زائر59 لين انت من الفريق الكراج بعيد عن بيتك ارجوك اتخبر صاحب الكراج يفتح عند بيتكم افضل لان ما في ازعاج
نحن نتكلم عن اخلاق وذوق على خيب ما وصلني انا جيران الكراج متايقين وصاخب الكراج عطاهم وعوود للتغير المكان بدون فايدة يعني بس كلام.
ارجو من الزائر ان يقترح على صاحب الكراج بفتح محل مقابل بيتهم

با جماعة الخير الغلط غلط ومحد يرضى بالغلط، يعني الحين مافي عاقل يقبل ان صوبه كراج وكله حدده، وشباب رايح وشباب جاي، كلش مو عدله، بس الإحساس نعمه وكلمة الحق صارت عند اللي يحب قطع رزق، لان الحب يطغي على قول الحق، فيصير نفس الأعمى، ما يشوف، بس بعد الأعمى عنده بصيرة، وعنده احساس.

تشتغل في أياسي السيارات يا صاحب الكراج؟
إذا الاجابه نعم
أول رمضان ان شاء الله انا عندك
تدري
حتى لو ما تشتغل فيهم بمرك
علشان full check

من خلال التعليقات تبين أن المشكلة ليست في الكراج ولا في صاحب الكراج، إنما المشكلة هي في زوار الكراج

السلام عليكم انا من نفس الفريق لم اري اي ازعاج بس الي قدم بلاغ علي الفقير يتكلم علي الأسودين الذين ساكنين في الفريق كأننا في بنغلادش وماذا يفعلون في ليالي الاجازه هل تكلم عنهم اما ماقدر الي علي هذا الفقير لكن اتمني من الله ان يهدي الجميع والتوفيق الي صاحب الكراج ويحصل علي مكان اكبر ويرتفع رزقه من عند الله

مشكلتنا احنا في المنطقة وباقي المناطق انه احنا واجد نجامل و ما عدنه شجاعة نقول كلمة الحق على حساب جيرانه و اعراضنه .
عجل واحد يقول لك زوجته تحرشوا فيها يقول لك عطني لقطة فيديو توثق اللي تقوله ( احساس ميت)
و المشكلة الكبرى انه ما دام صاحب الكراج مسوي له شغله يعني انت صرت من جماعته يعني ما نرضى عليك مو المهم عنده الحق و الباطل اهم شي عنده مصلحته الخاصة و الباقي جهنم . وصار عنده المشتكي مريض نفسياً ويمشي ويشتكي على الناس و الله ودي اضحك من قلب على اللي يعيشون على المصلحة و النفاق ولو وصل للعرض

خوك هذا عرض يعني الاي بقوللي جيب فيديو ابط عيونه مع الاسف اللي تحرشو في زوجته مو رجال لو رجال ولع فيهم وفي الكراج وفي بيوتهم

احد يرضى على عرضه بنات طالعه وداخله وعيونهم زايغه الله مايرضى بهذا الشي مع احترامي للصاحب الكراج لين عنده غيره على خواته المفروض مايرضى بهذا الشي.

ترى المشتكي يعاني من مشاكل نفسيه يعني مو صاحي اخر مره مشتكي على اهله خلوها على الله ياخذ الحق ..

مهما طابت الاخلاق .. رزق أو مو رزق .. منطقة سكنية فيها عوائل ليست مكان للكراج .. ازعاج و تلوث و ازدحام

ليس هناك بيني و بين صاحب الكراج الا كل المحبة و التقدير و أتمنى منه عدم إساءة فهم موقف الجيران لأن اغلب الجيران بل قل أجمعهم يتمنون له التوفيق و النجاح و بالخصوص انه يعيل أسرته من مدخول هذا الكراج ولا يريدون قطع رزقه. لكن يجب على صاحب الكراج ان يقدم مصلحة الكل على مصلحة الفرد و ان لا ينظر للموضوع بانها معركة فيها خاسر و رابح وان يتفهم مشاعر جيرانه . فنحن أسرة واحدة مهما اختلفنا و اختلفت وجهات نظرنا .
ففي بلدنا الحبيب هناك الكثير من الأصول و قواعد تنظم حل هذا النوع من التظلمات و الخلافات

سؤال : هل يتعدى الضرر الواقع موضوع الضوضاء أو بقع الزيت أو مواقع ركن السيارات و عدد مرتادي الكراج من فئة الشباب ؟
سأجيب بنعم بان هناك ضرر آخر اكثر ازعاجاً و احراجاً من الأضرار السالفة .ففي حادثة سابقة تعرضت أحد زوجات الجيران لموقف مؤذي أخلاقياً حين حاول أحد زوار الكراج إستلطافها بالكلام مما دعاها للدخول بسرعة الى منزلها و أخبار زوجها ولله الحمد ان الموضوع لم يخرج عن السيطرة لحكمة أهل الزوج .

أنا جار قريب لهذا الكراج و لي معرفة وثيقة بصاحبه و لست هنا منحازٌ لطرفٍ دون اخر فالموضوع هنا ليس شخصياً بالنسبة لي بقدر ما يجب أن كون منصفاً.
صاحب الكراج شخص أخلاقه طيبة و كل من تعامل معه.يشهد له بذلك القريب و البعيد.
سؤالي هنا ليس عن من تقدم بهذه الرسالة . أهو جار اول أم جار ثامن أهو عدو أم قريب كما أسلف اخي الزائر .
اذا سألتني شخصياً هل هناك ضرر على الجيران ؟سأجيبك بوضوح بأن هناك ضرر واقع على جميع الجيران و لكن عدد كبير منهم لا يستطيعون الإفصاح عنه و لا يريدون ان يشعروا بأنهم قطعوا رزق احد

انا شخصيا اتعامل مع راعي الكراج والرجال محترم وحتى لو اوقف دقيقه وبمشيصوب بيت يقول لي شيل سيارتك هي باركات الجيران مو لينه والرجال محترم ومو مسوي ازعاج في المكان بس الناس مرضه واجد نفسيا وع قولتك عنده جم ربيه ويطالعونه هي كلام جهال مو رجال بالغ ويفهم لانه الناس بعد عندها خير وما طالع الي عنده خيره لا انت اول واحد ولا اخر واحد عنده بيزات بس ما اقول اله حسبنا الله ونعم الوكيل الرجال مايشتغل غير هالشغله ويصرف على ولاده من عرق جبينه تبونه يروح يبوق ويسوي مشاكل وتالي بتقولون بايق ليش ما فتح ليه مكان

اني وحده من الجيران ..السيايير تسكر المكان مانعرف حتى نطوف نخاف تتشمخ سياييرنا .. وفوق هذا المصبنه اللي عند الكراج يتجمعون وغير هذا في هنود ونخاف ع اولادنا بعد .. واذا ع الرزق ع عينا وراسنا بس ارض الله واسعه مايصير بعد رزقي واضايق ع غيري الله مايرضى ولا يبارك لك برزقك اللي من وراه اذى للجيران والناس

بعيدا عن اَي شي ، صاحب الكراج إنسان جدا طيب و من طيبته انه كذا مرة صلح سيارات هذا الانسان اللي كاتب ف الجريدة ، بعدين هذا الانسان اذا بيتكلم يتكلم عن نفسه مو عن فريق كامل لانه ولا واحد من الفريق متفق وياه في هاي الموضوع ف لايكتب ب اسمنا كلنا لانه ماله حق ، الدنيا ي حبيبي سلف و دين ، بترجع لك و رب العباد مو ناسي عباده

اها احين طول هالسنيين ما ازعجكم بس احين صار مزعج ههههههههه شر البلية ما يضحك
ابغي افهم تحملتونه طول هالسنوات وهو في كل الي قلتونه وتوكم تتكلمون يعني غريب امركم

زائر 31 كراجين قريب من بيتنا والثال ورا بيتنا محتلين البراحة صوبنا لكن عمرنا ما تافافنا ولا قلنا كلمة دام هم مو ضارينه في شي ابغي افهم ويش الي يضركم علموني بالضبط من خبرتي بوجود كراج اعرف شنو يصير اظن اي مشكلة بينهم حلها سهل ماادري ليش ناس جدي يا دافع البلاء قال ويش مو في فريقكم عبالكم كل الناس مثلكم يتحججون على العباد والبلاد وكل شي يحطون فيه عله وسالفة الحمد لله اكو عايشين وهم عايشين خلهم يترزقون ما عندنا مانع
لصاحب المشكلة عندك اشكال وياهم حاول تحله بينك وبينهم

في وسط بيوتنا هذا فريق ضيق مرات واجد احصل مضايقات منهم والا من عيونهم المتطايرة علينا من تطوف مرة والا بنية خزوها مافي طريق غير مزاحمينا ولا ليلنا ليل ولا نهارنا نهار ازعاج اصوات تسحب مكينات و سيارات اصدقاءه تجي وتفحط وتطلع اصوات حتى في نص الليل مرة صديقه الساعة ثنعش وشي في الليل ظل فاتح وصديقه عنده سيارة حمرة يعفط فيها وغربلنا تغربل لا جهال ينامون منه ولا يرتاحون مو حالة هذي هو منزمان فاتحنه وصبروا عليه الناس وتعاطفوا وياه المفترض الحين يروح مكان غير بعد ما زاد الاذى والضرر

هذا ابو الشكاوي مو جار
عندك شي كلم جارك
مو رايح تتشكى عليه قدام الاولي بالتالي
لا ظلت بلديه
و لا جريده
و لا .. اسلوب روائي في سرد تفاصيل بمصطلحات تنفع لانتاج فيلم سينمائي
هذا المشتكي شكله هو الجار الثامن
اللي ما تشمله وصية النبي
حشى عدو !!

ما تخجلون من وضعكم وازعاجكم للناس، أني صراحة سكنت فترة صوب الكراج، وكله مصبنه واقفه قدام الكراج، حتى استحي اشيل بنتي وهي نايمه في السيارة من كثر الرجال اللي واقفه مالي ستر الكل يبحلق عيونه، والحمدلله طلعت غيرت المكان، بس الامانه بدون زعل وبراءة للذمة الكراج مكانه مو عدل ، أتمنى صاحب الكراج يفهم ان الجيران محترمين حدهم وما عليهم كلام، والموضوع ماليه علاقة بقطع الرزق، أفهموا واتعقلوا، الجيران عندهم حريم ما يحبون هالتجمعات.

في دمتكم ليوم الدين قطع رزق الجهال

حسبي الله ونعم و الكيل
الرجال عنده عائله يبي يصرف عليهم
الا قطع الارزاق
النبي وصى بسابع جار وهي الاول وضره
ويش هل حاله

لين اتحسون ان قطع ارزاق خلو الرجال يفتح كراج عند بيوتكم افضل علشان لا ينقكع رزق الرجال

انا راضي يفتح كراح جنب بيتي

هو الخبر يوصل للجريدة مشكلة لكن بالفعل مسوي ازعاج وزيادة يجون ربعه كله لوفر ويقفون عند بيوتنا ويسوون ازعاج وسياراتهم يشتغلون فيهم لأنصاف الليالي ماعندكم انتون مرضى ولا اطفال ولا عجائز فتدافعون عنه. عطوه اهل الفريج كل الاحترام والدعم ولكنه تمادى كثيراً. المفترض بعد ما كون نفسه ماديا ينتقل لمكان آخر غير عن الفريج السكني الضيق.

قطع الاعناق ولا قطع الارزاق حسبنا لله ونعم الوكيل

..." ، اتحداك تجيب فيدوا يثبت اذا في ازعاج،، انه يوميا اطوف هناك والوضع عادي،، ولاكن معروف السبب الي يخليك تشتكي كل يوم على هالفقير العاطل،، خاف ربك،، اذا تبي تمتلك الداعوس علشان تبركن سياييرك كلم راعي الكراج وبشيل السياير رغم ان مالك حق في الباركات لان بعيد عن البيت ،، الله يشفي قلبك واذا انت ... جان ذكرت اسمك او رحت للصبي الكراج بدل التخشش وتتكلم باسم اهالي المنطقه،، انه واحد من المنطقه راضي بالكراج فلاتتكلم باسمي

يعني انته جار الكراج، يُبين انك طيب وحنون، بس بعد اعتقد لازم نحترم الجيران مثل ما نحترم صاحب الكراج، لان اللي أيده في النار في اللي أيده في البراد، والموضوع ما ليه علاقة بمواقف سيارات، اللي مكتوب في الجريدة ان زيوت وتجمع للشباب وبدون رخصة، ما ادري هل صحيح ان المكان مناسب للكراج او لا، كل واحد يعرف مدى الضرر اللي يصيده، اذا فعلا انته من الجيران فأنت إنسان طيب، بس اذا عابر سبيل اعتقد تحتاج الى اعادة النظر في تفكيرك، لازم يكون في حق للطرفين وكلشي بالعقل مو بالعاطفة????

الخبر موجود وبعد تحبون تألفون قصص قالوا تكدس سيارات وايل ما قالوا تجمع شباب الله يهديكم بس
عموما اقول لصاحب الشكوى صدقني ما بطوف فيها والله بيعاقبك على قطع رزقه اما الافلام والمسلسلات الي الكل كتبها فخلوها ليكم لو سمحتون احنه نعرف شنو نتكلم فيه اذا الجيران موافقين هو ليش محتر وقالوا اساسا بيته بعيد عن الشخص ابغي اعرف ويش يضره علمني انت قول
احين اذا الجيران راضيين انت وغيرك شنو حارنهم يا ربي وين نروح وياكم من هالدنيا الله يجير المومنيين
واساسا بيت الي مشتكي بعيد عنهم شلون تفكرون علموني

يا افع البلاء تفشلون والله الله يعينكم على روحكم

تضحكون والله تسوون افلام من ولا شي اذا هو مو ضارني ليش اضيق عليه ارحموا بعض خلاص تعبنا ويع
والا الحرة تقتلكم من تشوفون احد عنده جم ربية زيادة عنكم خوب شايفين من هالشاكلة واجد شلون هذا يستفيد وغيره لا

قطع الاعناق ولى قطع الارزاق
الله ياخد الحق

للأسف صارت هذي الشغلة ضاهرة في كثير من القرى وللأسف الثقافة واحترام الغير نوعاً ما معدوم.
من الناحية الثقافية لمو تشوف الردود ان هذا مصدر رزق ولاتشتكون على الناس.
هل الرزق على حساب مضايقة الغير ؟!
الثقافة معدومة للأسف.
خله يستأجر له محل رسمي ويشتغل ويجيب عمال وراح اكون رزقه اكثر. وبعيد عن مضايقة الغير ولا احد راح اكلمه

المشتكيي واحد متسبب يبغي ياخد هو المكان وانه ساكن في نفس المنطقة لا في ازعاج ولا شي بلاعكس صاحب الكراج خدوم واكثر من مرة اشوفه يتساعد مع اهالي المنطقة ومن دون ماياخد ديناء

قطع الأعناق ولا قطع الأرزاق

هدا مكان يترزق فيه رب أسرة عاطل عن العمل يا عديم الإحساس والضمير

الحين المشكله على الرخصه لو على الأزعاج ؟
وإذا كان على الأزعاج وكثرة السيارات يحق للجار الشكوى أولاً الى صاحب الكراج باالحل والتراضي والتفاهم وإذا كانت الشكوى على الرخصه والسجل فلا يحق له ذلك

وازعاج الجيران حلال يعني

ابغي ترسل لي فيديو واحد يثبت الازعاج اذا تقول رجال

حبيبي انا مو من المنطقة بس اقول اليك كلمة حق انا شفت المكان صوب محل فيتامين مال عصير انا شفته كلمة حق تقال المكان غير صالح ان يكون كراج هناك بيوت و عوائل بختصار

الله لا يرزقني بجار مثلك يا الشاكي

هي المكان الي شاب متزوج وعاطل عن العمل ويترزق الله عشان ياكل اعيالة بالحلال لو تسكر المكان وين يروح وشهر الله على الابواب

حبيبي الي باكل اولادة و الي يبي يعيش مو على مصالح الاخرين احترام تحترام المكان غير ماهؤل ليكون كراج ف ما في داعي الى الكلام الاتعطاف هذي الناس الي بقرب هذا المنزل بعد هم اصحاب حق في الراحة و السكينه وهذا غلط الشي بلا هرار زايد وكلام استعطاف

هي الحبيب واحد متسبب على الكل في المنطقة لا يبغي براده تفتح صوبه لا يبغي جهال يلعبون ما تم شي كل يوم رايح مركز الشرطة يشتكي على شي ...الله ياخد الحق منك

حرام عليكم قطع الرزق

حرام قطع الرزق بس في نفس الوقت الجار له ح مة وله احترام اذا كان الكراج يضايقهم ومحل تجمع للشباب الى وقت متأخر من الليل ومصدر ازعاج هل بترضى بهذا الحال؟

100%100 في خلاف سابق والا كل القرى فيها كراج في البيوت لكن وين ترتفع لنا راية ومثل هالاوادم لم ينقرضون

صح احنه من سنوات جيرانه عندهم كراج والسيارات تارسة الفريق بس ما لينا دخل فيهم لان سيارتي وباركي ما يلمسونهم وما يتجمعون في الليل المغرب يصك الكراج وخلاص
على قولتك وينه ترتفع لينه راية وهالاشكال موجودة الله المعين حسبي الله ونعم الوكيل

حرام واللة حرام قطع الرزق كفاية وهذا الكراج من زمان

مو شرط قطع رزق وتحكم بالسرعه
هناك قوانين الى افتتاح كراج واماكن مخصصة لها
اذا كان يعمل بقرب المنازل هناك يكون ازعاج دئم

اكو جيرانه عندهم كراج المغرب يخلص شغل ويسكر ولا ازعاج ولا هرار هادي حجج عشان يقطعون رزقه تحصله غيران منه خوب ناس واجد جدي يا دافع البلا الله ينتقم منهم يطالعون غيرهم على الربية خل يترزق الله ويش ضارنه احنه بسكم قطع ارزاق لبعض ما كتب ان يقعدون الشباب وهرار انزين يعني اهم شي انت تجي بيتك عندك باركك وخلاص سواءا وقف صوب بيت الجيران الثاني والا صوب احد ثاني انت مو شغلك
انزين ويش يسوي اذا ما عنده يفتح مكان ثاني حسبي الله ونعم الوكيل انتون ما ترحمون بعض

لا حبيبي
هاده قطع رزق يبغيه يطلع من المحل لانه الي مشتكي يبي المحل
ولي مشتكي انسان مريض نفسيا يحتاج الى علاج

نعم يحتاج علاج لان الى يده في الماي البار غير الى يده في الماي الحار
الكراج صحيح يفتح الى الساعة 10 في الليل الصبيان بره محد متجمعه هذا عادي
لين احد يرضى على هذا الشي يخليه يفتح صوب بيتهم احسن علشان لا ينقطع الرزق ماله

خلونا ننظر للموضوع بعقل وحكمه:
اللي يقول قطع رزق والجيران سيئين هذا حرام وفِي الذمة،
واللي يقول ان الجيران مو متضررين فهذا كلام فارغ، اللي لازم بقول هذا الكلام هو صاحب الكراج،. وليس المدعيين،الرجوله والشيمه لكل اللي يعلقون يقول حرام تقطعون رزقه، خل الجماعة يستضيفونه قرب بيوتهم وبشوف الشيمه والرجولة،،????????
وإذا صاحب الكراج فعلا مظلوم الله يأخذ الحق. خصوصا ان مراعاة الجار تقتضي احترامه بالهدوء وغض البصر عن عرضه وستره،
اعتقد أن ردود وتعليقاتكم كلها عاطفية بعيدة عن العقل والحكمة
اسمحوا لي ????

بلا هرار و كلام فاضي احترام عقول الناس و احترام الاخيرين شنو هل الكلام التافه يبي المحل كلام هرار

زائر 31 لا عاطفية ولا بطيخ احنه جيرانه عندهم كراج وساعات اوصل البيت مااحصل مكان ابرك عجل اروح اشتكي عليهم كلمناهم واحين اوكي لا تقعدون تألفون قصص ومسلسلات وخرابيط تعال منطقتنا وبراويك اي كثر كراجات موجودة من يجي المغرب يسكرون وحتى الاوعاج الي بعض يتكلم عنه احنه ما نشوفه واظن هو ماذكر سالفة ان مزعجينه وان يقعدون لنص الليل لا تألفون من عندكم هو قال وجود اثار زيت وتكدس السيارات اظن يقدر يتفاهم وياهم على فكرة احنه صوبنا مو بس كراج ثلاثة لكن محترمين روحهم وفي حالهم والله يشهد على كلامي ليوم الدين