من كلام الناس... في الوقت الذي يحرص فيه البعض على الالتزام بصلة الرحم، إلا أن ذلك قد يكون زيادةً في أعباء وتعب الوالدين، كأن تقوم أخواتٌ متزوجاتٌ مع أبنائهن بزيارة منزل الوالدين، فيتغير ذلك المنزل بعد تلك الزيارة من حيث النظافة والترتيب بسبب وجود الأطفال، ومع ذلك تغادر تلك الأخوات من غير أية مساعدة على تنظيف المنزل.
وفضلاً عن ذلك، فإن كل تلك الأخوات مع أبنائهن سيتناولون بعض الوجبات الرئيسية، وعليه فإن ذلك زيادة في الأعباء المالية على والديهم، وخصوصاً إن لم يقدمن أية مساعدة مالية لمنزل الوالدين.
هل من الممكن برأيك أن تتحول صلة الرحم إلى زيادة في أعباء الوالدين؟ هل تشعر أنك تواجه المشكلة ذاتها في المنزل؟
الحمد لله امي عندي والكل يزورها عندي وربي يحفظها ويطول بعمرها اذا تعاونوا الاخوه والاخوات ماديا خصوصا في أيام زيارة الأهل تخف الكثير من الأعباء الماديه وبالنسبه لتنظيف والترتيب الكل لازم يرتب المكان قبل ما يطلع
احنا ما يبونه
وننطرد
كبار ف السن يحبون الهدوء
ولا يرضون يصرفون ع التجمعات
ايصير الحفال بينهم
وللاسف كلهم عندهم بس بخل
موضوع جدا ممتاز.. وكل الردود عجبتني وكانهم يحكون قصة حياة بيتنا هؤلاء هم خواتي وزوجات اخواني يوم الخميس ينقلب البيت شارع وساخة صراخ هواش نت الاطفال وفي نهاية جولهم يتركون المكان بحالته ووسخة علي في النهاية تنظيف المكان عجزت من سوايا اولادهم ومايبغون احد يتكلم امي ما تبغتي اتكلم تخاف على زعلهم ومايجون البيت بعدين اريد حلا
الوحدة اللي ما عندها غير بيت الأب الله يعينها كل من هب ودب يجي وأكل مرعى وقلة صنعة ولا يرفعون قشة ولا يحركون ساكن ولا يدفعون فلس وأهل البيت مجبرين وخاصة البنات منهم يقومون بخدمتهم وخدمة اولادهم لا والوقاحة خدمة ظيوفهم اللي يجيبونهم معاهم ، والإقامة من الصبح لليل أن تكلمنا ابتلينا وان سكتنا انعلينا .
ياربي ارحمني صرت اكرة الجمعة وأكره هالتجمعات واكرة البشر.
عندي موضوع مهم للنقاش
تركوا عنكم موضوع بيت الاب ماليه حل
الله كاتب عليهم في الإجازة ينقلب فوق تحت!
الموضوع هو ملكية المنزل للزوج لو للزوجة لو للأثنين معا ، وهل كتبت وصيتك خطيا لو بالمحكمة موثقة
وماذا كتبت في وصيتك بخصوص الأرث للزوجة والأولاد ،والعكس للزوج والاولاد أفيدونا لنحدو حدوكم .
زائر 31
اني اقوليش
خليه يكتب جزء من البيت باسمش واذا مساهمه فيه
لازم ينكتب باسمج وباسمه
ونصيبج كتبيه باسم اعيالج مناصفة عشان لو الله اخذج الله لا يقوله وعسى يومه قبل
ما ليه حق يأخذ فلس واحدد
احنا ماعندنا بيت
لكن
عندي مبلغ بالبنك
ناوية اروح البنك واسوي مثل التحويل باسم اعيالي لما يوصلون لسن الرشد يقدرون ياخذونهم وانا الوصيه عليهم دامني حيه
ما احلاني الله ياخذ أمانته ويعرس بفلوسي
لازم يكون عندش
صك قانوني وشرعي وموثق بالمحكمة بحقش
لو مات قبلش بتنطردين بررره
اني اقول وانا اختش
كل البحرانيات تلاحقوا عمركم
ترى يورثونا بس ما نورثهم
وهم مستانسين
طلعنا دخيلات
عقب هالصرف والظيم والظلايم
صرنا دخيلات عليهم وعلى عوايلهم بس هم كلش مو دخلاء علينا ولا على أولادنا
هذا مو حجي الله
هذا حجيكم يامعممين
ساندوا قانون الأحوال الشخصية والسيداااو
اي شي يحجم سلطتهم يموتون
ويارب نورثكم ولا تورثون منا فلس احمر
غدا ناقشوا موضوع ملكية المنزل لمن ؟وأهمية الوصية المسجلة بالمحكمة
جاني مرة زوجي يضحك ويعلمني سالفة / يقول : تسأله أمه ملكية البيت لمن ؟ قال باسمي وباسم زوجتي ، ضاق خلقها وقالت ليش باسمها ؟ رد : هي مشارك معاي يمه ، وقال ليها النصف الآخر من البيت اللي يخصني إذا توفيت يكون لزوجتي بعد لأنها ماقصرت وياي
ضحكت لكن تألمت بداخلي لأني مساهمة أزيد من النصف بعد وأمه وهي زينه وياي عدل وأدلعني
لكن الموضوع من يوصل للبيزات والأرث محد يعرف أحد !
اي شي في فلوس
يستخفون
ماعدنا بيت اب ولا ام
الوالدين الله يرحمهم والبيت طار والحاله صعبه
الزوارة اذا كان فيها تعاون يصير طعمها مميز اما الزورات اللي ناس تشتغل و ناس تبغى احد يخدمها كلها ملل في ملل
يجون الجهال و يعفسون و انرد انعدل و يعفسون و انرد انعدل، و ابوتهم و امهاتم يحطون ايدهم و اذا ما حطوا ايدهم على العين و الراس و البيت بيتهم، و جيتهم تجيب الرزق، و الحمدلله
مساء الخير
حلوة التجمعات العائلية و لمة الاهل المتحابين اللي يحاسبون لبعض و يشاركون في الحلوة و المرة.
لكن اذا كان ذوي الدخل المحدود و على قد حالهم،يجب على الاولاد المشاركة،لا ان يكونو عالة اضافية على الوالدين
احنا الحمد لله نشارك في تجمعاتنا ،كل واحد يدخل بحاجة و ناكل في المحبة و الخير،لكن اشوف ناس البنات ٢٤ ساعة مع اولادهم في بيت اهلهم و الصرف كليا على الاب اللي يكرف و الابناء اللي هبابهم يصرفون على عوائلهم،حرام جدي،وين الاحساس
الاب و الام عطاء بلا حدود لكن الاستغلال مو زين.و يشوشون على الاخوان بعد.
نعم الى صلة الرحم
لا يوجد تكاليف بين الارحام ...طوبى لمن يصل رحمه ولو بالسلام عند باب الدار..مازلت اتذكر احد افراد العائلة. .يمر الضحى على بيوت الأهل ويلقي التحية والسلام ويمضي بدعاء لنا بالتوفيق والصحه والعافية..الله يرحمه .. كنا نعتبره يكلف على روحه...ونحن مقصرين..قاتل الله الجهل...
لو على التنظيف ولفلوس جان قبلنا
المشكلة أولادهم مفلتين في البيت، ولما واحد منهم يسوي جريمة تشوفها تلعب بالتلفون أو تسولف وترمي المشكلة على أمها! لا يكون فاتحين حضانة وإحنا ما ندري ونشتغل عندهم، خلاص امش شيبت ما تقدر تشيل روحها كيف بتشيلش؟ ما عندكم إحساس.
الردود معظمها الخوات وعيالهم يعفسون البيت والاخوان حتى شي خفيف او مساهمة مايجيب والغيرة بين نساء الاخ
لوتسالون الام والاب لكان حلو بارد على قلبهم اهم شي لمتكم وجمعتكم اللى تشرح صدرهم
وتركوا عنكم هالكركة واللبية ولهرار الزايد
.... اكيد وبابسط تفكير بنظفون وصلة الرحم زينه..
الحل بسيط،،،اذا هذه المشكلتين فقط،،النظافه وزيادة مصروف،،الحل،،تنظيف البيت قبل الخروج،،ومساعدة الوالدين ماديا،،والسلام عليكم،،اكثر المشاكل في تجمع العائله هو الاطفال ويتحول الي الكبار
صح كلامك
صار الحين حب التملك والأنانية والغيرة والحساسية زايدة .... ولازم زعل .. ليش صارختي على ولدي ؟ ليش قلتي حبيبي لولد اخوج وماقلتي لولد اختج ؟ انتي اتحبين فلان اكثر من علان .. ومن هالقبيل اهرار وايد ... وهواش وخصام وقطاعة وحالة ... والأطفال اشزينهم مع بعض
وفي بنات مساكين مايروحون بيوتهم لأن ابوهم ماشاء الله يستقبلهم بالابتسامات العريضة ، طبعا العكس هو الصحيح ، ابو نزر ومال مشاكل وهدار وحجةج ، ويفرق بين عيال ولاده وعيال بناته ، فالامهات مساكين مايبغون يعقدون ولادهم من صغرهم ، ولا يبغون عوار الراس مال العدو ، قصدي الابو ، وهو الابو اللي يعامل بناته كأنهم عار واعداء
ونرجو من الوسط ايضا طرح موضوع ( ازمة منتصف العمر ) ، اللي يعيشونها بعض النسوان والرجال ، الاسباب ، وطريقة التعامل مع هالمرحلة
يوو
وش فيه بعد منتصف العمر هذا احنا ماشيين ونسأل الله حسن الخاتمه
والله خواتي اذا يجون البيت يعفسونه فوق تحت ، تقول زريبة مو بيت ، خايبات حدهم ، مثل خيابتهم ماشفت ، طبعا مو كلهم ، واذا تروح شققهم او بيوتهم تقول داخل قفص حمام مو بيوت اوادم ، وفي نفس الوقت في كم وحدة منهم معقدين من التنظيف والترتيب ، لو عليها تسوي بساط طائر تتحرك فيه داخل بيتهم ، التنظيف محسوب بذرة الغبرة ، وخلطات الكلوركس والديتول تلعب على الكاشي ، والمواعين مالهم تقول اطقم ذهب من زود ماتنظف فيهم ليل نهار ، والبخور شغال كأنها ساحرة بتحضر جن
هههههه
ماينعرف لكـ / لشـ هههه من الا عاجبنكم بالضبط الا اتنظف والا الي ماتنظف ؟
غيرانه من النظيفة اللي تنظف شكلش
المفروض اليوم الموضوع عن الزواج الايجابي و الزواج السلبي .....
.... نرجو تخصيص يوم الجمعة لمناقشة مواضيع الزواج ل الاستفادة من الخبرات و يستطيع القراء تغيير التعليقات لتشمل اشياء اخرى مهمة ..
اكثر من 10 سنوات لم ازور احدا ......
لا احب التجمعات و السوالف و الصداع ...مع ان جميع الناس يحبون الاجتماع العائلي الاسبوعي حتى في الاعياد توقفت عن زيارة الاهل لاني اكتشفت ان الناس في الظاهر شيء و في داخلهم شيء ثاني يكتبون في الواتس في القروب شيء و عندهم قروب ثاني بنفس الاعضاء و من وراك للغيبة و النميمة و حركات النسوان التي اعرفها جيدا و لهذا السبب كرهتهم
اكيد انتي الأخت الكبرى
لأن عادة ماتكون حساسة وعندها نقص ... راجعي امورش واتقربي ليهم عشان يدخلونش لقروب الثاني
لا لست الاخت الكبرى .....
و لكني طلعت من جميع القروبات لانها نفاق × نفاق ... و لاني انعزاليه لا احب التجمعات و السوالف اللي ما لها معنى
يعني الخلل كونش انعزالية
ترى هالصفة مو زينة الناس للناس .. والواحد مايختلي من لعيوب .. ومو كلشي ينقال يعتبر نفاق .. ترى هالشي ملامستنه .. اذا اكتب بلقروب لمرت اخويي مثلا حبيبتي الله لايحرمنا منش .. أعتبرته الثانية نفاق !!ليش يعني ده واقع اني احبها لأنها صج طيبة وحنونة ... ليش تعتبروه نفاق ؟؟
اني أهل زوجي مسوين
قروب واتس آب
ومو حاطيني فيه ومره وحده بالغلط قالت قدامي
وتبلعمو
يا جماعه في خاطري اقول ترى ما اضايق أهم شي ولدكم يجيكم وأولاده تشوفونهم
انا أمر أسلم أن طولتها ساعه وانا ماشيه وبعدين زوجي أخذني وإني فعلا ماني اجتماعيه وأحس كل ما صرت بعيده عنهم احسن واريح لي
واذا جتهم مناسبات اروح عزاء ظروف صعبه اروح
وما اختلط بالزايد عن المشاكل
اصلا لو اغيب بالسنة ما يسالون عني عادي من أول ماخذيت ولدهم ماكانو يبغوني فعن المشاكل وعن عوار الراس اتصير زياراتي خفيفه احسن واريح
مكيفه ومريحه
بعيده وقريبه احسن
الحمد لله عني شخصيا اعطي ابوي مبلغ شهري كوني اشتغل شفتات وزوجي شفتات وبناتي صغار اضطر اني اروح بيت ابوي لما زوجي يكون بالشغل ولما تكون حزة عشا ويطلبون من بره او بيطلعون لمطعم لازم ادفع بروحي لاني كلش ماحب ازيد العبء على ابوي مسكين ، وساعات اروح اشتري شغلات بدل،ابوي اذا مو موجود ومارضى اخذ فلوس لاني استحي اكون موجودة ومادفع. في النهاية امي وابوي يتحلطمون لو يوم واحد ما رحت ولو زوجي كان طالع وما مريت او كان اوف وما جافوني وجافو بناتي. الله يخليهم حقنه ويطول بعمرهم
اصبحت كما لم تصبح
للاسف العقوق انتشرت وانقطعت اواصر الرحم وترونعا بكل مكان وين ربي يوفقنا والاهل حتى بالمناسبات ماحد لهم وبالنهايه بدور العجزه
..صراحة صلة رحم وأعباء على الوالدين الإثنين معا وخاصة معظم الزوجات تصبح ملكات في وتحصل على خدمة 5 نجوم والشغل والتنظيف والغسال يا على الوالدة أو كسرة ظهر الخدامة !@
نعم صلة رحم والبعض ثقيلة
نعم توجد أعباء ومصاريف كثيرة عند الزيارات الأسبوعية للوالدين للغداء وأحيانا تمتد الزيارات للعشاء وللمبيت .خصوصا إذا كان الأب أو الجد من المتقاعدين. ولكن أرباب الأسر الكبيرة لا يصرحون خجلا من الأبناء واولادهم. فايتعين على الأبناء تفهم الوضع وذلك بمد بيت العائلة بالمؤن وم
بالنسبة لي فأن الوالد في حال ميسور والحمد لله وهو يحب ان يرى ابنائة وبناتة وابنائهم في المنزل ومرحب بهم في اي وقت فانهم حسب قولة يعيدون الحياة للمنزل واما بالنسبة للانضافة فاننا نتساعد في التنظيف ولا نغادر حتى يعود كل شى في مكانة
بالنسبة للعوائل دوي الدخل المحدود ليس الحل عدم زيارة الوالدين انما المساعدة في تكاليف الوجبات وايضا في تنظيف المنزل فالاب ولام عندما يكبرون يتمنون ان يشاهدوا ابنائهم موجودين بقربهم.
الامهات يحبون خدمة ابنائهم امي تقول الام التى لا تخدم اولادها مثل الحصير المركون
الحمدلله احنا الأخوات مانقصر سواء مساعدات ماليه او تنظيف الا الشره على الآخوان ونسوانهم اكل ومش الايد في الطوفه لامساعدات ماليه ولا تنظيفيه
هههههه ...
فعلا" هذي النماذج موجودة في الكثير من البيوت .
والله احنا العكس
اشوف في بيت زوجي وبما اني ساكنة فيه اذا يجون حمواتي يتغدون حزة الغذاء .. يطلعون المغرب السوق ويخلون اولادهم يقلبون المكان عفسة وبالليل يخلون ابوهم يجي ياخذهم .. والتنظيف علينا نسوان الولد .. يعني مرت الاخو مو دايما اتكون مقصرة.. عكس زوارة بيت أهلي انروح الكل سواسية بالتنظيف احنا ونسوان اخواني مافي فرق والكل مايروح ايده فاضية فالعبء جدا خفيف ولزوارة اتكون ليها طعم والكل يطلع مستانس وبلا تحلطم