تعرض فريق الأهلي لانهيار كبير وغير مبرر في الفترتين الثالثة والرابعة بتقديمه أداءً ضعيفاً في الحالتين الدفاعية والهجومية إذ سجل في الربع الثالث 7 نقاط وفي الربع الأخير 10 نقاط بمجموع 17 نقطة في الوقت الذي سجل فيه المنامة في الربع الثالث 16 نقطة وفي الربع الأخير 30 نقطة.
الانهيار الأهلاوي كان معنوياً وفنياً والفريق لعب بلا هوية في اللقاء ولم يستطع اختراق دفاعات المنامة أو اللعب تحت سلة «الزعيم» واكتفى بالتصويب العشوائي من الخارج.
أداء الأهلي الضعيف يبشر بانتهاء سلسلة المباريات النهائية مبكراً وخصوصاً أن مردوده كان ضعيفاً منذ البداية وما ساعده كان المستوى الهابط للمنامة في الربعين الأول والثاني إذ تقدم الأهلي في الربع الثاني 28/16 إلا أنه لم يحافظ على هذا الفارق حتى لدقائق بسيطة بعد أن عاد المنامة بثلاثيات كويد.
العدد 4982 - الأربعاء 27 أبريل 2016م الموافق 20 رجب 1437هـ
شباب خلاص هدؤا اعصابكم
ويش صاير عندكم الزعيم فاز وانتهى خلاص وانتون شايلين الدنيا على راسكم
علي جواد شخبارك
نصحتك بس ما سمعت كلامي ويش لك امدخل روحك بينهم كصو عليك هالجهال وصدقتهم المايسترو والقائد ووووو الحين حبيبي ادفع الثمن فشلتنا
نصيجه اخويه للاهلي
شيلوا صورة النسر من العلم وحطوا مكانه صورة غراب هاهاهاها يمكن اتفوزون مره ثانيه
زائر 18 ابوكريم
سبب بلاء نادي الاهلي انت وامثالك . ما اقول الا الحمدلله الذي جعل اعدائنا من الحمقى
لاحول الله
انت وين قاعد ؟؟ يالولد انت تلعب كورة .. لاترجع وتكتب شي مالية اي شي في الموضوع ويش قال الحمد لله اللي جعل اعدائنا من الحمقي ....
انهيار اهلاوي بل انكسار اهلاوي
حوبة الحكم المظلوم الشكوى لله
حوبة؟
حوبة العرق دساس؟؟؟
زائر 13 ثقيل
بنسوي دوري لكرة السله ليالي رمضان جيب فريقك علشان اندربهم في الفريج هههههههه اخجل من نفسك اشوي ولحين اتبرر واتدافع عن فريق اصلا كان ميت سريريا قبل المباراة
اسمع من يتكلم
إنتوا اذا عارفتوا الخجل تعال تكلم ، الفرق تكمل فريقها بلاعب لاعبين لسد النقص مو تشتري فريق كامل وجاي تتطنز يابو ثلاثة صفر ، للحين تقولون تبون اولاد النادي؟؟؟ والله لو مو كويد وقربان چان حصلتون ليكم دست زين يابوفريق ميت سريريا.
هشام سرحان تصويباته غير مركزة و كلها ضايعة و يتم اساسي. و المحترف متواضع ولا يقارن بمحترف المنامة اللي افضل منه دفاعا و هجوما . و جميع لاعبي المنامة اعلى مستوى من لاعبي الاهلي في مراكزهم باستثناء حسين شاكر اللي هو افضل لاعب في مركزه في البحرين و مع ذلك لاعب المنامة اللي يقابله احمد عزيز مستواه متميز . المنامة بالاساس فريق قوي في كرة السلة و ما بالك بعد ان اشترى ابرز نجمين في سترة محمد و يونس كويد و نجمي الاهلي محمد قربان و ميثم جميل اضافه لنجومه كمبس و احمد عزيز و نوروز و نجف و المحتر .
لاتهر
مستواهم صحيح حاليا أفضل بس تقول انهم أفضل من الاهلي بدون اولا كويد ومحمد قربان وميثم انت واهم ، لو هذلين مايلعبون نغلبهم ١١ صفر مو ثلاثة صفر مع محترف جيد مو مثل هالعلة اللي الحين موجود
ويش العجب
طول عمرهم منهارين في الطاءره والسله والقدم واحتمال فريق اليد ماعليك منهم جايتنهم مواجهات كبيره واللي القدر بطلعه الملاس
تركوا عنكم الفريق وشأنه
من خلال متابعتي ... الاحظ بأن الموضوع والردود فقيرة والدنيئه نسبيا.
فاتركوا عنكم هذا واهتموا باموركم فالفريق لا يحتاج إلى نصائحكم.
فاليعلم الجميع بانه الفريق يحتاج بالذات هذا الوقت الى رفع من معنوياته وليس إحباطها.
وفي النهاية إن شاء الله هذه كبوة ويتعداها الفريق.
من انت
من انت علشان توصف ردود الجماهير بالدنيئة؟؟ كل واحد من الجمهور لة حق يطالب الاعبين بتقديم المستوي اللي يرقي لطموح الجمهور الأهلاوي والاعب اللي يحس أنة عاجز عن تقديم مستوي يليق بمكانة النادي الاهلي يتوكل علي الله غير مأسوف علية ومثل ما قال خالد كانو ، كل اللي يسونة من مجهود هو للجمهور الأهلاوي ولا تقعد تهين او تقلل من اي احد ينتقد انتقاد مثل اللي مكتوب بعبارات لا نسمح لك بها والرجاء ان تنتقي وتختار مصطلحات أفضل
اهلاوي
السبب الاول المحترف ..محترف ضعيف للأمانة خاصة دفاعيا المتابعات كلها عند محترف المنامة
تضييع فرص سهلة من هشام سرحان كالعادة نقاط سهلة وبدون دفاع عليك تضيعها ؟
اعتقد الطيور طارت بارزاقها خلاص لكن نتمنى لعب افضل في المباراتين الجاية لأن هذا مو لعب الاهلي ابدا
الاهلي مظلوم
الحكام هم السبب اهلي يجيبون اسكورات بس الحكام ما يحسبونهم هههههههه
خفيف
قاموس اللغة العربية بنص دينار في مكتبة الماحوزي يالخفيف
اشوى محد قال الجكم هو السبب
الاعتراف بالذنب فضيله
الأهلي ماقصر
العيب بأنه لاعب ما يقدم شي ويتم أساسي مثل هشام سرحان ليش داخل .. كله تضييع ودفاع ما في ..والمدرب قدم إلا عنده والتوفيق من شباب
برونو
مادري من اللي اختار هالمحترف ؟؟ محترف ذبح وخذل الاعبين في النهائي
اهلاوي قديم
السبب الاول هو سوؤ مستوي عمود الفريق وهو المحترف الذي يعتمد علية الفريق وظهر علي المحترف العجز والإرهاق بسبب كبر السن وضغط المباريات ، المحترف يعتبر صفقة فاشلة وكارثية للاهلي والذي لم يوفق في اختيار المحترفين لسنوات ماضية
مدناوي
مائه فى المائه الشحن الزائد ... فعلا فريقكم ممتاز لاكن فرق الخصم عنيد وقوى .
المدرب ثم المدرب
المدرب سبب انهيار الفريق بتبديلات العشوائية و طريقة اللعب وبالخصوص الربع الثاني انت لك الهجمة و متقدم على المنامة فارق ١٢ نقطه وهشام كان نجم الربع تقوم بأستبداله؟!! هل هذه حنكة او ماذا؟!!!