محمد الجودر «أنا أرفع عقالي للمواطن (قام برفع عقاله) الذي وقف وقفة شجاعة، لأن مجلس النواب فشل فشلا ذريعا في أخذ مكتسب من الحكومة، لذلك أنا أؤيد الحمادي الذي قال لا تفتحوا لكم أبواباً أمام المواطنين، الوضع في البحرين لا يسمح يا جماعة، ثم تأتون لتقولوا لنا «رجعوا لنا السلامة والأمن»، كيف تريدون أن نتدخل وأنتم تمسون المواطن في أكله، ابحثوا عن دولة عربية تزيد على المواطن، الحكومة وضعت نفسها في حرج. أقول للمواطن: اصبر نحن فشلنا في أن نحصل على حقك، يجب أن يقف كل النواب يدا واحدة».
وأضاف الجودر «السماكون أفضل منا ومن الحكومة، الذين رفعوا قيمة الهامور من دينار إلى 8 دنانير ونحن نضحك، الحكومة بمستشاريها ووزرائها فشلت في جذب المواطن، وهذا يضعنا في خطر، «بسكم» يا حكومة، المواطنون يتحدثون بحرقة في المجالس، وما يحدث هو كسر عظم بين المواطن والحكومة، أنا أبصم أن المواطن سيفوز و»اللحم راح يخيس»، ولا تعطوا المواطن «الأذن الصمخة» لأنه سيفوز في النهاية».
العدد 4799 - الثلثاء 27 أكتوبر 2015م الموافق 13 محرم 1437هـ
بسك حركات
هذي الحركات مو عليتا بس شو والنواب هم المشاكل
ههههه
والله فشلتونا ياشعب البحرين بايديكم واتحادكم نحقق مانريد
مانشتري الهامور لان مانقدر نشتريه
وأضاف الجودر «السماكون أفضل منا ومن الحكومة، الذين رفعوا قيمة الهامور من دينار إلى 8 دنانير ونحن نضحك، الحكومة بمستشاريها ووزرائها فشلت في جذب المواطن،
عندي خطه افضل تطلعون فيها خسائر الحكومه
الاجانب اكثر من البحرينين وراتبهم ومناصبهم اعلى .. ليش ما تزيدون ضرايب اقاماتهم ومستشفياتهم تدريب سياقتهم وتراياتهم اتوقع انه تطلعون كنوز .. ادا الاجنبي ياخد راح مثل المواطن وافضل محد بخيس غير الحكومه بدل ما تحط راسه ويا المواطن ترا المواطن الحين مو مواطن زمن كان ... المواطن صار اذكى .. ما اعتقد المواطن يحتاج الى مجلس النواب حق يحقق مطالبه
فكره
لو الحكومه تريد تقليل النفقات تعمل استفتاء شعبي على حل مجلس النواب
والوضع الحالي للمجلس ونوابه أتوقع ان تكون نسبه الموافقه على الغاء المجلس 95% فما فوق
وبالتالي توفر الحكومه رواتبهم ومصاريف الانتخابات كل 4سنوات ومطالبهم لانفسهم التي لا تنتهي
انجازات
السادة الافاضل النواب...... ممكن من فضلكم كتابة أهم انجازاتكم لصالح الشعب اللي المفروض انكم معينين لتمثيله ...................
كل انجازاتكم هي لصالح مجلس النواب
اتقوا الله فينا
كلكم محاسبون امام الله
السلام عليك ياأبا الحسنيين
اذا غلى اللحم ارخصوه
يعنى بالمثل الدارج خله يخيس
وسنرى نتيجته في الايام القادمة
اه ياقلبي
شبهت اللحم بالعاطلين..المواطن يقول خل اللحم يخيس و الحكومة تقول خل العاطل يخيس اخ يالقهر انا واللحمه بالهوا سوا
واخيرا نطقتوا
بعد ما جئت لكم حسيتوا بنار المواطن
اقول
حاسب لا تطيح الغترة
البلادي
خلاص يا جماعة مدام ارتفع العقال اموركم طيبة و كل شي تتمنونه بصير... الشعب من زمان حاط عينه على العقال متى يرتفع
#رفعة_العقال
هنا البحرين
الشعب و المواطن قادر على مالم يقدر عليه النواب. كل اللي شفناه منكم تصريحات و استنكارات, كلام بدون فعل.
ان شاء الله المواطن راح يكسب الرهان بالاعتماد على نفسه و ثباته, وحزتها يالنواب نقول لكم شنو انجازاتكم؟؟؟
الحمد لله اعتراف صريح بان المواطن البحريني مظلوم ومغصوب حقه
الوضع في البحرين لا يسمح يا جماعة، ثم تأتون لتقولوا لنا «رجعوا لنا السلامة والأمن»، كيف تريدون أن نتدخل وأنتم تمسون المواطن في أكله، ابحثوا عن دولة عربية تزيد على المواطن، الحكومة وضعت نفسها في حرج.
شنسوي في العقال؟
رواتبكم و العلاوات تكلف الدولة الكثير
و المواطن مجبور يقاطع اللحم لان تعرفون زين انه ما عنده يشتري
رفع العقال بس ؟؟؟
وااايد عليك العقال وبعدين ؟؟؟ جان تبرعت فيه أو احد اشتراه منك ب 15 الف دينار بعد وتبرعت فيها لنا ، آل رفع العقال ، زادت علاوة اللحم وسعر النفط ارتفع يوم رفعت العقال ؟؟ .
هذا الي فالحين فيه
حق معاشاتكم التقاعدية وتامينكم ومزاياكم تقدرون تسوون أما للفقارة رافع لي عقالك انا ماجفت مجلس نواب أناني نفسكم تركبون على ظهور الشعب لكن أتمنى يجي عليكم الدور
يا نواب ......في البرلمان و المواطن ما بيحصل من وراكم شي
بسكم حچي يا نواب و أستقيلو قبل لا .....لان حچيكم كله خرطي
والله قهر
ماجوف يوم رشحت روحك قلت ما اقدر اسوي شي إلا أنت وربعك عطيتونا الشمس في ايد والقمر في ايد لكن والله اذا الله احياني وعشت للمجلس الجاي لو المووت ما ارشح أي واحد وخل عقالك حقك مانبي
كلك حركات يا الجودر ههههه
أقول يالجودر انتوا من زمان ........مو توكم ها. وثانياً اللحم مو راح يخيس بل خااااس من زماااان يعني فعل ماضي وإلا ما كان سمعنا صراخكم وهراركم إلا لما خاس مو دفاعا عن المواطن لا بل دفاعا عن التجاااااار.
مو انتوا اللي وافقتوا على رفع الدعم وتعويض المواطن بهالمبلغ التافه والناس كشفتكم على حقيقتكم ما تقدرون تقولون لا للحكومة.
بنت الدير
لوترفعون ثيابكم
خلاص الشعب بحزمه امره لانكم ما منكم فايدة مجالس على الفاضي خذلتون الشعب بأكمله
من انتم
من انتم ؟ خفوا علينا بس
فقط؟؟؟
الاستقالة من هذا البرلمان المعاق هو الشيء الصحيح في هذه الظروف وليس رفع العقال للمواطن.. لأن المواطن هو من انتخبك وينتظر منك شيء يا سعادة النائب
خل عقالك لك
لو ترفع ثيابك كلها مو بس عقالك
مامنكم فايدة، وجودكم بروحه عبئ على ميزانية الدولة وعلى قلوبنا
استحوا على وجوهكم وقدموا استقالاتكم، انتون بكبركم المفروض من باب الحياء كنتوا تقاطعوا الانتخابات وماترشحون روحكم، ما أقول الا مالها الا رجالها
وين الوفاق بس، انتو نواب حظيرة دجاج ماتصلحون، قال أيش رفع عقاله ... مشكل هزيت مشاعري
كلهم سيم سيم
عطني قائمة بانجازات نواب الوفاق...ايوه....ال 1 % التي يتم اقتصاصها من رواتب المواطنين بحجة تامين التعطل، كلهم سيم سيم
عجبني التعليق
هزيت مشاعري ههههههههه
بس
هذا الاقدرتون عليه? حسافه ترشيحي ليكم ضيعت خمس ربيات بترول للسياره على الفاضي
اذا انت قد رفع عقالك قدم استقالتك وكل بشجاعة المواطنيين !!
الجودر يرفع عقاله «لشجاعة المواطنين» واللحم «راح يخيس» ، حتى مجلسكم راح يخيس بارك الله فيك العب غيرها بكره وراكم حساب وكتاب .. محرقي
صباح الخير
عقالك حق يثبت غترتك لكن استقالتكم تثبت صدقكم واخلاصكم ووعودكم للمواطن الذي ائتمن صوته لكم وانتم مع الأسف خدلتموه وراح صوته سوق النغاسه
شر البليه ما يضحك
هذا اللي قدرتوا عليه بس؟
مجلس الصم والبكم
خف علينا يابطل وبسكم ضحك بسياسه الحكومه وانتوا بضحكم على الناس وموقادرين تسوون اي شي لانكم مو حاسين بشي اصلن عايشين انتو واولادكم في نعيم والمواطن مطحون وغريب في ديرته ومحروم من ابسط حقوقه وخيراتنا رايحه لغيرنا
كلام استهلاكي
بعد ما اخترنا كم طلعتوا مثل ما يقولون ربعنا اللي يمنا طرش بحر..................يدتي بترشحكم...
مجبور أخاك لا بطل
مجبور أخاك لا بطل لأن المواطن لايملك فلوس لشراء اللحم فلذلك هو مقاطع.
بنت عليوي
الشعب تعب ومجلسكم غير معترف فيه، لا يهش ولا ينش بس رواتب وشو وكلام فاضي، الشعب وبكل بساطة اجبر على المقاطعة واشلون ما يقاطع واغلب المواطنين رواتبهم اقل من 300 دينار وغير الألتزامات والفواتير، المواطن صار ملطشة وكأن اللي فيه مو كافيه، وحسبنا الله ونعم الوكيل
هذه مو شجاعة ياسعادة النائب
الشجاعة هي الاستقالة وش بقى بعد؟
اللحم ارتفع سعره
الاجانب اخذو البيوت والوظائف والاستفادة من كل الخدمات واولها الصحة
الرواتب محلك سر
أنا ماأدري ويش قاعدين تسوون في مجلس النواب!
بندوه واعطوا الفقراء فلوسه