بالنسبة لي .. اكل اللي يعجبني و البس اللي يعجبني و هم اسوي اللي يعجبني و نظرة الناس و كلامهم اخر اهتماماتي

مثل صحيح 100/100. ردود هابطه لأخر درجه ... ثوم و بصل؟ محد قال لكم إكلو خياس. المثل يقول كل مايعجبك يعني ما احد راح يحس بذوقك. و البس ما يعجب الناس يعني إكشخ و خل منظرك نظيف عشان لا تشمءز منك الناس. كما أمر ديننا الحنيف بلباس الجديد ايام الجمع. و بنعمة ربك فحدث.

أغلب المشاركات إن لم يكن جلها لم تشد إنتباهي البته ... فقط هذه المشاركة ألتي جعلتني ارد على كاتبها و اقول له كلامك هو السليم و ليس سواه… راصد

راصد و لكن ما يعرف يرصد ..

كلامك سليم يتولد النبيه صالح
الراصد الاصلي

ألف سلام و تحيه للراصد الأصلي .. إعذرني إن انتحلت الشخصية أو الاسم الذي كنت تتقمصه فقد أعجبني لقوة بلاغته و دلألته…

بالعكس تعليقه .. لا اسلوب و لا طريقة راقية في الكتابة ... مع الإعتذار ...

زائر رقم 75 .. ما كنت أعني في مشاركتي الاسلوب أو التعبير و إنما مضمون المشاركه الذي أعجبني ..

لايصنع المال والقصور والماركات والتفاخر رجلا
ولاتصنع الملابس الفاخرة واحمر الشفاء امرأة
فكل رجل يعلم كيف يصنع رجولته بدينه بمواقفه وخلقه
وكل انثى تعلم كيف تصنع انوثتها بأحترامها لدينها بحتشامها باخلاقها
خاطرة اعجبتني.

كلام جميل جدا حكم و درر .. يوجد مثل آخر يقول الناس ما يعجبها العجب و لا الصيام في رجب .. يعني حتى الملابس تعيب عليها و يمكن تصور الشخص بدون علمه و تكتب تعليقات في مواقع التواصل من جهة أخرى ظهرت صور الكاسيات العاريات في صفحة اكسبلور و هي من علامات الساعة .. ام محمود

هناك أنواع من الملابس او الاكل أصبحت تسبب أزمة بين الأزواج كيف ؟؟؟ ل اختلاف الطباع و البيئات و هناك تدخل من الزوج في لباس زوجته و الطبخ الذي تعده يريد أطباق معينة
و هناك رجال عندما يذهب ل يخطب يريدها غير محجبة و غير ملتزمة و فري يمكن الاخ خريج تايلند

الكثير من الأمثال الشعبية أصبحت لا تناسب العصر الحديث و زمن التكنولوجيا بالرغم من الناس يتداولونها واعتقد انها تناسب زمن الطيبيين فقط و يمكن بسبب البساطة في الماضي و قلة التعليم و الثقافة أصبحت سائدة و لكن معظمها غير صحيح ويبقى موروث شعبي

يجب مناقشة ظاهرة الزنا المنتشر في كل زاوية و في كل قرية و مدينة و كل مكان و ملابس الساقطات في الأماكن العامة خاصة انكم ذكرتم امس ان البحرين سوف تغرق في البحر أكيد ستغرق بسبب الفواحش و نساء من غينيا و كل وحده لابسه ستريج... مسخرة

يجب مناقشة الظواهر السلبية في المجتمع البحريني مثلا اذا أذهب إلى مجمع جيان و اشوف المفاصيخ اجنبيات و عربيات فستان قصير و فتحة من ورا او شورت قصير جدا و غيرها من ملابس غير لائقة لماذا لا يكون هناك قانون

البحرين ليست للمسلمين فقط، احترموا تواجد الجاليات الاخرى، نتون لو تروحون دول اجنبية، تقبلون بقوانين اجبارية بنزع الحجاب مثلا

الأجانب يجب أن يحترموا عادات و تقاليد الدول المسلمة يا ذكي ما ناقص الا يلبسون ملابس البحر و هذا حدث في ساحل المالكية .. ام محمود

يجب أن يكون اللباس يرضى رب العالمين اولا ف انت محاسب و
أيضا محاسب على التصرفات و النظرات و الاستخدام السيء للهواتف الذكية مئات الصور الخليعة و الحسابات التي ربما بها قلة أدب في الانستغرام و ترسلها ل زملائك

الكثير من الناس اتجهوا إلى اللباس الخليع من بنطلونات ضيقة تفصل الجسم خاصة الفتيات و الموظفات يا زعم حجاب او شيلة و لكن البنطلون او الجينز لاصق و البلوزة قصيرة و تتجول في المجمعات ميك اب ال و عطر و كعب عالي عادي عندها

هذا الواقع ما نقدر نحيد عنه، فالاكل غالباً يكون في البيت وتاخذ واحتك فيه واللي تشتيه تاكله لكن اللباس هو مظهرك بين الناس ولازم يكون لائق حسب المكان المتواجد وحسب المناسبات كذلك

نأكل ونشرب ونلبس ما يرضي الله وبس .

مجرد مثل لاغير بالنسبه لي انا اكل الي تشتهيه نفسي
والبس الملابس اللي تعجبني ينطبق المثل ع الناس المريضه نفسي

من ناحية اللبس ذوق عام اهم شي رزة تكون شوي ..عاااد الأكل هههههه في ناس ماياخدون كوفي الا من ستار بوكس عشان المظهر وشوفوني ماخد من ستار بوكس عاد قالوا ليي جرب منه ومابتندم اخدت وما أنكر انه مو حلو بس الي اسويه فالبيت مثله مافي فرق في الطعم .. قلت لصاحبي ماقتنع ولا بيقتنع. ههه

...... يقدم اجود انواع الكوفي والناس تاخد منه لجودة منتجاته وغير هذا فيه قعدات حلوه واسعار الكوفي فيه بالضبط مثل لين بتطلب كوفي ف اي مطعم او كوفي شوب ! وين المظهر فلموضوع ! دع الخلق للخالق وانشغل بنفسك :)

هههه في ناس مثل ما قلت شووو يرواي ان اخدت واعرفهم كل منزهقين للحين ماادري متى الزهقة بتخلص بس مو الكل ناس متعودة تشربه وادمنت عليه
انا بالنسبة ليي مااحبه >>>>اشربه بس برة مثل لبنان وحتى السعودية غير تحسه طلعه لذيذ شي ممتع اما هني حتى الكوفي الي اني اسويه احسن منه ماادري شنو يفرق
البلوة ناس للحين عايشة في المظاهر مال اول ماادري شلون يفكرون

يا بعد جبدي يا زائر 35
أنا معاك إذا أكلت جرجير او بصل او بقل تقدر تغسل أسنان وتروح او تخف الريحة أما لو ماكل لك فص ثوم او فصين
حتى لو تغسل أسنانك بكارتون معجون في نفس الوقت لو تتفرك بطن صابون ريحة الثوم ماتروح إلا عقب اسبوع
يعني بصريح العبارة من تاكل الثوم حتى لو تتسبح وتتفرك خذها قاعدة أي حركة أو تبذل جهد اشوي ويعرق جسمك
خصوصا في الصيف لازم تفوح ريحة العنبر والياسمين هههههههه

ولد زويد
لا تهتم إلى كلام الناس ترى لا بقدم ولا بآخر وبعدين الثوم مذكور في القرآن الكريم وطبيا مفيد إلى جسم الإنسان وعلى قولتهم
شويخ من أرض مكناس وسط الأسواق يغني وشعلي أنا من الناس وش على الناس
أش عليه ياصاحب من جميع الخلايق أفعل الخير تنجو وأتبعه للحقايق

(الثوم) يعبر عنه مستشفى كامل متكامل لكن أنصح إذا بجي تاكله ﻻ تقروضه بضروسك عشان ﻻ أحد يشتكي من الريحة الغير مرغوب فيها أفضل شيء قطعه إلى قطع صغيرة بحجم حبة العدس أو العيش وابلعه مثل ما تبلع حبة البندول أو ينطبخ ويروح في الصوالين هذا بعد أحسن
والله تعالى أعلم

من قال لك اذا قطعته دوائر وبلعته دايركت ما تصير له ريحة وبلا هرار علينا وهذي أفضل طريقة لاكل الثوم عشان تحصل على فوائده العظيمة

اذا بنمشي ويه الموضه بنفصخ الحيا و ياما بعض البشر فصخو الحيا بغزو غربي فأنا اقول المثل في بعض الامور صحيح و في بعض الامور غلط يعني استخدمه بعقلانيه لا ابهدل روحي ولا امد ارجولي اطول من لحافي

صباح الخير البس كلشي بمزاجي واكل على راحتي مثال اني ما البس عبايه وأهم شي الستر الداخلي للإنسان ...

شنو يعني ستر داخلي ؟ تلبسين عبايةبالمقلوب يعني ؟؟
اسمحي ليي .. سترش ناقص .. الستر الداخلي لش والستر الخارجي عن الناس .. الناس ما تشوف سترش الداخلي .. سترش الداخلي يحميش من نفسش .. سترش الخارجي يحميش من الناس .. فرق واجد .. أقلها بيحميش من التحرش ولو بالنظر .. ما ابغي ادخل في تفاصيل فقهية .. وعاداتنا وتقاليدنا .. بس اعذريني .. رِفقاً بعقولنا .. التحرر الزايد عن اللزوم هو عبودية إلى كيان التحرر نفسة ..

والله الي بيتحرش بيتحرش سواء البنت لابسه عبايه او لا , ثاني شي البحرين بلد حضار ي ومتثقف وماتو الناس الي يتحرشون

كلام مأخوذ خيره ..
أخلي بنتي وأختي بدون ستر وأقول اللي بيتحرش بيتحرش .. لا
إنته مثل اللي يقول أنا بخلي سيارتي بدون ما أقفلها في الشارع واللي بيسرقها ما عليه من السيارة مقفلة أو مفتوحة
ويش هالكلام .. لازم قد ما أقدر أحمي أهلي ونفسي وما اخلي الرابح والجاي يتمقل فيهم حتى اللي ما يبغي يطالع بيطالع لأنه المنظر مستفز للمشاعر الغريزية .. للأسف التطبع الغربي و ( تعالوا شوفوني ) أعموا قلوب الناس
بلد حضارة على عيني وراسي .. بس الغريزة لازالت موجودة .. الله يشرع مافيه خير وصلاح للإنسان

ههههههه وين ماتوا احين بابا صار التحرش بالمقلوب البنات هي الي ترقم وتتحرش ،وسبب ثاني لان ظهر الفساد في البر والبحر يعني سهل يحصلونه يمكن عشان جدي ماتوا في نظرش يعني مع اني مااشوفهم ماتوا ولا شي شكلش مدفونة بالبيت طلعي بس فرتين في المجمعات وبتعرفين شنو اقصد او الشوارع المكتضة ما بتشوفينه الا فلان يرمش لش وفلان يبتسم وفلان ماادري ويش يسوي في عمره

والله في هالزمن
مو بس يلبسون ما يعجب الناس
ياكلون اللي يعجب الناس
والا صور الأكل والمطاعم في السنابات والانستغرام على شنو تدل ؟
في هالزمن مافي البس وآكل مثل ما يرضي ربي من ناحية الكم والكيف.

الشاعر اقول انا تهمنى الطيالس العلا كم من طيالس من سقيم اجرب يعنى اشوفون واحد كشخه واحسن سيارة عنده لاكن لو تسئله عن دينه مايعرف اى شى لانه مخه تنك اهمشى واحد يلبس مايرضى الله ويعرف قوانين الله فى الدنيا

انه صراحة ما اؤيد هاده المثل احب البس على ذوقى ولا يهمنى امر الناس اهمشى اللباس يرضى الله عندى

اكل والبس ما يعجبني في واتحاشى لفت الانظار قدر الامكان، بس في نوعية من البشر مزعجة وتحط بالها على كل شي، خصوصا البنات، طالع مني وحش مناك

في ناس يحبون يدخلون حتى في أكلك وأكل هذا وليش تاكل هذا وهذا مو حلو. يخلونك تتنرفز وتلعن اليوم اللي أكلت معاهم. وحتى يزيدون في صحنك وعلى كيفهم ويمدون يدهم في صحنك او يطالعون لقمتك. وفي ناس الله يعزكم لوتشحن له 4 صحون من كل شي بياكل الصحن باللي فيه. وبعدين ما يشرب شاي بالشكر يزعم احاسب.

حق الأثنين أسوي إلي يعجبني. ما أحب المظاهر ألبس الي يريحني وعلى قد الميزانية وآكل الأكل الصحي إلي أحبه.
من ناحية أخرى أشوف أهم شي الواحد ما يأذي الناس. يعني ما يصلح تجيب أكل فيه ريحه قوية في الشغل، أو تلبس ملابس ما تناسب المكان وتجيب عليك الحجي.
مثلا في أنواع من الجينزات المنتشره ما تستر. للأسف في ناس ما تحاسب ويروحون المسجد فيها.

مو بس اللبس
حتى الأكل في الشغل ويانا ناس يازعم ما يتغدون الا من مطاعم وكشخة
مستحيل يجيب ليه شي من البيت
ترى عادي مافي داعي ترفع خشمك ههههه

الأكل أوكو مفروغ منه الكل بياكل اللي يعجبة إﻻ اللباس هذا بعد شيء ظاهري (شاهر ظاهر) الكل يبغي يظهر بمظهر وزينة حسنة وهذا شيء عقلي فطري وشيء ﻻزم و ﻻبد من مواكبة الحالة العامة والشأن اﻻجتماعي في مسألة اللباس العام المعقول المحتشم بالنسبة للمرأة مع مراعاة الذوق العام واحترام اﻵخرين وشكرا لكم جميعا.
مع خالص تحياتي

المثال صحيح ينطبق على بعض الأشخاص ومن ضمنهم إلي ردو تحتي .... مثال بسيط عندي في الشغل زملاء و زميلات جلسوا وتحدثو عن هذا الموضوع وجميعهم قالوا أن المثل خاطئ بس في الواقع مخالف تماما لما يقولون...
فأحدهم يلبس لباس عاجبنه أصرو عليه الزملاء بأن يواكب الموضة حاول المسكين بس في الأخير رجع للبسة فهل هم مقتنعين بأن هذا اللباس مناسب ولو رجعنا قليلا للوراء لكن هذا اللباس مقيتاً في أعينهم والأن أصبح جميلاً لمجرد دخولة في دائرة الموضة

هذا مثل وليس شرع أو دين للتقيد به

البس واكل و اشرب الي يعجبني ..إليّ مو عاجبه يشرب ماي المطر.

المفروض الرجل هو الي يختار لباس الزوجة ولا يحق لزوجة لبس اي ثياب بدون مشاورة الزوج لان هو الوصي عليها وحتى السوق المفروض هو يروح يشتري وهي عليها خدمة الزوج والاولاد والبيت

خله يلبسهم عقب ما يختارهم مرة وحدة بعد

شهالتخلف! نقدر نقول الزوج ما يسمح لزوجته تطلع بملابس فاضحه ايه ،، اما يروح هو ينقي ثيابها وعليها بس تقعد في البيت وتخدم هذي قمة اللاإنسانيه! فكروا في الكلام قبل لا تكتبونه وخلوا الضمير صاحي شوي ،، ترى النساء من صنف البشر!

اربطها بصنقل حديد بعد في البيت احسن
لك الحمد و الشكر يا ربي على نعمة العقل

زائر 24 هل المراءة عبدة عندك زمن العبودية راح الحين المراءة تشتغل وتصرف على البيت نفس الرجل ا وحتى لو ماتشتغل مجبور يصرف عليها اذا كان يعرف ربه اني مثلا زوجي يتحكم في اكلي ولبسي لازم اكل واشرب على كفيه مع انه عمره ماشترى لى ثياب وإذا اطلع معاه يلبس برموده مع ان عمره 66

دائما آرائك غريبة ومتخلفة وتعارض الدين الاسلامي الذي كرم المرأة واعطاها كامل حقوقها

انا راضي عن اكلي وشربي وقانع ولا انظر الى ما يقولة الناس ف الموضوع يخصني ولايخص غيري

ولد زويد
البس وأكل ما يعجبني ولا يهمني كلام الناس طال ما هو لباس محترم كلام الناس أضرب به عرض الحائط وأكل جميع أنواع اللحوم البيضاء والحمراء أين كان مصدرهم بشرط أن يكون مكتوب عليه حلال إلا ما حرمه الله ولا يوجد شي أسمة مشكوك فية عندي

مثل خاطيء يعارض الحكمة
كل ما تحتاجه وليس ما يعجبك والبس ما يعجبك لا ما يعجب الناس

رضا الناس غاية لن تدرك

أأكل ما يعجبني نعم صحيح أما ألبس ما يعجب الناس فالمقصود أن ألبس اللباس المحتشم الجميل الغير لافت ولا يضعني موضع التشهير .

كلام صحيح للأسف الناس تنظر الى ساعتك والتلفون ونوع الحذاء وعطرك وحتى موديل ونوع السيارة لايهم اكلت قوزي او فول المهم هم من يقيمك في نظرهم وربما يعطيك النصائح وهو باب بيتة مكسور.

اكل مايعجبني وألبس مايعجبني مع مراعاة الذوق والاحترام والدين

البس واكل و اشرب الي يعجبني ..إليّ مو عاجبه يشرب ماي المطر.

البس الا يعجبني ولااهتم حق احد حتى لو ماعجبهم
واذا في ناس لبسهم موذاك الوزد وسألوني اقول ليهم كشخة ماحب احبط احد ذوقهم جذي

مستحيل ... انا شخص اكل الي يعجبني والبس الي يعجبني ... لان الناس الحين لبسهم صار يفشل ومهزله . باسم الموضه ثياب تلوع الجبد ... ما اتخيل روحي البس صروال زام على جسمي وقصير كانه بيخلس وجوتي لونه اصفر فلاش .. يا خرااااااابي

كل اللي يعجبك و البس اللي يعجبك و عط الناس واحد/صفر

مثال خاطئ ...
لأن وخصوصاً في هذا الزمن لاتستطيع أن تاكل ماتحب ولاتستطيع أن تلبس مايطلبه المشاهدون قصدي الناس ...
فعش حياتك كما أنت ولاتتبع كلام الناس (كلام الناس أو ذوق الناس دوامه لايدخلها إلا الغبياء)

اكل ما يعجبني والبس اللي يعجبني وفي الاخير الناس اذواق ووش علي انا من الناس ووش على الناس مني
عاجبني مظهري في اعتراض مو عاجبني
مظهرك البس اللي يعجبني بلبس اللي يعجبك !!!

هذا المثل غلط في غلط قولو لي ليش؟
لأن إذا السالفة سالفة كل ما يعجبك والبس ما يعجب الناس انا واحد صراحة على سبيل المثال يعجبني أكل البصل
والثوم والرويد والبقل وبعدين باكشخ بأحسن وأكش الملابس..بالله عليكم تفتكرون لو الواحد أكل كل ما يعجبه
وخصوصا مثل ماذكرت البصل وغير البصل بعدين بتفيد الكشخة؟ مستحيل-على العموم السالفة بعد مرتبطة
بالأكل يعني مو كل شي يعجبك تروح تاكله وفي النهاية هذا الأكل يطلع عليك رادي ويسبب لك احراج مع الناس
قسم بالله الناس بينفرون منك حتى لو كنت لابس لك ثياب من الماس

عيب ما يترفعون على النعمه
المچبوس يطبخونه بالبصل
الصالونه يستعملون فيها البصل
البرياني يدخل في مكوناته البصل
البرجر يستعملون في تصنيعه بودرة البصل
الحمص و المتبل و التبوله يستعلمون فيهم البصل
بصل ثوم للحمص و المتبل و بصل ابيض او احمر للتبوله
و أكلات كثيره مثل الشي
في اختراع اسمه معجون اسنان يا خلف چبدي

انا شخصيا أكل وشرب اللي يعجبني وكلام الناس اضرب به عرض الحائط

@

لا كلام غير صحيح ! أنا الآن على مشارف الستينات من العمر ، هل تبقيني مثلا البس تي شيرت "Body" ضيق وجينز أو شورت والله يعزك جوتي "boot" وتارس شعري كيلو "جل " وأسوي روحي فرخ ! وتقول لي عادي والبس ما يعجبك !!! أكيد ما يركب ، كل واحد يلبس لباس على سنه .

زائر 8 صح كلامك كل واحد يلبس إلى يناسب سنه موحلو يلبس مايلبسه اولاده

معظم الأمثال العربية تشجع على التحبيط والتبعية
المثال المذكور وأمثلة اخرى من صنف " مد رجولك على قد لحافك " ، " الصديق وقت الضيق"، كأنه ما تحتاج او يحتاج لك صديقك الا في وقت الضيق !!!

لا ناكل الا يعجبنا .. ولا نلبس الا يعجب الناس
زين عايشين بعد

واقعا أصبحت الناس تتدخل في كل صغيرة وكبيرة وليست في مسألتي الأكل واللباس

من قال ناس وناس اني اكل مايعجبني والبس مايعجبني

اني عن نفسي لا ما ينطبق عليي المثل اكل واللبس الي يعجبني ما يهمني كلام الناس لانه الناس عمرهم ما بيسكتون في اي شي

ابدا ما البس الي يعجب الناس ومايعجبني.لكني اخد براي القريبين مني في امور واجد خصوصا نظرتهم ليي تهمني.ولكن الاكل انا اكل الي يعجبني وبقوة بعد.وفي نفس الوقت بعض الاوقات اكل الي يعجب غيري خصوصا ادا طالعين علشان لا احرج الي ويايي واكل الي يعجبهم واقول ويلي حلووو حتى لو مو حلو

مجردمثال اني عندي. الا بيعجبتي بلبسه ولا يعجبني باكله شي مايعجبني البسه. عشان يععجب الناس. هب مثل انردده على طول.