قالت والدة الطفل حسن أحمد منصور (11 عاماً) إنَّ سيارة صدمت ابنها أمس الأول الجمعة (5 فبراير/ شباط 2016)، بينما كان يقود دراجته الهوائية بالقرب من مدرسة البلاد القديم للبنات قبل أن يلوذ السائق بالفرار من الموقع.
وأضافت «قمنا بنقل ابني إلى المستشفى، وقد تعرَّض إلى كسر في الكتف ونزيف تحت الجمجمة، إضافة إلى بعض الكدمات القوية في اليدين، ومازال يرقد في المستشفى حتى الآن».
وتابعت «الغريب في الأمر أن السائق فضل الهروب من الموقع عوضا عن نقل ابني إلى المستشفى، وهذا ما يحزُّ في النفس، فأين ضميره إزاء ما حصل لابني وكيف لم يرق قلبه لهذا الفتى الصغير ومساعدته».
العدد 4901 - السبت 06 فبراير 2016م الموافق 27 ربيع الثاني 1437هـ
أنت ياااأبو تخلون جهالكم في الشارع ومادري شنووو متخلف حدك !!
بنت تعرضت تلك السنين لحادث والسبب سرعه السائق عند اللفه وهي بنيه كبيره شنووو جهال لو كبار!!
اللوم ع السائق درجه أولى ليش يسرع في فرقان قريه ..؟!؟
والله شنو هالردود القبيحه هذا ياهل وتعيب في خلق الله
والله هالاشكال لوأميين كتابه افضل تفتك الناس من شرهم !!!
منطق غريب تتركون السائق المتهور وترمون الغلط على الاهل
بارك الله فيك هذا الكلام ناس تتسبب في حدث بسبب التهور وضيع عيله كامله ويشرد بعد العائله الي في السياره المدعومه او الي طلع عليهم السائق المتهور هم غلطانين خلونه نتكلم بمنطق في مشكله ناس تسوق بتهور كنه مافي غيىرهم في الشارع وتتسبب وفي حوادث وتشرد من موقع الحادث
الله يقومه بسلامه وان شاءالله الي دعمه يصحى ضميره ويعترف بغلطه
بس بعد الاهل لازم يجودون اولادهم احنه نسوق ونجوف اطفال بعدهم بروضه في الظهر و على سياكلهم مانجوفهم الا طالعين علينه
توه يوم الجمعه اطفال يسون سباق ع الدوار والسياير تطوف هذا شي عدل ياليت الاهالي يجودون اولادهم مو بعدين اذا لا سمح الله صادهم شي يصيحون ويحطون اللوم ع السايق
الناس في زلزله و العروس تبي رجل
الغلط الاول من اهل الاطفال الي يغفلون عن اولادهم مهما كانت الأسباب و الغلط الثاني من تهور السواق و القرى بشكل عام مافيهم كاميرات
شكبره وش عرضه تقولون ياهل لو معرس جان عنده عيال
جان وقف يسعفه
عاد الغلط من الولد لو الغلط من السايق
المفروض انه يوقف و يطلب له الاسعاف
مو يهرب
وليش ماتلوم السائق نفسه ؟؟؟؟
دام الاشارة حمره ليش تجاوزها ؟ لو انت تسوي نفس الشي ؟؟؟ قبل ما تلوموالاهل لوم نفسك اول شي و بعردين لوم الاوادم اللي ماتعرف تسوق ؟؟ و يمكن تكون انت بعد ارتكبت نفس الجريمة وهربت!!!!!!!!!!
الحادث صار بغض النظر من الغلطان
بس تدعم طفل وتهرب وتعرض حياته للخطر هذي مايسويها اله واحد من غير ضمير ولا انسانيه ولا تقول خطأ الاهل ناس بالغين يتعرضون للدهس ويهرب السائق يعني الموضوع مو موضوع الطفل واهله الموضوع ناس تسوق السياره بتهور وبدون ضمير
سلام عليكم،،
اني ولدي تعرض لحادث في اشارات الصالحية و تحديداً بتاريخ 18/11/2012 و السائق هرب ولا عنده ذمه ولا ضمير وولدي ظل في العناية لمدة اسبوع ماندري بعيش او لا و غير التشوهات اللي صادته . حتى علاج لاسنانه ما ظل احد ما قدمت الاوارق اليهم عشان اساعدونه لكن ماقول الا حسبي الله و نعم الوكيل في اللي دعمه و لا وقف زلا بسامحه ليوم الدين. حرق قلبي على ولدي الله يراويه بالدنيا و الاخره.
ام نوران
ليش ما تلومين نفسش؟؟ جاهل صغير بلا حسيب ولارقيب وعند إشارات شارع عام؟؟ شنو ذنب ولدش المسكين إذا أهله غافلين عنه؟؟
مرة ثانية لا تهدون عيالكم مهدودين في الشوارع ..
ما تعترفون بغلطكم كلش
الاغصان كما الشجرة
قبل مايقارب العشرين سنة دعمت طفلة في الفريق طلعت ليي من برادة بشكل مفاجئ من بين السيارات وكانت سرعتي خفيفة على الفور نزلت وحملتها وديتها المستشفى العسكري وبعد ساعة وصل ابوها الا طلع احد جيرانا والحمدلله الله سلمها وابوها لما عرفني تنازل عن الحادث وشكرني لأني جبت طفلته الى المستشفى.
الحمد لله
ليك رحمه والدين .ومن قر بذنبه غفر الله له
رحمه على والديك
والحمد لله على كل حال
خله يشوفون المحلات على طول الشارع
لازم في محل مركب له كاميرات
قبل الحادث بدقيقه بيشوفون السياره طايفه أو عقب دقيقه اذا كان المحل قدام وجدي راح يصيدون السائق الهارب وعديم الانسانية.
نتمنى من الجهات المعنية ان كانت هناك كاميرات أمنية المنتشرة في شوارع وطرقات البحرين أن تتوصل للفار وانتخاذ الاجراءات اللازمة حياله لأنه عديم الضمير وعديم الانسانية وهو خطر على أرواح الناس.
للخلف در
تدعم جاهل وتهرب !! خل القانون على صوب ـــ متى بنخاف الله في افعالنا وتحركاتنا
الله لايوفقه لا دنيا ولا اخرة ماعنده انسانية الحيوان احسن منه