أعلنت إدارة التعليم الابتدائي بوزارة التربية والتعليم فتح باب التسجيل للطلبة المستجدين بالصف الأول الابتدائي للعام الدراسي 2017 /2018، من الذين سيبلغون سن السادسة من عمرهم حتى شهر (سبتمبر/ أيلول 2017) (مواليد يناير/ كانون الثاني إلى نهاية أغسطس/ آب 2011) وفقاً لما جاء في المادة السادسة من قانون التعليم رقم (27) لسنة 2005، وذلك خلال الفترة من يوم الثلثاء الموافق (4 أكتوبر/ تشرين الأول) حتى الإثنين الموافق (10 أكتوبر/ تشرين الثاني 2016) في المدارس الابتدائية والابتدائية الإعدادية وفقاً للمجمعات السكنية للطلبة، مصطحبين شهادة الميلاد الأصلية للطالب وصورة منها والبطاقة السكانية الأصلية للطفل، وصورة منها، وصورتان شخصيتان للطفل.
هذا وسيتم في وقت لاحق فتح باب التسجيل للطلبة من مواليد شهر (أكتوبر ونوفمبر/ تشرين الثاني وديسمبر/ كانون الأول 2011) وفقاً لأولوية تاريخ الميلاد وبحسب الشواغر في المدارس والامكانيات المتاحة لذلك.
والله حرام بنتي ٢٠١٢ يعني السنه الجايه ما اقدر أسجلها لانها شهر ١٢ بينها وبين الطلاب ٣ أشهر حرام جدي ميصير وسجلتها السنه مستوى ثاني على انها السنه الحايه تكون مستوى ثالث وعقب مدرسه والحين برد اعيد ليها مستوى ثاني مرتين ميصير جدي صراحه القرار مو عدل شهر واحد اذا ما اتسجلًو مو مشكله لكن ١٠/١١/١٢ ظلم والله حرام الا قاعد يصير
سؤال للجميع
عايشين على وجل يوم سحبو الدعم عن الكهربا ويوم عن اللحم ويوم عن البترول وكل سوم ننتظر الاسوء
في ذمتكم تحسون بالامان في هالديره ؟
او تعتقدون ان الام فقط في الجانب الامني الي شلختو ميزانية الشعب عليه
ترى قرارتكم هذي الي تجوفونها صغير تاخذ البلد الى المجهول وتخلق سخط عام
وانتو كيفكم
حسبنا الله ونعم الوكيل
حسبنا الله ونعم الوكيل على الي سوو هالقرار الفاشل
تخبط واضح قرارت ...غير مدروسه
يقولون للحين التسجيل تأجل وماكو تسجيل اليوم
للحين مافي تسجيل كل ما نروح قالوا ننتظر قرار من الوزاره؟وكلها 5ايام التسجيل الواحد ويش يلحق وياكم..اما بالنسبة الخبر ترى تمللنا واحنا كل دافعين درب حق نسجل ويطلع مافي تسجيل حطوا تاريخ خل العالم تسجيل وتخلص وتفتك لازم تشغلونا تسجيل والعشره؟؟؟!!
مالكم حق يا وزارة التربية تحرمون اولادنا من التسجيل وهم من نفس السنة شنو الفرق بين شهر ٩ وشهر ١٠ وهم من نفس السنة ؟!
ليش اخلي ولدي سنة رابعة في الروضة ؟!!!
امهات اباء لا تسكتون ابدا لان اذا سكتنا بيضيع حق اولادنا
والله زمن أغبر
قلنا الاشغال والمناصب واسطات وبلعنا الهم
الحين دارت السنين حتى المدارس بصير دشتها بواسطة
حسبي الله ونعم الوكيل
عيالنا شنو ذنبهم بدايه اكتوبر شنو ذنبهم حسبي الله ونعم الوكيل فيكم قرار فاشل نفس صاحب القرار
لا حول ولا قوة الا بالله العلي العظيم
يعني اليوم الأطفال في الروضة بيتكلمون انهم راحوا المدرسة بس ولدي لا غير عنهم ، بعدها بيدرسون وحدة انا والمدرسة وولدي شقوله ؟ وبعدها بيدربونهم للتخرج وولدي شقوله؟ وبعدها بيشوف روحه يعيد الروضة مثل الراسبين شقوله؟ وبعدها يروح المدرسة ويشوف ربعه صف الثاني وهو صف الاول شقوله ؟ حسبي الله ونعم الوكيل حسبي الله ونعم الوكيل حسبي الله ونعم الوكيل .. راح يجي اليوم اللي تتدمر فيه نفسية عيالكم يا مسؤولين قريباجدا مثل ما دمرتوا نفسية عيالنا ونفسيتنا والله خير الحاسبين
بصراحة دورتون راسنا ... ما عرفنا الحين سبتمبر من ضمن اللي بيتسجلون او لا .. العنوان شي و محتوى الموضوع شي ثاني ...
بجيكم حوبة الناس يا وزارة التربية
الحين نبغي نعرف شهر سبتمبر بيسجلونهم أو لا؟
الحل للقادم من السنوات خططوا لولادات نسائكم منتهى سبتمبر من كل سنة و فكوا أنفسكم .
شنو هالتفاهه والاستخفاف بحياة الناس
من وين تطلع هالقرارات الغير مدروسة و على أي أساس
احنا شعب مثقف و لازم نعرف السبب لمثل هالقرار اللي من شأنه ضياع مستقبل عيالنا
حسبي الله ونعم الوكيل
معروفة اللعبة لأنه مواليد يناير ما انقبلو ويه سنة 2016/2017 من جدي قالو نشيل مال باقي الأشهر الأخيرة لسنة 2017/2018 لأنه بصيرون وايد وتالي بنتغربل بالشكاوي لأنه البحرينيين جم عددهم والجدد جم عددهم بصير العدد كبير خل نسوي قرارات فاشلة عشان الناس ماتقول مافي مجال في المدارس لأنه (...) عشان الناس تقول قرار وزاري.. حسبي الله ونعم الوكيل
بنتي الفرق بينها وبين مواليد ٢٠١٠ثلاثة ايام فخسرت سنه بسبب ثلاثة ايام فقط وصرنا ندفع مصاريف الروضة للسنه الرابعه فحسبي الله ونعم الوكيل على من وضع هذا القرار وضيع اولادنا نرا فيه يوم من الله
مابيفتحون عقب وبيسكتون وبتضيع ع ولادكم لازم يتسجلون الحين لاتسكتون روحو الوزارة زلزلوهم
اكيد ماعندهم شواغر ..القرار مجحف خاصه اناحق من حقوق الطفل تعليم مجاني ...
قرار ظالم ومجحف بحق اولادنا .....بعد ننتظر لين الوزارة تتكرم وتنشر خبر بتسجيل طلبة نهاية العام يعني المشكلة قائمة لم تحل فقط يمتصون غضب أولياء الأمور لذلك هم يماطلون.....حسبي الله ونعم الوكيل
قرار مجحف ونتمنى تغييرة
صدقت المعارضة حين قالت ....
حرام والله حرام تضيعون على اولادنا سنة كاملة.. ويش الفرق بين شهر 8 وشهر 12 كلهم في سنة وحدة والله حرام عليكم ياوزارة التربية..
شكلنا لازم نوقف عند باب الوزارة ...
كل الجهال بسنة وحدة ليش التفرقه
هل هذا تقشف . اذا تقشف ترى بتاخدون الجهال السنه اللي بعدهم وبتصرفون عليهم يعني صارفين صارفين فليش هالشكل
حرام عليكم
جمبزة واضحة تسكيت واضح ولا بتحطون اعلان ولا شيء بسكم جذب
حرااام والله حرام تتلاعبون فينا مرة جدي ومرة جدي .. لهالدرجة وصل التقشف في تقليل عدد الطلاب في المدارس ،،، لازم تعيدون النظر في هالقرار لانه ظاااالك
ومواليد سبتمبر ؟؟ وين موقعهم من الاعراب ؟؟
مو بس هالمشكلة يبي إليها حل صفوف بلا معلمين في مختلف المراحل بناتنا تخصص فرنسي في التوجيهي إلى اليوم ما عندهم معلمة ومنتصف الفصل بعد شهر ( سترة الثانوية )
تسكيت فقط,,,,قرارات فاشله وغيره مدروسه يعني ويش حسب الشاغر والامكانيات يعني جم شاغر بيضل ١٠لو ٢٠مو حق مواليد ٣اشهر حدث العاقل بما يعقل ☹️
لا عليكم من هذا الخبر، الوزارة قررت عدم تسجيل مواليد شهر 10، 11 و12 من سنة 2011 وأما عن ذكر "سوف يفتح باب التسجيل في وقت لاحق" هي فقط لتهدئة أولياء الأمور وبعدها يتركونكم في الوقت الضائع
الموضوع واضح وضوح الشمس، التلاعب بالكلمات لن يجدي نفعا، نحن شعب واعي مثقف نفهمكم من بين السطور والكلمات، أنتم قررتم حرمان مواليد أشهر 10 و 11 و12 من سنة 2011 وانتهى الموضوع ولا يهمكم مستقبل أبناءنا
ومال سبتمبر ضايعين في الحسبة مثلا؟؟؟؟؟!!!!!
مال سبتمبر لاهم في السما ولا هم في الارض
لازم نسوي اعتصام عند باب الوزارة .. حرام تطوف سنة من عمر اطفالنا
انا اظم صوتي ويجب ترتيب اعتصام والتحشيد له بقوة
وين الجديد ؟؟
هذا مثل الكلام بس بشكل املبق اكثر .. اذا في جانس واذا في استيعاب واذا في امكانية ..
عفوا التعليم للجميع واولادنا مو على الفضيل ..
نبي كلام يطمن اولياء الامور بان لشهر ديسمبر الطفل راح ينقبل .. مانبي لف ودوران
قرارات تعسفية وهي مجرد اسكات الشعب بهالقرار
انا بنتي شهر 3 الحمد لله والا جان ناكلها بعد سنة روضة
جملة وحدة كفيلة بان تاخذ حقنا منكم
حسبي الله ونعم الوكيل
حسبي الله ونعم الوكيل
حسبي الله ونعم الوكيل
ومتى ان شاء الله الوقت اللاحق ننتظر الى شهر يونيو مثلا ؟ ليش ما تعترفون من الحين عن كامل نواياكم
اذا جذي لا تلزموننا بالمجمع يعني اذا حصلت شاغر في مدرسة ثانية انا مو تبعها أسجل وادي فيها او بتخلون المدرسة فاضية وغيرها مافيه شاغر . حطوا شروط والية واضحة مو كلمتين مثل اليهال
يعني حصلتوا راس عود مولود في سبتمبر وغيرتوا رأيكم ؟ ماكو راس عود مولود في أكتوبر ونوفمبر وديسمبر ؟ وينكم
لا والله يعني تسوون روحكم ملتزمين بالقانون ترى مال نهاية سبتمبر ما بيكونون اكملوا ست أعوام حسب القانون يعني شالفرق بينهم وبين أكتوبر ونوفمبر وديسمبر . الحل هو تسجيل كل مواليد ٢٠١١ يدون تمييز . ما نقبل هالشيء أبدا
كل شوي قرار جديد اثبتوا على قرار واحد احنا مو كل يوم نقدر نترخص من الشغل في ناس تحاسبنا على الخطوة اعطونا تاريخ معين الصبح تاريخ و العصر تاريخ غير ما صارت الصراحة
الشكوة لله ياوزارة التربية ،ننتظر تسيجيل أبنائنا وتطوفون عليهم السنه والسبب أنهم بأخر الأشهر
لا جديد في الخبر
وعدتونهم يا وزارة بتقبلونهم والحين حسب الشاغر اشلون الحين غيرتون رايكم يعني مواليد 9 الى 12 بيصيرون 4 سنوات في الروضة ؟؟
ماقول الا حسبي الله ونعم الوكيل
الشكر لصحيفة الوسط ولمحرر الشوؤن المحلية لاهتمامهم بهذا الموضوع الذي يؤرقنا كما نشكر العقلاء في وزارة التربية لوضع حل
لا مو موافقين على هالكلام
اولادنا في أكتوبر شنو فرق عن سبتمبر ونفس الشي نوفمبر وديسمبر
لازم السنة كامل بدون اي تمييز
يعني بعد فيه جمبزة وتحايل
ليش جمبزة، بالعكس القرار واضح ماكو تحايل
الا جمبرة ونص والواسطات شغالة
فاشل فاشل فاشل ....الله ينتقم منكم
والله حرام اضيعون سنه من عمر اولادنه حسبي الله ونعم الوكيل فيكم حتى الكتب المدرسيه للحين مااتوزعت ولدي في الصف الرابع بمدرسة اسامه بن زيد وللحين ولا كتاب واحد عطوهم 3 اسابيع ضاعت بدون دراسه وين الوزاره ؟من هو المسؤل؟ الحق ضايع
العام القادم سيكون التسجيل لمواليد 9/2011 الى ابريل 2012