قرَّر مجلس إدارة اتحاد اليد في اجتماع عقد أول أمس الأول (الأحد) برئاسة النائب الأول خالد اللحيدان إيقاف لاعب المنتخب الوطني الأول ونادي باربار أحمد جاسم المقابي سنة ميلادية واحدة، وذلك بعد 4 أيام من عودة المنتخب من نهائيات كأس العالم بفرنسا.
وأوضح اتحاد اليد «بناء على التقارير المقدمة من قبل الجهازين الفني والإداري للمنتخب الوطني للرجال والخاصة بسلوك وتصرفات لاعب نادي باربار والمنتخب الوطني أحمد المقابي تجاه الجهازين الفني والإداري في بطولة العالم الأخيرة التي أقيمت في فرنسا، تقرر إيقاف اللاعب سنة ميلادية كاملة عن المشاركة محلياً وخارجياً مع ناديه وحرمانه من تمثيل المنتخب الوطني في الاستحقاقات المقبلة».
وقال رئيس جهاز كرة اليد في نادي باربار لـ «الوسط الرياضي» إنه سيتم طلب الاجتماع بمجلس الإدارة لمناقشة العقوبة والاطلاع على التفاصيل.
وبحسب معلومات «الوسط الرياضي» أن الحادثة وقعت في غرفة تبديل الملابس قبل بداية مباراة أنغولا الأخيرة للمنتخب في مونديال فرنسا.
ولم يتواجد أحمد المقابي مع المنتخب الوطني في مباراة الأرجنتين وتشيلي أيضاً.
وبهذا القرار، لن يكون بمقدور أحمد المقابي المشاركة مع ناديه باربار في بطولة الأندية الخليجية أبطال الكؤوس التي ستحتضنها الدوحة في مارس/ آذار المقبل، فضلاً عن منافسات الدوري والكأس هذا الموسم وبداية دوري الموسم المقبل أيضاً.
العدد 5260 - الإثنين 30 يناير 2017م الموافق 02 جمادى الأولى 1438هـ
بارباري
لازم نعرف ويش مسوي بالضبط عشان يوضح للجميع وانا مع قرار الاتحاد اذا كان مسوي شي أو تصرف مع الجهاز بطريقة خاطئة
تراقعوا يا برابره مع اهلاويه
ماتجوفون الا الرهيب شايل البطولتين
مشكله برابره يحسبون روحهم من الكبار
مافي كبير غير النجمه والاهلي
الاهلي ماله ذنب بالموضوع ، واللاعب اخطاء بتصرفه مثل ما سمعت من شخص قريب ولاعب بارباري لكن الاتحاد يجب ان يعيد حساباته اولا العقوبه قاسيه ويجب ايقاف اللاعب دوليا فقط ، مو مصلحه الاتحاد ابدا ان يصنع عداوات مع اللاعبين والانديه ، يجب على علي عيسى ترميم العلاقه بين الاتحاد وبعض الانديه واللاعبين وكل هذا راح يصب بمصلحة المنتخب اللي ظهر بصوره سيئه في بطولة العالم الاخيره نتيجه لسياسات المنتخب الخاطئه . اما هذي القرارات المتسرعه ستجعل مباراه باربار اوالاهلي على صفيح ساخن ومتوتره
وش دخل الاهلي !!
الاهلي عنده بس لاعبين ٢ في المنتخب
شلون الاتحاد اهلاوي
اعرفو السالفة اول وبعدين بتقولون ان الاتحاد مو غلطان عليه
بسكم مضلوميه لاعبكم خطاء علا الجهاز الاداري والفني ويش تبون يكرمونه مثلا بسكم اعذار
انا اهلاوي
لكن بصراحة القرار قاسي جدا
كان المفروض اقفونه فقط دوليا اما محليا فهذي عقوبة قاسية
بس لا تدخلون الاهلي في الموضوع
افهموا مال باربار لا تدخلون اسم الاهلي في الموضوع هذا حدث خارج البحرين وليس في مبارة مع الاهلي وبسكم تهجم علی رئيس الإتحاد
لانه كلشي لصالح خاطر الاهلي بدوري والاتحاد يمبي يضعف باربار بأي طريقه
البرباري واجد يهدر بس قلبه عسل
اولا: ما عاد هناك شيء اسمه المؤسسة العامة بل هناك وزارة اسمها وزارة شؤون الشباب والرياضة.
ثانيا: توقيف اللاعب من عدمه ايس من اختصاص الوزارة بل هذه شؤون خاصة بالأتحاد ولجانه الخاصة به.
ثالثا: انتظر اجتماع إدارة نادي بار بار حتى تفهم كل السالفة ومن بعدها قل رأيك في قرار الأتحاد.
رابعا: تركوا عنكم العاطفة والتحيز وخلكم حقانيين مع انفسكم.
لا نعلم ما هي الحادثة بس متعودين على اتحاد اليد الاستعجال والكيل بمكيالين في اصدار القرارت تفهم ما تفهم مشكلتك ههههه
يستاهل الايقاف
وتركوا عنكم الصياح يا البرابره ..
لاتعيشون دوره بطوله المظلومين
بسكم هرار
اخر من يتكلم مال الاهلي لو وقفو منكم لاعب جان بتقومون القيامه لينا
مال باربار فوضويه لازم مسوي شي
اتمنى فتح تحقيق من قبل المؤسسة العامة للشباب والرياضة لما يجري داخل إتحاد اليد !
لأنه ما راح طلع تمشى اياكم وقعد في الفندق توقفونه .. !!
جعفر قلتون شايب وعلي قالو مصاب قلنا ماعليه بنمشيها وعيسى قالو مايحترم مدرب الحراس الي جايبنه محمد عبدالحسين وقلنا انزين ماعليه صارو ثلاثه واحمد قالو سلوك انزين الحين باقي ثنين محمد ومحمود شنو الخطه الجايه حق شيالانهم بنصبر وبنجوف الحلقه الاخيرة
باربار عندهم كرة اليد بس وكل يوم يسوون ليهم فلم كيف لو عندهم أكثر من لعبة جان زادة هدرتهم
انت مقهور من الكواسر شي طبيعي خلف جبدي لان واقفين ليكم عظم في حلقكم والسنه الهدف مالنا الدوري والكاس حولو توقفونه بعلي عيسى مالكم وحكامكم مال درجه ثانيه
اضرب بكس وحصل على توقيف ٣ مباريات عرض خاص
وتهادر مع جهاز الفني بلكلام ووقف سنه ميلادية
من زود
او مسامحه مال باربار فوظوين ههههخ
بس صراحة الباربارية طيبين وايد رغم كل شي
البرباري لا تجيسه تبتلي
كثيرين الثرثره ماشاءالله عليكم ما تعوركم بلاعيمكم من الحجي طول الموسم
حسب معلوماتي أن اللاعب رفض لعب مباراة أنغولا حسب كلامه لاحساسه بألم اسفل الظهر.على ضوء ذلك تم إيقافه الخبر من شخص متواجد مع المنتخب ..محايد