مرحبا اخواني ..انا شهدت صيد القطط ووين وداهم ناس حاولت تجرم الرجال على فعلته وتمادت في احاسيسها بدون معرفة الاسباب والمعاناه والفترة والاماكن الي غواهم فيها ..
تم نقل كل قط في مكان ولكن ليس مهجور بالعكس وداهم اماكن فيها بيوت وحاويات قمامة وبعضها صوب بقالات ...كلها اماكن عدد القطط فيها قليل جدا .
الفكرة كانت تخفيف عدد القطط عند بيته ..لانهم وصلوا 10 تقريبا متزقلين عند الباب
كل من عاتب اتحداه لو كان في نفس الموقف وبيسكت !!
اتمنى منكم التعقل وعدم اخذ ذنب بسبب قلة المعرفة والضرر .
والقطط بخير.

الكلاب قالوا أنهم خطرين ويعضون... الحين طلعو لنا أن القطط مضرة وتخدش السيارات. بالله عليك هذي عذر؟

يلجماعه انتو فاهمين الموضوع غلط عندنا فيديوهات وادله تثبت ان القطاوه مو خلهم في محل مهجور كل الفيديوات تبين انه عند اماكن سكنيه ومستعدين لاي جهه تطلب الفيديوات والناس اللي تكتب وتغلط وتسمع من طرف واحد

إذا ابعد القطط على حسب قوله لمنطقة بعيدة قد بذلك يعرّض حياتهم للخطر! بالعكس أنا اسوّي مثل ما تسوي تلك الجارة جزاها الله خير، فالقطط مخلوقات جدًا لطيفة وآمنة للمجتمع.

وش عليك منهم .. شدعوة يشمخون السيارة !!

الرحمه بالحيوان شى جميل. الانسان يعيش ويأكل الطعام أفضل من الحيوان، مع الأسف لا انت شاكر ربك ولا انت عاطف على الحيوان

القطاوة بلاء
النهار فوق سقف السيارة
في الليل داخل مكينة السيارة
لا يكاد يخلوا شارع من قطوا مدهوس
اذا بيتهاوشون صوتهم يلعلع ويبي ليهم ساعتين علشان يبدي التعفرت
اشوف فار يخاف منه
اجلح ومصن ما يطيقون الماي

حسبي الله ونعم الوكيل، انتوا اجوفون الي اجوفه ولا اشلون كلهم ثلاث من وين صاروا عشرين. الي اجوفه ذي تعدي على الجار وتشهير والموضوع بس كان يبيله رفعه في التعامل مع الجار. صج اختفوا الثلاث بس انه اقول اشتر زووود من القفاصه صار الموضوع يلزمه إصدار قانون لمنع وضع طعام للقطط، شد حيلك يا الصياد لأنه لكل فعل ردة فعل وأبشر بأكثر من عشرين قطة وفِي الأخير وصلنا حتى من الأجر ننحرم منه ويارب يعوضك خير يا الجار مسلوب حريته ويكتب لك الأجر على طيبتك وعنايتك بالقطط وكنت وبتم على مبدئك مثل يقتدى به الرفق بالحيوان

الحين هديت كل مشاكل الدنيا وحطيت دوبك ودوب الحيوانات

ما في فايده التغوي يرجعون لنفس المكان و لو بعد حين ، كانت في قطوه مأذيتنا تولد كل شهرين و تجيب ٥ و تبوق السمك من ايد امي و هي تنظفه ى تبول على أغراضنا في السطح سوى لها الوالد كمين و صادها وو داها سوق المنامه المركزي ، رجعت بيتنا في الحوره بعد ٥ شهور بالضبط

حسبي الله ونعم الوكيل ☝ صج وصلنا الي درجلة التخلف والنانية اللي نفكر بس في نفسنا صار مافي رحمة ولا نسانية حتي الحيونات صرتو تتسلون فيها

بالاساس الكلام المذكور غلط واحنا يوم ان زوجته كلمتنا قالت ان بتحط لهم سم فيران ويوم قلنا لهم في ذمتكم ورفظنا طبعا هالشي قلت بتشتكي في مركز الشرطه على لقطاوه اي عقليه ذي وحسبي الله ونعم الوكيل

الواحد يتقبل قطو او اربع اوخمسه عنده بيته بس مو عشرين وكل فتره يزيدون وانا مع صاحب القصه وزين ماسوي واللي متعاطف مع القطاوه اكيد مايقبل قطو في بيته????

انا وحده ساكنه في نفس المنطقه وفعلا وايد اتاذبنه من القطوه العام دش في سيارتي وانكسرت المكينه وكم مره انكلمها بس انسانه انانيه وادا الواحد يبي فعل الخير في الف طريقه بدون اذيت تلناس

ان ذبحوهم مشكلة و ان غووهم مشكلة !!
يعني نشوفهم يذبحونا ونسكت زين؟
زين سويت ياعطية واذا تبي اساعدك قول

من زمن اجدادنا واحنا متعودين عاى تغوي السنانير وعادي كلش ، ويش فيهم الحنونين مضايقين؟

إلي ما عنده شغله ... سنانير. كملوا عني :)

الله بعنيك.
تصرف صحيح الله يوفقك ويبار ك فيك . وان شاء الله عام سعيد. بدون قطط ولا قذارة انجاز تشكر عليه
????????????????

تفاهه وفضاوه، متعني وشاري مصيده لقط اليف
اوكي متضايق منهم توديهم مكان فيه اكل مب توديهم مكان خالي من السكان يعني بدل ماتقتلهم دايركت وديتهم مكان تعذيب ماراح يحصلون فيه اكل او ماي
وكله في ذمتك مادري شلون هالاوادم مافي اي انسانية ابد
صدق ماتستاهلون اي تعاطف بأي شي
اساعد حيوان ولا انسان مايتحلى حتى بشوية انسانيه

القطط والدجاج مصانع معالجة نفايات الهية وتحول النفايات الضارة الى سماد واللي ما يقدر هذه النعم مصيبة

الله يعينك ...

الي يده في الماء مو مثل الي يده فالنار ... اكتب خيراً او أصمت

اللي متعاطف ويه القطاوة يجي فريقنا يلم له كم قطو وله الأجر والثواب العظيم جارتنا اللي بصف بيتنا بروحها مربيه لها 10 قطاوة داخل وخارج بيتها وبعض قطاوتها وقطاوة الفريق يجون داخل بيتنا ومسوين حديقة البيت دار الخلاء لهم وعندنا في البيت مرضى بالربو والحساسية وجيوب يعني جارتنا حكمت على مرضانا بالإعدام حياتهم كله بالعيادات وبأخذ الأبر والبخاخ عشان بس يتنفسون, أظف إلى ذلك القطاوة تمزق أكياس القمامة وتخلي القمامة مرتع للذباب والحشرات في الفريق.

الي مسوين روحهم جمعية الرفق بالحيوان خلهم يلتفتون اول إلى أركان صلاتهم شعر القط يبطل الصلاة. 10 قطاوة بل كل واحد عنده حجرة ما يربون أولادهم عدل ويدورون للقطاوة والكلاب

اني بصراحة أخاف من القطاوة ومن كل حيوان اصلا الله يعين اهل بيته اذا صاروا مثلي وكل هالقطاوة صوب بيته والله اخاف ينط واحد بوجهي خوب القطاوة هذي شغلتهم ما تشوفهم الا في وجهك بدون ما تقرب اليهم هم ينتفظون

الي متعاطف مع القطاوة لا يقعد يبربر اهني .. حياه ياخذهم ويربيهم عنده

الرازق في السماء و الرازق في الارض

تبرع بتربيتها بالقرب من منزلك وفك الرجال

ماله داعي تهاجمون الرجال مدام القطط امسببين له ضرر خله يباعدهم عن بيته واللي مب عاجبه خله يروح يصيد القطط ويحطهم في بيته بدون تفلسف والا هذلين مال حقوق الحيوان يروحون يصيدونهم ويخلونهم عدهم

هذا الا سنوور حتى لو وديتهم جزر الواق واق بردون يرجعون فيهم جني يعرفون وين مكانهم اللي تربوا فيه راح تشوف كل سنور رجعته رجع وويه عروسته بعد ولين كانت نثيه بجيب وياها عريس ودرزن سنانير

معظم التعليقات متناقضة
خلو عندكم ديمقراطية
اللي يحب لقطاوه والفئران والكلاب يربيهم في بيتة براحتة بس لا يئذي جارة لنتحلى باخلاق الرسول ص. الجار قبل الدار ً مش الانتقاد والغلط على الجار
وينااا وين اخلاق الرسول

إلى صياد القطط صاحب الموضوع: من أين أستطيع شراء (فخ) لصيد القطط ؟
في قط يجي إلى حوش بيتي ويضرب قطوتي المسكينة الفقيرة!!!
أبي أصيده بخوش فخ علشان أغويه مثل ما غوا إبليس ولده.
مع العلم بأني أسكن في مدينة حمد و السنانيير عنده واجد !
شكرا مقدماً.

انه اوافق تصرف المواطن بتجاه القطط الانه اذا خليناهم بزيد العدد مالهم و بتصير نفس سالفة الكلاب الضاله ومن خلاله قام بتفرقة القطط حتى لا ينتشرون في مكان واحد

ليش الانانية

يوم تشتكون من كلاب يوم من القطاوة والفئران مابقى شيء الأرض للجميع

القطط هذه رحمه لنا أنها تأكل الفضلات وهي كثيرة من السمك واللحم والدجاج بدل أن يكون مكانها في الزبالة وينزل علينا العذاب

ليش

على الأقل يحصلون لهم لقمة أتقوم واتغويهم بعيد لا يحصلون أكل ولا ماي حرام

الله يسلط عليك حد يحبسك في قفص بس لأنك تدور لقمة عيشك عشان تحس بمعاناة هالقطط !

السلام عليكم
هو وداهم مكان بعيد عن داره وأطلق سبيلهم، ما أذاهم أو عذبهم

صيد لك كلبين لو ثلاثة و جيبهم فريقكم . بس بتعاني من مشكلة الكلاب تالي

الحين خلصت مشاكلكم وما بثى الا القطاوه يا ربي علينا

رجاااااال .... لرفق البحيوان .... مثال للجماعه الي تعتبر الناس مو بشر

الحل انك تشتري كلب وبتجوف يختفون القطاوة

ذاك اول خوك القطو يخاف من الكلب
ألحين الكلب اللي يخاف من القطو
قطاوة الحين نذول ومتحججين بعد

الحل انك اجيب لك چلب واتخليه عند باب بيتكم. هههه

زين سويت اهم شيء حلالك والي متعاطف مع القطط ياخذهم ويربيهم في بيته ولا يعور راس احد تراى مجتمع سكني مو محمية وعن الفيران ولا غيره من القوارض مالهم الا شريكات التنظيف اهمه يتصرفون معاهم

هني عندنا في سترة انقرضوا من الكلاب

بعد يقولون ان إعداد القطط نقصت بل واختفت لان احنا نعتني في الكلاب!! بس حرام الشيخ تقطهم في مكان صحراوي ما فيها سكان!!! انت حكمت عليهم بالموت البطئ!!

خلصت مشاكل الدنيا وبقت السنانير
وكم من بيت دفع الله عنهم المكروه والمصاءب
بموت قطه او طير

عجبي من بني آدم .. الرجل تصرف بإنسانية ليبعد عنه الضرر فلا داعي لتوبيخه بل استغرب بعض المعلقين الذين اعطو أنفسهم الحق في التمادي باستخدام عبارات قاسية مما يدل انه لو كانت المشكلة لديه لقدم سماً للقطط بدل ابعادهم .

اوافقك الرأي

عجيب كأن ما في إلا هو متلعوزة سيارته

انا بعد بروح اشتكي على النمل امأذينا في الحوش كل يسوون لهم بيوت هااااااااااي

ههههههههههههههههههههههههههههههههههه
ذبحني المثل

و اذا زادات الفيران عقب بتصيحون

ا ول كانت القطط تصيب الفئران أما الآن فأصبحوا أصدقاء

انزين هو ما سوا شي غلط بس غواهم !

غلطاااااااااان
سيارتي استوت خريطة منهم
ومايروح لا بغسيل ولا باليس

خل چم واحد..
اذا صدتهم كلهم.. برز روحك للفيران..

انا متقاعد وعندي الفين سنور وكلهم اليفين ما ياذون اي مخلوق بل يدافعون عنك

اتصيدهم بجون غيرهم!! والله انسان ما عنده شغله أحنا مبتلشين بالچلاب المسعورة!!

على حساب موصخين سيارتك القطاوه مسوي ضجه ؟؟ سول لك اطبيلة وحط عليها شتر لو طبيلتك مو مرخصه ؟؟

أحنا في بيت جدي الله يرحمه القطط طالعة داشة شي عادي، ما دري شنو هالعقلية لو صارف هالفلوس لشراء أقفاس أو سم للكلاب المسعورة الي أمذية العالم أفضل وأبرك. جزاها الله خير بكرة بيطلع واحد لا تأكلون الحمام لأنه يوصخون.

محتاجون لزيادة الوعي المجتمعي بحقوق الجار و بالفهم الصحيح للتدين لأجل السلم الأهلي و الحب فالممارسات الخاطئة كثيرة هذه منها و منها صخب الجيران خصوصا من يضع في بيته سماعة ( لذكر الله أو أهل البيت) و بهذا ظلم الآل بنسبة الأ ذى لهم و من يبني صالة في وسط الحي أو مأتما ملاصقا لبيت الجار و يتذرع بعبادة الله

ما بني على باطل فهو باطل يا أخي وهؤلاء يمارسون الرياء كما ذكرت

اولنا هذا وصخ و
ليسا خدوش

انا قطو واحد في البيت مجنني يوم داخل السيارة ويوم متعلق على دريشة النوم ويوم يعوي في انصاف الليالي وكل يوم يوم يطلع لينا من مكان ويطفرنا

2_ حتى اكل القطط اشتريه لهم اذا مافي اكل فضيل لهم...هذي الهواية امارسها مع زوجي بس من فترة القطوة الي احبها ماتت من عضة كلب :( وزعلت كثير وصارت طلعاتي لهم قليلة

1_ القطط مخلوق جميل ورائع،عن نفسي اطعم القطط يومياً وصارت تتجمع امام منزلنا حيث ان عددها يفوق 20 قط بعضهم جدد على المنطقة واليفين جدا والاحظهم يتجمعون كل يوم وقت الطعام وبعد ذلك يختفون...

صاحب الشكوى اتمنى النظر في موضوعك لان القطاوة مايشمخون السيارات اظافيرها صغيرة بس طبعات رجايلها اي وتطير بالغسيل يعني مو مشكلة والقطط ماتهجم على الانسان

ذي صاحب الشكوى شكله متقاعد وماعنده شي يشغل نفسه ????????????????

صحيح أنا وأكو سيارتي ما تلجي من الطبابيع شي عادي الصراحة مردها بتتلعوز وأغسلها.. دلاعة مميش

القطط يشمخون السيارات مو بس يوصخونها

وأنا واحد متأذي من القطط... جارنا جزاه الله خير يطعم القطط فزاد عددهم والقطط تأتي إلى منزلي وتحفر في وسط الزرع وتسويها تكرمون وأنا أقول لنفسي هونها وتهون لكن الريحة ماتنطاق !

مادام ما تفعله المرأة فيه أذى لجارها و لو نفسيا فإنها مأثومة ( أنما يتقبل الله من المتقين) فلا إحسان يتقبل إذا كانت وسيلته سيئة و الآبات و الأحاديث واضحة و ( مازال جبريل يوصيني بالجار حتى ظننت أنه سيورثه)

البطالة والفراغ وما يصنع .

اوافقك .. تقاعد يمكن بعد

القطط تبين خطوة ارجلها فقط على السيارة ولو كان عندك حس اجتماعي او وطني لقمت باصطياد الكلاب التى بات ضررعا واضحا على كل افراد المجتمع

وش دخل الحس الاجتماعي والكلاب بالموضوع؟
قاصر بس إتقول إنه مسئول عن ثقب الأوزون..
تحياتي

الرجال يتكلم عن محيط منزله وما يعانيه وهو ليس مسؤولا عما عنيت .

للبيع ؟

ويش هالهرار قولوا بعد ما نبي احد يزرع عند بيته عن الحشرات والطيور وقولوا لا احد يحط ماي او حبوب للعصافير والطيور

جزاها الله الف خير

مو غلط انها تهتم بالحيوان. وفي الف داهية الكماليات التي تعيشون فيها. سياراتنا تعاني من نفس المشكلة ولكن ذلك لا يمنعنا من اعطاء القطط في منطقتنا بعض الاكل. وما اقول غير ان كماليات الدنيا اعمت الناس عن الكثير من الامور

خدوش !!!!
هاي الارجايلهم متلعوزين

يا ذبحتكم للشكوى يالبحرينين ... مره جلاب مره قطاوه اخاف تشتكون على طيور في سما بعد ...

ولد العوضي
ههههههههههههههههههههه

ويش هالردود...الا ايده في النار مو مثل الا ايده في المااء

هذي مشكلة حقيقية، بالذات الكلاب زادو بشكل غير طبيعي. الحل سهل، ما في الا ان تغوونهم مثل ما الاخ يسوي.

السنانير ما تتغوى يالأخ اذا متعودة على مكان ترجع وحنا في أوال البحرين مو في روسيا

الي ماعنده عمل يكاريله جمل سوالفهم ماتخلص من المهد إلى الحد

انا هل مثل سامعه من قبل انت ...؟ ههههههههه

انا اودى لها فضيل السفرة من الطعام حتى تاكل منه والقطط احسن من الكلاب واليفين لغاية انهم يمزحون مع الانسان اذا كان الانسان يتجاوب معهم