الصراحه صار مرض ذي الشي أنا واحد من ربعي تركت اطلع معاه و ما اماشيه الحين و السبب الجوال ، لان كل ما اطلع معاه عينه كله بتلفونه يطقطق كانى طالع بروحي لو حتى قاعدين في اي مكان عينه ما يشيلها كلش من التلفون أنا حتى مره قلت له تجلس مع اهلك انت تشوفهم ،قعد يضحك لك ،نسافر يشترى له شريحه و يطّلع له رقم و شقد يدفع فلوس حق ٥ ايام بس عشان ما يترك الفون من يده بعد السفره بطلت أكلمه و اطلع معاه لان فى السفره حسسنى كأني مسافر لحالي

يا عمي الحياة و الشغل كله بالتيلفون الحين
ثم انك لو قلت بالحد من مدة استخدام الهاتف يوميا، شنو راح تسوي شي مفيد في بلدنا العزيز، هل راح تشم هواء على ساحل أبوصبح؟ هل راح تسبح في بحر ساحل أبوصبح؟! هل راح تخترع الذرة؟ ثم إنك لو كنت تبي تخترع الذرة راح تشوف طريقة اخراع الذرة عن طريق الهاتف المحمول، نقطة على السطر

راح تقرأ قرآن وراح تقضي اشغال البيت المعلقة وراح تسوي لك شيء اذا ما يفيدك بالدنيا بيفيدك بالاخرة للاسف اصبحت التلفونات اهم شيء في حياتنا وحتى اهم من نفسنا اهملنا انفسنا واهلنا بسبب هالتلفونات متى الانسان بيستيقظ من غفلة ادمان استخدام التلفون ارواح راحت وبيوت تهدمت بسبب هالتلفون صحيح الاعمار بيد الله بس اسباب الموت كثيرة واكثر هذه الاسباب الاستخدام الخاطئ للتلفون والله يهدي الجميع

لا أستخدم الهاتف وأنا أسير بالسيارة ولا عند المشي في المجمع

وين المشكلة الحين ، العنوان غير والتعليقات غير وكلام المقدم غير ، كل اللي شفناه شخص يمشي ويطالع في التلفون صوب الحمامات ، شنو المشكلة كل واحد قاعد يفتي عن طريقته في استخدام التلفون . صراحة الموضوع ما له علاقة بالعنوان وموضوع مو مهم كلش.

عزيزي زائر 25 الرجل بانشغاله بالجوال دخل حمام النساء بدل حمام الرجال .

ههه انا استخدمه في السياره وانا امشي وانا داخل الحمام ...في كل مكان صراحه

هالمرة صوروا في طوارئ السلمانية ما يحتاج اجهزة ذكية و لا شي .. الرجال على طول يدخلون حمام النساء !! و الله مسخرة

ما استخدمه إلا أثناء الانتظار في بعض الأوقات

كبار السن تحصل عندهم مايعرفون يقرون ويدخلون شففت عدت مرات فيه المستشفى وخاصه الطوارء

ههههه.. الهواتف صارت عبارة عن مخدرات إلكترونية

الموضوع هذا قريته وفتحتة وأنا أسوق السيارة بس عجبني هههههههههههههههه

في السيارة عند الاشارة واستخدمه للاستماع اثناء القيادة
اما في المجمع ففقط عند الجلوس او الانتظار

هو فعلا انا استخدم الجوال في كل مكان بس موبهذي الطريقة ..لما اكون بالشغل فعلا ما اتركه بس بالسيارة والمجمع لا مجرد طله

مستحيل اسويها او اخلي عيالي يسوونها لان بصراحة شكلهم يفشل يمشون ولايدرون عن الا حولهم ياما شفت يرقع في طوف او في واجهة محل او اشخاص

اني بدونه اضيع والوقت اللي ماعندي نت عادي اشغل لعبة والعبها واني اسوق او اتمشى ..

غلباً فالسيارة استخدمة واحيانا فالمجمعات

لا استخدم التلفون في السياقه ابدا لا في حال الاتصال او الرد على الاتصال ولا البرامج الثانية ....
اما في المجمعات ادا كنت في استراحة والشارع حسب الضرورة

استخدمة واني امشي حتى مرة دعمت في سنورة وطفرت من الخوف. اما في السيارة بس في الإشارات استخدمة.

احيانا استخدمه وانا اقود السيارة ولكن احاول بقدر الامكان ان اتجنب استعماله . لكن بصراحة اللي مو قادر ابلعه ان شخص يمشي نفس المسبه بين الاوادم , طول وعرض ونافخ عمره وتاليها ماسك له جهاز يخليه ينزل رقبته وهو يمشي والبعض في وقت المحاضرة والشيخ يتكلم ولمدة طويلة يعني مش للرد على امر طاريء فهذي حركات اعتبرها over

شوي

الحين اني في السيد في شارع النخيل في الأوقات العادية ما أستخدم الشغب في محنه

لا ما استخدمه و اني امشي بالشارع او المجمع الا اذا كان مكالمه و الوتس اذا في شي مهم .. بالشارع عند الاشارة فقط

ما أستعمل التلفون لا في السياقة أو عند المشي
خوفا على نفسي وعلى الراكبين معاي والأهم الناس اللي مالهم ذنب في الشارع
يكفيني استخدمه أي وقت لما أكون في البيت

نعم

استخدمه في البيت فقط ( شر لابد منه)

كل واحد وستخدامه التطور مايكون نقمه الا من سؤ الاستخدام