الزوج أمان للزوجة وللأطفال ، الحمدلله
المسؤولية كلها علي ومافي مشاركة
يجي البيت ينام ويطلع الصبح لكني
ما استغني عنه ، لأني بدونه أضيع والمشاكل
لابد منها .

عندما غاب دور المرأة كزوجة غاب دور الرجل كزوج.
اعتقد بأن المرأة هي الاساس لبناء مجتمع سليم حتى في غياب الزوج.
و بشكل عام الرجل مضطهد في هذا الزمان و قد سلبت من الكثير من حقوقه.
انت تسمع بحقوق المرأة....
حقوق الطفل...
حقوق الحيوان - اجلكم الله.
فهل سمع احد منكم حقوق الرجل؟!!!!

فتاة عشرينيه

خلاص قررت ما اتزوج ... مافي ريال عدل

ليش اتزوج اذا اغلب البنات

ليش اتزوج اذا اغلب البنات نظرتهم سلبية عن لرجال ! يعني لو ويش بسوي لازم بتطلع لي عيوب او بتقول لرجال نفس بعض والا تقول ما فيهم خير ما اعمم اقوول كل البنات نظرتهم سلبية بس اغلبهم

زوجي حبيبي احس بقربه بالامان .. و بعد ما اخذني من بيت اهلي معززة مكرمة خذاني عنده معززة مكرمة مو مقصر بشي عبي حب احترام معزة و لازم كل حياة زوجية فيها سوء تفاهم و مشاكل و الاثنين مكملين بعض يحلونها بمودة ، و الله يخليك لي حبيبي و يرزقنا الذرية الصالحة

حقيقة بعض الأزواج ديكور !

أمان والحمدلله ، لكن أختي زوجها ديكور ، تمنى أن ينجب بعد ال 6 السنوات العجاف ، وحين وصلوا الأولاد ، أختي وعيالها كل في البيت وهو كله في القهوة والشيشة ، هي تتحمل المسؤولية وتشتري كل شي ، وفي أزواج رايتهم بيضاء ورجال بمعنى الكلمة .

إنتي اصيلة

الحمدلله

الزواج نعمة الحمدلله ..كل واحد مكمل لنصف الآخر.. أحمد ربي أنا متزوجة ولدي زوج يقدر الحياة الزوجية ..الحياة الزوجية نحن من نجعلها سعيدة أو تعيسة..فيها الحلو وفيها المر بس طبعا المشاكل البسيطة لا بد منها عشان تعطي طعم للحياة ..شكرا لله

أمان الحمد لله
الله يخليه ويحفظه

والله ما منكم امان يالبحرينيات
الواحد يروح يتزوج من الخارج ابرك
على كل الي يسوون لكم ازواجكم وبعد
تشتمونهم

الحمدالله انا بالنسبة لي زوجي أمان و عمري ما فكرت فيه كديكور لان من وجهه نظري اللي تعتبر زوجها ديكور تطلق اشرف ليها لان الزواج ماله داعي حلاته في الزواج التفاهم والانسجام الراحة و الاحترام واذا راح شي من هالاشياء صار الزواج ماله قيمة لان قلة احترام انكم تعتبرون ازواجكم ديكور

اذا انتة ديكور انا باور

الحريم اذا تشوفون الزوج ديكور ومامنة فائدة لماذا الركضة وراء الزواج لا تتزوجون ترتاحون وتريحون
ثاني شي لماذا اذا اراد الزوج (الديكور ) الزواج للمره الثانية عليكم تقومون الدنيا ولا تقعدونها من اجل هذا الزوج الديكور هذا يثبت ان الزوج ولو كان فعلآ ديكور لاكن لاتستطيعون الاستقناء عن البطل المسمى بالرجل الرجل عندكم اهم من الاولاد ومن الاهل واهم من كل شي في الدنيا الرجل هو الحياه بالنسبة لكم

ههههه

اسم ع ورق بس تحفه لزينه

الحمد لله الذي رزقني زوجة تحبني وأحبها، فمهما صار بيننا من سوء فهم؛ فإننا نرجع لبعض في ساعات أو أياما معدودة. لم أكرهها قط طيلة حياتي معها، وأظنها كذلك.
هي ربة بيت، ولكنها ساعدتني بكل ما تملك من وقت ومال حتى بنينا بيتنا، ولم تعيرني، أو تشتكي.
ساعد الله قلب كل أمرأة وكل رجل لم يوفق في اختياره.

اللي تقول ديكور

اللي تقول ديكور و ما تحس بالامان معاه
تتطلق احسن لها
و تقعد في بيت ابوها
مدام مو حاسة بالرجال ليش تزوجتيه

تصرفاته هي من تحكم

إذا كان هو مشارك في كل كبيرة وصغيرة في البيت فهو أمان
وإذا شايل يده من كل شي والجمل بما حمل على زوجته ديكور !

انا

ديكور اجتماعي و نص

اللي ايده في الماء مو اللي ايده في النار ، وما يحس اللي يفقده ، وخاصة للاطفال ولا يستطيع تعويضه أحد حتى الزوجة ، وكلهما عندهم أخطاء يمكن تفاديها بالتفاهم والاحترام كل منهما للاخر..وكما يقال الزوجة وعاء وتستطيع أن تحوي زوجها بحنانها وعطفها وتجعله عجينة سائغة بين اياديها، والابتعاد عن السلبيات واللوم التي تسبب الإحباط واليأس لكل الطرفين ، اللهم شافي والدي ليكون سند لأمي ، واحفظ لي أبو عيالي آمين يا رب العالمين

ماتلاحظون ان موضوع امس كان موجه السؤال للرجال واغلبهم ماقالو الا الخير عن زوجاتهم بغض النظر عن بعض الردود الوقحه من بعضهم ..
وانتو يالبنات ماخليتون عيب ماطيحتونه عالرجال
وللعلم انا بنت بس هذا الا لاحظته وقليل الا قالو عن ازواجهم شي ايجابي ..
عن نفسي متزوجه وعندي اطفال لكن ماالقي اللوم كله على زوجي ولا اقول عنه ديكور ترديد الشي يخليه يثبت ويتحول لصدق ..
مثلي ومثله عندنا عيوب واخطاء وطباع مانحبها بس مانقدر نعيش من غير بعض خلاص العشره ماتهون بهالسهوله بسكم عداوه وحبو بعض الدنيا ماتسوى!

أكبر خطأ وخدوها درس خلاص لاتعطون ازواكم رواتبكم ولاقروض بسكم هبل شوفو مشاكل اشلون الرجل خلاص مامنه أمان هو اصلا لو يستحي مايخذ فلس مومن حقه اصلا ناكر الأصل والجميل لو يموت لاتساعدونه خلاص انت الزمن والوقت

العويه تعيب على المنكسرة.

بعض الزوجات

اهي اللي تخليه ديكور لانها ماتهتم فيه او بالاصح ماتعامله كطفل من ناحيه تدليله واهتمامه
وثاني شي ماتعول عليه في الشغل داخل البيت يعني خايب ولا يسوي شي ومعتمد عليج انتي حتى بكاس الماي
انتي السبب..
مكارم

بعد تجربة زواج أشغال شاقة من صرف وإهتمام كان فعلا ديكور وليس زوج وبعد حساب الفائدة من الزواج طلعت الخسرانة لأن كل شي على راسي وفي نفس الوقت تعذيب نفسي يعني يامن شرا له من حلاله عله فخلعته وشريت راحة بالي الحمد لله/// لم يتغير شيء علي وعلى أطفالي إلا شيء واحد أصحبحت حياتنا مليئة براحة البال وبدون مشاجرات ومشاكل وأنا لازلت القائمة على كل شيء بنفسي كالسابق ولكن بنفس راضية وراحة بال وسعادة لا توصف /// فسبب المشاكل ولى

الرجل الوحيد فى العالم الذى يمكن أن يكون الحضن الآمن للمرأة هو الأب والأب فقط أما الزوج فهو أمان لأطفاله وانسجام وتفاهم ومودة وشراكة مع زوجته أما الثقة العمياء في هالزمن فهي سذاجة

... لو زين يصلح حتى ديكور

لا يصلح ديكور ولا شكل عدل ولا حتى مصدر للتمان لانه خيخو ويوم ربي فكني منه هذي اكبر نعمة

اتكلم عن حياتي وليس العموم
ان الزوج هو اللذي يحدد ما اذا كان أمان او ديكور
بالنسبه لي كان فعل ماضي أمان .. اما الان فأصبح ديكور... تاره ديكور وتاره مساعد لكن أمان ؟ ابدا فقد مات الامان بالنسبه لي وهو يعرف ذلك ومازلنا متمسكين لا نريد خسارة بعضنا البعض لا نستطيع نسيان عشرة السنين..
مواقف كثيره تحدث لي لا يوقف لي سند غيره من بعد ابي وعندما امرض يسرع في الوقوف بجانبي ..
علاقتي معه لا اعرف كيف اوصفها لكني اتمنى ان يهدينا الله ويرزقنا حياة هنيئه وامان وحب وموده.
كل شخص حياته تختلف.

اكيد أمان مهما كانت سلبياته وعيوبه ،،.....

اختي

اي أمان ماجفت الا الغرور
متعالي على الناس وفض ومغرور
وفالح يراقبني ويشك فيني بس
لا كلمه طيبه ولا وجه سمح
زوج نقمة...

من قال يا اختي اهلش هم غطاش قبل زوجش هم الي ربوش وتعبوا عليش ولو صادش ادناة الدون من زوجش هم اليي يشيلونه
اذا انتين عكس هالشي فهذا واقعش الله يساعدش بس احنه الحمد لله عايشين تحت ظل بيتنا اخوانه وخواتنه والوالد والوالدة وبعدين صرنا تحت ظل الرجال ، والحمد لله الكل خير وبركة ونعمة
الاثنيين ستر وسند وعون والله يديمهم علينا يا رب

الي تقول ديكور ومامنه فايدة تتطلق
مو كلشي عليش؟
صرف وتربية وخدمة
خلاص ارجعي اتطلقي
قليل من عبادي الشكور

لا تعممين وتقولين لا يوجد رجال ، كما ان الكثير من النساء خراب في المجتمع كذالك الرجال والطيور على اشكالها تقع ، يامه زوجات مظلومين من ازواجهن وكذالك ال عكس

ازواج هالزمن مجرد عالة على الزوجة ، يسحب فلوسها ومعاشها ويعتمد عليها تسوي كل شي في الحياة ، باختصار العنوسة افضل ، فلوس البنت لها تفل نفسها وتستانس ولا تعور قلبها ويا واحد اتكالي

هامان

معظم النسوان الي يشتغلون عبالهم خلاص هم الاسياد وازواجهم عبيد وتفشل حياتهم الزوجيه بسببهم فقط اما الزوجه التي لا تعمل فحياتها اكثر استقرار وهدوئ وكلامي من باب خبرة طويله مع زوجات اخواني جنس نمرود النساء العاملات والموظفات

صراحة سمعت هالكلام من عديدااااااااات
تقول اتزوج بس عشان اسمي متزوجة وانجب اطفال فقط
اما الارتباط الروحي مع الزوج او الشعور باهميته ووجوده عادي
المهم اسمها تزوجت وصارت ام
خوفني هالكلام

ناكرات

لين تقدرين تستغنين عنه خليه عنش

....

الزواج نعمه ما يحس بنعمه الا الي فاقدنها واللي مو عاجبته عيشته ويه زوجته او زوجها ماله داعي تعيشون مع بعض وانتون شايلين على بعض جدي وتتكلمون بلجرايد على بعض

بالضبط الي يتحلطم
اقول ليها تطلقي حقوي قاعدة وياه
وتبرطم
او تخيلي خلاص ان موموجود
تقول ماقدر
احمدوا الله
الزواج مودة ورحمة وسكينة واستقرار عاطفي ونفسي وامان
كفاية ابو عيالش

كفاية ابو عيالش ! حتى لو ما يعاملها حسب شرع الله .. يكفيها انه بس ابو عيالها ! لا الله سبحانه وتعالى ولا رسوله قالوا هالشي .. الرجل امان اذا اتبع شرع الله .. كلكم راع وكلكم مسؤول عن رعيته .. اذا الريال في هالزمن او غير هالزمن مو مسؤول .. انسوا الامان !

الزوج أمان طبعا للزوجة و للعائلة , فهو المظلة التي تحتمي تحتها كل العائلة, فهو بجانب الزوجة المربي و العائل و الحامي, أما بالنسبة للزوجة فالزوج هو المطفي لرغبتها الجنسية ..... طبعا ليس كل الأزواج هكذا فهناك بعض الأزواج خاملون جنسيا و لا يعيرون أهتماما لرغبات زوجاتهم الجنسية وذلك بسبب قلة تناولهم للجرجير والأكلات البحرية, فعلى الزوجات أضافة الجرجير في كل الوجبات حتى يضل الأزواج ج....ويشبعون زغباتهن .........

تفكيرك منحصر في جانب واحط فقط .. الامان ليس فقط ما تفكر فيه ... الامان النفسي و السكينة .. وش دراك عن رجال النسوان و رغبتهم .. في وحدة شكت لك هالشي !!!

يا الله

شهالمواضيع . مرة خيانة ومرة زواج ديكور ومرة زوجة مسرفة ومرة فشار
\nحسبي الله ونعم الوكيل
\nالناس مكفنها اللي فيها، حطوا مواضيع تخلي المجتمع ينهض مو ينفضح
\nقاعدين تبثون السلبية في المجتمع .

هنّ لباسٌ لكم و أنتم لباسٌ لهنّ
هذه الآية كفيلة بتنظيم الحياة الزوجية
أما اتباع العادات الدخيلة فهي من رجعية إلى رجعية

في هذا الزمان يتوفر كل شيء في الأسواق !!! هههه اللي يبي يكشخ واللي يبي يحمي أهله واللي يبي يعلمهم واللي يبي يصفعهم واللي يبي يكشخ واهله مثل الخراخشين حماليه هههههههه اللي مرته شايلة البيت كاااامل وهو يقول أنا رجال البيت ويدخل ويتأمر على البيت كلللله الاكل اليوم نبيه شدي اليوم لازم تنامون الساعة كذا اليوم اليوم بيجوننه ضيوف اشتغلوا حمالية اكل ومنظفين !!!!!!!!!!!!!!!!!!!!!!!!!!!!!!!!!

نسوان اخر زمن

اذا عنده فلوس ويعطيها متى مابغت حتى لو فيه عيوب الدنيا تتغاضى عنها اما اذا فقير تطلع فيه عيوب الدنيا خافو الله يانسوان عيب تتكلمون بهالطريقه عن رجالكم

ام احمد

اني احس الزوج اماان بس أكون أمان الى الزوجه حسب معاملته وهل هو اساعد زوجته او لا وهل هو يهتم فيها وفي الأولاد بصراحه هذا النوع مو موجود واجد في هذا الزمن

الزوج

الزوج سبب رئيسي لسرطان وامراض القلب والشرايين والضغط والسكري ولهموم والاكتئاب وبعدها الجنون والموت..نصيحتي للي مو مزوجة ما تتزوج والي مزوجة تطلق احسن ليها

بالنسبه لي الزوج امان من غدر الزمان حتى لو ما كان متعاون داخل البيت بس وجوده يشعر اطفالي بالامان

الأمان هو رب العالمين

مافي أمان بهالدنيا لا زوج ولا أهل
الواحد يآمن بربه ويتقرب منه بس
مردها كل الناس تتخلى عنك ولا ملجأ الا ربي سبحانه

لسنا من نختار

المفروض امن وعز لكن بعض الرجال سلوكهم سي وبغيض مع اسرته لدا فهو لا ينفع ديكور ولا حتى مقشه للتنظيف

ههههههه ديكور مرة وحدة .. الزوج تاج وسند اذا طبق الزوجية كما ينبغي

للأسف اليوم الرجل تخلى عن مسؤوليته أمام الله وأمام أسرته وركب وتفاخر مع أصدقاءة بعدد الفتيات اللاتي وقعن في حبه وهذا سبب في عزوف الكثير من الفتيات عن الزواج لأن لا يوجد رجال والبيوت اسرار

..

حق فشار سناب جات والانساقرام
زهقة وتخلص

الزوج هو الديكور وليس الزوجه

اصبح الزوج المطلوب حالياً ديكور وجماد وكل المطلوب منه ان يكون بقر حلوب للزوجه

الزوج أمان

الزوج أمان من غدر الدهر وبيشيلش في ابسط احتاجاتش وتعتمدين عليه في اصعب الامور وحتي لو قصر يعتبر سندش الا ماليش غير بعد ما تركتي بيت اهلش وتزوجتي يعتبر الزوج أهو كل اهلش هدا رأي ومقتنعه منه الحمد لله

مو الكل البعض واشوف هالشي بعيوني ديكور لااكثر ولاااقل مايهمه يتبع اخبار اولاااده شنو يبغون شنو محتاجييين ترة الماده بعد مو كل شي اسم ابو يادافع البلااا والتربيه صح للام والابو مو كل شي ع الام
خصوصا في تربيه الصبيان

الله يستر على الجميع ،،،

اعتقد من ردود الفعل بان هناك بيوت تعور القلب من ازوجها ، التفاهم والمود و الرحمه مطلوبه من كل طرفين والله يستر على الكل ويصلح الامور وافلح من صلى على محمد وال محمد ،،،

وجوده والعدم واحد كل شي اسويه بالبيت ماتكل عليه بشي والشي الي اتكل عليه فيه بخرب اتكالي اناني اهم شي نفسة ماينقصه شي واني واولاده مو مهم ماقول الا مالت على الرجال الي جدي

ديكور اجتماعي

هم ووجع قلب ولو ظاله في بيت الوالد احسن ليي من عوار القلب والتعب والكرف لواحد عديم المسؤوليه كل تفكيره شلون يفاشر على الناس لكن كشخصيه معدومه ومهزوزه وماعنده ذرة رحمه ولا فيه خير في اهله ولا فيني ..

ذكرتيني ابنكته

اتقول الى صاحبتها ويش ليش بالزواج وبيت ابوش احسن ليش..واذا قبل عليها طلبت منه اجمعها بالوضع دوك استايل واتهدد وتقول خله تنزل نقطة من ماي ظهرك .

الصراحة الصراحة الصراحة

الاثنين
ما اعتقد في مانع ان يكون الاثنين أمااان وديكووور اجتماعي
يعني ما في تناقض ولا مانع

الرجال

يكون امان عندما يكون رجل شهم غيور امين مؤمن .. وعندما يكون ديكور همه ياخد احتيجاته منه وفر خارج البيت

أمان بالثلاثة

من تطلع لبنيه من بيت ابوها خلااص لا اخو ولاخت ولااحدبكون زوجها مهما كانت سلبياته وايجابياته..والا بتقعد تتفلسف واتقول اخوويي واختي اخوش احتكي بزوجته بوديش سابع سما واختش احتكي فيها بتشن عليش عدواه بلا سبب لكن زوجش مهما كان والانسان مو كامل يصير غطه عليش

المفروض

المفروض يكون امان لكنةفي ناسوان يختارونه عاى اساس انه ديكور فقط

في الصميم

عجبني ردك وهذا للأسف واقع يفرضة الرجل على نفسة احيانا لضعف شخصيتة.

لا

هم وعلة ومسبب الأمراض ويشيب الرأس يجيب الإكتئاب محبط مغرور استغلالي أو بالأحرى طفيلي

منصف

الله يساعدك شكلك مصمومة بواحد مو خوش، ليش ما تحاولي تتفاهمين معاة بالتي هي أحسن وأذا ما نفع كلمي احد من اخوانك يكلمونه.

راح زمن هالرجال

ياختي الحين ظل حيطة ولا ظل رجال .. بالاول الوحدة تتنازل وترضى بواقعها المرير .. الحين المرأة صارت أقوى واذا تشتغل أقوى وأقوى .. اهم شي الامان اذا افتقدتيه بحياتج وماقدرتي اتعيشيه وتصححي وضعج فروحي موتي احسن لج

السلام عليكم
في مجمل حالات الزواج يكون التفاخر او التباهي سمة عند طرفية الزواج
من التفاخر والتباهي بالتدين او مستوى التعليم و منها المادي و النسب
في ما خص الزوجة فالزوج أمان و هذة فطرة البشر ، وحتى من تكون في استقلالية او تكون هي القيادة المسيطرة في بيت الزوجية تدرك معنى الأمان تحت كنف زوج كريم يرعاها و يصونها
كل الحياة الكريمة لجميع الازواج

الصراحه راحه ونوم في البراحه

لا هذا ولا هذا خلست من الاثنين وباقي رحمة الله الواسعه تاخذني

الزواج امان للزوجة وللزوج .. و المعاناة موجودة في كل جوانب الحياة.. صديقتي عندها تجربة حديثة.. اصرت على طلاقها .. وفعلاً تطلقت .. وكانت تقول ان زواجها عذاب وجحيم بالنسبة لها.. ولما تطلقت بعد خمس ستة شهور.. لمست نار الوحدة.. ونظرات المجتمع ليها.. والتحرشات .. وقالت لو ظليت في نار زوجي وصابره احسن ليي.. والحمد لله اني اعتبر زوجي سندي وحياتي وكل روحي.. وكل هالتعب احتسبه اجر عند رب العالمين.. والمشاكل ملح الزواج.. بدونها ماله طعم.