يعني اللحين مشاكلنا و مصايبنا الرءيسيه تركناها و مالقينا الا هدولي الفقراء نوقف ضدهم

من أمن العقوبة اساء الأدب
لو يبون عرفو شلون يوقفونهم لكن الشكوى لله

نقطتين ..
1- لا تشترون منهم
2- شوف مين ظهرهم .. لو ما عندهم ظهر كان خافوا

يقول المثل اذا فات الفوت ما ينفع الصوت و تونا أمس سامعين وش سووا بالرجال

وخل لو اني حاطة بسطة ورق عنب ونفيش ومكينة شعر بنات جان ما بيتوني بالمركز حسبي الله ونعم الوكيل

أكثر الردود تنم عن عنصرية بغيضة ومشينة للآسيويين وهذ شئ مخجل جدا
وهم في الأغلب عمال مقاولين والمقاولين من أهل هذه المناطق وكل الناس تتعامل مع المقاولين وتستفيد منهم وبعدها لا تريدون أن تروهم أمامكم وبجنبكم

14
يا بني أدم كل من الناس تضايقو بسبب تصرفات بعض الجدد والأجانب أنت وغيرك ينط لكم عرق وتقولون عنصرية
وعنصرية.. يا أخي افهم وفتح عقلك عدل البلد فيها قانون ومع الأسف في ناس مخرطينها ومصخينها هذا لو ما في
قانون جان البحرين أخس من الغابة.. من هذا المنبر صحيفة الوسط نطالب الداخلية والبلدية يشكلون مجموعة على
شكل مدنيني ليتم القبض على هؤلاء المخالفين ومصادرة بضاعتهم لأن إذا تأتيهم بشكل رسمي سيهربون لذا يجب
مداهمتهم بشكل سري والقبض عليهم وهذا افضل حل

يالطيب هؤلاء لا إلى مقاول ولاهم يحزنون تراهم صبحا ومساء وفي كل الزرانيق والشوارع فلماذا يتم السماح لهم بينما المواطن من يفترش مكان على طووول شيلونه...راجع نفسك يالحبيب لا هو حقد ولا عنصرية بس الحق يقال...

هذا المنظر الي يشوه صورة البحرين يانواب .... هذي المشاكل تعاني منها الدولة حلوها وريحوا المواطنين
سوو خير مرة وحدة في حياتكم
قوتكم على المواطن الفقير الي يترزق لو بحريني
نعلتون خيرهم وقعدتون هناك عشان مايجي يوم ثاني

تعالو شوفو شارع البنغاليه ( المالكية ) من العصر الى الليل مبسطين يبيعون سمج و ثياب و اكل و خضروات .. نبي حل تعبنا منهم صراحه

تعالوا شوفوهم ماليين شارع النخيل ( باربار جنوسان جدالحاج كرانه المقشع )

فعلا، و لا حسيب و لا رقيب . و ساكنين اسيويين عزابيه في قلب هذه المناطق و بدأو ينتشرون بكثافه

عمرهم ما ضايقو احد
خلك منصف أشوي
أكثرهم لمقاولين بسكن للعمال ومنزوين ابروحهم

اكيد انت مستفيد من وراهم . تقول ما ضايقوا احد ؟؟؟!! من اشهر قليله جايبين أسيويات و صار شرب خمر و عربده في احد ... ، و قاموا اهالي المنطقه القريبه من هذه الحوطه بتهديد صاحبها ان يوقف عماله عند حدهم او ان يتم الشكوه عليهم في مركز الشرطه.

ما بيقدرون عليهم لانهم متنقلين ألحين تلقاهم راحو مدينة حمد - وهالأيام بعد زايدين صوبنا في مدينة حمد ما اتشوفهم الا بسطو وجابو أغراضهم ورا البيت وتعال عاد كلمهم يقولون لك هذا شارع مو مال انته !!!! ها ويش تقدر اتسوي ليهم؟ اتخاف بعد اتهاوشهم يسوون لك مشكلة أو جريمة ولكن احنا انقول ابعد عن الشر وغني له.

ديرة سايبة باكرر هاذي الكلمة لين الله ياخذ روحي.

ههههههههههههه قويه

أكبر غلط المفتشين يقومون بمصادرة البضاعة وترك البائعة الجائلين يسرحون ويمرحون المفروض القبض عليهم
قبل البضاعة وصدقوني سيرتدع ويتوقف غيرهم عن هذه التصرفات

وين إودون البضاعة
حرام ياخدونها