وربما يتم الموافقة أو لا.

ما ليهم حق - السالفه جمبزه

وقت اللي يصير القرض من حسابهم الخاص يصير خير
هذي بدعه لأول مره اسمعها بحياتي
اذا القرض شخصي من البنك ما لهم دخل
و حتى اذا كان من التقاعد بعد ما لهم دخل
بالنهايه الموظف هو اللي بيدفع القرض

اربع سنين و حقوقنا مسلوبه

لا زيادات
لا حوافز
لا مكافئات
لا تدريب
لا ترقيات
منقولي معهد البحرين للتدريب

رد على الزيادات

الزيادات
والحوافز
والمكافئات والتدريب والترقيات مو اليكم ماتفهمون
هذه كلها اليهم يعطونهم زيادات وحوافز ومكافئات وتدريب وترقيات وهم جالسين على الكراسى مثل ....
انتون ماتشتغلون هم اليه يشتغلون

هذا جدول و تسكين لو اختراع

اعتقد ان الوزارة قاعده تعيد اكتشاف الذره
او انها تخترع نوع جديد من انواع الطاقة المستدامه كبديل عن النفط

الرابط العجيب

ما هو الرابط العجيب بين تأخير الوزارة لجميع حقوق موظفي المعهد و مقولة ان الموضوع عند ديوان الخدمة المدنيه؟

سهل جدا سؤالك

الرابط هو تعمد الاضرار بالموظفين نتيجة المصالح المشتركة....

يعني انتوا عفسوا و احنا راح يكون عندنا ضعف نظر عن فعايلكم

4 سنوات ونفس الرد من الوزارة

نفس الرد من الوزارة على كل موضوع وتساؤل بخصوص جداول التسكين منذ 4 سنوات للحين.
هالقد امر بيانات المعهد معقدة؟؟
اوكلوا المهمة إلى موظفي المعهد الأصليين وشوفوا النتيجة.
ما بنشوف التسكين وحقوقنا الا في المشمش،، لا خيرة الله لا في الديوان ولا الوزاوة

اصبت كبد الحقيقه

لا خيرة الله لا في الاول و لا التالي
الحقوق مسلوبه بالاتفاق الضمني بين الطرفين على ما يبدوا

شكرا جريدة الوسط

شكرا على طرح موضوع معهد البحرين للتدريب ذلك الصرح الذي كان شامخا بإدارته وكوادره الادارية والتعليمية وكان مفخرة التعليم ومخرجاته طلبة اكفاء تتسابق في توظيفهم كبرى الشركات
واليوم حاله اصبح كحال اي مدرسة ثانوية لا شي مميز فيه بعد ان تم تفكيكه ونقل معظم موظفيه ...
شكرا يا وسط لانكم دائما ناصرين للمظلومين وظاهرين للحق
وبإذن الله حقوقنا سترجع ومعهدنا سيرجع لنبنيه من جديد

كاااان شامخا

و غدا ركااااما

وضع مبهم

كل موظف عندما يوقع أي عقد توظيف يقرأ العقد الذي حقوقه وواجباته إلا أننا في موظفين المعهد متوزعين بين موظفين لازالوا بالمعهد وموظفين منقولين إلى مدارس ابتدائية وآخرين إعدادية وثانوية.
لا يتم صرف علاوة تمديد الدوام أسوة بموظفي الوزارة
ولا يتم إعطائنا تدريب أو حوافز من المعهد
ولا يمكننا حتى الحصول على نسخ من كشف رواتبنا
أي قانون نتبع قانون الغاب

ما هو مبهم وضعكم

انتوا دخلتوا الثقب الاسود لوزارة التربية و التعليم

وزارة التخلف

اربع سنوات وما زالت وزارة التربية تدعي أنها تحاول تسكين الموظفين على جداول ديوان الخدمة ... اربع سنوات تكفي لصناعة مكوك يجوب الفضاء... و وزارة " الكفاءة " لم تنتهي من جدول صغير ... يا للهول

التسكين

الكل يتكلم عن التسكين صار له 4 سنوات. يا اخواني بعد 25 سنة بصير لكم تسكين ويه وحدة سكنية من الاسكان. شر البية ما يضحك.

و يمكن القبر اقرب

للحين ما نسينا مقولة ارض لكل مواطن
و هذي وزارة التربية و التعليم قايمة بالواجب
الغرض تطفيش الموظف لا الحفاظ على حقوقه و مكتسباته
التأمين الصحي و طيرتوه
الزيادات و الترقيات و حرمتونا منها
التدريب و الدراسه و منعتوها عنا
شاللي بقى يا وزارة المحسوبية

الوزارة مسيطر عليها فئة او مكون واحد

الفئة المهيمنة على الوزارة تحرك وتجير قوانين ونظم وفقا لرغباتها وليس عندها اي خطط . فقط خطة واحدة شغالة وهي الفرز الطائفي . ولن تعتزم الوزارة اصلاح اي شيئ.

تسكين ياخذ اكثر من 4 سنوات؟

ليش؟ عسى ما شر؟ التسكين ياخذ 4 سنوات؟ المرسوم صدر في ابريل 2011 بضم معهد البحرين للتدريب لوزارة التربية والتعليم. قول اخذو سنة يشوفون الوضع ويحاولون يقالبون الموضوع حتى يعرفون اشلون بسوون التسكين. قول صادتهم عقبات واخذو سنة ثانية. ما تكفي ثلاث سنوات لاستكمال العمل بين الديوان والوزارة؟ مو معقولة خصوصاً انهم يعرفون ان كل المزايا الوظيفية موقوفة بانتظار التسكين. لا الزيادة العامة لموظفي الحكومة، ولا زيادات سنوية وحوافز، ولا تأمين صحي ولا اي شي. حياة الموظفين معلقة!

القلم السري

بياناتكم يا موظفين المعهد مكتوبة بالحبر السري لتسكين والتعديل

كفاكم خداعا

مدارسكم تحوي نفس الاقسام الملغاه بمسميات مغايره
يعني ادارتكم الرئيسية ما تسوي كل شي من حسابات و مشتريات و موارد بشرية و صيانة
نظرة سريعه على اللجان المدرسيه تؤكد هالشي
ليش المعهد اللي أكبر بمقدار الضعف على الاقل من اكبرها مدرسه عندكم وضعه مختلف و ما يحتاج اقسام ادارية
من زود الشغل اللي تسويه اقسامكم بمكاتبها الرئيسية مثلا؟

من زود فضاوتها الوزارة

عندهم مسمى وظيفي مشغل آلة نسخ
شغلته ينسخ الاوراق بس

عطونا دليلكم يا وزارة

اذا النقل تم لسبب غير طائفي عطونا الدليل
كل المعطيات واضحة لتهميش فئة

عطونا دليلكم يا وزارة

اذا النقل تم لسبب غير طائفي عطونا الدليل
كل المعطيات واضحة لتهميش فئة

حتى اللي نقلوهم من طائفه واحده فقط

يعني بعض الاقسام تحوي موظفين من الطائفتين
اكتفوا بنقل احدهم دون الآخر
و هذي بكل سهوله يمكن توثيقها

يا اخي الوزارة تتعمد الاضرار بالمنقولين

مثال بسيط نوعية العمل المنقول اليه الموظف اقل شئنا و لا يعادل سابقه بالمعهد
بيقولون هذي الشواغر؟
موقع العمل شنو وضعه في هالحاله؟
ليش تعمدت الوزارة اختيار ابعد مدرسة ممكنه مقارنة بمكان سكن الموظف لنقله اليها؟
ملفات الموظفين و عندهم= يعرفون الموظف وين ساكن
من كل هالمدارس اللي تحت ايدكم يعني ما لقيتوا الا ابعدها للموظفين المنقولين؟
موظفي معهد البحرين للتدريب

شلون لا يوجد تقليص

و تقولون اقسامهم تم الغائها
قبل لا يطلع الهيكل اللي الديوان ينظر في امره للحين
غريب عجيب امركم
اسمع كلامك ودي اصدقك
اشوف افعالك استهجن و يمقن استجن
لان العاقل ما يصدقها من تناقضاتها

لا قانون ولا رقابة

نقل موظفي المعهد الى مدارس ينافي القانون خصوصا ان المعهد لا يتبع ديوان الخدمة المدنية، وموضوع التسكين سيكمل عامه الرابع ولم يتم الاتفاق عليه بين الوزارة والديوان والجدير بالذكر ان جميع معاملات موظفي المعهد اصبحت شبه موقوفة بسبب عدم وجود آلية متفق عليها بين المعهد والوزارة
وان وجدت لا تنجز الا بعد شهور من الطلب!

لا حسيب و لا رقيب

خلها على الله يا اخي

اجراء تعسفي

تم نقلنا الى وزارة التربية في وضع مبهم. في كافة الوزارات والهيئات في العالم تتم دراسة قبل دمج هيئات او نقل ادارات ولكن في وزارة التربية والتعليم يتم نقل ادارة المعهد وتغيير هيكليته ونقل الموظفين الى وظائف عشوائية لا تتناسب مع دراساتهم والى الآن بعد مضي 4 سنوات يتم دراسة الموضوع

كشف راتبي الخفي

صار لي قرابة الثلاث سنوات ما شفته
لانه مربوط بشبكة الانترنت الداخليه
هذا نتاج عبقرية ادارة وزارة التربية و التعليم و تخبطها بالنقل التعسفي لموظفي معهد البحرين للتدريب

الله يساعدكم على ما ابتلاكم به

هالوزارة عايشه عالمها الخاص بقوانينها الخاصة
تغرد خارج السرب

خاطري اشوف مخرجات التدريب

و اقارنها بمخرجات الادارة السابقه

علاوة تحسين المعيشه والزيادة

لماذا تم صرف علاوة تحسين المعيشة بعد 17 شهر من إقراره، وبدون أثر رجعي في يناير 2013 والقرار صدر في 2011/08، وإلى الأن لم تصرف الزيادة ال 15% ولماذا لا يتم صرف stip السنوي عند الوصول الى stip 15
والمفروض أن يحصل الموظف على درجة تلقائيا لماذا؟ هل تستطيع الوزارة أن ترد.

لان الوزارة ما تخضع لقانون

لا تستغرب من افعالها

اذا حصلت درجه تلقائيه

معناها انك انتقلت للمستوى التالي في جدول الرواتب
و تصعب مهمه اختراع الوزارة لجدول او مكان بجداولها بالاصح يناسب راتبك

جداول رواتب الوزارة هي السبب

بعض المنقولين من القيادات العليا بالمعهد لا يمكن مطابقة رواتبهم على الجداول الاعتياديه للوزاره
و الوزاره ما تبي تخليهم على التنفيذيه
غرض الوزارة سلب الحقوق
لا اعطاء الفوائد

شلون هالخربطه مرت على الديوان

بالله عليكم الحين انا موظف منقول
لا سمح الله صادني حادث و انا رايح الدوام او اصابة عمل في الدوام
عندكم فكرة لاي درجة بيكون موقفكم بايخ ويا التأمينات او صندوق التقاعد؟
انلغت الاقسام ، ما انلغى المعهد
عقودنا الوظيفية مع المعهد
شي طبيعي ان رواتبنا ما تكون مطابقة لجداولكم
و ثانيا: محسود الفقير على موتة الجمعه يعني؟ ما تشوفون دوامنا مقارنة بدوامكم؟
موظف منقول

تعمد الاقصاء لغاية

اذا تمت المعاملات الماليه للمعهد من حسابات و مشتريات
و المعاملات الادارية من موارد بشرية و توظيف و تدريب
ضمنت الوزارة لنفسها المحسوبيات
لا من شاف و لا من درى
هذا السبب الاساسي في اقصاء الادارة بالكوادر

لاحول الله

والله اني كنت طالبه 2007 وشفت عجب العجاب بهالمعهد كله واسطات ومحسوبيه ويشغلون اهاليهم وزوجاتهم ..زين سوا فيكم

اكذب اكذب حتى يصدقونك

الواقع عكس تصريحاتهم تماما. الشخص الموكل ليه ادارة المعهد يكتفي بلبس البشت علشان يطلع في الاعلام ويقفل بابه في وجه الموظفين ويتفرغ كل يوم لفتح غرفة الاجتماع لتناول وجبة الفطور مع سكرتيراته لساعات

سكرتيراته!! ليش كم سكرتيره

مسوي ليه فريق كرك سله مثلا هالمدير؟

الإعلان عن تاريخ التسكين

لا يجرأ أي مسؤول في الوزارة عن إعلان تاريخ التسكين وذلك منذ 4 سنوات من البهرجة الإعلامية التي لحقت نقلنا من تبعية وزارة العمل إلى وزارة التربية والتعليم سواء أكان هذا المسؤول في المعهد أو الوزارة. لماذا؟ لست أدري.

اكذب اكذب حتى يصدقونك

الوزاره تستخدم سياسة اكذب اكذب حتى يصدقونك لان الواقع عكس تصريحاتهم تماما. الشخص الموكل ليه ادارة المعهد يكتفي بلبس البشت علشان يطلع في الاعلام ويقفل بابه في وجه الموظفين ويتفرغ كل يوم لفتح غرفة الاجتماع لتناول وجبة الفطور مع سكرتيراته لساعات

شواغر متوفره!! افندم يا وزارة

تبغون تقنعون من بالضبط ان وزارتكم على مدى ثلاث سنوات من النقل ما توفرت فيها وظائف تتناسب و مؤهلات و خبرات المنقولين؟
عذر باااااااااااايخ جدا

فلتكشف الوزارة عن سجلات توظيفها

بالسنوات الاربع الماضيه
عندها ستتضح الحقيقه

السجلات تنضح بالمحسوبية

ماذا تترجى من وزارة كهذه؟

طبعا من حق الموظف انه يعرف

يعرف موقعه على هاليكل او السيكل ايا كانت التسمية اللي تفضلها الوزارة
هذا قبل التسكين

نكتة التسكين

و لا بعد اربع قرون تنتهي الوزارة من تسكين موظفي المعهد على ديوان الخدمة

حقوقنا المسلوبة - ارجعوها

الزيادة
علاوة تحسين المعيشة
التأمين الصحي
مكافئة تمديد الدوام
التدريب
الحوافز السنوية
حوافز الاداء الوظيفي

وزارة ام الدنيا

تفهم / ما تفهم مشكلتك

عامان على الاقرار

و اربعة اعوام على تحويل المعهد لوزارة التربية
يعني الوزارة مو توها اليوم تدري عن الغاء القيادات العليا و الاقسام الاداريه و هالديباجه اللي تتكرر بتكرار اخبار فشل الوزارة بتحقيق نتائج ملموسه في تسكين الموظفين

قرابة الثلاثة اعوام مضت

اين موقع التقييم السنوي لوظيفه مؤقته لا تتناسب و مؤهلات الموظف من الجدوى؟
نتيجة التقييمات الوظيفية لجميع المنقولين هي تحصيل حاصل
او صفر على الشمال
او لا تودي و لا تجيب
او ما منها فايده
تغيرت المسميات و النتيجة واحدة

ما عليكم من بياناتهم

عليكم من مواقعهم في المعهد و توفير ما يعادلها او يفوقها من جميع النواحي
راتب
مربوط راتب
حافز سنوي
صلاحيات ادارية
هذا اذا ما كان الموظف بانتظار تعديل وضعه بهيكلة وزارة العمل آنذاك
الهيكل ترى مو من اختراعكم يا وزارة التربية

اذا الاقسام انلغت

ليش؟
ماكو مثلها بمكاتب الوزارة علشان تعتبرون المنقولين "رقعه" لسد النقص بوظايفكم الادارية الدنيا بالمدارس؟

وين حقوقنا يا وزارة، وينك عنها يا ديوان

وين مكافئة تمديد الدوام يا وزارة التربية و التعليم ؟

و ليش مستعجلين يا وزارة التربية

انا اقول انتظروهم بعد يطلعون تقاعد و بعدين سكنوهم احسن
منقول من معهد البحرين للتدريب

ينتظرونكم تتحللون

او تتخللون
ايهما يأتي لاحقا

تصريحات لتجنب المسائله

لا اقول المحاسبه
فهي غير موجوده كما يبدو
بل التصريحات للاستهلاك الاعلامي فقط كما يبدوا مع اقتراب نهاية السنه و تقرير آخر غير ذي جدوى لديوان الرقابة المالية و الادارية

تصريح الوزارة مضحك

لف و دوران يراوح مكانه و ديوان الخدمة المدنية في خبر كان
العام الماضي كانت ملاحظات ديوان الرقابة المالية على مخالفات الوزارة بحق موظفي المعهد
هذا العام يفترض انها تكون بحق الوزارة و ديوان الخدمة اللي كما يبدوا انه ما يعرف القوانين اللي المفروض وزارات الدولة تتبعها و يحاسبها على الاخلال بها

تقرير ديوان الرقابة المالية اختصرها

نقلهم مخالف للقانون
لم يوفر لهم تدريب
لم تستوفى لاغلبهم تقييمات سنوية
ناهيكم عن صرف الحوافز المرتبطه بالتقييمات

نقل عشوائي

اين سياسة وضع الشخص المناسب في المكان المناسب. في اي دولة يتم نقل المحاسب الى فني كمبيوتر.

اللي كان المفروض يصير من زمان

كان الاجدر مع عجز هذه الوزارة عن ادارة المعهد او حتى تسكين موظفيه ان يتم ارجاعه لوزارة العمل
افضل و اوفر باعتبار ان الادارة السابقة للمعهد نجحت بادارته بنصف الميزانية السنوية الحالية
المضحك ان المصاريف التشغيلية للمعهد زادت و الارباح قلت و المخرجات اندمرت مع الادارة الحالية
و الكل في خبر كان
بما فيهم نواب اللحم

النقل ما هو عشوائي يا زائر 31

النقل الغرض منه الاضرار بالموظف المنقول
شوف هذا المحاسب اللي تكلمت عنه وين ساكن
و شوف وين المدرسه اللي ناقلينه فيها
بتلاقي باقي الموظفين مثل الحال
هذي اما انها صدقه غريبه عجيبه
او انها تخطيط من الوزارة نفسها

اي برامج تدريب داخلية

اتركوا عنكم الخرابيط ....

الله يرحم ايام المعهد

ادارة وزارة التربية ما خلت و لا بقت في المعهد
دمرته شر تدمير
و بعدها يمكن يرجعونه لوزارة العمل بعد تنفيذ مخطط التدمير