المدارس الخاصة نشتري الكتب بفلوسنا بعدين يطالبون نرجعهم
اليست هذه سرقة

دفعنا ودفعنا

دفعت عن بنتي سبعة ونص، و ولدي عنده كتاب مو مجلد أجبرونا نجلدة وفوق هذا يقول مو صالح ودفعنا قيمته بما أن احنا دفعنا قيمتهم رجعوا الكتب حقنا .. إحنا مو دافعين قيمتهم !!!

اليوم مودي ولدي وبنتي راحوا يستلمون الشهادات قالو يبغون قيمة ال8 كتب مال كل واحد وقمت وتهاوشت وية المدير والمديرة وبعدين غصب عني دفعت 24 دينار ويعني الوزارة تبغينا ندفع قيمة الكتب كامل و التدريس يصير على حساب المواطن ويش هاذا الظلم

احنا مدارس خاصة ومطالبينا بتسليم الكتب الحكومية العربي والمواطنة والاجتماعيات والاسلاميات وبفلوسنا مشترينهم والله حاله

مالهم حق يسترجعونهم وانتون مشترينهم
يعني سرقة

الحين فهمو مديرات المدارس ، وتم استلام الرسوم فقط عن الكتب المفقودة ، قلنالكم من قبل ، الوزراة قصدها فقط اخذ الرسوم عن الكتب المفقودة ، لكن اذا الادارة حريم يتم التشديد و الفهم الخطأ من منطلق ( لا تقربو الصلاة ) يعني مافي اي مرونة في التعامل .

خلو هذه الكلام يوصول للوزارة ' تعليقات بس هني ماكو فايده .

هناك كسل في بعض إدارات المدارس عند تسلم الكتب أثناء فترة اﻻمتحانات حيث ﻻ يطلب المدرس من الطالب بالتوقيع على تسليم الكتاب و اﻻن بطلبون من أولياء الأمور دفع مبالغ عن كتب مفقودة.

كتاب بنتي جديييييد المعلمة تقول لهم خلوه في البيت لان الشنطة ثقيلة و اني مخلتنه في اغراضي الشخصية و يوم صارت الامتحانات طلعته و عطيتها اياه ترجعه المدرسة و في النهاية قالوا الكتاب تاااالف يبغون فلوووووووووس !!!! قلت لهم راووني اياه بشوفه كتاب بنتي جديد قالوا ممنوع تشوفينه!!!!

المشكله مو بس من الوزاره
مسولين مدارس البنات حقودين معظم الاوقات هل مشاكل بس فمدارس البنات

يا جماعه شنو صاير. الطلاب عدهم كتب او اي باد كله كتب ما تتحمل الاستخدام فترة طويله بطبيعة الاستخدام اليومي و الحقيبه اللي تزن١٠كيلو كل يوم يا مطلع كتاب و يا مرجع كتاب فلوس مافي و شهادات نقعوا فيها ماي احسن

وش ده يطلعون البيزة من تحت الارض

حسبي الله ونعم الوكيل

يبين أللي حط القرار مايدري عن الكتب والتدريس شي...الكتب فيها تمارين والطالب لازم يجاوب في الكتاب...يعني أشلون لازم يرجعها بدون مايكتب فيها...بعدين أي طالب في السنة أللي بعدها ماراح يقبل ياخذ كتاب مستعمل...ياجماعة أللي فاهم سبب هالقرار يقول لنا....

سبب القرار
الفلوووووووووووووس

الوزارة قامت بحجب نتائج الابتدائي والصفحه غير شغاله وزارة متخبطه طلعوا قرار الكتب بعد ما الطلبه لعنوا قفد الكتب هذا وزارة لو دكان الله يعين لا والقهر راح ترجع الوزارة مبالغ وتقول انها وفرتها من الميزانيه مثل كل سنه

ايه يا البحرين سوف تشهدين ايام عجاف و ايام لا يعلمها الا الله سبحانه

دفعت 6 دينار بالرغم ان الكتب سليمه لكن غلاف الكتاب (مجفوس) بحجة ضعف الغلاف

أمس رحت بستلم شهادة بنتي و أدري أنها بس كتاب الرياضيات ما سلمته لانه ضايع فإستغربت من المدرسة تقول لي 8 كتب تالفين و لازم تدفعين 12 دينار في خاطري اني رايحه متسببه مابدفع و ناويه على شر لانه الادارة نفسها ما بلغتنا بالقرار الا قبل شهرين من نهاية العام الدراسي لو ندري والله ما جلدت الكتب ولا خليت بنتي تستخدمهم . الله ستر انه المدرسه قالت تبين تدفعين او بنتنتظرين يمكن يصير مستجدات في الموضوع قلت ليها اكيد ما بدفع و طبعا بخلونها لين بنتي تخلص تقديم الاعادة و بعدين بصموني بالمبلغ بس هيهات ادفع ..

أختي راحت مدرسة ولدها رفضوا يعطونها حتى جدول امتحانات الاعاده و رفضوا يخلونه يروح حق دروس المراجعه قبل الامتحان
يعني وش هالحل من وين الناس بتدفع
و بنتها دافعه 1.5 لكتابها الضايع و ردو قالو ليها تدفعين
و عليهم 6 مال كتب تالفين جيف ميزانية الوزارة بطلعونها من الطلاب ..

ترى رمضان و ناصفه و عيد و بعدها مدارس من وين لفلوس
و الراتب ضعيف خافو الله يا وزارة

المشكلة ان كتاب بنتي سليم ما فيه شي و هم يقولون تالف يبغون غرامة!!!!
يعني كتاب رياضيات فيه مسائل حسابية لصف الثاني الابتدائي شلون تجاوب على المسائل؟ بالنظر فقط؟

احنا غرمونا ندفع مبلغ اربع كتب برغم ان بنتي سلمتهم اياه يوم الامتحان...

مدارس البنات

مدارس الاولاد مافي مشكلة مدارس البنات اقل شي قالوا الكتاب غير صالح المعايير واحدة ليش ها التشدد

محرقي: ماتبون بعد نعطيكم تذاكر للمدرسين مثلكم عارفين الاجازة على الأبواب( انت تامر يا سعادة وزير التربية )خخ

دام السالفة چذي ، إذٓنْ المدرس ما له حق يلزمني بإحضار الكتاب في حصته، وما له حق يلزمني إني أجاوب على أسئلة الكراسات العملية ، ليش أتسبب في خسارة أمي وأبوي ؟! أساسا ليش يعطونا الكتاب ؟ الأحسن إنهم يعطونا المواضيع في أوراق مطبوعة مثل الأنشطة وَيَا دار ما دخلك شر (؛

حاااااجواا الوزاره
شي ما يخصنااااا
اللي عنده حجي يوصله اهناك
إدراج المدارس ما نحط شي بجيبنا
والله جم ولي أمر جه قااام يتهاوش قالت ليه مديرتنا المساعده لا تتهاوش ولا شي اني بدفع عنك وبذمتك فاستحى على وجهه ودفع وجنها عطته شطار بجملتها
الوزاره اتسوى واحنا ناكلها

إي والله ... كلامك عدل ..
إحنا المعلمين صرنا في وجه المدفع .. كل ولي أمر يجي ويسوي لنا تحقيق ويهاوش فينا.. إحنا ما لنا ذنب .. الفلوس ما بتدخل جيوبنا .. الوزارة لازم تغير هالطريقة .... إحنا مو مستعدين نتحمل تبرطم وتفلسف أولياء الأمور .. شوفوا لكم حلّ يا وزارة التربية !!!

اكو مدرسة بناتنا غير

فقط التعويض عن المفقود اما التالف """أخذته أو مااعترضت عليه ولا طلبت فلوس "ليش انتون بيحاسبونكم أوهم خارج الحساب """في مديرات مدارس تبي تطلع فيها

حاجو الوزارة !
اتسؤن فهم مذكرات الوزارة وبعدين حاجو الوزارة ليش الوزارة قالت لكم دفع الرسوم على الكتب المفقودة لو التالفة وشنو معيار الكتب التالفة خط تحت كلمة يعتبر تلف في الكتاب

ويش هالحجي.. ويش تدفع عنه.. المفروض تقول ولي الأمر امتنع عن الدفع.. عشان الوزارة تستحي على وجهها.. مو ولي الأمر الفقير المسكين.. وإذا هي بتسوي روحها بطله وتدفع عشان ما تجرح مشاعر الوزارة كيفها. .

الغلط من الوزاره… المفروض من بداية الدراسه تخبر الطلبه واوليا الامور عن سلامة الكتب .. مو بعد كم شهر اتخبرونه .. اما بالنسبه لكتب الاطفال دايما معرضين لتلف ولاداعي للغرامه ..

اعتقد الوزارة طالبت بدفع الرسوم عن الكتب المفقودة ولم تطالب باخذ الكتب التالفة و ايضا تغريم اولياء قيمتها ، واذا كان كلامكم صحيح شمعنى بس المدارس الى اداراته حريم يتشددون ، في مدارس الاولاد فقط يتم عد الكتب واستلامه .

محرقي : خلوا الشهادات عندكم الناس ماعدهم ياكلون والحبايب يبون بيزات على الكتب ليش ما خبرتوا اوليا الامور من بداية العام الدراسي ، لا احد يقول النظام موجود من زمان بس ما كان يطبق ، خافوا الله في شهر رمضان العيد على الابواب !

باالخصوص مدرسة ....يبون افلوس الكتب مال كل المواد واذا قلت لهم نبى الكتب التالفة جوابهم فى المخازن مانقدر انجيبهم

في المخازن هذي مشكلتهم بما ان هم ياخذون قيمتها يسترجعونها

دفعت 6 دينار بالرغم ان الكتب سليمه لكن غلاف الكتاب (مجفوس) بحجة ضعف الغلاف