ألقت وسائل التواصل الاجتماعي بظلالها على حياة غالبية الناس في العصر الحالي، بالقدر الذي جعلهم لا يستطيعون مفارقة استخدامها، ذلك أن عدم استخدامها لفترة وجيزة يعني انقطاعهم عن العالم وعن تلقي المعلومات، في عصرٍ يوصَفُ بعصر السرعة في تلقيها.
وعلى رغم كل إيجابيات تلك الوسائل، فإن استخدامها لم يخلُ من بعض السلبيات، وليست أية سلبيات، ذلك أن بعضها من الممكن أن يقضي على حياة الكثير من الناس، وعلى مستقبلهم، سمعتهم ومكانتهم أمام الغير. فكبسة زر واحدة في تطبيق التواصل الاجتماعي الشهير "واتساب"، يضغطها المستخدم عن طريق الخطأ، من الممكن أن تفضحه أمام الناس، وتكشف ما كان يتداوله، فضلاً عن النشر الخاطئ لما هو خاصٌ بعائلته، وإلى أبعد من ذلك.. صورٌ خاصة لزوجته، ذلك أنه لا يمكن أن تُحذف الرسائل المرسلة سعياً لعدم وصولها إلى المتلقي في التطبيق.
أرسَل مقاطع "مخلة" فادعى أنه "فيروس"
وعن ذلك، روى أحد المواطنين لـ"الوسط"، قصة أحد أقربائه الذي فاجأهم بإرسال عدد من مقاطع الفيديو "المخلة" في "قروب الأهل" عبر تطبيق "الواتساب"، إذ قال عنه "يعتبر شخصية مرموقة وصاحب سمعة طيبة في العائلة، وإذا به يرسل لنا مقاطع مرئية مخلة للآداب في دفعة واحدة في قروب الأهل الذي يحتوي على عشرات الأعضاء، مستخدماً خاصية النقل الفوري (تحويل) بين المجموعات في التطبيق".
ويصف الحال في المجموعة بعد ذلك قائلاً "شكل لنا ذلك صدمة كبيرة، إذ كانت المجموعة تحتوي على العديد من أفراد العائلة، وأعتقد أنه كان ينوي إرسال المقاطع إلى مجموعة أخرى ولكن افتُضح أمره، وبعدها اعتذر لنا مدعياً أن التلفون أصابه "فايروس"!.
أرسل بالخطأ صوراً خاصة لزوجته
ومن المواقف التي رصدتها "الوسط"، قيام أحد الأشخاص بإرسال صورة خاصة لزوجته في مجموعة تحتوي على عدد من الأصدقاء، إذ كان ينوي إرسالها إلى مجموعة عائلته، وإذا بكبسة الزر تتجه نحو مجموعة الأصدقاء، فما كان منه إلا إرسال الرمز المعبر عن الاستغراب، ليطلب بعدها عدم فتح الصورة وحذفها، ومن ثم قام أعضاء المجموعة بإرسال عدد من الرسائل سعياً لضياع الصورة في الأعلى.
تأكد أكثر من مرة قبل الإرسال
تلك المواقف، لم تمر مرور الكرام بالنسبة للكثير من مستخدمي تطبيق "الواتساب"، إذ يعتبرونها درساً لهم للإنتباه والتأكد من الجهة المرسل إليها قبل الضغط على زر الإرسال، وفي ذلك يقول أحدهم: "عندما أريد إرسال صور خاصة بزوجتي أو بعائلتي، أقوم بالتأكد والنظر إلى اسم المرسل إليه أو اسم المجموعة أكثر من مرة، لأطمئن قبل الإرسال".
ومنهم من يذهب إلى أبعد من ذلك، فيقول: "لا أتداول صوراً خاصة بزوجتي أو عائلتي في هاتفي بتاتاً، إذ أعتبر ذلك يشكل خطورة بالنسبة لي، ولكي لا يحصل ما لا يحمد عقباه".
وكثيراً ما تحصل تلك المواقف في استخدام تطبيق "الواتساب"، فهل شهدت بعضها؟
كلام رائع جدا. نعم يجب الحذر بشدة بل يجب أن لا نكون من هؤلاء الاشخاص
هذي الوتس آب بدش النار مع هبل وربعه .. قولوا ليش ؟؟
كلامكم سليم ????????????
احنا عندنا قروب العايلة واحد من كبار العائلة طرش نكتة النقنوق بالغلط ... وفي القروب اولاده بعد هههههههههههههه
لكي تتجنب المشاكل فقط أطفئ الانترنت الداتا قبل أن ترسل للآخرين أشياء خاصة وبعدها تأكد أين ذهبت بالضبط وبعدها شغل الانترنت لأنها اذا ذهبت بالخطأ يمكنك أن تمسحها لأنها لم ترسل حقيقة إلا بعد ان تشغل الانترنت فقط ضغطة زر الداتا.
انا وحدة من جماعتي كبيرة في السن وما عندها ذيك الخبرة في نفس الوقت على نياتها وكانت تستخدم برنامع من
البرامج ما اتذكر اسمه وكان فيه خاصية انك تشكل لك قروب وتصير بينهم محادثة وكان قصدها تسوي قروب حق
ربعها النسوان هي بالغلط بدل ما تحدد واحد واحد اختارت الكل. All يعني كل الي في دليل الهاتف حتى رقم الخياط
صفته معاهم بالغلط يمكن فوق 200 شخص ههه وخذ عاد فامو النسوان يخورون وينجبون في سوالف النسوان
وما يدرون معاهم أجانب وغير الأجانب بعد هذا الموقف المحرج مسحت البرنامج كامل هههههه
انه بالواتس صادني موقف بس استفدت منه عرفت حقيقة وحده اعتبرتها صديقه الكلوز كانت كاتبه حجي عني شكثر وبتطرشه الى صديقتها جان تطرشه لي بالغلط ومنها انكشفت على حقيقتها وابتعدت عنها
رب ضارة نافعه
مرحبا
الله سبحانه وتعالى هو الرقيب هاتفي مفتوح وابني الصغير يطلع على جميع الصور والفيديو في الوتساب كل يوم ولاتوجد عندي درة خوف لانة جميع اصدقائي محترمين ولم نتبادل اي شيء مخل بالآداب قط اللهم لا تعاجلني بالعقوبة على ما عملتة في خلواتي من سؤ فعلي واساءتي.
يجب أن يتعلم الإنسان المسلم الدروس ف هذا نوع من الفضيحة في الحياة الدنيا و في الآخرة هذه الصور و الفيديوهات التي ينظر إليها ليل و نهار الحواس الخمس سوف تشهد عليه يوم القيامة خاصة الفتيات اللاتي يصورون أنفسهن عاريات
انا رجل مرة ضافوني في قروب كله نسوان بعدها كل من يطرش لي على الخاص من معانا اشوي ومتصل واحد يقولي مسامحة مسوين قروب بالغلط صرة انت المشرف بس احذف روحك
تعليق زائر 66 دبحني من الضحك
الحمد لله لم أتعرض لهذا الموقف لاني من الممتنعين عن استخدام الواتس اب في حياتي الخاصه و مقتصره على استخدامه في تلفون العمل فقط : استلم رسائل و أرد عليها فقط بدون صور و لا فيديو و لا خرابيط
اعرف شخص كان متواعد مع صديقته و بالغلط كان يكتب لها بالوتساب عن موقع اللقاء مع ذكر اسمها و رسله إلى زوجته ????
هل الرجال فقط من ارسلوا مقاطع و صور بالخطأ و احسوا بالاحراج الشديد هناك نساء ايضا خاصة اللي عندها مائة قروب تتخربط و اللي يمر بهذا الموقف المحرج يقعد في البيت شهر كامل احسن له و ثانيا هناك من يعطي الاطفال تلفونه و هم يطرشون بالغلط ب كبسة زر
اعرف شخص طرش نمتة بايخة لقروب عائلته بالغلط وعشان يداري السالفة ادعى انه سرقت سيارته وتلفونه وراح المركز قدم بلاغ واتصل لاخوانه يجون ليه المركز ومرت السالفة ولكن اللي يفهمونه عرفوا انه جمبازي
في مواقف واجد تصير مره زوجي فتح الانستقرام ولا يشوف واحد من الاهل حاط صوره زوجته وماعليها حجاب الظاهر ولده يلعب بلتلفون على طول اتصل له وخبره يمسحها وياما تصبر بلقروب يطرشون نكت او كلام والمقصود قروب اخر
صديقي مرة وحدة طرشت له حرف بالغلط واعتذرت وانتهى الموضوع بعدين نفسها البنت صارت زوجته صدفة ولما كلمته أول مرة في الوتساب انتبه للمحادثة القديمة وعرفها هي نفس البنت وعاش الاثنين بسعادة وهناء بسبب ضغطة زر.
هذا يسمونه الحب من اول حرف
ام شلخ ام محمود بسش عاد
هذا ليس تعليق ام محمود يا ذكي قليل من العقل اما الذين انفضحوا في ال واتس اب يستاهلون .. ♡♡
ههههههههههه ويلي متت ضحك
من وين عندها رقمك ولازم يكون محفوظ
انا صبي وضافوني في مجموعة مدرسات معاهم في القروب وبالفور حذفت القروب من غير الاطلاع على المحادثات واتفاجئ في نفس اليوم اضافتي عمدت الى مشرف المجموعه وكلمتها على الخاص بأني صبي وتمت اضافتي بالخطئ مع اصرارها اني المعلمة الفلانية وغير مقتنعه قلت لها اتصلي لتتأكدي واتصلت وكلمتها ومباشرة بعد انها المحادثه تكتب لي بأنكي فلانه واعطيتي الهاتف اخاكي ليكلمني من اجل لااكون معاهم في المجموعة !!
زور غصب يعني يدخلونك هههه
ههههههههههههههه
أفا ...يمكن يبون يتزوجونك
بل انفضح الرجال ، هي اللي يقولون عنه من فوق الله الله ومن تحت يعلم الله ، لايغرك بعض الناس انه يصلي ويصوم ظاهرا لانك ماتعرف ويش باطنه
نفس قصة الفايروس صادتني قبل 10 سنوات على ايام الهوت ميل :)
انا طرش افلام اباحية الى قروب العايلة عقب فهمو الموضوع انى بلغلط
والله عيب تتداولون مثل هذه الرسائل المنحطه والخفيفة علوة على الاستهزاء بالناس
مسخرة حقيقة
انا ام ولا ارضى بتاتا تصل مثل هذه الرسائل لزوجي او ابني .
ساعات تصير مشاكل بسبب كبسة رز هههههههههههههههههههه
انصح نفسي واسمحوا لي انصحكم ان لا تحتفظون بصور زوجاتكم او بناتكم خصوصا بدون حجاب في الموبيل لان ما اشوف ليه ضروره خصوصا اذا ضاع الموبيل او صاده شيء او ارسل بشكل خطاء لان المتطفلين كثيرين
تصير هل المواقف انا مع راي كل شخص يصير بطبيعتة يرسل للاصدقاء و الربع الي يبيه بس الاهل وخر عنه
انا استغرب من بعض المشاركين يتهمون الي يرسل شيء بالغلط فيه صور و فيديوهات اباحية في بعض الرسائل مموه يكتب شيء و الرابط شيء اخر لازم تحسبوا حساب يمكن غلطان و لا التشهير و بعدين تندم انك ظلمته
مسكينة معلمة مطرشة ايام العيد الوطني
مسج بالغلط الى قروب ادارة المدرسة
الله يستر عليها ما يسوون فيها شي
لازم الانتباه بهالامور
مسكينة صديقتي في احد القروبات مطرشين نكتة وسخة جدا جدا جدا
بتمسحها بالغلط طرشتها لقروب الجامعة
قالت ليهم بالغلط
قاموا يضحكون يقولون ليها بلا شلخ وشلون تطرشين جذي و وو
مع انها بتمسحها صدق
صح لكن المفروض كل شخص يطرش الي يعتقده و استغرب من البعض التهجم على الفاضي
يقولون فيه ميزة يديدة بالواتسب
حذف الرسالة المرسلة نهائيا
اذا للحين المرسل له ما قراها
انا صبي بنيه طرشت لي صورتها وهي في صالة معاريس
نصف عاريه
وقصدها ترسلها لزوجها
على طول طرشت لها اختي غلطانه ومسحت الصورة لا انا بالغلط أرسلها او أحد يشوفها وتصير مشاكل لي ولصاحبة الصورة
وانتهى الموضوع بيني وبينها فقط
الله أكثر من أمثالك يارب ويستر عليك
موضوعك صعب... أشلون ترسلك لك اذا انت مو عندها في القائمة ... سحر هو ... البنت يعني ضايفة رقمك .. والا انت زوجها الثاني وما عرفت ت تميز بينكم
الحين انت بعد وش قصدك؟!!
بس على طول تهجم على الناس واتهامهم!!
يمكن الاخ عنده مشروع بياع تاجر يقدم خدمات عضو في نادي او جمعية خيرية شي جدي ..
يعني اللي الناس تحتاجه يصير هو والناس موزينين!!
41 مسكين في الحبه هذا الزواج الثلاثون زي مسلسلات رمضان مشاهدة اكثره
صادني بالغلط طرشت لقروب مختلط عن شي نسائي وانحررجت بس يعني موشي قوي الحمدالله الايام تنسيهم ههههخ
اصلن الواتس اب المحدث يتطلب حاليا تأكيد الشخص المرسل اليه يرجو التحديث
انا لا اشترك في اي مجموعات حتى لا تحدث مثل هذه الاخطاء.
يمكن صج انك مو مشترك لكن صعبة هل الايام عندك الاهل و الصدقاء و غيرهم قروب ديني ضحك اباحي نكت صور
هي قد تكون صور او مقاطع عادية بين الاصدقاء او مو كلش عيب بس مع قروب العائلة بنسبة الى الاطفال او الجنس الاآخر فيها احراج كبير وحتى بعض النكت الي فيها ميانه
صح في قروب للصديقات عادي نطرش لكن للعائلة نخاف في ابوي و اولاد عمي مصيبة
اَي اني لازم ادقق قبل لا أرسل ومرة صارت في قروب العائلة بالغلط واحد من العائلة أرسل شي مخل وبعدين الثاني عشان يغطي الفضيحة ألغى القروب وسوى ثاني قبل لا توصل الصورة للي ما فتح الواتساب وبالفعل اني ما شفتها بس الي كانوا متصلين شافوها
عادي تصير ما فيها مشكلة و اعتقد كل شخص و قناعاته يرسل الي يرسلة بس يحترم بعض القروبات
اني ما قلت ممنوع بس هو انحرج والله اني عندي ماافتكر كل واحد والي يطرشه والقروب فيه مطاوعة مو كلهم فري يعني
اناتعرضت لموقف كاد ان يقضى على وظيفتي كانت بنتى تشتكي من ضغط العمل فطرشت لها صوت اشكي لها الحال واخبرتها انها افضل مني بكثير وااننا في المكتب نتعرض للصراخ والعصبية والظلم من قبل مديرة المكتب والاهانة وغير ذلك من الكلمات ومن غير وعي مني بعثته لصاحبة المكتب طبعاً غير الكلمات الى قلتها عن مديرتنه وانهرت تماماً فما كان مني الا كلمت مديرتنه واخبرتها ان الصوت باللغلط ارجو مسحه فاخبرتني مب مشكلة سمعت شي بسيط وحذفته وحسيت انه بالغلط الحمد لله ومن يومها قلت بعد ما راح اطرش لا صوت ولا شي
الله ستر الحمدالله
ليش تحتفظون بصور خاصه ف التلفون
والحين متعلمين من نروحون حفله حملوا تلفوناتهم وقاموا اصورون المعاريس وخير ياطير اخت او بت اخوش عيب الي قاعد اصير ؟!!!! وموقف مر علي العروس عقب ماااكتشفت صارت سالفه كبيره مادري شلون عقلية هالآوادم عندهم كل شي يتصور !!!!!
انا اكون حذر ولا اتعامل بالواتس اب بشكل دائما ولا اشارك في قروبات العمل ابدا" والعائلة غير صباح الخير وتحتهة نخلة وداة . هههههه فشيلة والله اذا خطاء عليها عواقب وخيمة.
صح اتفق معاك في قروبات نرسل الي يعجبنا بس الاهل صور ورد و جاي و تهنئات
واحد طرش صورة زوجتة لربعة بالغلط واحرج روحة وكان غير قاصد .
مرة صارت بقروب الجامعة شخص طرش لينكات بلاس 18 وتم طرده قبل لايبرر .. رغم لقروب يحوي فوق المية عضو بس عرفوه من لقافة الموجودين . ومن الاحراج اسبوع ماداوم الجامعة
مره زوجي رسل الى قروب في حمياني وحمواتي صوره عطر جديد عن يا زعم بفوشر عليهم بالغلط يوجد صوره زواجنا محطوطه على الميز ما انتبه ليها لانه مركز على العطر وافشيلتاه طرشت انسوان حمي وحده وحده تمحي الصوره من تلفون زوجها
مرة وحدة طرشت صورة (...) بالغلط في قروب البيت وافشلتاه
طبعا الصورة وصلتني من قروب اخر فيه واحد منحرف وفي شهر رمضان يقول انا كنت بطرش الصورة حق رفيقتي
وطبعا انا الصورة نزلت عندي لان كنت فاتح خاصية ان الصور تنزل لوحدها اوتوماتيكي
فوش حزتها صار لوني اخضر على ازرق على احمر
عشان اغطي على الموضوع قمت طرشت مئات المسجات عليه عليه
وخبرت اخويي بعد يطرش
ولا يندرى خواتي شافوها لو لا
لان ماجفت احد علق خير شر
بس جفت تعليقات ان واجد مسجات قصفتون التلفون هههههههههههههههه
موقف انتيكة
المشكلة اللي يتعاملون مع هذة الاشياء دائما ينصادون هههههههه ويستاهلون بعد علشان يبتعدون عن المحرمات
اول ما طلع البلاك بيري الشيوبة فقعوا مرارتنا .. في زمننا وفي زمننا .. لما نزل الواتساب والاجهزة الحديثة كل الشيوبة خذوا لهم .. وتعال عاد .. يوم منزل صورة زوجته بالغلط انستقرام .. يوم يسوي لك قروب ويحط كل اللستة فيها .. وكل يوم هالكنا بصور صباح الخير وجحة مفلوقة من الصبح ..
إحراج الصراحة
ساعات الواحد يحش في شخص معين وماخذ راحته وتالي يتفاجأ انه قاعد يكتب في قروب
صح
الي اخاف عليه بعد موتي اومرضي او فقداني للجهاز ما احفظه ..اني صور زفافي قطعتهم ...لان بعد عيني مافي امان من يستلمهم بينشرهم وفيهم حرمات
زاير 3
ليكون المتقاعدين يطرشون ليك هالسوالف ولا يش دراك فيهم كل من يرى الناس بعين طبعه اخويي لامتقاعدين ولا شباب ولا شياب هذه خصله سيئه عند الا الشيطان مسيطر ومعشعش فيها
مرة طرشت صورة بنت (...) عن طريق الخطئ في قروب العائلة صح ارتبكت قليل
\nولكن ويش يعني عادي خطأ وتم اذبح روحي لا وية
\n
\nSo What
يمكن بالنسبة لك عادي ومو مشكلة لان الاهل عارفينك هالسوالف من صوبك
بس المشكلة اذا واحد مفكرينه ما فوقه فوق وتطلع منه الشغلة
كلامك صح
أنا شخص جدا عادي أصلي وأصوم واخمس بس بعد انا إنسان ثقافي ديني ثقافي جنسي ثقافي سياسي ثقافي اجتماعي ثقافي علمي أما الي فاهم الوات سب غلط هم جماعة الي بس يطرش لك صباح الخير وجمعة مباركة
طالع فيها يا ابو الثقافه !!! اكتبها اول صح بعدين تعال تفلسف هههههههه يا ثقافي
كثير تحصل هذه الأمور والأغلبية للأسف تحوي هواتفهم صور ومقاطع إباحية وأصبح من الصعب لدى الأغلبية الامتناع عن ذلك. الدور والمسؤولية تقع على الدولة من جهة وعلى الآباء والبالغين من جهة أخرى من نشر الوعي ووضع ضوابط تحد من انتشار هذه الظاهرة..هدانا الله وإياكم إلى سواء السبيل.
انا تفادي لِمثل هالمواقف ، طلع من قروبات العائلة بجميع انواعها و اشكالها
اففف مرة طرشت نكتة قصت وجهي قصصص حرارة قامت تطلع مني من الفشيلة
وشنوو هالنكته؟
جاني فضول قول النكتة تكفى
يالله عاد ياخوك قول النكته نبغي نضحك
النكتة أيش؟
يا صارت فضايح بسبة الواتساب ، العوين الله
عن نفسي ما احتفظ باشياء خاصه في التلفون و مقفل خاصيه التسجيل الصوتي تحسبا لاي خطا
اكثر ناس يطرشون مسجات مخلة للاداب هم من فئة المتقاعدين ... لان المثل الشعبي يقول الا ما عنده شغله يختن سنانير
إنت أكيد مخك متقاعد في مثل بعد يقول " أصرم وحطه على البدو " .
لاتغلط عالمتقاعدين انا متقاعد والحمد لله ماافكر ولااتابع هالاشياء الوسخه للمرضى نفسيين ، كأنك تقول اللي يشتغلون مافيهم سخافه كلش
اللي يفهم لا يصور من الأساس. أني وحدة ما أصور بالتلفون صور شخصية أبدا سبحان الله الواحد يسهى أو ساعات الأطفال يلعبون بالتلفون ويطرشون.
والله تغربلنا هههههههههههههه
شخصيا تعرضت لموقف محرج للغاية حيث أرسلت مسج كان يتداوله جمهور المعارضة بالخطأ الى قروب واتساب يضم بين أعضاءه مسئولين في وزارة الداخلية والحمد لله تم تفهم ذلك ومرت الامور بخير
ياسماجتك
زين ما رحت فيها
ههههههههه
بلاوي تصير للواحد وسبب كبسه خاطئه. ناس تتفهم الموضوع ناس توديش فيه بلاوي ماتطلعين منها الله يستر علينه وعليكم
الحمد لله على السلامة خال ????????
وانا اقره كلامك خفت
زائر 1:
تقدر تساعدني اذا انت بوزارة الداخلية؟؟
ممكن؟