أكد مدير إدارة شئون التراخيص بالإدارة العامة للمرور المقدم الشيخ عبدالرحمن بن عبد الوهاب آل خليفة أن الإدارة وضمن استعداداتها للعام الدراسي الجديد، نفذت عددا من المحاضرات التوعوية لسواق نقل الطلبة وذلك في إطار المحاضرات المرورية التي اعتادت الإدارة العامة للمرور تنفيذها مطلع كل عام دراسي.
وأوضح أن هذه المحاضرات تضمنت تثقيف سواق نقل الطلبة مرورياً من خلال إتباع خطوات النقل السليم والآمن وتعريفهم بالطرق السليمة والآمنة لعملية النقل لضمان سلامة الطلبة وتفادياً لوقوع أي حادث أو إصابة ، وكذلك حثهم على ضرورة الالتزام بالأنظمة والقواعد المرورية من حيث الالتزام بالسرعة المقررة والالتزام بالمسار الصحيح وعدم الدخول في المسارات والتقيد بعدد الركاب كما هو مصرح به في شهادة التأمين والالتزام بالوقوف الصحيح تفادياً للازدحامات المرورية عند بوابات المدارس والتعاون مع حراس المدارس وشرطة المجتمع لضمان انسياب الحركة المرورية.
وأشار مدير إدارة شئون التراخيص إلى أنه حرصاً من الإدارة العامة للمرور على رفع مستوى السلامة المرورية، فقد تم إلزام سواق نقل الطلبة هذا العام بوضع كاميرات للرجوع للخلف وحساسات (سنسر) في حافلاتهم لضمان كشف متغيرات الحركة المرورية أثناء الرجوع للخلف والتأكد من عدم وجود طلبة قبل الرجوع لتفادي وقوع حوادث الدهس، لاسمح الله .
ودعا المقدم الشيخ عبدالرحمن بن عبد الوهاب آل خليفة، أولياء الأمور إلى عدم التعاقد مع أي سائق لا يحمل ترخيصا من الإدارة العامة للمرور يخوله بمزاولة مهنة نقل الطلبة وذلك حفاظاً على سلامة أبنائهم ، مؤكداً أن الإدارة ستتخذ الإجراءات القانونية ضد السواق المخالفين الذين لا يحملون ترخيصا بنقل الطلبة بإحالتهم إلى النيابة العامة، متمنياً للجميع عاماً دراسياً حافلاً بالسلامة والنجاح .
الي عزيزي من المتضريين
عزيزي اذا انت تقدر اطلع تصريح غيرك مايقدر مو مجبور اطلع تصريح وتفتن ع الي ماعندهم تصاريح ماتدري بظروف الناس لاتحكم عليهم
كله ظلم في ظلم
راعيات الباصات اولا اذا تطلع تصريح ثلاثه اشهر بدون راتب ومايقدر يشتغل ويدفع تامينه بنفسه ليش ماتعطونهم رواتب ف الثلاثه شهور وتدفعون تاميناتهم شرط كلهم يطلعون تصريح في ناس الباص مايطلع شي ف يضر يشتغل شغله ثانيه واذا اشتغل شغله ثانيه مايقدر يطلع تصرريح سووو حل للناس
الله كريم
الترخيص يتطلب العمر من 25 السنة فما فوق يقطعون أرزاق ناس حق بس لقمت العيش
مواطن عاطل 26
أول ما يبدون الرقابة في مدينة عيسى المنطقة التعليمية و يركزون على المدارس الخاصة و الهنود بالتحديد و يطبقون القوانين عليهم و يرحمون المواطن في الأرض و ادا في قوانين تكون لصالح المواطن و تحمي المواطن وتمنحه الأولويات في البلد .. و الله الرزاق الكريم
بلاوي
لا يرحمون ولا يخلون رحمة الله تنزل
وفروا وظايف حق الناس بدل محاربتهم في ارزاقهم
بلاوي
لا يرحمون ولا يخلون رحمة الله تنزل
وفروا وظايف حق الناس بدل محاربتهم في ارزاقهم
القانون يطبق على ناس او ناس
حق هل اجانب الي تشتغل تكاسي
اي ترخيص!!
وفروا باصات حكومية للمدارس اول
بعدين دورو لهالفقارة قطعوا أرزاقهم
الله يوفق
الله يوفق الجميع وعام سعيد يارب علي جميع الطلبة يارب وخطوة مباركة
بحراني
وراكم وراكم ولو في الصين
بلد غريب
شلون ترخيص بنقل الطلبة عيل ليش الترخيص بسياقة الباص اذا ما نقدر ننقل طلبة منذ تدخل وزارة التربية في الموضوع ارتفعت اسعار نقل الطلبة اول الامر كانت 3 دينار عن شهر شوي شوي صارت 6 دينار حتى وصلت الان ل 15 دينار والمسافة مابين البيت والمدرسة لا تتعدى 700 متر حسبي الله على اللي حرمنا الامان في بلدنا ما نتجرء نترك عيالنا يمشون من هالعمالة الوافدة والشعوب المستوردة
عجيب
يجب مقاضاة وزارة التربية والداخلية دام سائق الباص لا يستطيع نقل الطلبة فلماذا الترخيص اصلا له بسياقة الباصات وزارة التربية تتدخل في خصوصيات وزارة الداخلية ويجب ايقافها عند حدها
حياكم شوفوا
حياكم عند مدارس مدينة عيسى شوفوا ...
تمام ولكن
بصراحة القرارات بحد ذاتها حلوة وآمنة ، ولكن نحتاج الى قرارات ثانية وهي من حق السواق ، وهي امكانية مزاولتهم مهن اخرى مثل باقي اصحاب المهن ، صاحب الباص يقعد ثلاثة اشهر بدون راتب بعد انتهاء الموسم الدراسي ، ولايقدر يشتغل شغلة ثانية لانه ممنوع ، الحل ؟؟
مساكين هالفئه
فرض القوانين شي ممتاز وتنظيم الحركه المروريه نأيدها وندعمها
لكن
راعي الباص المرخص ويش استفاد ؟؟
غير فرض عليه قوانين جديده كل سنه
الله يعلم ادارة المرور ويش بتفرض في السنوات القادمه
والله يساعد الي ما عدهم تصاريح مساكين يدورون لقمة العيش الاضافيه تغطي احتياجاتهم
والله ويش يبغي هالمسكين من هالشغله الكسيفه
لك الله يا شعبي
بلد العجايب
الله كريم
او اوه علي الفقاره بس
وقت الظهيره
يا ادارة المرور تعالو وقت انصراف الطلبه في نهاية الدوام عند المدرسة الباكستانية والمعهد البحربن الشارع يكون مسكر مافي اي ترتيب لحركة السير
إجراءات ممتازة
إجراءات ممتازة لسلامة أبناءنا والف شكر وتقدير الى إدارة المرور و التراخيص.
2947ا
ماذا عن باقي الاسيوين الذين يزاولون مهنة نقل الركاب
انا لله
والحل يعني ؟
حاطين بالكم ببال هالفقارة لوي .. الله يكون في عونكم يا اصحاب الباصات
من المتضررين
خن شوف همتكم عاد واجراءاتكم هالسنه لان كل سنه نشوف عالم توصل بسيارات خاصه وبياكب وباصات ميني بدون ترخيص تسوون حمله اول اسبوع وبعدين مانشوفك تعالو مدينة عيسى وشوفو اشكثر يوصلون بدون ترخيص واللي عندهم ترخيص وتصاريح مأكول حقهم
شيء جيد
اعتقد أن هذا شئ جيد
الحالة كسيفة...
خلونة نترزق...
مواطن تعبان
بس ضد المواطنين شوفو الأجانب صايرين تكاسي تعالو مستشفي الإرسالية الأمريكية وشوفوهم جودوهم وسفروهم....