الله يساعد المدرسين
محسودين على معاشاتهم رغم تعبهم
و مافي أي تقدير لهم

الظاهر مو بس الطلبة يحتاجون تربية وتعليم غيرهم بعد لا حول ولا قوة الا بالله

نعم أيها المعلمون أنتم تستحقون التقدير ولكن :هناك فئة غير مخلصة تتأخر يوميا وبلا مبررات وفئة تطالب الإدارات بتخفيف النصاب على حساب مصلحة الطالب وفئة تتطاول على الإدارة وزميلات العمل وتفرغ هموم الحياة على الطلاب منكم أناس هم الأكثر شكوى وتمرد ولا تحمدون أو تشكرون أنتم من اختار المهنة بكل ظروفها ثم تتباكون وتحرضون بعضكم البعض على ذلك هل سألتم أنفسكم لماذا موضوعاتكم هي الأكثر تداولا في الصحف .التعليم بخير والحمد لله ومازال هناك معلمون مخلصون يعطون دون انتظار المقابل فدعوا المهنة المقدسة لمستحقيها.

في كل مكان تجد ما ذكرت وليس فقد في المدارس ولكن حينما تتعامل مع مراهقين او اطفال بأعداد كبيرة وتزداد الضغوط يجب ان تلتمس العذر لزملائك

عجبتني ولكن انصحك بأن تنظر لوضع المتطوعين الذين قلبوا الصرح التعليمي لمطعم وصالون

اي والله صدقت هذا الي يقول ابوي ما يقدر الا على امي ويانه اساسا احنه ما نقدر نتاخر واذا تاخرنا مباشرة يستقطعون من الراتب يعني بصدق قصة ان بعض المدرسين ما يشتغلون بضمير بعض وفئة قليلة بعد اما التاخير والهرار حجي فاضي وخرابيط وثانيا كل الي ذكرته موجود بكل ادارة يعني تبغي تقنعني ان الدكاترة والي يشتغلون في الوزارات وغيرهم الضمير مقطع بعضه بكل محفل ومكان هالشي يصير الله ما خلقنا مثل بعض لازم هناك ناس تقتنع بحالها ناس تطحن على ظروفها تبغي تغيرها وناس وناس مكان جدي الا اذا مدرس تبغونه ملاك ما يغلط

لاعمل يقارن بوظيفة المعلم وخاصة مدارس الحكومة ومتطلباتهم الخيالية ... اذا ما سافر المعلم وغير جو في الاجازة بيمرض لا محاله لذا على وزارة التربية مراعاة ذلك

الله يعينكم يالمعلمين اذا هذين اولياء الامور شنو تترجون من عيالهم

زائر ١٠٣
تسبح و نام

الوزارة تزيد الاعباء ع المعلمين وتستقطع رواتبهم

على العموم هناك عزوف كبير لدى المعلمين عن العمل واتجاههم للتقاعد مبروك عليكم المعلمين الاجانب يا أولياء الامور

رواتب اختصاصي المناهج ووزارة التربية يتجاوز 3 الالاف دينار والعلاواة وكلهم اجانب وهذا شي عادي بالنسبة للجهلاء ولكن عندما يطالب المعلم براتبه العيون تتوسع والحسد يشتغل

صل على النبي ما في اختصاصي في وزارة التربية والتعليم يحصل هالراتب . 3 آلاف مو معاش بسيط وغير العلاوات صج نكتة الموسم. المعلمين اللي موعاجبهم الراتب من الأساس لقدموا لوظيفة معلم من الأساس. وثانيا راتب المعلم المستجد يبتدئ من 500 دينار وفوق فحمدوا ربكم , في جامعيين يشتغلون برواتب متدنية . حمدوا ربكم . وصراحة لوعتوا جبدنا يالمعلمين مافي الديرة غيركم, بس انتوا اللي لكم نصيب الأسد من الشكاوي.

احلف بس ارجوك تحلف اني توظفت براتب 420 اي 500 اي بطيخ روح غسل وجهك واصفعه يمكن توتعي واي اخصائي الي ما يحصل اني بعد سنوات جهاد في المدرسة واللفحة يالله يالله وصل راتبي 800 تعال شوف كاتبة توها متوظفة صار لها سنتين بس من الي خبري خبرك معاشها 500 وشوي ويش تقول انت حسبي الله ونعم الوكيل على كل واحد شايف هالوضع وراضي ويصفق بعد ويجدب لا ومو عاجبنها بعد تقول المعاش شوي وانت جاي تلحن على رواتبنا اقول استريح وعن سالفة احنه نشتغل احسن من غيره وهرار هادي ارزاق من رب العباد عندك اعتراض اعترض على الي رزقنا

أولياء الامور يبررون فشلهم وفشل ابنائهم بالتهكم على وزارة التربية والمعلم فعندما وزعت الكتب المستخدمة قامت الدنيا ولكن شي يخص المعلم ابدا

اولياء الامور مسؤلين عن ابنائهم وليس عن المعلمين يالاخو

صج مسئولين عن ابناءهم بس كلمة وثانية قالوا المدرس والمدرس والمدرس فعل والمدرس قال انزين ويش يقدر المدرس يسوي دام الوضع جدي والكل يعرف شنو نقصد اشوف يوم جت سالفة التمديد سكتون بس تحلطم في الواتساب ، ويوم عطوكم الكتب المشققة بعد سكتون يالله راوونه يا اولياء الامور ويش تقدرون تسوون مو انتون قوة اكبر من قوة المدرس يالله غيروا قوانيين الوزارة سووا الي تقولون المدرس ما قدر يسويه والا انتون ينطبق عليكم المثل ابوي ما قدر الا على على امي

فعلا .. هذا ما نود ايصاله عليكم بأبنائكم وهذا المقال وان وجدت به اخطاء لا يبرر ابدا التقليل من شأن اشرف المهن

للمعلم لا تهدر وقتك الخاص ولا مالك على الطلبة او المدرسة فالوزارة ملزمة ان تخصص جميع احتاجات الطلبة

نشكر جهود المعلمين فعلا .. لن ولم أرى شخص معطاء كالمعلمين

ليس هناك موظف ممن تهجموا على المعلمين من يشتري بحسابه الخاص اوراق او احبار او وسائل تعليمية واتحدى اي شخص في وظيفة ما

فعلا المعلم يشتري قرطاسية طول العام وغير الحبر ووسائل تعزيز الطالب ولكن للاسف لا اولياء الامور يقدرون ولا وزارة التربية هذا غير جهد المعلمين لو اعطي الطلبة حقهم من درجات لرسب عدد كبير ولكن متابعه المعلم له اثر

من المستحيل ان يتخيل احد معاناة المعلمين والضغط الهائل من مهام وتعليم وتوفير المستلزمات لا يوجد معلم في البحرين لا يشتري أدوات مدرسية للطلاب ومنهم من برفر برنتر وحبر على حسابه

أنا كولية أمر لن انسى جهد ومتابعة معلمين ومعلمات ابنائي ابدا ألف تحية لكل معلم

اولياء الامور لا تفكرون ان الانشطة تطبع من ميزانية الوزارة جميعها .. ياما معلمين أعد انشطة تعليمية وبطاقات في منزله ومن حسابه الخاص ليس ليكسب رضاكم ابدا ولكن لقناعته التامة بأبنائه الطلبه

ياناس ترى المقال للوزارة وليس لكم لكي يعجبكم او لا وياليت تحترموا غيركم

وش نقول احنا معلمو القطاع الخاص يسلمونه راتب ستة وسبعة بس
راتب شهر ثمانية نستلمة بعد دوامنا في شهر تسعة
لا علاوة ولا زيادة ولا ولا
الحمد لله
تبع وزارة التربية ولا وزارة العمل شر قوانين الثنتين علينا

واجد.تتدلعون صراحة

بس ثلاثة ايام سوّت أزمة
بالله و اللي صار ليه ثلاث سنين معلّق بسبة هالوزارة؟
هذا شنو وضعه و شنهي حالته؟
منقولي معهد البحرين للتدريب

حاسين بمعاناتكم يا مدرسين
يقول المثل اللي يشوف مصايب غيره تهون عليه بلا ويه
انتون تأزمتون بسبب خطأ الوزارة في ثلاثة ايام خصمتها من بعد اضافتها بالخطأ

احنا صار لينا خمس سنين معلقين
محرومين من الزيادة و الحوافز و التدريب و حتى الحافز السنوي موقف
منقولي معهد البحرين للتدريب

من الملاحظ ان فئة كبيرة (ليس الكل) من المدرسين واجد تحطم و مو عاجبنها العجب .. طالعو غيركم ، طالع تحتوو مو كلا فوق لا تنكسر رقبتك ، ترى النعمة زوالة ، طلع الموضوع ان عطوهم فلوس قبل و ماليهم شي ، يعني خلقوا مشكلة من لا شيئ ، هذي الحلطمة الزيادة و نتائجها ، المهم نبي اجازة السبت للقطاع الخاص ادا ماعليكم أمر ما نبي فلووووس !

الادخار هو الحل .. المفروض على المعلمين و المعلمات و الطاقم الاداري يعلمون بانهم سيظلون ثلاثة اشهر بدون رواتب عند استلامهم مقدما رواتبهم مع الاجازة الصيفية . لكن للاسف الكثير منهم غائبه عنهم ثقافة الادخار . في الاشهر التي يكون الدخل فيها جيدا والمصاريف اقل يجب محاولة الادخار فيها لمثل هذه الايام . اما استلام رواتب الثلاثة اشهر و صرفها كلها مقدما دون وجود احتياطي مالي فتصرف غير سليم اقتصاديا .

هو بدو بس مو حاصلو اي ادخار اللي يسمعكم يقول رواتب المعلمين الف دينار

الله يطلع المعلمين والمعلمات من حقد وعيون وحسد بعض البشر
ويش فيكم ما تتمنون الخير لغيركم
ما بينقصكم شي لو زاد راتبهم
ولا بينقصكم شي لو زادت اجازتهم
الحسد يبدأ بصاحبه فيقتله
صفوا نيتكم والله بيرزقكم ويش هالحالة وياكم
امة غريبة فعلا
لا تتوقع بتتوفق ونيتك سودة وقلبك مشحون غل
ادفع الله البلا
للعلم: اني مو مدرسة ولا لي بسلك التدريس

العلاوة الاجتماعية و علاوة تحسين المستوى و علاوة المواصلات ما يقطعونه في الاجازة الا اذا وزارة التربية غير عن باقي الوزارات

رسالة الى المعلمين المخلصين الأوفياء ، والله انا مو مدرس وحاس فيكم
لا تلتفتون الى الهمج من الناس ذيله في جهل ولا يعرفون شي ولا عمرهم حسو بالمعانات
الله يعطيكم العافيه وتستحقون اكثر مما يعطونكم الوزارة وعليكم بالعافية

الله اكبر
الشعب ثلت ارباعه منطح
و هالفئة معورة راسنا على ولا شي

قل اعوذ برب الفلق
الله مقسم الارزاق سواء للمعلم او غيره ليش كل هالتحلطم والغيره والحسد، الله يبارك للجميع في ارزاقهم

اكثر فئة متذمرة هم المدرسين قولو الحمد لله والشكر على النعمة

الحمد لله رب العالمين

الحين بيقولون الناس حاقدة عليهم و الله يساعدكم على هالنفسية و حق المعلم مهضوم وووووووو

اشكرة حاقدة عجل التحلطم عليهم ليش طالع رزقك وبيتك وحياتك وخلك من غيرك اقولون من راقب الناس مات هما انزين بسال جم مرة تموتون روحكم هم بسكم ترى انتون الي تتعبون هههههه

وزارة التربية مو مقصرة مع المدرسين

الوزارة مو مقصره مع المدرسين و المدرسات رواتب عالية و اجازة اشطولها و الراتب ماشي و دوام قصير و اجازات لها اول مالها اخر شنو تبون احسن من جذي و اكثر ناس انتون تذمون في وزارتكم... . حمدوا ربكم ترى النعمة زواله

انت وين عايش في الواق واق يا اخي الدرجات موقفه على المعلمين من اكثر8 سنوات والعلاوات في تناقص وساعات عمل المعلم يتم تعويضها بالساعات وليس بالمال

ابي اعرف وش هالحقد الاجتماعي عندكم على المعلمين؟ ياخي احنه تعبنا و شقينا و تحملنا ما لا يتحمل .. ندرس في مدن حايشة كل الاجانب بمختلف تربيتهم و اطباعهم و متحملين و ساكتين .. لا تقارنون روحكم فينا لان لو كنتون مكاننا مستحيل تتحملون و بتعيفون كلشي في سبيل راحتكم التفسية و الجسدية .. اتقوا الله في اتفسكم و حبوا لغيركم الخير لعل و عسى يجيكم .. انتون بس صفوا النية الله بيعطيكم على قد نيتكم

هذا واقع

اكثر ناس مرتاحين اهم انتو و فوق هذا مشاكلكم اكثر

ههههه

هذا واقع

مو بس انتو سهرتو و تعبو غيركم بعد و يمكن اكثر منكم بس الله وفق البعض و انعم عليه بوظيفة زينه بالعكس الله يوفقهم بس ماله داعي كل يوم و ثاني يتبجبجون بالجرايد و الوزارة ظالمتهم...

انزين ويعني ولو كتبوا يبغون حقوقهم انتون شكوا احد ضرب بابكم طلب منكم شي احد قال يبغي منكم شي هم يبغون حقوقهم اما انتون تبغون تسكتون عن حقكم وتبغون الناس مثلكم يا اخي كلنا دارسين حتى السنانيير تدرس الوقت الي تحس نفسك مظلوم طالب بحقك الوقت الي الانسان يحس يقدر يطالب بحقه ليش ما يطالب والا بس ذل وخنوع
اما بلوة اذ ا الانسان طالب بحقه يعني غلطان ما ليكم كيف تحكمون

مشكلة المدرسين ليست في الوزراة فقط انما في ثقافة الناس التي بدأت تشجع الوزارة على افعالها...

عاد تعال فهم التنابل

رجاءا الفاشل و المتعقد من نفسه لا يجي يقط فشله و حقده على المدرسين.. احنه ما توظفنا من نوم و لعبة .. احنه تعبنا على روحنا و كنا على ( نياتنا ) و وفقا لنياتنا الله رزقنا الوظيفة هذي .. لو كنتون تتمنون لغيركم الخير ما صار هذا حالكم يا الهمج .. خلكم في فشلكم و خلوا العلم للمعلمين .. و هالمعاشات و الاجازات ما تجي شي قدام تعبنا و شغلنا .. يالله تت

الحمد لله والشكر لله

افهمي اول شنو التعليق الي فوق وشنو انا رديت عليه بعدين تعالي علقي عليي الحمد لله والشكر الله ياعدش على نفسش

هلوووو ترى مو بس انتو اللي درستو وسهرتو وتحملتوا و عانيتو كل جامعي في البحرين درس وتعب على عمره وبلاها هالنفخه ..المفروض انك او انج معلمين اجيال اذا هذا الاسلوب نقول على عيالنا السلام من عمره ماتبخر تبخر واحترق الحمدلله والشكر ترى كلها بكالريوس يا استاذ او استاذه مو دكتوراه

بعيدا عن ردود الناس .. او تعليقاتهم على موضوع المدرسين سواء كان تعليق سلبي او ايجابي ولكن مصيبة اذا انت مدرس وردك على الناس بهاي الشكل العصبي و الهجومي .. المفروض ردك كه مدرس يكون ارقى وافضل من هالتعليق

اللي تقول اقصاها بكالريوس .. يا روحي محد طلع الدكتوراه في العلم الا المعلم .. استوعبي ان المعلم اساس كل شي في هالدنيا .. استوعبي هالشيء .. و هذا ردي لكل اللي يقول انه تعب و عنده شهادة جامعية ! انتون على مستوى داخلي ما تتمنون لغيركم شي .. شلون تبون الله يعطيكم من خيره ز رزقه؟ يعني المعادلة بسيطة .. تمنى لغيرك الخير و ربي يعطيك على قد نيتك و تعبك .. لكن انتون ابدددد الخقد و الحسد عامي عيونكم و اخذوها مني عمركم ما بتحصلون شي مدام هذي نيتكم

ابصم بالمئة الي قال كلها بكالريوس اساسا يمكن حتى ثانوي مو مكمل وثانيا اذا مو عاجبنك البكالريوس روح ودي اولادك في مدارس المدرسين فيها حاملين دكتوراه يمكن يطلع فيهم الاملة شوي ههههههه شنو هالمنطق بعد
المدرسين الي مو عاجبينك وتتحلطم عليهم روح قارن بينهم وبين المدارس الي فيها وافدين شلون فرق التدريس والانتاج ناس تعبانة وع

وفوق هذا المعلمين الثانوية والاعدادية الى 2وربع وين العدل والانصاف والحقوق!!!!!!!!! والابتدائية 1وعشر!!!!

زائر 30

من صف الاول للثانوي ماتعتبر دراسه لو ظلم كل هالاسنين ... وقبل تتكلم فكر وافتح ضميرك شوف شنو الاسباب الي منعت من مواصله الجامعه يمكن مانملك الي تملكه من افلوس للتواصل او اهتمام والخ صدق انتو طلعتون انانين وتتكلمون بدون ضمير بدل ماتعاتب الحكومه ع رفع رواتب الخاص

المعذرة فالمقال لا يمثل المعلمين
المعلمين نايمين على فلووس ولم ولن يصلوو الى مرحلة الافلاس

في الدول المتقدمه ودول الخليج المعلم صفر على الشمال بالنسبة ليهم المعلم يجب ان يكون راتبه في مستوى الوزير ادا ماكان اكثر لولا المعلم لما كان هناك وزير لو لا المعلم لما كان هناك مهندس طبيب لو المعلم لما كانوا هناك علماء ذرة لولا المعلم لما كان هناك استشاريون واخصائيون انت تتكلم عن ماذا ؟

هو معاكم حق الكل رواتبهم ضعيفة مو بس المعلمين بس موضوع السفر مافي داعي تتعذرون فيه لانه الي ماعنده فلوس المفروض مايسافر ركزوا عالاشياء الاساسية وسافروا اذا الله فرجها عليكم مو تسافرون وبعدين تقولون فلسنا

تحياتي لكل المعلمين الشرفاء ..
قد يكون هذا حقكم ومن حقكم المطالبة ولكن راعوا شءون اولياء الامور رواتبهم اقل بكثير من وراتبكم وانتم لا ترحمونهم واذا عندكم اي مشروع تاخذونه من كيس ولي الامر الفقير راعوا الله في هالفقارة

عزيزي اذا المدرس ما طلب هذا المشروع من الطالب ما راح يحصل على تقديره السنوي ولا راح يشمله بونس أو اي أمور اخرى إلا المتاعب
فالمدارس هي من تطلب من المعلم تقديم المشروع بإشتراك الطلبه و احنا يالمدرسين عندنا التزامات مثل ايجار الشقة وقسط السيارة والخادمة ومصرف العيال والابيال وكلها من راتب المعلم بعد
الموضوع وما فيه يا عزيزي ما نقدر نسوي هالمشاريع من ألما عاش مالنا والوزارة كل يوم تمنع الصرف والميزانية تتقلقص

الاخ الي قبلي شرح ليش يطلبون مشاريع طبعا هذا توجه وزاري هم يطالبون بهذا الشي
بس حبيت اقول للي يتحلطم اكو عندكم الميدان غيروا في الوزارة الي تقدرون عليه تقولون المدرس ما يسوي شي لان ما عنده صلاحية لمتى بتفهمون
مااعرف يعني هل ما تستوعبون عدل والا شنو بالضبط اكو زيدوا الدوام وانتون بس تحلطم في المنتديات والواتساب ويش سويتون وكنسلوا بعض السنوات الي بيقبلونها السنة الجديدة ويش سويتون والمتطلبات والمشاريع الي تطلبها الوزارة ويش سويتون قدرتون تبدلون شي والا تصلحون عجبي والله

إعتبرو ما خصم عليكم من مبالغ صدقه ربما تدفع عنكم الكثير من البلاء,و إلا إعتبروها تبرعات ستذهب للشعب الفلسطيني ..ولد النبيه صالح

ويش
هالخربطة هذي الي بيتبرع يعطي من جيسه مو من تعب الناس والصدقة ما تنأخذ بالغصبية

علاوة 1% تؤخذ من الجميع بدون موافقة مو معقولة ناس قاعدة في البيت ويمشي لها راتب التعطل

المفروض العلاوة الاجتماعية تنزل حتي ف الاجازة لكن علاوة المواصلات والتمديد لا مبرر لها لكن الصراحه ماليهم حق يتحلطمون 3 اشهر اجازة سنويا اوحتي شهرين مدة طويله واحسن من غيرهم يستلمون رواتبهم مقدما غيرهم يشتغل بلا راتب الي ان الله يفرجها

من المخلوق الفضائي اللي يشتغل بدون راتب

غير صحيح، رواتب الاجازة تنزل كاملة شاملة علاوة المواصلات والعلاوة الاجتماعية، فقط علاوة التمديد غير مشمولة لان ما في دوام!
فعلا من لا يستطيع ادارة اموره المالية خلال شهور الاجازة يضطر للاستدانة او حتى بيع ممتلكاته الشخصية كالهاتف الذكي او حتى السيارة من دون مبالغة

...ما علية يا مدرسين و مدرسات انتم اليوم خير ...فلنتظامن و نعيش معاناة من هم اقل منا معيشة و اكثرنا ضنكا الطبقة المسحوقة الذين يعانون الفقر ليل نهار

كلام سليم ..و خير مثال على ما ذكرت بيت عمي ألذين يعسشون التقشف دوما حتى في الكهرباء و في عز الصيف ليعمل ذالك المكيف المتهالك ساعه و يستريح ساعات طوال خوفا عليه و وهلعا من أن يعطب ..

يعني مستلمين كامل حقوقهم ..ما فهمت ويش يبون عجل ..يعني رواتب اضافية يبغون..بني ادم طموع ..لو بس اهم شي شوشرة في الجريدة ولفت الانتباه..المفروض يخفضون من رواتبهم لانها مبالغة

الله يعين القطاع الخاص الا اجازه ودوام نفس الناس ما يحصلون

..معاناة المعلمين تتعلق بظروفهم وطبيعة عملهم المهنية،
المطلوب اجراء تحقيق على مراحل وتبني قضية التعليم والمعلمين كقضية وطنية تمس أهم فئة في المجتمع وهم أبنائنا الطلبة.

الله يعين القطاع الخاص الا حتى اجازه مثل الناس ما يحصلون

والله حاله تاخدون الرواتب وتهجون وتسافرون وعقب تقولون فلستون وع ما اعتقد السفر مو من الضروريات بس كل هم للفلوس ما حتجيتون ع المناهج المطوله ولا ع الوقت الممدد ال الواحد ما يمديه يسوي شي ف العصريه ال جت اليل وظغط موصل الف ع الاهالي تهربدون الدرس تهربد والباقي ع الاهل ف التركيز والتعليم روتبكم بس ع الفاضي !!!????????

لحووول انت اعرف اكتب شي عدل مفهوم بعدين تكلم واذا على المناهج بالله شنو تبغينه نسوي اشوف يوم انتون طولوا الدوام قدرتون تسوون شي والا يوم لغوا قبول الاطفال مال شهر 1 قدرتون تسوون شي بس حجي فاضي وبلبلة ما منها فايدة
وعلى فكرة حطوا في ذمتكم ان ما يشتغل المدرس بس قاعد يلعب عجل الجامعيين والمتفوقين من وين جايبينهم من اليانصيب مثلا
يالله هذا الميدان يا حميدان تعال درس وبنشوف الانجازات العظيمة

وانت وش يخصك سافرنا لولا؟ المعلم سافر من فلوسه وتعبته طول السنه ..والمعلمين يبغون جواب للمبالغ المستقطعه من رواتبهم… ..ماقالو يبغون شي من چيسك ولا من چيس الوزاره..حط نفسك مكانهم ..نزل راتبك ومستقطع منه مبلغ مو هين ..بتسكت عن الموضوع ؟

اي بيسكت الله يسلمش..

حبيبتي عطوش وياها قبل وش فيش بتموتين علينه
اشوه اول مانزلت ليكم الزياده ماجيتون كتبتون في الجرايد سكتون و صاوختون

احمدوا ربكم انتون في نعمه بس 3 شهور شالوا من عندكم 100 قعدتون تتحلطمون احنا اكو طول عمرنا تعب وحدنا يبقى من المعاش لمصاريفنا 100 دينار لو اقل

هذا الشهر مدارس وعيد ومعظمنا مفلس

والله مو بس المعلمين يعانون الكل يعاني من المصاريف واذا هم يعانون كل سنه 3 اشهر باقي الموظفين في باقي الوزارات يعانون طول السنه.

افلاس حتة وحدة؟ عجل اللي راتبه 250 شيقول وانتوا فلستوا علشان ثلاثة ايام...اللهم لا حسد

معذرة
أنا أحد المعلمين، والتذمر الموجود على لسان بعض المعلمين لا يمثلني.
الحمد لله على النعمة اللي أنا فيها.

زائر 26 ..إذا الموضوع ما يعنيك ليش تعلق؟ واتحداك انك عايش فقط على راتب التدريس . . إذا عندك مصدر ثاني للدخل ف مو الكل مثلك ..

اقول لك عاد انزين لا يمثلك احد طلب تمثيلك مثلا ترى الاستقطاع حقنا مو نطره منك او من غيرك او من الوزارة هادي حقوق لا فصال عليها يعني تطلعون واطالبون بحقوقكم ولين احد طالب فتحتون بوزكم وتفلسفتون انت ما تبغيها خلها للفقارى

لا اعلم أين هو الظلم في هذا الأمر؟ فعندما أعطت الوزارة 3 أيام في مقدم ال3 الأشهر الأولى للأجازة الصيفية لم يذكر احد هذا الأمر وكأنها زيادة جائت سهوا منها وعليكم الصمت ولكن عندما استوفت الوزارة ما قامت به مشكورة في بداية الأمر قامت الدنيا عليها ولم تقعد وكأنها عملت منكرا لا يغتفر له وليس هو جميل فعلته تستحق الشكر عليه!!

هههههههههههههه يضحكوني المعلمين لو يعطونهم ويش بعد كل يقولون مظلومييييين

صلوا على النبي جماعة، البحرين كلها تعاني من الرواتب النازلة و انتونه اقل المتضررين، ويش تقولون عن الا معاشه 300؟ التسلف صار عندهم عادة

الله يساعدكم صراحه بهذا الراتب ، المشكله معقده هي الموظفيين الاجانب هي عدم وجود ضوابط في التوظيف والواسطه والمحسوبيه والطائفيه اذا كنا نريد ان نتحدث بصراحه وعدم نفاق

الحمد لله مافلست ، سبب الافلاس هو عدم التنظيم أنا شخصيا أعامل الثلاث رواتب كانها مبلغ اقسمه على ثلاثه اشهر بعد خصم جميع الالتزامات من قروض وفواتير وغيرها وانزل ليي راتب كل شهر والحمد لله الامور طيبه ، اما بتصرف المبلغ كامل او بدون حساب أكيد افلاس

طماعين

ويش تبون اكثر من جديه احمدوا ربكم بهالرواتب العاليه شوفو قطاع الخاص ع 250 عايشين ومع اجارات وقروض ومصرف اعيال وزوجه وهم حامدين وشاكرين وانتون طمع ف طمع وياريت مهتمين ف تدريس اعيالنا كثر اهتمامكم ف ارتفاع رواتبكم ... وتالي بتقولون ان الحكومه ظالمتنكم... جشعين وطماعين

اشفيكم على المعلمين؟؟ ترا حملة شهادات مو طالعين من الاعدادي الا تبونهم يستلمون 250!!
مو مدرس ولكن أقدر كل مهنة وأدري انهم يتعبون ورواتبهم اقل من قليلة ب حقهم.
وهذا حالكم يا أهل البحرين كل واحد يتمنى زوال نعمة الثاني
لايغير الله ما بقوم حتى يغيروا ما بأنفسهم

روحي ادرسي حجية واتعبي وصيري مدرسة واستلمي الراتب الي حاسدة العباد عليه على فكرة معظم الوزارات خاصة التربية الي انتين جاية تقولين نستلم احسن رواتب يستلمون افضل من راتب المدرس وهو قاعد مستانس ومكيف واحنه نكرف ويه حنجل طلبة الي قليل ادب والي عنده حالة نفسية والي مو متربي وال يلسانه طويل والي والي وانتين جاية تقولين رواتبنا ماادري
لكل مجتهد نصيب
حسد وحقد الله يعينكم على روحكم

حبيبي

انت عارف الوضع ياكثر الي حاملين شهادات جامعيه ويشتغلون ف الخاص وثانيا ليش لستهتار لشهاده الثانوي هذا حقنا يعني بدل ماطالبون برفاع رواتبنا

مو هني مشكلتكم طالبوا برفع رواتبكم ومن حقي كمواطن اطالب بالي ابغيه انت وغيرك شكو حتى لو كان راتبي 3 الالاف انت وغيرك ما لك خص انت لك حق وبناءا على حقك المدني والثقافي تحصل على حقك ومن حقك المطالبة والاعتراض وانا بعد ليش تستكثرون على المدرس هالشي حتى لو كان بالنسبة ليكم رواتبنا افضل من قطاعات كثيرة كيفي انا من حقي اطالب بالي اشوفه يناسب مجهودي ووضعي ، مو انت وغيرك الي تحدد انااستحق او لا ، كلمة وثانية قلتون راتب المدرس وراتب المدرس ترى رواتبنا مقارنة بالوزارات ولا شي اصحوا من النوم بس بسكم حسد

وأما بنعمة ربك فحدّث ...حمدوا ربكم ولاتتذمرون تراكم أحسن من غيركم بمليون مرة ..

وزارة التربية

لم تمر على وزارة التربية في تاريخها إدارة اسوأ من هذه الإدارة .

اني افضل

اني معلمة في مدرسة خاصة و افضل ان الرواتب تنزل كل شهر بشهره.. ليش ينزلون لينا رواتب الاجازة كلها مرة وحده.. يا ريت يسوون قرار بعدم انزال رواتب الإجازة مقدم.. كلمت مدرستنا قالوا حاسبي.. اني احاسب و افصل الرواتب و ما اسحب راتبي الا في نفس التاريخ الاعتيادي حتى لو زوجي طالبني بدفع القرض قبل حتى لو بيوم ما ارضى. بس الاغراض تشتم الراتب و تخترب ):

8

أنا اشتغلت 36 سنه في جهه حكوميه وهذي السالفه تحدث وعادي ؛ على طول الشئون الإداريه تصرفها في الشهر إللي بعده ، لا يبقى لها جرايد ولا حنه ولا رقله ،، المعلمين اطلعوا أكثر من شهرين إجازة وفتكينا من الحنه والسنداره ؛ قوم فجج الحين .

اي والله اكثر ناس حنانة المدرسين

تعال اشتغل مدرس بعدين تحجي كفاية نتحمل اولادكم الي يحملون مثل عقلياتكم التعبانة اذا تعليقك جذي شنو نتوقع من الجيل الي بعدك الا عدم احترام
انتون اولادكم ما تقدرون تعلمونهم ساعة واحنه نقابلهم نص اليوم وكل صف فيه 36 الى40 طالب وجايين تفلسون علينا بعد
قوم قوم من كرسيك وخلني اقعد وتعال مكاني وراويني بتحن او لا
لا حول ولا قوة الا بالله

بالله عليك هاي رد معلم !!!

وانت الصادق بالله عليك هادة رد واحد من امه تحترم مدرس انتون احترموا المدرس اول وتكلموا وياه عدل والا تبغون تاكلون في لحمه وتسبونه بعدين اذا رد قلتون هذا معلم اي معلم غصبا عنك معلم لان تحمل اشكالك وغيرهم وغيرهم تعال شوف اولياء الامور والطلبة بعدين اتكلم تعال شوف المدرسيين المصريين ويش يقولون عن الطلبة طافشين في مصر والاردن وغيرها كفو يرفع طالب عيونه على المدرس وهني شاق الارض وطالع اسكت بس تراكم اذيتونه نتكلم بدبلوماسية ونطبطب ولين طالبنا بحقنا وتكلمنا صرنا مو زينين نصيحة روح تعلم شلون تحترم غيرك

وثانيا شلون تبغ يالمدرس يرد عليك يعني ليكون عبالك المدرس ملاك وبس مهنته يتحمل اهاناتكم وسلبيتكم اشوف يوم كتب الي فوق الحنة والسندارة ما قلت شي عيونك تسكرت والا لان انت الي كاتب التعليق فعادي عندك روح اشتغل احسن الله يهدينه ويهديك ناس تعبانة

المدرسين مشاكلهم كلا عن الرواتب..ما عمرنا سمعنا يتحجون عن مناهج او عن الكتب المستعملة الي موزعينا معنى رواتبهم عالية بنسبة لباقي الاشغال والاجازات واجد وامتيزات مو موجودة عند غيرهم مثل الماء والجاي والجرايد وبعض الايام ريقات على ظهر الوزارة

شكلك حلمان..المدرسين يشترون الجاي والقهوة والماي من حسابهم واحيانا حتى القرطاسية بعد..واقلام سبوره غالبا لا تكفي للفصل باكمله ولا يسلم المدرس غيرها..مافي جرايد الا في المكتبة ومو خاصة للمعلمين..رواتب المعلمين لا تناسب الجهد الي يبذلونه..معظم الي يشتغلون مايودون شغلهم البيت عكس المعلم تحضير وتصحيح ووضع اختبارات..الاجازة المحسودين عليها محسوبة اجازة سنوية ومعاشهم فيها ينقص علاوة المواصلات والتمديد وغيرها ..لكن غيرهم في اجازتهم السنوية ماينقص شي..وعن المناهج منهو قالك ما يعترضون ؟ تاكد من معلوماتك

مسكين من مجدب عليك عفر حجي الشاي والسكر وحتى الماي اذا ما تدري من رواتب المدرسين مو من عند الوزارة وحتى قبل يوم يدزون للمدارس يعطون بس الادارات اذا جوا تريقوا من فلوسك افتح بوزك قال ويش ريقات وهرار صدق ناس مريضة نفسيا
طبعا الاخ الي قبلي وفى وكفى والتعليق وبالنسبة للمناهج المدرس عجز لما طلع من بوزه بلوح ويش سووت الوزارة يعني
اشوف انتون قدرتون تسوون شي سواءا في تمديد وقت الدوام وفي امور اخرى هههه صدق شر البلية ما يضحك

تم استقطاع ١٥٥ دينار مع علاوة التمديد ل١١ يوم

اذا 3 ايام قيمتهم 155 دينار جم معاشك ماشالله وكل معاشاتكم شويه وتتحلطمون

زائر 67
اساله جم سنه خبره وعقب تلغى يالي ما تستحي

حشى

كلها ثلاثة ايام ... ليش الطمع

والله إذا ما تهمك الثلاثة ايام في حتى عشرة دينار تأثر علية هذا اولا و الشيئ الثاني هذا حق و ليس منة من احد .

ياوسط ياكرام.
هاهو الخامس من اكتوبر مقبل علينا نرجو منكم تسليط الضوء على مشاكل المعلمين...طموحات المعلم .. هموم المعلم البحريني ..ضغوطات الوزارة ..ضغط الجداول الدراسية..تكدس الطلاب في الصفوف..الأعباء الإدارية(الورقية) ..التوظيف الجديد.. الترقيات و الحوافز..

كمعلم اجد ما قلته وذكرته من مواضيع افضل من مواضيع الراتب .. لنكن صريحيين راتب المعلم جيد .. مع الاسف اجد ان المواضيع التي تعنى بالمعلم في صحيفة الوسط اكثرها تركز على الراتب .. هنالك مشكلةبسيطة في الراتب ومنها انزال راتب 3 شهور مرة واحدة ولكن هنالك مشاكل اكبر منها ما ذكرته اعلاه في مداخلتك لا اجد لها ذكرا في الصحيفة وربما لدى المعلمين وهي حقيقة تشكل هم كبير لدى المعلم و لا اعرف لما لا يتم التطرق لها كما يتطرق للرواتب

انت أحين واحد

تصحيح أنت أحسن واحد

هناك ماهو اكبر مثلا لايوجد برنامج لتطوير الموظفيين وخصوصا في المدارس ، ان وظفت في وظيفه فني لامجال لك في التطور ولايراد لك التطور أصلا ماعدا أبو نجمتين اللي تنهال عليه موافقات الدراسة توظفت في الوزراة كفني ولم تقدم ليي الوزارة اي فرصه للتطور ولايوجد برنامج اصلا للتطوير درست على حسابي الخاص وكانت الوزارة تدفع التكاليف للموظفين بعد انها الدراسة فتقدمت بطلب ولم أحصل على شيئ بل وعدوني باني أستطيع التقدم بطلب للدراسات العليا عندها ستتكفل الوزارة بالمصاريف طبعا تم تجاهل طلبي لاكمال الدراسه وبدون رد

هذا جزء من تكريم المعلمين!!!!

الله يعين الفقاره أصحاب الرواتب الخجولة

الحمد لله على كل حال الصراحه صدق مساكين لكن من ينظر إلى مصيبة غيره تهون عليه مصيبته فى القطاع الخاص رواتب الموظفين ماتساوي علاوة المدرسين اي ان بعض الموظفين فى القطاع الخاص لا يتجاوز 200دينار احمدو ربكم وما احد قال ليكم اليكم العبوا برتابكم

زين والمطلوب؟ كامل حقوقكم مستلمينها ويش مطلوب بعد؟

لماذا لا تقوم الوزارة بتخيير المعلمين في استلام رواتب العطلة دفعة واحدة ام بشكل شهري كبقية الشهور لأن نزولها دفعة واحدة يربك الميزانية حيث ان عليك ان تحتفظ بحسابك بأقساط البنك وفواتير الكهربااء والهاتف والايجارات وغيرها والخاصة بشهري 7 و8 حتى يحين موعدها وحتى لو قمت بالتنظيم الا ما يحدث الخطأ

عندي حسابين في نفس البنك أحول مابينهم عن طريق الانترنت والامور طيبه ، بصراحه على الوسط مراجعه سياستها في نشر المواضيع يعني مثلا خير استقطاع 3 ايام ماكان له داعي أبدا وأظهر المعلميين بصوره سيئة ، سليب الراتب نزل نهايه الدوام وماكان في وقت لاحد يستفسر كان الاحرى التريث قليلا للسؤال واستيضاح الامور خصوصا ان هناك من يتصيد على المعلميين لا أدري هو حسد أو حقد من ايام الدراسه او جهل ، أرجوا من الوسط الانتباه لهذا الجانب انا موظف في احدى المدارس نعم تفاجأت مثلي مثل غير واشوف الموضوع في غير محله بتاتا

صدق ناس حسوده ..اللي قاعدين يقارنون وظيفة المعلم بالقطاع الخاص ليش حضرتك ما دخلت جامعه و درست وتعبت روحك 5 سنوات علشان تصير معلم وتستلم راتب معلم؟ چان اجتهدت وسهرت الليالي وداومت جامعه من 8 الي 5 العصر وجبت الشهاده ..

و انتين شدراش انهم مادرسو
يمكن درسو و ماصار ليهم الجانس نفسش
حمدو ربكم .. الحمد و الثناء يزيد النعم

ناس حاقده ..وهالناس الحاقده ماتعلمت إلا على يد المعلم ..تعليقات تكشف نفسيات مريضه ..والحسد متفشي بشكل مو طبيعي على راتب موزع على اجار وكهربه وبراده وابيال وصيانه وسياره وعلاج ومدارس..وين ترتفع ليكم رايه وانتون بهالحاله ..