يشهد سوق الخضراوات والفواكه في مدينة الدمام السعودية هذه الأيام تخمة من المعروض من فاكهة البطيخ الأحمر، أو "الحبحب" وفق تسميته المعروفة في المملكة العربية السعودية، أو بحسب ما يعرف محلياً في البحرين بـ "الجح"، حيث تباع الحبة الواحدة منه بسعر يتراوح بين 5 و10 ريالات سعودية بحسب حجم الواحدة منه.
وحرم البحرينيون هذا العام من البطيخ الأحمر السعودي، الأمر الذي دفع أسعاره للارتفاع بشكل لافت، حيث يباع الكيلوغرام الواحد من هذا "الجح"، بسعر يتراوح بين 350 و400 فلس، ما يجعل سعره في البحرين يفوق سعره في الدمام بقرابة 4 أضعاف.
في اوروبا تحمل بيتك المتنقل في سيارتك وتنام الصبح في النمسا وتقعد في هولندا وتتغدا في السويد.. ولا احد يسالك حتى وين رايح وانت قاط بطاقاتك وجوازك في المانيا...
وفي الخليج .. بطيخة فيها 2 كيلو ومضروبة بعد.. ما تدش من السعودية للبحرين ????
من نزل الجح للحين ما ضقناه
كل شي في البحرين غالي.
لان اهلها الاصليين غالين على القلب.
اي والله وفي مكه ابريال اريالين والبحرين جحايه صغيره دينارين
في اوروبا غااالي بس الهجووم عليه يعني الكيلو ب٧٠٠ فلس بس عادي تعودنا
ارخصوه
مو لازم ناكل جح ......أنا عن نفسي حظي موزين مع الجح.....بدائل كثيرة من الفواكه.لا تشترونه بيرخص ثمنه.....وعليكم بالعافية
نصمينا بالبطيخ الأردني احمر بس ماصخ
.
خليجنا واحد ..الله لا يغير علينا !
في السوق المركزي اربعه كيلو بدينار اردني ممتاز . وانا الحين اكثر من سنتين ما اشتري من السعوديه لا خضره ولا جح من يوم صادرو 5 جحات من جمارك السعوديه بحكم انه الجح منتج مدعوم من الحكومه السعوديه !! .خلوني ارجع الديره والغبنه في حلقي .
وين الحرمان بالموضوع ؟؟ ما فهمت !!
الجح السعودي صار له جم سنة أهل البحرين محرومين منه ما يطب السوق المركزي لأن ممنوع يدش البحرين
وجمارك السعودية إذا صادو عندك حتى لو 5 جحات بدون تردد يصادرونها منك لأن حجتهم منتج وطني ومدعوم
من الدولة وغير مسموح تطلع منه كمية إلى الخارج السعودية ومسموح لك بس من 1 إلى 2 وإذا زادت الكمية
يصادرونها منك .. وأنت الله يبارك فيك بكل برود تقول وين الحرمان
شنو اسباب الحرمان؟
ليش موقفين تصديره للبحرين ؟؟
شنهو السبب؟
وحنة شايفين شئ عدل في الديرة كلشي صاير عكس أعكاس!!!